გახარია-ჩვენი რეაქცია არ უნდა იყოს არც შიში, არც პანიკა, ჩვენი რეაქცია უნდა იყოს თამამი და ძალზე ეფექტური
Read Time:34 Second
ჩვენი რეაქცია არ უნდა იყოს არც შიში, არც პანიკა, ჩვენი რეაქცია უნდა იყოს თამამი და ძალზე ეფექტური,- ამის შესახებ საქართველოს პრემიერ-მინისტრმა გიორგი გახარიამ ეროვნული უსაფრთხოების საბჭოს სხდომის შემდეგ ბრიფინგზე განაცხადა. მისი თქმით, საქართველო მზადაა, რომ კორონავირუსთან დაკავშირებით გამოწვევას სათანადოდ უპასუხოს. „მინდა კიდევ ერთხელ ჩვენს მოქალაქეებს მოვუწოდო, ეს არის გლობალური გამოწვევა, ეს არის გამოწვევა, რომელზეც ჩვენი რეაქცია არ უნდა იყოს არც შიში, არც პანიკა, ჩვენი რეაქცია უნდა იყოს თამამი და ძალზე ეფექტური. დღეს მთელი დღის განმავლობაში ჩვენ გვქონდა შეხვედრები როგორც სპეციალური უწყებათაშორისი საბჭოს ფარგლებში, ასევე ჩვენს საერთაშორისო პარტნიორებთან, კერძო სექტორთან, სამედიცინო სექტორთან, რომლის მზაობაც ვირუსის წინააღმდეგ ბრძოლისთვის, არის მნიშვნელოვანი და მე თამამად შემიძლია გითხრათ, რომ ქვეყანა მზადაა იმიისთვის, რომ ამ გამოწვევას სათანადოდ უპასუხოს“,- განაცხადა გახარიამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
