გიორგი ვოლსკი: ნებისმიერი პოლიტიკური სუბიექტი, რომელიც გადაწყვეტს, რომ თანამშრომლობა არის ქვეყნის გადარჩენის და სწორ გზაზე სიარულის ერთადერთი გზა, მხარდაჭერილი უნდა იყოს ყველას მხრიდან
Read Time:59 Second
ნებისმიერი პოლიტიკური სუბიექტი, რომელიც გადაწყვეტს, რომ თანამშრომლობა არის ქვეყნის გადარჩენის და სწორ გზაზე სიარულის ერთადერთი გზა, მხარდაჭერილი უნდა იყოს ყველას, პოლიტიკოსების, მედიისა და საზოგადოების მხრიდან, – ამის შესახებ საქართველოს პარლამენტის პირველმა ვიცე-სპიკერმა, გიორგი ვოლსკის განაცხადა.
დეპუტატს მიაჩნია, რომ პოლიტიკურ მხარეებს შორის კონსულტაციებსა და პარლამენტში საქმიანობას ალტერნატივა არ აქვს.
„პასუხისმგებლობის აღებას ვგულისხმობ არა მხოლოდ ქართული საზოგადოების, არამედ საერთაშორისო პარტნიორების მიმართ, რომლებსაც მსოფლიოში მიმდინარე ურთულესი პროცესების ფონზე კავკასიაში ისეთი სტაბილური მოკავშირე სჭირდებათ, როგორიც საქართველოა თავისი ყველა მონაცემით, განსაკუთრებით ევროატლანტიკურ სტრუქტურებში ინტეგრაციის თვალსაზრისით.
პასუხისმგებლობა ის მთავარი განმაპირობებელი ფაქტორია, რითაც ნებისმიერი პოლიტიკური სუბიექტი უნდა ხელმძღვანელობდეს. ჩემი ნეგატიური დამოკიდებულების მიუხედავად, ნებისმიერი პოლიტიკური სუბიექტი, რომელიც გადაწყვეტს, რომ თანამშრომლობა არის ქვეყნის გადარჩენის და სწორ გზაზე სიარულის ერთადერთი გზა, მხარდაჭერილი უნდა იყოს ყველას მხრიდან”, – განაცხადა გიორგი ვოლსკიმ.
ხელისუფლებასა და ოპოზიციას შორის მოლაპარაკების მეხუთე რაუნდის მოლოდინის პარალელურად, არჩევნებში ბარიერგადალახული ოპოზიციური პარტიები ერთმანეთთან კონსულტაციებს მართავენ. ასეთი შეხვედრა „მოქალაქეებსა“ და „გირჩს“ შორის გუშინ შედგა.
„გირჩის“ ინიციატივაა, რომ რეალურ საარჩევნო რეფორმაზე შეთანხმების შემთხვევაში, თვითმმართველობის არჩევნებს პლებისციტის ფუნქცია მიენიჭოს. შესაბამისად, თუ ჯამურად ოპოზიცია გაიმარჯვებს, 2022 წელს ახალი საპარლამენტო არჩევნები უნდა დაინიშნოს. წაგების შემთხვევაში, კი აღიარონ, რომ გაყალბება სულაც არ ყოფილა იმ მასშტაბის, რის მტკიცებასაც თავად ცდილობენ. „გირჩი“ და „მოქალაქეები“ ამ მიზნით, ოპოზიციასთან შეხვედრებს იწყებენ. განსხვავებული შეხედულება აქვთ ოპოზიციის სხვა წარმომადგენლებს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
