ბოკერია პრეზიდენტის მიღებაზე: მტერსაც უნდა ელაპარაკო, მაგრამ ეს არ უნდა იყოს დეკორაცია ან სიმულაცია
Read Time:47 Second
მტერსაც უნდა ელაპარაკო, მაგრამ ეს არ უნდა იყოს დეკორაცია ან სიმულაცია, – ასე ეხმაურება პრეზიდენტის დღევანდელ მასპინძლობას “ევროპული საქართველოს” ლიდერი გიგა ბოკერია “ტვ პირველის” ეთერში.
“მტერსაც უნდა ელაპარაკო, ეს ნორმალური პროცესია, მაგრამ ამ ყველაფერს აკეთებ მაშინ, თუ ეს ყველაფერი არ არის დეკორაცია ან სიმულაცია. მე არ მინდა, წინასწარ ხაზი გადავუსვა ყველაფერს. თუ ვცდებით პროგნოზებში, რომ არ გვაქვს ოპტიმიზმის საფუძველი მხოლოდ კარგი იქნება. თქვენ არხზე ვუყურე საინფორმაციოს, რომ დაიწყო შერიგების დიდი პროცესიო და იქვე კობახიძე ამის სრულიად საპირისპირო გზავნილს აჟღერებს.
ევროსაბჭოს პრეზიდენტი, ამერიკის ელჩი და ა. შ. იყვნენ მაგ დარბაზში და იყო ლოზუნგი, რომ ახალი ერა დაიწყო და ა. შ. სად აღმოვჩნდით მერე?! ძალაუფლება აქვს კობახიძეს. კი, ზურაბიშვილს შეუძლია შეწყალება, მაგრამ კობახიძეს და ივანიშვილს შეუძლიათ კიდევ დაჭერა. შეწყალებაც ხომ კომპონენტია იმისი, რომელიც შეიძლება გამოიყენო თუ პოლიტიკური ნება არსებობს, რომ ვითარება სხვა გზით წავიდეს”, – განაცხადა გიგა ბოკერიამ.
შეგახსენებთ, პრეზიდენტმა პოლიტიკური აქტორები საზეიმო მიღებაზე მიიწვია. ღონისძიება დღეს, 16 დეკემბრის საღამოს გაიმართა. ოპოზიციის ნაწილი შეხვედრაზე მივიდა, მეორე ნაწილმა თავი შეიკავა მასში მონაწილეობისგან.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
