ხილის ჩაი კბილების მტერია

იქნება მიზნობრივი სანქციების მოწოდება, იმედი გვაქვს, რომ ორბანის მსგავსად არავინ დაბლოკავს , - ამის შესახებ ევროპარლამენტარმა მარკეტა გრეგოროვამ „ინტერპრესნიუსთან“ განაცხადა, როდესაც ისაუბრა ევროპარლამენტის ანგარიშზე საქართველოსთან დაკავშირებით.ევროპარლამენტარის თქმით, ანგარიში „ძალიან კრიტიკულია საქართველოში დემოკრატიულ უკუსვლასთან დაკავშირებით”„ვინაიდან, უფრო მეტი რეპრესიებია განსაკუთრებით არასამთავრობო ორგანიზაციების მიმართ. პრაქტიკულად აღარ არსებობენ არასამთავრობო ორგანიზაციები, რომლებიც კომენტარს გააკეთებდნენ პოლიტიკურ საკითხებზე.დამოუკიდებელ მედიისთვის უკიდურესად რთული ვითარებაა. მათ უმეტესობას ასევე მოუწია დატოვება. ეს დემოკრატიული ქვეყანა არ არის, ყველამ ვიცით ეს. და ეს არ არის ქვეყანა, რომელიც რაიმე ფორმით იმსახურებს კანდიდატის სტატუსს ევროკავშირთან, ვინაიდან ევროკავშირში კანონის უზენაესობა გვაქვს და საქართველოში “ქართული ოცნების” უზენაესობაა და არა კანონის უზენაესობა. ასე რომ, სამწუხაროდ, სასიამოვნო არ იქნება .რა თქმა უნდა, მიზნობრივი სანქციების მოწოდება იქნება, განსაკუთრებით მშვიდობიანი დემონსტრანტების მიმართ ძალადობის ჩამდენების წინააღმდეგ, ვინაიდან ახლა, როდესაც უნგრეთმა მთავრობა შეცვალა, იმედი გვაქვს, რომ ორბანის მსგავსად არავინ არ დაბლოკავს სანქციებს და წინსვლა შეგვეძლება, რათა ამ მხრივ მაინც დავეხმაროთ საქართველოს მოქალაქეებს”, - განახადა გრეგოროვამ.გრეგოროვამ ისაუბრა ევროკავშირის ფინანსურ დახმარებაზე საქართველოს მიმართ, მისი თქმით, ყოველწლიური ანგარიში დაფინანსების გაჩერების საკითხშიც დაეხმარება.“ყოველწლიური ანგარიში, რეზოლუციებისგან განსხვავებით, ძალიან მნიშვნელოვანია იმის მხრივ, თუ როგორ ვუდგებით საქართველოს, როგორც მთლიანად ევროკავშირი. გარკვეულ სტანდარტს ვაყალიბებთ, როგორც ევროპარლამენტი და ბევრმა ადამიანმა არ იცის, მაგრამ სანქციებისა და სხვა რაღაცების გარდა, რაც ახლა შეიძლება გაკეთდეს, ჯერ კიდევ არსებობს გარკვეული ღია დაფინანსება გარკვეულ დონეებზე. ეს აუცილებლად არაა მთავრობის მიმართ, ეს შეიძლება ადგილობრივი იყოს, ადგილობრივი რეფორმები და ასე შემდეგ, მაგრამ ეს მაინც ფულია, რომელიც საქართველოს ხელისუფლებასთან მიდის ევროკავშირისგან.ეს ანგარიში, თუ ის ნეგატიური იქნება - და გეუბნებით, რომ ნეგატიური იქნება - დაგვეხმარება ამ დაფინანსების გაჩერებაში. ასე რომ, დაფინანსების მხრივ და პოტენციურად სანქციებთან ერთად, ამას აქვს გავლენა საქართველოს მთავრობაზე”, - განაცხადა ევროპარლამენტარმა.გრეგოროვამ გამოთქვა ვარაუდი, რომ „ქართული ოცნება“ ფინანსურად მხარდაჭერილია რუსული კავშირებით.„რა თქმა უნდა, ის ძალიან სავარაუდოდ ფინანსურად ნაწილობრივად მხარდაჭერილია მათი კავშირებით რუსეთში - “როსატომისა” და მსგავსების მიერ. ასე რომ, სანამ მათ ეს მილი აქვთ, ისინი დამოკიდებული არ არიან ევროკავშირზე, მაგრამ საქართველოს მოქალაქეებმა უნდა იცოდნენ ეს მილი არსებობს”, - განაცხადა გრეგოროვამ.

ჰიტლერის კვალს დღეს ვინც მიჰყვებიან, არ უნდა დაივიწყონ, რომ ასე თუ გააგრძელებენ, ისტორიაში სხვა ტირანების მსგავსნი იქნებიან, – ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.ერდოღანის თქმით, თურქეთი გააკეთებს ყველაფერს, რათა დაჩაგრულებს დახმარების ხელი გაუწოდოს, ასევე უზრუნველყოს, რომ მასობრივი ხოცვა-ჟლეტებისთვის პასუხისმგებელმა ქსელმა კანონისა და ისტორიის წინაშე აგოს პასუხი.„ისინი, ვინც ჩვენს გეოგრაფიას იმ ზვიგენებივით ესხმიან თავს, რომლებმაც სისხლის სუნი იგრძნეს, საბოლოოდ აგებენ პასუხს დაღვრილი სისხლისთვის და დაჩაგრულთა ზეციური ძახილი ადრე თუ გვიან მჩაგვრელებსაც დაეწევა“, – აღნიშნა ერდოღანმა.

აზერბაიჯანმა საქართველოს გავლით სომხეთში ნავთობპროდუქტების კიდევ ერთი პარტია გაგზავნა.აზერბაიჯანული მედიის თანახმად, დღეს ბილაჯარის სადგურიდან ბოიუკ კესიკის მიმართულებით გაიგზავნა 984 ტონა დიზელის საწვავი, რომელიც 17 ვაგონისგან შედგება.აღსანიშნავია, რომ ამ დროისთვის აზერბაიჯანიდან სომხეთში საქართველოს გავლით ექსპორტირებულია 12 000 ტონაზე მეტი დიზელის საწვავი, 979 ტონა AI-92 ბენზინი და 2 955 ტონა AI-95 ბენზინი.

ნანა ჟორჟოლიანმა “ნაციონალურ მოძრაობაში” დაგეგმილ ცვლილებებზე საუბრისას აღნიშნა, რომ მიხეილ სააკაშვილთან ერთად სიტყვა რევოლუცია ხიბლავს, რადგან მას ეს სიტყვა უხდება.მან ამის შესახებ ტვ “პირველის” ეთერში, გადაცემაში “რეაქცია” ისაუბრა და აღნიშნა, რომ თუ პარტიის განახლებაში მონაწილეობას მიიღებს კმაყოფილი იქნება. “მიშასთან ერთად სიტყვა რევოლუცია მხიბლავს იმიტომ, რომ ამ კაცს ეს სიტყვა უხდება.ჯერ ერთი ძალიან სწორ მოდელს შექმნის გარე ველისთვის და გარეთ მყოფი ადამიანებისთვის და მერე ეს იდეა მხიბლავს. ჟურნალისტიკაში რაც გავაკეთე ვფიქრობ, რომ ამაზე მეტს ვეღარ გავაკეთებ, მეტი რესურსი აღარ არსებობს და თუ ამასაც მოვახერხებ, რომ ამ პარტიის განახლება და თავიდან აღმოცენება შესაძლებელი იქნება, ძალიან მომეწონება, რომ ამის ერთ-ერთი მონაწილე მეც ვიქნები.”- განაცხადა ჟორჟოლიანმა.

ძალიან მნიშვნელოვანია, რომ ჩვენი ქვეყნის ეკონომიკა წლიდან წლამდე იზრდება. ჩვენ, რა თქმა უნდა, ძალიან დიდ ძალისხმევას ვდებთ იმაში, რომ საქართველოს ეკონომიკის ყველა მიმართულება, ყველა სექტორი თანმიმდევრულად და მდგრადად იზრდებოდეს, – განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა საერთაშორისო სავალუტო ფონდის ანგარიშის კომენტირებისას.სსფ-ს ანგარიშის თანახმად, 2026 წელს საქართველოს ეკონომიკური ზრდის პროგნოზი, აპრილის პროგნოზთან შედარებით, მნიშვნელოვნად გაუმჯობესდა და 6.5% შეადგინა. მარიამ ქვრივიშვილის შეფასებით, მისასალმებელია ის ფაქტი, რომ საქართველოსადმი ნდობა ასევე მზარდია და ჩვენს ქვეყანას ანალოგიურად აფასებენ საერთაშორისო საფინანსო ორგანიზაციები.მარიამ ქვრივიშვილმა ხაზი გაუსვა, რომ ეკონომიკის სექტორული განვითარების მიზნით საქართველოს მთავრობა ყოველწლიურად არაერთ უმნიშვნელოვანეს რეფორმას ახორციელებს და მჭიდროდ თანამშრომლობს კერძო სექტორთან, ასევე მუშაობს ინვესტიციების მოზიდვის მიმართულებით, რაც, საბოლოო ჯამში, დადებითად აისახება ქვეყნის ეკონომიკის ზრდის დინამიკაზე.„რა თქმა უნდა, შემთხვევითი არ არის – როდესაც ვსაუბრობთ მაღალ ეკონომიკურ ზრდაზე, ჩვენი ქვეყანა ამ პოლიტიკის შედეგად გამორჩეულია და ლიდერია ჩვენს რეგიონში, ისევე როგორც ევროკავშირის წევრ ქვეყნებთან მიმართებაში. დარწმუნებული ვარ, რომ 2026 წელი იქნება ჩვენი ქვეყნისთვის მორიგი წარმატების წელი, რაც უზრუნველყოფს წლის ბოლოს კიდევ ერთ წარმატებას ეკონომიკურ ზრდის მიმართულებით, გვექნება კიდევ უფრო მეტად ხელშესახები შედეგები და, რაც ყველაზე მნიშვნელოვანია, ხელშესახები შედეგები გვექნება ჩვენი ქვეყნის მოსახლეობის კეთილდღეობის და ამ კეთილდღეობის ზრდის მიმართულებით“, – განაცხადა ეკონომიკისა და მდგრადი განვითარების მინისტრმა.