ამერიკელი ელჩი: აშშ ჩინეთთან ომისთვის უნდა მოემზადოს
Read Time:39 Second
ადმირალმა ჰარი ჰარისმა, რომელიც ავსტრალიაში აშშ-ს ელჩად დაინიშნა, კონგრესში განაცხადა, რომ ამერიკამ აქტიურად უნდა დაიწყოს მზადება ჩინეთთან ომისთვის. ამის შესახებ The Guardian-ი წერს.
ადმირალის თქმით, ჩინეთი სამხედრო შეიარაღებას ზრდის. უახლოეს მომავალში, მისი არმია სამხრეთ ჩინეთის ზღვაში ამერიკულზე ძლიერი იქნება.
ამასთან, ჰარი აცხადებს, რომ აშშ-ში ამ საფრთხის იგნორირებას ახდენენ. მისი აზრით, პოლიტიკოსებმა ყველაფერი უნდა გააკეთონ ომის თავიდან ასაცილებლად, მაგრამ ამავდროულად, უნდა ემზადონ ამისთვის. საფრთხეებს შორის ადმირალმა ჩინეთის მიერ სადაო კუნძულებზე 7 სამხედრო ობიექტის მშენებლობა დაასახელა
15 თებერვალს, აშშ-ში ჩინეთის ელჩმა ცუი ტიანკაიმ განაცხადა, რომ ჩინეთზე სისტემატურ თავდასხმებს ცუდი შედეგები მოჰყვება.
11 თებერვალს ანალიტიკურმა კომპანია RAND Corporation-მა აშშ-სა და ჩინეთს შორის შესაძლო ომის შესახებ ანგარიში წარადგინა. ანალიტიკოსები მიიჩნევენ, რომ ჩინეთი პირდაპირ დარტყმას მოერიდება და ძირითადი დატვირთვა კიბერშეტევებზე წავა იმისათვის, რომ მოწინააღმდეგის მართვის სისტემები გამოიყვანონ წყობიდან.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0