არსებული ინფორმაციით, ვერაზე სროლა იყო – სავარაუდოდ, დაჭრილია სამი ადამიანი

ევროკავშირის მუდმივ წარმომადგენელთა კომიტეტმა რუსეთის წინააღმდეგ ევროკავშირის სანქციების ახალი, 21-ე პაკეტის მიღებაზე კონსენსუსის მიღწევა ვერ შეძლო. ამის შესახებ „ევროპეისკაია პრავდას“ ევროკავშირის რამდენიმე დიპლომატმა განუცხადა.უკრაინული მედიის ცნობით, სანქციების ახალი პაკეტის დამტკიცებას ევროკავშირის ელჩები 23 ივლისს კიდევ ერთხელ შეეცდებიან.„დღეს ევროკავშირის მუდმივ წარმომადგენელთა კომიტეტმა სანქციების 21-ე პაკეტზე კონსენსუსს ვერ მიაღწია, რადგან საბერძნეთი კვლავ მოითხოვს პაკეტიდან რუსული თხევადი ბუნებრივი აირის ტრანსპორტირებისთვის მომსახურების სრულ აკრძალვაზე გამონაკლისის დაშვებას, განსაკუთრებით მესამე ქვეყნებში ტრანსპორტირების შემთხვევაში. დისკუსია ხვალ დილით გაგრძელდება“, – განაცხადა ერთ-ერთმა წყარომ.მედიის ცნობით, 22 ივლისს ევროკავშირის მუდმივ წარმომადგენელთა კომიტეტის დღის წესრიგში პირველი საკითხი სანქციების 21-ე პაკეტი იყო, თუმცა შეთანხმების მიღწევა ვერ მოხერხდა და გადაწყდა, რომ განხილვა საღამოსთვის, დღის ბოლო საკითხად გადაეტანათ. დისკუსიის შემდეგ, რომელიც ორ საათზე მეტხანს გაგრძელდა, განხილვის შეწყვეტა და მომდევნო დღისთვის გადადება გადაწყდა.ამასთან, უკრაინული მედიის ინფორმაციით, ევროკავშირის მუდმივ წარმომადგენელთა კომიტეტმა ვერც 15 ივლისს შეძლო გადაწყვეტილების მიღება ევროკავშირის რუსეთის წინააღმდეგ სანქციების ახალი, 21-ე პაკეტის მიღებაზე. როგორც მედია წერს, მთავარ დაბრკოლებას წარმოადგენდა საბერძნეთის მოთხოვნა, რომ მისთვის გაგრძელებულიყო რუსეთის თხევადი ბუნებრივი აირის მესამე ქვეყნებში რეექსპორტის უფლება.ცნობისთვის, მანამდე „ფაინენშალ თაიმსი“ წერდა, რომ ევროკავშირში რუსეთის წინააღმდეგ ახალი ეკონომიკური სანქციების მხარდაჭერა სუსტდება, რადგან წევრი ქვეყნების მთავრობები არ თანხმდებიან ისეთი ზომების მიღებაზე, რომლებმაც შესაძლოა, მათი წამყვანი კომპანიები დააზარალოს.„ფაინანშელ თაიმსი“ ასევე წერს, რომ საბერძნეთი სანქციების მთელი პაკეტის მხარდაჭერაზე უარს ამბობს, თუ რუსული თხევადი ბუნებრივი აირის მესამე ქვეყნებში ტრანსპორტირების გაგრძელებასთან დაკავშირებით გამონაკლისი არ დამტკიცდება. პორტუგალიამ და გერმანიამაც მოითხოვეს, სანქციების პაკეტიდან ამოეღოთ რუსული თევზის შესყიდვის აკრძალვა. მათი განცხადებით, ეს აუცილებელია ადგილობრივი თევზის გადამამუშავებელი მრეწველობის მხარდასაჭერად.გამოცემის ცნობით, საფრანგეთი და იტალია, როგორც მსხვილი ტურისტული მიმართულებები, მოითხოვენ, შემსუბუქდეს აკრძალვა, რომელიც უკრაინაში ომში მონაწილე რუსი სამხედროებისთვის ევროკავშირის ვიზების გაცემას ეხება. ავსტრიამ კი, კიდევ ერთხელ მოითხოვა გაყინული რუსული აქტივებიდან ორი მილიარდი ევროს განბლოკვა, რათა ავსტრიულმა Raiffeisen Bank-მა რუსეთში დაკისრებული ჯარიმის კომპენსაცია მიიღოს.გამოცემის ცნობით, სანქციების ახალი პაკეტი ითვალისწინებს ზომებს, რომლებიც მიმართულია რუსეთის ექსპორტისა და ქვეყნის ფინანსური სისტემის წინააღმდეგ. ასევე მოიცავს მექანიზმს, რომელიც რუსული ნედლი ნავთობის საექსპორტო ფასის ხელოვნურად დაბალ დონეზე შენარჩუნებას ისახავს მიზნად, თუმცა, „ფაინენშალ თაიმსის“ ინფორმაციით, წევრი სახელმწიფოების ვეტოების გამო ამ სისტემის მუშაობაც საფრთხის ქვეშ დგება.

თბილისში, ვერაზე სროლის შედეგად 3 ადამიანია დაჭრილი. როგორც თვითმხილველები ჰყვებიან, დაჭრილებს შორის ერთი, გამვლელი ქალია, ორი კი 17 და 18 წლის ბიჭები.სასწრაფო დახმარების ჯგუფმა დაჭრილები კლინიკაში გადაიყვანა.ადგილზე ამ დრომდე, საგამოძიებო მოქმედებები მიმდინარეობს. ტერიტორია ყვითელი ლენტით არის შემოსაზღვრული.

„ნოდარ დუმბაძე რომ ცოცხალი იყოს და ამას უყურებდეს, ალბათ ერთს მიაგინებდა, „აბდლები მაგენიო“ იტყოდა მორჩებოდა ამით ეს ისტორია...“, - ამის შესახებ  პარტია ,,გირჩის" ლიდერმა, იაგო ხვიჩიამ გადაცემა „ვახო ხუზმიაშვილის თავისუფალ სივრცეში“ განაცხადა. 

გორის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და 14 წელს მიუღწევლის მიმართ გარყვნილი ქმედების და ადევნების ფაქტებზე ბრალდებული დამნაშავედ ცნო.„სასამართლოში გამოკვლეული მტკიცებულებებით დადგინდა, რომ ბრალდებული არასრულწლოვან დაზარალებულთან სისტემატურად ამყარებდა არასასურველ კომუნიკაციას და ცდილობდა მასთან ნდობაში შესვლას. ასევე, მის მიმართ გარყვნილი ქმედება განახორციელა.ბრალდებულს ბრალდება საქართველოს სისხლის სამართლის კოდექსის 141-ე მუხლის მე-2 ნაწილის “ვ” ქვეპუნქტით (14 წელს მიუღწეველი პირის მიმართ გარყვნილი ქმედება) და 151 პრიმა მუხლის მე-2 ნაწილის “ა” ქვეპუნქტით (წინასწარი შეცნობით არასრულწლოვნის მიმართ ადევნება) წარედგინა.გორის რაიონულმა სასამართლომ ბრალდებული დამნაშავედ ცნო წარდგენილ ბრალდებაში და სასჯელის სახედ და ზომად 10 წლით თავისუფლების აღკვეთა განუსაზღვრა“, - ნათქვამია ინფორმაციაში, რომელსაც პროკურატურა ავრცელებს.

ირაკლი ქადაგიშვილმა „დღის ქრონიკაში“ შეაფასა ალექსანდრე კარტოზიას მიერ გერმანიის პრეზიდენტისთვის რწმუნებათა სიგელების გადაცემის ცერემონიის ჩანიშვნა და გერმანიის საგარეო საქმეთა სამინისტროს ოფიციალური ვებ-გვერდიდან იმ გვერდის წაშლა, სადაც სალომე ზურაბიშვილი საქართველოს მოქმედ პრეზიდენტად იყო მოხსენიებული.როგორც რეგიონული პოლიტიკისა და თვითმმართველობის კომიტეტის თავმჯდომარემ აღნიშნა, გერმანიას საქართველოსთან ურთიერთობა სჭირდება.„კარგია, როდესაც ელემენტარულ ჭეშმარიტებას ასახვას სახელმწიფო თავის ოფიციალურ ვებ-გვერდზე და რეალობას თვალს გაუსწორებს.გარკვეული პოლიტიკური წრეების პოლიტიკური რიტორიკა სწრაფად არ შეიცვლება, მაგრამ ცხოვრებისეული რეალობა ყველას უბიძგებს რეალური ნაბიჯების გადადგმისკენ. ყველამ დაინახა, რომ საქართველო არ არის ის სახელმწიფო, რომელიც შეიძლება ადვილად გამოყენებადი იყოს არა ჩვენი ეროვნული მიზნების, არამედ - პირიქით, ჩვენი ეროვნული მიზნების დამაზიანებელ საქმეში ჩასართავად. ვერანაირი ზეწოლა და ვერანაირ ლამაზ სიტყვებში გაფორმებული წაქეზებები მიზანს ვერ აღწევს.საქართველო რეალურად არის ის სახელმწიფო, რომელსაც აქვს სტაბილურობა, რომელიც არის სანდო პარტნიორი და რომელსაც აქვს შესაბამისი ლოჯისტიკა არა მარტო ინფრასტრუქტურული კუთხით, არამედ პოტენციალი: საბანკო სისტემა, ინტერნეტდაკავშირებადობა, თანამედროვე ტექნოლოგიების გამოყენება, ასევე პოტენციალი ადამიანური რესურსებისა, ვისაც ამ საკითხების მართვა და დამუშავება შეუძლია, აქედან გამომდინარეა, რომ გერმანიას სჭირდება თავისი ეკონომიკისთვის საკვების მიწოდება, გერმანიას სჭირდება საქართველოსთან ურთიერთობა“, - აღნიშნა ირაკლი ქადაგიშვილმა.