ამირან გამყრელიძე: გუშინ გაანალიზდა წელს გარდაცვლილთა რაოდენობა და მათი 99.7%, სამწუხაროდ, აუცრელი იყო
Read Time:37 Second
„გუშინ გაანალიზდა წელს გარდაცვლილთა რაოდენობა და მათი 99.7%, სამწუხაროდ, აუცრელი იყო. მეორე მხრივ, ასევე, გაანალიზდა აცრილ მოსახლეობაში ინფიცირების მაჩვენებელი. ესაა 0.3% ორჯერადად აცრილებში და 0.9% ერთხელ აცრილებში“, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ საკოორდინაციო საბჭოს სხდომის შედეგ გამართულ ბრიფინგზე განაცხადა.
მისივე განცხადებით, ორჯერადად აცრილ ადამიანებში, გარდაცვალების ალბათობა 15-ჯერ ნაკლებია.
„სრულად აცრილებში, დაახლოებით 15-ჯერადი განსხვავებაა. ანუ, აცრა 15 ჯერადობით იცავს; 1000 ადამიანში, ვინც აცრილია და კოვიდი დაემართება, შეიძლება, დაიღუპოს ერთი, მაშინ, როცა 1000 ინფიცირებულში დაღუპვის ალბათობა 15-ია. 15-ჯერადი განსხვავებაა. ამიტომ, აცრის დაცვას ძალიან სერიოზული საფუძველი აქვს. კიდევ ერთხელ, მოწოდებაა, რომ აცრები ჩვენს მოსახლეობას დაიცავს“, – აღნიშნავს ამირან გამყრელიძე.
მისივე თქმით, ამ დროისთვის, სრულად აცრილია 165 ათასი ადამიანი, რაც მოზრდილი მოსახლეობის 5.8%-ს შეადგენს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
