ალექსანდრე რაქვიაშვილი: გიორგი ვაშაძემ პასუხისმგებლობა უნდა აიღოს, რომ თავისი მოთხოვნებით აქციის დაშლას აპირებდა
Read Time:34 Second
გიორგი ვაშაძემ პასუხისმგებლობა უნდა აიღოს, რომ თავისი ასეთი მოთხოვნებით აქციის დაშლას აპირებდა, – ამის შესახებ „გირჩის“ წევრმა, დეპუტატმა, ალექსანდრე რაქვიაშვილმა განაცხადა.
„ეს იყო ძალიან პრიმიტიული პოლიტიკური თამაში და როგორც ყოველთვის, ვაშაძისა და მსგავსი პოლიტიკოსების გადაწყვეტილებით, არაერთი მიტინგი დაშლილა. ძალიან კარგი, რომ მიტინგზე მოიძებნა ხალხი, რომელმაც სულ სხვა მიმართულებით წაიყვანა მიტინგი. ვაშაძემ პასუხისმგებლობა უნდა აიღოს, რომ თავისი ასეთი მოთხოვნებით აქციის დაშლას აპირებდა. რაც შეეხება ადამიანებს, ბუნებრივია, როდესაც მიტინგზე ასეთი გაბრაზებული მიდიხარ და პოლიტიკოსები ტრიბუნიდან რაღაც სისულელეს გეუბნებიან, კიდევ უფრო ბრაზდები“, – აღნიშნა რაქვიაშვილმა.
„სტრატეგია აღმაშენებლის“ ლიდერმა, გიორგი ვაშაძემ გუშინ აქციაზე მოქალაქეებს მოუწოდა, ალყაში მოექციათ საკანონმდებლო ორგანო. ამ განცხადებას აქციაზე მყოფ მშვიდობიან მომიტინგეთა შორის, აზრთა სხვადასხვაობა მოჰყვა. გიორგი ვაშაძე განცხადების გამო გააკრიტიკეს, როგორც პარლამენტთან შეკრებილებმა და ასევე, პოლიტიკოსებმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
