დავით უსუფაშვილი: “ოცნებამ” ტოლობის ნიშანი დასვა თავდაცვის საჭიროებასა და ომის მოწოდებას შორის – მათმა სუპერ არაკვალიფიციურობამ გამაოცა
Read Time:55 Second
“ოცნებამ” ტოლობის ნიშანი დასვა თავდაცვის საჭიროებასა და ომის მოწოდებას შორის – მათმა სუპერ არაკვალიფიციურობამ გამაოცა, – ამის შესახებ “ლელოს” ერთ-ერთმა ლიდერმა დავით უსუფაშვილმა “ტვ პირველის” ეთერში განაცხადა:
“გამაოცა ჩვენი ხელისუფლების… სიტყვებსაც ვერ ვპოულობ, სუპერარაკვალიფიციურობამ. მათ პრაქტიკულად ტოლობის ნიშანი გაავლეს ქვეყნის თავდაცვის საჭიროებებსა და ომის მოწოდებას შორის. მეც, “ლელოც”, ჩვენი ბევრი თანამოქალაქე, კოლეგა თუ ექსპერტი როცა მთავრობას ეუბნება, რომ ქვეყანა მზად უნდა იყოს თავდაცვისთვის. ეს კონსტიტუციაში წერია. ეს თითოეული მოქალაქის ვალია და ამიტომ გვყავს შეიარაღებული ძალები, სახელმწიფო და ა. შ. როცა ვეუბნებით, რომ მეტი უნდა გააკეთოთ იმისათვის, რომ ქვეყანა იყოს მზად შესაძლო თავდასხმის შემთხვევაში ქვეყნის თავდაცვისთვის, ამას გვითვლიან საომარ რიტორიკად, თითქოს ჩვენ რაიმე აგრესიულ ნაბიჯებს ვდგამთ.
გახსენდებათ მთავრობის მეთაურის ან სხვა ლიდერის რაიმე განცხადება, როგორც ოპოზიციის მიმართ არიან ყოჩაღები, ასეთივე სიყოჩაღით ეთქვათ, რომ ყველამ იცოდეს, საქართველო თავისუფალი ქვეყანა ვართ, ხალხი ვართ დამოუკიდებელი და ჩვენ არავის არაფერს დავუთმობთ, თუ ვინმე გაბედავს აგრესიასო?! ამ სიტყვების თქმა, ომის რიტორიკაა?! თუ ეს არის კონსტიტუციური ვალდებულებისა და პატრიოტული ვალდებულების შესრულება, რომ საქართველოს მოქალაქეებს ჰქონდეთ განცდა, რომ ჩვენ ყველაფერს ვაკეთებთ იმისთვის, რომ ომი არ მოხდეს და საერთაშორისო საზოგადოებასთან ერთად ყოფნით. ამის ნაცვლად დაკავებულები არიან ისრების სხვა მიმართულებით სროლით,” – განაცხადა დავით უსუფაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
