აჭარის მთავრობის თავმჯდომარის თანამდებობაზე ზურაბ პატარაძის კანდიდატურა წარადგინეს

ჯუანშერ ბურჭულაძეს 10-წლიანი პატიმობა მიესაჯა

მიხეილ ყაველაშვილმა, ზურაბ პატარიძე აჭარის ავტონომიური რესპუბლიკის მთავრობის თავმჯდომარეობის კანდიდატად საქართველოს კონსტიტუციური კანონის - აჭარის ავტონომიური რესპუბლიკის კონსტიტუციის აშკარა და უხეში დარღვევით წარადგინა, - ამის შესახებ განცხადებას პარტია „გახარია საქართველოსთვის“ ავრცელებს.როგორც განცხადებაშია აღნიშნული, პრეზიდენტს კანდიდატურა უმაღლეს საბჭოში წარმოდგენილ ყველა პოლიტიკურ სუბიექტთან კონსულტაციის შემდეგ უნდა წარედგინა, მაგრამ მას არავითარი კომუნიკაცია არ ჰქონია „გახარია საქართველოსთვის“ პოლიტიკურ გუნდთან.„დღეს, მიხეილ ყაველაშვილმა, საქართველოს კონსტიტუციური კანონის - აჭარის ავტონომიური რესპუბლიკის კონსტიტუციის აშკარა და უხეში დარღვევით - ზურაბ პატარიძე აჭარის ავტონომიური რესპუბლიკის მთავრობის თავმჯდომარეობის კანდიდატად წარადგინა.მიუხედავად იმისა, რომ აჭარის ავტონომიური რესპუბლიკის კონსტიტუცია პირდაპირ ითხოვს, რომ პრეზიდენტმა კანდიდატურა უმაღლეს საბჭოში წარმოდგენილ ყველა პოლიტიკურ სუბიექტთან კონსულტაციის შემდეგ წარადგინოს, მას არავითარი კომუნიკაცია არ ჰქონია ჩვენს პოლიტიკურ გუნდთან - აჭარის ავტონომიური რესპუბლიკის უმაღლეს საბჭოში.მოქმედი კანონმდებლობის თანახმად, აჭარის ავტონომიური რესპუბლიკის მთავრობის უფლებამოსილების შეწყვეტიდან 2 კვირის ვადაში საქართველოს პრეზიდენტი უმაღლეს საბჭოში წარმოდგენილ პოლიტიკურ სუბიექტებთან კონსულტაციის შემდეგ უმაღლეს საბჭოს დასამტკიცებლად წარუდგენს აჭარის ავტონომიური რესპუბლიკის მთავრობის თავმჯდომარის კანდიდატურას და მთავრობის თავმჯდომარეობის კანდიდატის მიერ დასახელებულ მინისტრების კანდიდატურებს.შესაბამისად, აღნიშნულ ფაქტს მივიჩნევთ არა ფორმალურ შეცდომად, არამედ საქართველოს კონსტიტუციური კანონის - აჭარის ავტონომიური რესპუბლიკის კონსტიტუციის აშკარა და უხეშ დარღვევად, ინსტიტუციებისა და იმ მოქალაქეების უპატივცემულობად, რომელსაც წარმოადგენს აჭარის ავტონომიური რესპუბლიკის უმაღლესი საბჭო.”, - ნათქვამია განცხადებაში.

ევროკავშირმა რუსეთის წინააღმდეგ დაწესებული სანქციების მე-20 პაკეტის დეტალები გაასაჯაროვა.ევროპული საბჭოს პრესრელიზის მიხედვით, ახალ პაკეტი მოიცავს 120 ინდივიდუალური შეზღუდვას, იზრდება ზეწოლა რუსეთის ენერგეტიკულ სექტორზე და ე.წ. ჩრდილოვან ფლოტზე. სანქციების მეოცე პაკეტი ითვალისწინებს ზომებს რუსეთის ფინანსური დაწესებულებების, მესამე ქვეყნებისა და კომპანიების წინააღმდეგ, რომლებიც მხარს უჭერენ რუსეთის სამხედრო სამრეწველო კომპლექსს.პრესრელიზში აღნიშნულია, რომ სანქციების ახალი პაკეტი ქმნის საფუძველს სამომავლოდ რუსული ნედლი ნავთობისა და ნავთობპროდუქტების საზღვაო გადაზიდვების აკრძალვისთვის. ეს განხორციელდება დიდი შვიდეულის წევრ ქვეყნებთან და ფასის ზედა ზღვრის კოალიციაში შემავალ სახელმწიფოებთან სრული კოორდინაციით.მეოცე პაკეტი მოიცავს 36 სანქციას რუსეთის ენერგეტიკული სექტორის ყველა რგოლის წინააღმდეგ. მათ შორის კვლევის, მოპოვების, გადამუშავებისა და ტრანსპორტირების სფეროში.„მიზანშია ამოღებული ახალი მოთამაშეები, რომლებმაც ბოლო პერიოდში გაზარდეს ექსპორტის წილი ბაზარზე. დამატებით ზეწოლა ხორციელდება „ჩრდილოვანი ფლოტის“ ქსელზე, მათ შორის მესამე ქვეყნებში მოქმედ კომპანიებზე და ერთ მნიშვნელოვან საზღვაო მზღვეველიზე“, – ნათქვამია პრესრელიზში.ევროპული საბჭოს გადაწყვეტილებით, ე.წ. შავ სიას დაემატა რუსეთის „ჩრდილოვან ფლოტში“ შემავალი კიდევ 46 გემი. აკრძალულია მათი შესვლა ევროკავშირის პორტებში შესვლა და საზღვაო მომსახურებების გაწევა. ახალი პაკეტი ითვალისწინებს სავალდებულო შემოწმებებს ტანკერების გაყიდვისას და გათხევადებული ბუნებრივი აირის გადამზიდავი ტანკერებისა და ყინულმჭრელებისთვის მომსახურების აკრძალვას.ამას გარდა, 2027 წლის იანვრიდან გათხევადების ბუნებრივი აირის ტერმინალებით მომსახურება რუსულ კომპანიებისთვის აიკრძალება. ასევე აიკრძალა ოპერაციები ორ რუსულ პორტთან, მურმანსკთან და ტუაფსესთან და ინდონეზიის კარიმუნის ნავთობის ტერმინალთან.სანქციების მეოცე პაკეტში ასევე მოხვდა 20 რუსული ბანკი, რომლებთანაც ევროკავშირი  ტრანზაქციებს კრძალავს. დამატებით სანქციები ეხება მესამე ქვეყნებში მოქმედ ოთხ ფინანსურ ინსტიტუტს.ევროპული საბჭოს პრესრელიზში ნათქვამია,  რომ რუსეთი სულ უფრო მეტად იყენებს კრიპტოვალუტებს, რის საპასუხოდაც ევროკავშირმა დაასანქცირა ყირგიზული კრიპტო პლატფორმა და აკრძალა რუსული კრიპტო სერვისები. ასევე აიკრძალა RUBx-თან დაკავშირებული ოპერაციები და ციფრული რუბლის მხარდაჭერა.სანქციების მეოცე პაკეტში მოხვდა რუსეთის სამხედრო-სამრეწველო კომპლექსი.სანქციები შეეხო 58 კომპანიას და ინდივიდუალურ პირს, რომლებიც ჩართული არიან სამხედრო ტექნიკის, მათ შორის დრონების წარმოებაში. სიას დაემატა 16 კომპანია მესამე ქვეყნებიდან, რომლებიც რუსეთს აწვდიან ტექნოლოგიებს. მათ შორის არის კომპანიები ჩინეთიდან, არაბეთის გაერთიანებული საამიროებიდან, უზბეკეთიდან, ყაზახეთიდან და ბელარუსიდან.60 ახალი სუბიექტი დაექვემდებარა ექსპორტის დამატებით შეზღუდვებს. მათ შორის მოხვდა მესამე ქვეყნებში მდებარე სუბიექტები, მათ შორის ჩინეთსა და თურქეთში.ასევე პირველად ამოქმედდა სანქციებისთვის  გვერდის ავლის საწინააღმდეგო მექანიზმი. კერძოდ, აიკრძალება გარკვეული ტექნიკის ექსპორტი ყირგიზეთში. გაფართოვდა ექსპორტისა და იმპორტის შეზღუდვები სხვადასხვა პროდუქციაზე (ქიმიკატები, ლითონები, რეზინი და სხვა), ასევე დაწესდა ამიაკის იმპორტის კვოტა.ევროკავშირმა სანქციები დაუწესა დამატებით ხუთ პირს, რომლებიც დაკავშირებულნი არიან უკრაინელი ბავშვების დეპორტაციასთან და რუსეთში იძულებით გადაყვანასთან, ასევე უკრაინის კულტურული მემკვიდრეობის მითვისებასთან და პროპაგანდასთან.სანქციები გაგრძელდება 2027 წლის 28 თებერვლამდე. შესაბამისი სამართლებრივი აქტები გამოქვეყნდება ევროკავშირის ოფიციალურ ჟურნალში.

არსაიდან გასვლას და არანაირ დემარშს არ ვაპირებ, რადგან ეს მეათეხარისხოვანი და სრულიად არარელევანტური საკითხია, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.„დღესდღეობით დიქტატორი საქართველოს ექცევა როგორც დაპყრობილ ქვეყანას, ართმევს მიწებს, ძარცვავს და ამცირებს, ამონებს ხალხს, იჭერს პატრიოტებს და ამ დამპყრობელთან სასტიკ და უკომპრომისო ბრძოლაში აღარ ვაპირებ, ვინმეს ენა მოვუჩლიქო და თავზე დაუმსახურებლად ხელი გადავუსვა.არც ზურგში დანის ჩარტყმის მოთმენას ვაპირებ. არც იმას ვაპირებ, რომ ვიღაცის მიერ ჩემთვის დაწესებული წესებით ვიმოქმედო.ეს არასდროს გამიკეთებია და არც სხვას ვურჩევ ამას“, – წერს მიხეილ სააკაშვილი.

შეიძლება, უცხოელი კონსულტანტი გყავდეს, ამაში დანაშაული არაფერია. საუბარია, უცხოელ კონსულტანტთან რამდენად კანონიერი გზით ურთიერთობ. ასევე მნიშვნელოვანია კონსულტანტის საქმიანობის შინაარსი, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.ქადაგიშვილმა კომენტარი გააკეთა სახელმწიფო მინისტრობის კანდიდატის და მომავალი ვიცე-პრემიერის, მამუკა მდინარაძის განცხადებაზე, რომლის თანახმადაც: „სუს-ში მიმდინარეობს გამოძიება საქმეზე, სადაც დევს არაერთი ჩანაწერი იგორ ბლაჟევიჩის მონაწილეობით, მოვა დრო და ძალოვანი უწყებები იტყვიან, რას გეგმავდა ოპოზიცია მასთან ერთად“.ირაკლი ქადაგიშვილის თქმით, გამოძიების მასალებს არ იცნობს და არ შეუძლია, რაიმე დააკონკრეტოს.„ფაქტია, ამ კონსულტანტთან ურთიერთობა არ არის კანონიერად გაფორმებული და ალბათ, ტრენინგების შინაარსიც არ არის პოლიტიკური კონსულტაციების ღია და დაშვებული სივრცე. გვინახავს, „კანვასი“, თუ აკერმანი საზოგადოების ნაწილს, განსაკუთრებით, ახალგაზრდების ჯგუფებს როგორ ამზადებდნენ რევოლუციური სცენარისთვის, სახელმწიფო უწყებებზე, პოლიციელებზე როგორ უნდა მიეტანათ იერიში. ეს არის მნიშვნელოვანი და არა ის, რომ ვინმეს კონსულტანტი ჰყავდეს. ოპოზიციის მიერ ამ ყველაფრისთვის თავის არიდება გვაფიქრებინებს, რომ არაკანონიერ ქმედებებთან გვაქვს საქმე“, – აღნიშნა ირაკლი ქადაგიშვილმა.