ოთხშაბათი, ნოემბერი 18, 2026

ეთო დონდუა- ვამაყობ ჩემი ქვეყნის შესაძლებლობით , როცა ყველაზე მნიშვნელოვანია მხარში დგომა, ქართული სახელმწიფო სწორედ მაშინ დადგა ხალხის გვერდით ,მიხარია რომ ჩემი ოჯახი მანდ არის, რადგან ვიცი, უფრო დაცულები არიან

სანამ კარანტინს გამოაცხადებდნენ, წინა დღეებში მომიწია ექიმთან მისვლა, პანიკა იყო, ჩქარა დატოვეთ აქაურობაო გვითხრეს, ახლა კი, სრულ ვაკუუმში ვარ,- ამის შესახებ ესპანეთში მცხოვრებმა ეთო დონდუამ „ინფო ფოსტალიონთან“ საუბრისას თქვა.

ქართველი ემიგრანტის თქმით, პაციენტების დიდი ნაკადის გამო, საავადმყოფოები გადაიტვირთა და ადამიანები დაუცველად გრძნობენ თავს,

„ფაქტიურად, გარეთ აღარ გავდივარ, სულ სახლში ვარ, პროდუქტების მოსატანდ თუ გავალ 5 დღეში ერთხელ. ნიღაბი და კარგი ცხოვრება სად არის, ისეთ შოკში არიან, ჯერ ამასაც ვერ მოაბეს თავი, რომ ადგილზე შეკერონ. რითი გინდა, თავი დაიცვა, ხელთათმანებსაც ვერსად იშოვი. ადამიანები სიმპტომების გამოვლენისას რეკავენ ცხელ ხაზზე, რომელსაც არავინ პასუხობს. უკვე ვიცი, რომ არავის იმედად არ უნდა ვიყო. ყოველდღე აცხადებენ, რომ ეპიდემია უკან დაიხევს, მაგრამ პირიქით ხდება“,-ამბობს ეთო დონდუა.

მისივე თქმით, ესპანეთში მოსახლეობამ თავდაპირველად საშიშროება ვერ გააცნობიერა, რამაც სავალალო შედეგი გამოიღო.

„სასაცილოდაც არ ყოფნიდათ, ნუ პანიკობთ, ჩვეულებრივი ვირუსიაო. სამსახურებიდან რომ დაითხოვეს, ნაცვლად იმისა, სახლში მჯდარიყვნენ, გადაივსო კაფეები და შესაბამისი შედეგიც დადგა. მე მჯერა, რომ სიტუაცია სწორედ ამან გაართულა. ჯარიმები რომ არ შემოეღოთ, დარწმუნებული ვარ, ხალხი არ დაემორჩილებოდა და მაინც გარეთ ივლიდნენ,  თუმცა ახლა ძალიან შეშინებულია ყველა. გარეთ გასვლისას მხოლოდ უახლოესი მარკეტით და აფთიაქით შეგიძლია სარგებლობა. კარანტინში ვართ უკვე 2 კვირა, 14-ში გამოცხადდა და წესით აღარ უნდა იმატებდეს შემთხვევები, მაგრამ პირიქით ხდება. ამის მიზეზი შეიძლება ისაა, რომ პირებს, ვისაც სპეციალური საბუთი ჰქონდა სამსახურიდან, გარეთ სიარული შეეძლოთ, გადაადგილდებოდნენ თავისუფლად, ორშაბათიდან კანონი გაამკაცრეს და ამ ეტაპზე მარტო მედპერსონალი, მარკეტის და აფთიაქის თანამშრომლებს შეუძლიათ გადაადგილება. ქართველებს მხოლოდ სატელეფონო ურთიერთობა გვაქვს ერთმანეთთან, ესპანელები ძალიან დაგვეხმარნენ იმით, რომ ხელფასებს გვინარჩუნებენ.

რაც შეეხება საქართველოს, მიხარია, რომ ჩემი ოჯახი მანდ არის, რადგან ვიცი, უფრო დაცულები არიან. ვამაყობ ჩემი ქვეყნის შესაძლებლობით და ძალიან იმედიანად ვარ. როცა ყველაზე მნიშვნელოვანია მხარში დგომა, ქართული სახელმწიფო სწორედ მაშინ დადგა ხალხის გვერდით. “,-ამბობს ეთო დონდუა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

„გიგა სასიკვდილოა? შენ გაჩვენებ სეირს!“ – ხმაური იყო სასამართლოში, სადაც გიგა ავალიანის საქმეზე დაკავებული ნია იმნაძისა და ანასტასია ბერუაშვილის პროცესი უნდა გაიმართოს

თბილისის საქალაქო სასამართლოში, სადაც გარდაცვლილი მასწავლებლის გიგა ავალიანის საქმეზე დაკავებული ორი არასრულწლოვნის, ნია იმნაძისა და ანასტასია ბერუაშვილის სასამართლო პროცესი უნდა გაიმართოს, ხმაური იყო.გიგა ავალიანის დედის, ეკა კუპატაძის გაღიზიანება სასამართლოს შენობაში ბრალდებულ ნია იმნაძის ადვოკატის, გიორგი ლეკიშვილის შესვლამ გამოიწვია, რომელმაც რამდენიმე დღის წინ საჯარო ვიდეომიმართვა გამოაქვეყნა.„გიგა სასიკვდილოა? შენ გაჩვენებ სეირს, შენ გაგებინებ პასუხს! უპასუხე, გიგა სასიკვდილოა?",- მიმართა ეკა კუპატაძემ ადვოკატს.სიტუაცია მანდატურის სამსახურის თანამშრომლებმა განმუხტეს.„ეს არასრულწლოვნები დუმილის უფლებას იყენებენ, ასე რომ, ისინი არ დაიკითხებიან. საქმეში მყარი და პირდაპირი მტკიცებულებებია, დარწმუნებული ვარ, ამ მტკიცებულებებს გაიზიარებს სასამართლო და მაქსიმალურ სასჯელს მიუსჯის. ერთი რამ მინდა ვთქვა, როცა დანაშაულს სჩადის არასრულწლოვანი, მაშინ ხომ არის დანაშაულისთვის მომწიფებული? ასევე მიმღებლობა უნდა ჰქონდეს სასჯელის ზომის მიმართ. ის, რომ არასრულწლოვანია და გოგონაა, არ ამართლებს იმ სასტიკ დანაშაულს, რომელიც ჩაიდინეს. არავისგან წუხილი არ დაფიქსირებულა, უფრო მეტიც, ინტენსიურ რეჟიმში ნია იმნაძის ოჯახი, მისი ადვოკატი, მათი წრე აქტიურად თავს გვესხმის. უზრდელი სიტყვებით, საცინლად იგდებენ ამხელა მკვლელობას, არავის არაფერს ვაპატიებ!თქვენ შეგნებულად არ დაგისვამთ კითხვა და მადლობა, ამისთვის, დიახ, პროფესიონალს დღეს ჩემთვის არ უნდა დაესვა. ყბადაღებულ ვიდეოსთან დაკავშირებით ვიტყვი ჩემს სათქმელს, რაც ადვოკატმა გიორგი ლეკიშვილმა გაავრცელა. პირველ წინადადებაში -"არავინ იმსახურებს სიკვდილს, თუმცა, გიგა ავალიანი იმსახურებს სიკვდილს"! ამისთვის ის მთელი სიმკაცრით აგებს პასუხს, ვპირდები გიგა ავალიანს! მეორე წინადადება - სხვისი დანაშაულისთვის სხვა არ უნდა დაისაჯოს. გიორგი ლეკიშვილი პასუხს აგებს თავისი დანაშაულისთვის და არა სხვისი დანაშაულისთვის",- განაცხადა კუპატაძემ.

„ჯორჯიან უოთერ ენდ ფაუერი“ – საბურთალოზე, მაგისტრალურ წყალსადენზე ავარიული დაზიანების აღდგენითი სამუშაოები ინტენსიურ რეჟიმში გრძელდება

„ჯორჯიან უოთერ ენდ ფაუერი“ საბურთალოზე მიმდინარე სამუშაოების შესახებ განახლებულ ინფორმაციას ავრცელებს.კომპანიის ცნობით, საბურთალოზე, მიცკევიჩისა და გამრეკელის ქუჩების კვეთასთან, 1200 მმ-იან მაგისტრალურ წყალსადენზე ავარიული დაზიანების აღდგენითი სამუშაოები ინტენსიურ რეჟიმში გრძელდება.მათივე ინფორმაციით, მიმდინარეობს წყლის ამოტუმბვისა და დაზიანებული მილის აღდგენითი სამუშაოები.„წყალმომარაგების დაზიანებული მილის რეაბილიტაციის დასრულებისთანავე დაიწყება საგზაო ინფრასტრუქტურის მოწესრიგება, რის შემდეგაც გამრეკელის ქუჩაზე ავტოტრანსპორტის მოძრაობა სრულად აღდგება.ჯივიპი სრულად იღებს პასუხისმგებლობას და უზრუნველყოფს მოსახლეობისთვის მიყენებული ზიანის ანაზღაურებას. მოქალაქეები, რომელთა საცხოვრებელი ფართიც მნიშვნელოვნად დაზიანდა, კომპანია ალტერნატიული საცხოვრებელი ფართით უზრუნველყოფს. ამასთანავე, კომპანიის სპეციალურმა ჯგუფებმა ადგილზე უკვე მოახდინეს როგორც უძრავი, ისე მოძრავი ქონების დაზიანების პირველადი შეფასება. მიყენებული ზიანი თითოეულ მოქალაქეს აუნაზღაურდება.ინციდენტის მიმდებარე ტერიტორიისა და ადგილობრივი მოსახლეობისთვის დამატებითი დისკომფორტის თავიდან აცილების მიზნით ჯივიპიმ ინციდენტის დადგომისთანავე უზრუნველყო აბონენტების წყალმომრაგების ალტერნატიულ ქსელზე გადართვა, შესაბამისად, წყალმომარაგება შეუფერხებლად მიმდინარეობს“, – ნათქვამია „ჯორჯიან უოთერ ენდ ფაუერის“ ინფორმაციაში. 

ხვიჩა კვარაცხელია Globe Soccer Awards-ის 2026 წლის საუკეთესო ფეხბურთელის ჯილდოზეა წარდგენილი!

მეგობრებო! ხვიჩა კვარაცხელია Globe Soccer Awards-ის 2026 წლის საუკეთესო ფეხბურთელის ჯილდოზეა წარდგენილი!ყველაზე მთავარი! აქ ხმის მიცემა ჩვენ, ყველას შეგვიძლიაშეგვიძლია დავატრიალოთ სასწაული? გიტოვებთ ხმის მიცემის ბმულს https://vote.globesoccer.com/vote/best-men-player-2026/

საქართველოს ტექნიკური უნივერსიტეტის რექტორი პოეტ ალექსანდრე (საშა) გველესიანის გარდაცვალების გამო სამძიმარს გამოთქვამს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელით, ღრმა მწუხარებას გამოთქვამს უნივერსიტეტის კურსდამთავრებულის, პოეტ ალექსანდრე (საშა) გველესიანის გარდაცვალების გამო და სამძიმარს უცხადებს მის ოჯახს, ახლობლებს, მეგობრებს, კოლეგებსა და მისი შემოქმედების თაყვანისმცემლებს.სამძიმრის წერილს საქართველოს ტექნიკური უნივერსიტეტი ავრცელებს.„ალექსანდრე (საშა) გველესიანის გარდაცვალებით ქართულმა საზოგადოებამ დაკარგა შემოქმედი, რომლისთვისაც პოეზია იყო შინაგანი სამყაროს, ადამიანური განცდების, სულიერი ფასეულობებისა და ცხოვრებისეული გამოცდილების გამოხატვის განსაკუთრებული საშუალება. მისი შემოქმედება, პოეტური სიტყვა და პიროვნული დამოკიდებულება კულტურისა და ლიტერატურისადმი იმ შემოქმედებითი მემკვიდრეობის ნაწილია, რომელიც მკითხველთა მეხსიერებაში დარჩება.განსაკუთრებით ემოციური და სიმბოლური დატვირთვა აქვს იმ გარემოებას, რომ პოეტის ბოლო პოეზიის საღამო მის ალმა-მატერში - საქართველოს ტექნიკური უნივერსიტეტის თეატრ-სტუდია „მოდინახეში“ გაიმართა. ეს იყო ერთგვარი სულიერი დაბრუნება იმ აკადემიურ და შემოქმედებით გარემოში, რომელიც მისი ცხოვრების, შემოქმედებითი გზისა და პიროვნული მოგონებების განუყოფელ ნაწილს წარმოადგენდა. მშობლიური უნივერსიტეტის სცენაზე წარმოთქმული მისი პოეტური სიტყვა, შეხვედრა მსმენელთან, შემოქმედების გაზიარება და ის ემოციურად სისხლსავსე ატმოსფერო, რომელიც თან ახლდა ამ საღამოს, საუნივერსიტეტო საზოგადოების მეხსიერებაში განსაკუთრებულ მოგონებად დარჩება.დღეს, პოეტის გარდაცვალების შემდეგ, ეს უკანასკნელი შეხვედრა, უკანასკნელი პოეზიის საღამო კიდევ უფრო მეტ მნიშვნელობას იძენს. თითქოს მისმა პოეზიამ თვითონ აირჩია სიმბოლური დასასრული - დაბრუნება მშობლიურ უნივერსიტეტში, იმ სივრცეში, სადაც ცოდნა, მეცნიერება, საინჟინრო აზროვნება, სახელოვნებო ტრადიციები თაობებს აერთიანებს.ამ მძიმე წუთებში თანავუგრძნობთ განსვენებულის ოჯახს, ახლობლებსა და მეგობრებს. ვიზიარებთ მათ ტკივილს და ვუსურვებთ გამძლეობას ამ უდიდესი დანაკარგის გადასატანად.ალექსანდრე (საშა) გველესიანის ხსოვნა დაივანებს მის პოეზიაში, მის მიერ დატოვებულ სიტყვაში და იმ ადამიანების გულებში, რომელთათვისაც მისი შემოქმედება ძვირფასი იყო; მისი უკანასკნელი პოეზიის საღამო კი, სამუდამოდ დარჩება იმ თბილ და ემოციურ მოგონებად, რომელიც პოეტსა და მის ალმა-მატერს შორის არსებულ სულიერ კავშირს განსაკუთრებული სიმძაფრით წარმოაჩენს“, - აღნიშნულია სამძიმრის წერილში.ცნობისთვის, ალექსანდრე გველესიანის ავტორობით გამოიცა ხუთი პოეტური კრებული - „ქარის წისქვილები“ „სულ ცოტა...“, „ლექსები“, „ასათიანის 22“ და „მე - დიდი დათვი“.

მებაჟე ოფიცრებმა შსს-ს წარმომადგენლებთან თანამშრომლობით, საფოსტო გზავნილში განსაკუთრებით დიდი ოდენობით ნარკოტიკული საშუალება აღმოაჩინეს

ფინანსთა სამინისტროს შემოსავლების სამსახურის ,,თბილისის აეროპორტის“ გაფორმების ეკონომიკური ზონის მებაჟე ოფიცრებმა საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებთან კოორდინაციით, ერთობლივად ჩატარებული საბაჟო პროცედურებისა და საგამოძიებო მოქმედებების ფარგლებში, საფოსტო გზავნილში განსაკუთრებით დიდი ოდენობით ნარკოტიკული საშუალების საქართველოს ტერიტორიაზე უკანონოდ შემოტანის ფაქტი აღკვეთეს.საბაჟო კონტროლის ფარგლებში, საფოსტო გზავნილის რენტგენო ინსპექტირების სისტემით დათვალიერების შედეგად, რუსეთის ფედერაციიდან გამოგზავნილ ამანათში თმის მოვლის საშუალებისთვის განკუთვნილ ხუთ პლასტმასის ჰერმეტულ ქილაში მალულად განთავსებული 5 კილოგრამზე მეტი ,,მეფედრონი" აღმოაჩინეს.გამოძიებას აწარმოებს საქართველოს შინაგან საქმეთა სამინისტრო.

ბოლო სიახლეები