ავტობუსებში გათბობა-გაგრილების სისტემის ჩართვა აკრძალული იქნება
Read Time:33 Second
თბილისის მერიის ცნობით, მუნიციპალურ ტრანსპორტში მგზავრებისთვის კვლავ გარკვეული შეზღუდვები იმოქმედებს. როგორც განცხადებაშია ნათქვამი, ძალაში რჩება პირბადით გადაადგილების ვალდებულება და მათივე ინფორმაციით, ავტობუსებში გათბობა-გაგრილების სისტემის ჩართვა აკრძალული იქნება.
„პირბადის გარეშე მგზავრობის შემთხვევაში, მძღოლი ვალდებულია, არ დაძრას ავტობუსი. ასევე, თბილისის მეტროსადგურებში არ დაიშვებიან მგზავრები პირბადის გარეშე. ავტობუსებში კვლავ აკრძალული იქნება გათბობა-გაგრილების სისტემის ჩართვა. ყველა რეკომენდაცია, რომელიც მიზნად ისახავს ვირუსის გავრცელების პრევენციას, მკაცრად გაკონტროლდება კომპანიის შესაბამისი სამსახურების მიერ“, – ნათქვამია მერიის განცხადებაში.
ხვალიდან, 8 თებერვლიდან თბილისში, რუსთავსა და ქუთაისშიც, ანუ მთელი საქართველოს მასშტაბით შეზღუდვები კიდევ უფრო შემსუბუქდება. კერძოდ: აღდგება მუნიციპალური ტრანსპორტის მუშაობა (თბილისის მეტრო, ავტობუსები, ე.წ სამარშუტო ტაქსები) – გარდა შაბათ-კვირისა. ასევე, გაიხსნება ღია და დახურული ბაზრობები – გარდა შაბათ-კვირისა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
