არჩილ თალაკვაძე – მმართველი გუნდი უზრუნველყოფს, რომ ცესკო-ს თავმჯდომარის პოზიციაზე ყველაზე ღირსეული კანდიდატი იყოს შერჩეული
Read Time:40 Second
საპარლამენტო ოპოზიციამ სუსტი და გაუმართავი გადაწყვეტილება მიიღო იმასთან დაკავშირებით, რომ ცესკო-ს თავმჯდომარეობის კანდიდატების შერჩევის პროცესებში სათანადოდ არ ჩაერთვენ, – ამის შესახებ საპარლამენტო უმრავლესობის წევრმა, არჩილ თალაკვაძემ განაცხადა.
მისივე თქმით, ასევე თავი აარიდეს ფართო კონსენსუსის გზით ცესკო-ს თავმჯდომარის კანდიდატურის დამტკიცებას.
„ჩვენ ოპოზიციონერების განცხადება მოვისმინეთ, სადაც ისინი ამბობენ, რომ კანდიდატები არიან კვალიფიციურები, გამოცდილება აქვთ, მაგრამ ამბობენ იმასაც, რომ მხარს არ დაუჭერენ მათ. ეს არის პასუხისმგებლობისგან გაქცევა და კიდევ ერთხელ ჯდება გადაწყვეტილებების იმ არათანმიმდევრულობაში, რომელსაც წინა თვეების განმავლობაში ვხედავდით რადიკალური ოპოზიციის მხრიდან. ნებისმიერ შემთხვევაში, მმართველი გუნდი უზრუნველყოფს, რომ ყველაზე ღირსეული კანდიდატი იყოს ამ პოზიციაზე შერჩეული და თვითმმართველობის არჩევნები თავისუფალ და კონკურენტულ გარემოში ჩატარდეს“, – განაცხადა არჩილ თალაკვაძემ.
ცესკო-ს თავმჯდომარეობისა და წევრობის კანდიდატებს დღეს მეორედ უყრიან კენჭს. ამისი საჭიროება მას შემდეგ დადგა, რაც ცენტრალური საარჩევნო კომისიის თავმჯდომარეობისა და წევრობის შერჩეულმა კანდიდატებმა პარლამენტში პირველ კენჭისყრაზე საჭირო მხარდაჭერა ვერ მიიღეს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
