გივი მიქანაძე – ოპოზიცია შოვის ტრაგედიით სპეკულირებს, მათ მიერ საგამოძიებო კომისიის შექმნის მოთხოვნა უსაფუძვლოა, საკითხს უმრავლესობის მხარდაჭერა ვერ ექნება
3 აგვისტოს სტიქიური უბედურების პრევენცია ფიზიკურად შეუძლებელი იყო, რასაც დარგის ექსპერტები და შესაბამისი დასკვნები ადასტურებენ, – ამის შესახებ საქართველოს პარლამენტის განათლების კომიტეტის თავმჯდომარემ, გივი მიქანაძემ განაცხადა.
მისივე თქმით, ოპოზიციის ნაწილი უდიდესი ტრაგედიის ფონზე სრულიად მიუღებელ სპეკულაციებს აგრძელებს.
მიქანაძის განცხადებით, დროებითი საგამოძიებო კომისიის შექმნის მოთხოვნა უსაფუძვლო, უადგილოა და მას უმრავლესობის მხარდაჭერა არ ექნება.
„მთელმა საზოგადოებამ, საერთაშორისო პარტნიორებმა, ყველამ დაინახა, რომ სახელმწიფოს მხრიდან რეაგირება იყო მყისიერი და ადამიანების სიცოცხლის გადასარჩენად ყველაფერი გაკეთდა. 3 აგვისტოს თავსდატეხილი სტიქიური უბედურების პრევენცია ფიზიკურად შეუძლებელი იყო, რასაც დარგის ექსპერტები და შესაბამისი დასკვნები ადასტურებენ. ჩვენი გმირი მაშველები და ჯარისკაცები 24-საათიან რეჟიმში სტიქიის ადგილზე არიან და სამაშველო ოპერაციებს აგრძელებენ. ამ დროისთვის დაკარგულია 12 ადამიანი. ჩართულია ყველა საჭირო ტექნიკური საშუალება და გაზრდილია არეალი, სადაც სამაშველო სამუშაოები მიმდინარეობს. ამ ფონზე ოპოზიცია ჩვეულ რიტორიკას არ ღალატობს და ასეთი დიდი ტრაგედიით სპეკულირებს. ოპოზიცია არ აპირებს, კონცენტრირდეს ქვეყნისთვის მნიშვნელოვან საკითხებზე, რომლებიც დაკავშირებულია ევროინტეგრაციასთან, დეპოლარიზაციასთან, ასევე სხვა საკითხებთან და აუცილებელია შემდგომი განვითარებისთვის. ცდილობენ, ასეთი მძიმე ტრაგედიაც კი პოლიტიკური ქულების დაწერისთვის გამოიყენონ. პარლამენტის საგამოძიებო კომისიის ინიციირება სწორედ ამ მიზნით არის გამსჭვალული და საკითხს უმრავლესობის მხარდაჭერა ვერ ექნება. მათ სურთ, საზოგადოების წინაშე წარმოაჩინონ, თითქოს ხელისუფლებამ ყველაფერი არ გააკეთა მაშინ, როცა საზოგადოება დეტალურად ხედავს, რა საშუალებებით, როგორი რეაგირებით მოქმედებს ხელისუფლება. დროებითი საგამოძიებო კომისიის შექმნის მოთხოვნა უსაფუძვლო და უადგილოა. ოპოზიციას შეუძლია, სხვა საპარლამენტო მექანიზმებით ისარგებლოს და კითხვები დასვას“, – განაცხადა გივი მიქანაძემ.
About Post Author
ქეთევან ნინუა
Comments
გია მურღულია: გიყვარდეს – არ ითამაშო. მხოლოდ მაშინ შეიძლება, ყველაფერს აზრი მიეცეს
გიყვარდეს - არ ითამაშო. მხოლოდ მაშინ შეიძლება, ყველაფერს აზრი მიეცეს,- ამის შესახებ ფილოლოგი გია მურღულია სოციალურ ქსელში წერს. „ნაცნობი მელოდია...
დიმიტრი ხუნდაძე: ჩინეთთან ურთიერთობა არის ჩვენთვის მნიშვნელოვანი, როგორც შუა დერეფნის ერთ-ერთი აქტიური წარმომადგენლის და მნიშვნელოვანი აქტორის
საქართველოს ჩინეთთან ეკონომიკური თანამშრომლობის მნიშვნელობაზე ისაუბრა ჟურნალისტებთან „ხალხის ძალის“ გენერალურმა მდივანმა დიმიტრი ხუნდაძემ. როგორც მან აღნიშნა, საქართველო გეოგრაფიულად წარმოადგენს გზაჯვარედინს...
ნიკა გვარამია: ან გააუქმეთ ეს კანონი, ან ბოლომდე აიღეთ პასუხისმგებლობა – ესაა ზურაბიშვილის ვეტოს შინაარსი და ეს სწორი, გონივრული გადაწყვეტილებაა
„ოცნება“ ვერანაირ განხილვაში ვერ შევა, ვერც საზოგადოებას ვერ ჩაითრევს ფსევდოპროცესში და ვერც ევროპელებს მოატყუებს კანონის ფსევდოგამოსწორებით,- ამის შესახებ პარტია "ახალი"-ს...
ეს არის რუსული ვეტო, უარგუმენტო, არაფრის მთქმელი, უშინაარსო, ანტიეროვნული და საკუთარი ქვეყნის ინტერესების საწინააღმდეგო – დავით მათიკაშვილი
ეს არის რუსული ვეტო, უარგუმენტო, არაფრის მთქმელი, უშინაარსო, ანტიეროვნული და საკუთარი ქვეყნის ინტერესების საწინააღმდეგო, - განაცხადა პარლამენტის იურიდიულ საკითხთა კომიტეტის...
მიხეილ სააკაშვილი: თურქეთს, მხარდაჭერის იმედით, საქართველოს სახელისუფლებო დელეგაცია ეწვია – როგორც ადრე, თურქეთი ახლაც ისტორიის სწორ მხარეს დგას
“თურქეთს, მხარდაჭერის იმედით, საქართველოს სახელისუფლებო დელეგაცია ეწვია. მასპინძლების პასუხი იყო, რომ ყველაფერი მშვიდობიანად და ქართველი ხალხის ინტერესების სასარგებლოდ უნდა დამთავრდეს.”...
მარიამ ლაშხი 4 ქვეყნის საგარეო საქმეთა მინისტრებზე: ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი – მოვუწოდებ, კიდევ ერთხელ გადაავლონ თვალი რა ტიპის მიტინგზე მიიღეს მათ მონაწილეობა
ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი, - ამის შესახებ საგარეო ურთიერთობათა კომიტეტის თავმჯდომარის პირველმა მოადგილემ, მარიამ...