გაერო-ს გენერალური მდივანი: დღეს მსოფლიოში „სიგიჟის ქარი“ ქრის
Read Time:36 Second
ადრე მე იმედის ქარზე ვისაუბრე, მაგრამ დღეს მსოფლიოში „სიგიჟის ქარი“ ქრის, – ამის შესახებ გაეროს გენერალურმა მდივანმა, ანტონიო გუტიერეშმა განაცხადა. მისივე თქმით, მსოფლიო დღეს გაცილებით არაპროგნოზირებადი და უკონტროლოა და შესაძლოა, ყველაფერი კიდევ უფრო გაუარესდეს. გუტიერეშმა მსოფლიოში მიმდინარე კონფლიქტებსა და გარემოს დაცვის საკითხებზე ისაუბრა.
“ეჭვგარეშეა, ხალხს ბევრი რამ აქვს სათქმელი. არეულობა ქუჩებსა და მოედნებზე მთელი მსოფლიოს მასშტაბით იმას ნიშნავს, რომ ხალხს უნდა, მათ მოუსმინონ. მათ უნდათ, რომ მსოფლიო ლიდერებმა მათ ღელვას უპასუხონ და ეფექტურად იმოქმედონ.
ადრე მე იმედის ქარზე ვისაუბრე, მაგრამ დღეს მსოფლიოში „სიგიჟის ქარი“ ქრის. დაწყებული ლიბიიდან იემენამდე, სირიამდე და მის მიღმა ესკალაცია დაბრუნდა… ყველა სიტუაცია განსხვავებულია, მაგრამ მზარდი არასტაბილურობა და დაძაბულობა ყველაფერს განუსაზღვრელად და უკონტროლოდ აქცევს. დიდი რისკია, რომ ვეღარც გავთვალოთ რა შეიძლება მოხდეს. როგორც ხედავთ ერთი პრობლემა მეორეს კვებავს“,- განაცხადა გუტიერეშმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
