გივი მიქანაძე: ამ კვირის განმავლობაში მეორედ, ძალიან მაღალი რანგის ოფიციალური პირისგან გავიგეთ მოწოდება, რომ 12-პუნქტიანი გეგმის შესრულება არ არის მხოლოდ ხელისუფლების პასუხისმგებლობა
Read Time:45 Second
ამ კვირის განმავლობაში მეორედ, ძალიან მაღალი რანგის ოფიციალური პირისგან გავიგეთ მოწოდება, რომ 12-პუნქტიანი გეგმის შესრულება არ არის მხოლოდ ხელისუფლების პასუხისმგებლობა და აქ თავისი წილი პასუხისმგებლობა უნდა იგრძნოს ოპოზიციამაც, – ამის შესახებ საპარლამენტო უმრავლესობის წევრმა გივი მიქანაძემ განაცხადა.
„ეს ვიზიტი იყო კიდევ ერთი დადასტურება იმისა, რომ საქართველოს ჰყავს ძალიან დიდი მეგობარი და მხარდამჭერი ევროკავშირში. ეს ღიად და აშკარად გამოხატა გერმანიის კანცლერმა პრემიერ-მინისტრთან ჩატარებული პრესკონფერენციის დროს, სადაც გერმანიის პირველმა პირმა ცალსახად და მტკიცედ განაცხადა, რომ საქართველო არის ევროპის ოჯახის წევრი, აუცილებლად დაიმკვიდრებს თავს ევროპულ ოჯახში და ამისთვის გერმანია მზად არის მაქსიმალურად ხელი შეუწყოს. ამ კუთხით ჩვენ უკვე ამ კვირის განმავლობაში მეორედ, ძალიან მაღალი რანგის ოფიციალური პირისგან გავიგეთ მოწოდება, რომ 12-პუნქტიანი გეგმის შესრულება არ არის მხოლოდ ხელისუფლების პასუხისმგებლობა და აქ თავისი წილი პასუხისმგებლობა უნდა იგრძნოს ოპოზიციამაც“,- აღნიშნა გივი მიქანაძემ.
პრემიერ-მინისტრ ირაკლი ღარიბაშვილის გერმანიაში ვიზიტის ფარგლებში გერმანიის კანცლერმა ოლაფ შოლცმა განაცხადა, რომ საქართველოს ევროპული პერსპექტივისთვის მნიშვნელოვანია ყველა პოლიტიკური ძალის ერთობლივი ძალისხმევა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
