დათო ტურაშვილი: პაპუაშვილი რატომ უნდა იყოს პარლამენტის თავმჯდომარე, რა გააკეთა, მე გამომრჩა რამე?
Read Time:54 Second
ხელისუფლებამ თავის თავს დააბრალოს რაც მოუვა იმის გამო, რომ ამაზე მეტი სოლიდარობა არ აქვს უკრაინის მიმართ. მე არ ვდარდობ, რომ მას არ აქვს მკვეთრი პოზიცია, – ამის შესახებ მწერალმა დათო ტურაშვილმა “ტვ პირველის” ეთერში განაცხადა.
მისთვის გაუგებარია პარლამენტის თავმჯდომარის წერილი, რომელიც მან რადას თავმჯდომარეს მიწერა:
“მე არ ვდარდობ, რომ საქართველოს ხელისუფლებას არ აქვს უკრაინის მხარდაჭერის მიმართ მკვეთრი პოზიცია. ეს თავის თავს დააბრალონ, რაც მოუვათ ამის გამო. შოთა რუსთაველის და ვაჟა ფშაველას ქვეყანას ამაზე მეტი სოლიდარობა რომ არ გააჩნიათ მათ მიმართ, ვისაც უჭირთ და ბავშვებს უკლავენ, ასზე მეტი ბავშვია მკვდარი. ასეთი რამე მართლა წარმოუდგენელია, ფაშისტებს არ გაუკეთებიათ, რასაც ახლა აკეთებს პუტინის არმია. ვინც ვერ ხვდება, ვისკენ უნდა იყოს ახლა, ეს მათი პრობლემაა.
სხვათა შორის პარლამენტის თავმჯდომარის შალვა პაპუაშვილის წერილი წავიკითხე… ჯერ ერთი რატომ უნდა იყოს დამოუკიდებელი საქართველოს პარლამენტის თავმჯდომარე ვიღაც პაპუაშვილი, რა გააკეთა საქართველოს დამოუკიდებლობისთვის. შეიძლება მე გამომრჩა და ყველას ვეკითხები, როგორ გახდა ეს კაცი პარლამენტის თავმჯდომარე, მაგრამ ამას თავი დავანებოთ. წერილს წერს უკრაინის რადას თავმჯდომარეს, რომ თქვენ რომ გგონიათ, ჩვენ თქვენსკენ არ ვართ, სინამდვილეში თქვენსკენ ვართო. ჰგონიათ, რომ მათ არ იციან? – ყველაფერი იციან, ყველა სიტყვა და ბგერა,” – განაცხადა დათო ტურაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
