ეკა სეფაშვილი ევროპის საბჭოს საპარლამენტო ასამბლეის საზაფხულო სესიაში მონაწილეობს

დღეს გამართულ სესიაზე ეკა სეფაშვილმა კითხვით მიმართა ევროპის საბჭოს გენერალურ მდივანს მარია პეიჩინოვიჩ ბურიჩს. კითხვა ეხებოდა რეიკიავიკის სამიტის დეკლარაციას.

„ჩვენ მივესალმებით რეიკიავიკის სამიტის დეკლარაციას და მის სულისკვეთებას, განსაკუთრებით თუ გავითვალისწინებთ რუსეთის აგრესიულ ომს უკრაინის წინააღმდეგ, საქართველოს ტერიტორიების ოკუპაციას და სხვა კონფლიქტებს მთელ მსოფლიოში. სამიტი წარმატებული იყო, მოახერხა რა სახელმწიფოს მეთაურების უმეტესობის დასწრება. ახლა საბჭო განიცდის დაფინანსების დეფიციტს. იმედია, დაფინანსების მოზიდვა შედეგს გამოიღებს. ამ მხრივ ჩვენ გვაინტერესებს სად იქნება მიმართული ეს დამატებითი ფინანსები მიმართული? რა იქნება ამ მოზიდული სახსრებით დაფინანსებული საქმიანობა? ხომ არ გეგმავს ორგანიზაცია უფრო მეტი დახარჯოს საზოგადოების ცნობიერების ამაღლებაზე , რომელიც ასახავს საბჭოს საქმიანობას?“, – ასე მიმართა ეკა სეფაშვილმა მარია პეიჩინოვიჩ ბურიჩს, რომელმაც მადლობა გადაუხადა ქართველ დეპუტატს რეიკიავიკის სამიტის შეფასებისთვის და პასუხად აღნიშნა, რომ დამატებითი სახსრები სამიტის დეკლარაციის პრიორიტეტების განხორციელებას მოხმარდება.

ინფორმაციისთვის, ევროპის საბჭოს საპარლამენტო ასამბლეის ზაფხულის სესია 19-23 ივნისს სტრასბურგში მიმდინარეობს. სესიაზე, სხვა მნიშვნელოვან თემებთან ერთად დეპუტატების კითხვებს პასუხობენ მაღალი რანგის თანამდებობის პირები. სესიაზე განსახილველ  საკითხებს შორის არის უკრაინის წინააღმდეგ რუსეთის აგრესიის პოლიტიკურ შედეგებსა და რუსი და ბელორუსი სპორტსმენების 2024 წლის პარიზის ოლიმპიადასა და პარაოლიმპიადაზე მონაწილეობა, ლაჩინის დერეფნის გავლით თავისუფალი და უსაფრთხო დაშვების უზრუნველყოფა, პოლონეთში განვითარებული ბოლო პოლიტიკური მოვლენები და სხვა.