გიორგი გახარია: ჩემთვის ზვიად გამსახურდიას, ისევე როგორც მერაბ კოსტავას სახელები ქვეყნის დამოუკიდებლობას უკავშირდება
Read Time:32 Second
შინაგან საქმეთა მინისტრი გიორგი გახარია ზუგდიდში, ივერიის ღვთისმშობლის მშენებარე ტაძარში საქართველოს პირველი პრეზიდენტის ზვიად გამსახურდიას 80 წლის იუბილესთან დაკავშირებით პანაშვიდს დაესწრო. როგორც მინისტრმა განაცხადა, მისთვის ზვიად გამსახურდიას, ისევე როგორც მერაბ კოსტავას სახელები ეროვნულ მოძრაობას და ქვეყნის დამოუკიდებლობას უკავშირდება.
„ბევრი ქართველისთვის, ისევე როგორც თითოეული ადამიანისთვის საკმაოდ ემოციურია ეს ყველაფერი. ჩემთვის პირადად ზვიად გამსახურდიას, ისევე როგორც მერაბ კოსტავას სახელები უკავშირდება ეროვნულ-განმათავისუფლებელ მოძრაობას, შემდეგ უკვე ჩვენი ქვეყნის დამოუკიდებლობას და, რა თქმა უნდა, პირველ პრეზიდენტს. უაღრესად დიდი ვალდებულება გვაქვს თითოეულ ჩვენგანს, რომ ეს უდიდესი მიღწევა, მეოცე საუკუნის დამოუკიდებლობა, სახელმწიფოებრიობა და პირველი პრეზიდენტი დიდი პატივისცემით და ღირსებით მოვიხსენიოთ. მე ვფიქრობ, რომ ეს მხოლოდ და მხოლოდ გაამყარებს ჩვენს სახელმწიფოებრიობას“, – განაცხადა გიორგი გახარიამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0