აკაკი ზოიძე ევროპულ საქართველოს პარტიის სახელწოდების შეცვლას ურჩევს
Read Time:1 Minute, 3 Second
პარლამენტის ჯანდაცვის კომიტეტის თავმჯდომარე აკაკი ზოიძე ევროპულ საქართველოს პარტიის სახელწოდების შეცვლას ურჩევს. აკაკი ზოიძემ ოპოზიციურ პარტიას მსგავსი რჩევა დღევანდელ პლენარულ სხდომაზე მისცა, სადაც შრომით უსაფრთხოებასთან დაკავშირებით მომზადებული კანონპროექტი განიხილეს.
„გაურკვეველია, ევროპული საქართველო რატომ გქვიათ მაშინ, როცა თამბაქოს კონტროლის წინააღმდეგი ხართ, რაზეც მთელი ევროპა დგას. თქვენ შრომის ინსპექციის წინააღმდეგიც ხართ. გირჩევთ, ევროპას თავი დაანებოთ და „ბაზარი დაარეგულირებს საქართველოს“ დაირქვათ. მსგავსი გზით თქვენი სულისკვეთება და ფილოსოფია გამოკვეთილი იქნება“, – მიმართა საპარლამენტო უმცირესობის წევრებს ზოიძემ.
“ევროპული საქართველო“ “შრომის უსაფრთხოების შესახებ“ კანონპროექტით განსაზღვრულ ახალ რეგულაციებსა და ბიუროკრატიულ მექანიზმებს აკრიტიკიებს. უმცირესობა დღევანდელ განხილვაზე დაინტერესდა, როგორც მუშაობს “სისხლის სამართლის კოდექსის“ და “ადმინისტრაციულ სამართლადარღვევათა კოდექსის“ ის ნორმები, რომელიც საწარმო დაწესებულებებში უსაფრთხოების ნორმების დარღვევაზე პასუხისმგებლობას აკისრებს და რამდენი პირის მიმართ დადგა სათანადო პასუხისმგებლობა. ოპოზიციის აზრით, შრომითი უსაფრთხოების ნორმების შესრულების და პრევენციის ყველა სწორი გზა სწორედ ეს არის.
“შრომის უსაფრთხოების შესახებ“ საკანონმდებლო პაკეტს პარლამენტი მეორე მოსმენით იხილავს.
შრომის უსაფრთხოების დაცვის მოთხოვნით თბილისში რამდენიმე საპროტესტო აქცია გაიმართა. ერთ-ერთი პროფკავშირების ორგანიზებული იყო. აქციაზე -“გახადე შრომა უსაფრთხო – ამ სლოგანით რუსთაველის მეტროსთან ხელისუფლებისთვის წარსადგენ პეტიციაზე ხელმოწერების შეგროვება დაიწყო.
15 თებერვალს შრომის უსაფრთხოების შესახებ კანონპროექტს ჯანდაცვის კომიტეტში მხარი მეორე მოსმენით დაუჭირეს.
ადამიანის უფლებათა სწავლებისა და მონიტორინგის ცენტრის (EMC) მონაცემებით, 2011 წლიდან 2016 წლის ბოლომდე სამუშაო ადგილებზე 776 ადამიანი დაშავდა და 270 დაიღუპა. 2017 წლის 10 თვის მონაცემებით კი საწარმოო პროცესში დაღუპულთა რაოდენობა ოცდაათია.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0