ფრაქცია “ქართული ოცნება – სოციალ-დემოკრატების” განცხადებას ავრცელებს

ევრაზიის ეკონომიკურმა კავშირმა ნათლად უნდა უპასუხოს კითხვას: არსებობს თუ არა ის?, – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.სომხეთის პრემიერ-მინისტრი მიიჩნევს, რომ რუსეთის მიერ სომხეთიდან იმპორტზე დაწესებული შეზღუდვები, ასევე მისი ტერიტორიის გავლით სომხეთის საქონლის შეზღუდვა ევრაზიული ეკონომიკური კავშირის სხვა ქვეყნებში ექსპორტზე, სულ მცირე, ძალიან სერიოზულ შეშფოთებას გამოიწვევს ევრაზიული ეკონომიკური კავშირის რიგ წევრ სახელმწიფოებში.„მინდა, შეგახსენოთ, რომ ევრაზიის ეკონომიკური კავშირი რამდენიმე კონცეპტუალურ პრინციპს ეფუძნება: შრომის, საქონლის, მომსახურებისა და ფინანსების თავისუფალი გადაადგილება. თუ ეს არ არსებობს, მაშინ ევრაზიის ეკონომიკური კავშირი არ არსებობს. და ევრაზიის ეკონომიკურმა კავშირმა ამ კითხვას ნათლად უნდა უპასუხოს: არსებობს თუ არა ის? ჩვენ ვამბობთ, რომ არსებობს და ჩვენ, როგორც წევრი სახელმწიფო, გვჯერა, რომ გარკვეული გაუგებრობა მოხდა. თუ ევრაზიის ეკონომიკური კავშირი იტყვის: „იცით რა, მე აღარ ვარსებობ“, მაშინ თუ ისინი არ არსებობენ, რა ვქნათ? ჩვენ ვარსებობთ, ჩვენ ევრაზიის ეკონომიკურ კავშირში ვართ და იქ ვმუშაობთ. ახლა ევრაზიის ეკონომიკურმა კავშირმა უნდა თქვას, არსებობს თუ არა ის. თუ ის პირდაპირ თუ ირიბად იტყვის, რომ არ არსებობს, მაშინ რა ვქნათ? აქ მიმდინარე მოვლენები, სულ მცირე, ძალიან სერიოზულ შეშფოთებას გამოიწვევს ევრაზიის ეკონომიკური კავშირის რიგ ქვეყნებში“, – განაცხადა ფაშინიანმა.ნიკოლ ფაშინიანმა ასევე განაცხადა, რომ მას კითხვები აქვს ევრაზიული ეკონომიკური კავშირის პარტნიორებისთვის სომხეთთან დაკავშირებით მისი არყოფნის დროს გაკეთებულ განცხადებასთან დაკავშირებით. 29 მაისს, ევრაზიული ეკონომიკური კავშირის უმაღლესი საბჭოს სხდომაზე, რომელსაც სომხეთის პრემიერ-მინისტრი არ დაესწრო, ევრაზიული ეკონომიკური კავშირის ოთხი წევრი სახელმწიფოს – რუსეთის, ყაზახეთის, ბელარუსის და ყირგიზეთის პრეზიდენტებმა მიიღეს განცხადება, რომლითაც სომხეთს მოუწოდებენ, რაც შეიძლება მალე ჩაატაროს რეფერენდუმი ევრაზიულ ეკონომიკურ კავშირსა და ევროკავშირს შორის არჩევანის შესახებ.„რა თქმა უნდა, მეც მაქვს კითხვები ჩვენი კოლეგებისთვის ჩემი არყოფნის დროს გაკეთებული განცხადების შესახებ და ჩვენ უნდა გვესმოდეს, რას ნიშნავს ეს პრაქტიკაში. სხვა სიტყვებით რომ ვთქვათ, ჩვენ უნდა გვესმოდეს, შეუძლია თუ არა ევრაზიული ეკონომიკური კავშირის რომელიმე ქვეყანას მსგავსი გადაწყვეტილებების მიღება ნებისმიერ სხვა ქვეყანასთან დაკავშირებით, უბრალოდ გაღვიძებით და გადაწყვეტილების მიღებით. ჩემი აზრით, თუ ამ კითხვაზე პასუხი დადებითია, მაშინ ევრაზიული ეკონომიკური კავშირი თვითლიკვიდაციას აცხადებს. ახლა კი დასკვნები უნდა გამოვიტანოთ. უნდა არსებობდეს ძალიან მკაფიო პასუხი: არსებობს თუ არა ევრაზიული ეკონომიკური კავშირი? თუ არსებობს, ჩვენ პოზიციას დავიკავებთ; თუ არა, განსაკუთრებული პოზიციის დაკავება საჭირო არ იქნება“, – განაცხადა ფაშინიანმა. 

ქვეყნის გარედან ჩვენ ხელოვნურად გვახვევდნენ თავს სიძულვილს, აგრესიას და ამას სჭირდება დაპირისპირება, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტის კითხვის საპასუხოდ განაცხადა, რომელიც სიძულვილის ენის წინააღმდეგ ბრძოლის სამმართველოს ეხებოდა.მთავრობის მეთაურის თქმით, სამმართველოს უმთავრესი ფუნქციაა, რომ საქართველოში არ დაუშვას სიძულვილის ხელოვნურად თავს მოხვევა.„ძალიან  მნიშვნელოვანია ამ სამმართველოს საქმიანობა. ქვეყნის გარედან ჩვენ ხელოვნურად გვახვევდნენ თავს სიძულვილს, აგრესიას და ამას სჭირდება დაპირისპირება. სამმართველოს უმთავრესი ფუნქცია არის სწორედ ეს, რომ საქართველოში არ დაუშვას სიძულვილის ხელოვნურად თავს მოხვევა. ეს არ არის ქართული კულტურისთვის დამახასიათებელი მოვლენა. რაც არ არის ქართული კულტურისთვის დამახასიათებელი, თან არის აბსოლუტურად უარყოფითი მოვლენა და რაც შეგვიძლია, აღვკვეთოთ, იმას სჭირდება შესაბამისი ნაბიჯების გადადგმა“, – აღნიშნა პრემიერმა.

პარლამენტმა მესამე მოსმენით მხარი დაუჭირა „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ კანონპროექტს, რომელიც მოძრაობის დადგენილი სიჩქარის გადაჭარბებისთვის განსაზღვრული ჯარიმების შემცირებას ითვალისწინებს.პლენარულ სხდომაზე კანონპროექტი იურიდიულ საკითხთა კომიტეტის თავმჯდომარემ, არჩილ გორდულაძემ წარადგინა.ცვლილებების თანახმად, სატრანსპორტო საშუალების მძღოლის მიერ მოძრაობის დადგენილი სიჩქარის გადაჭარბება 15 კმ/სთ-ზე მეტი სიჩქარით, მაგრამ არაუმეტეს 30 კმ/სთ-ისა, გამოიწვევს 50 ლარით დაჯარიმებას, ნაცვლად 100 ლარისა; 30 კმ/სთ-დან 50 კმ/სთ-მდე სიჩქარის გადაჭარბება გამოიწვევს 100 ლარით დაჯარიმებას, ნაცვლად 300 ლარისა, ხოლო 50 კმ/სთ-ზე მეტი სიჩქარით გადაჭარბებისთვის 300-ლარიანი ჯარიმაა განსაზღვრული.საგზაო-სატრანსპორტო შემთხვევის შედეგად ხე-ბუჩქნარის დაზიანება გამოიწვევს 500 ლარით დაჯარიმებას, ნაცვლად 5 000 ლარისა.გარდა ამისა, ღამის პირველი საათიდან დილის ექვს საათამდე, მაშინ, როდესაც საზოგადოებრივი ტრანსპორტი არ გადაადგილდება, სადისტრიბუციო მანქანებს ე.წ. BUS LANE-ში, ტვირთის გადმოსატვირთად დადგომის უფლება ექნებათ.

ჩვენ შევცვალეთ ყველა სახელმწიფო საწარმოს ხელმძღვანელი და მათ განახორციელეს მასშტაბური ოპტიმიზაცია, რაც წლიურად უზოგავს ჩვენს ქვეყანას 60 მლნ ლარს, –  ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.პრემიერის თქმით, იყო ოპტიმიზაციის სრული შესაძლებლობა და აქედან გამომდინარე, ყველაფერი გაკეთდა თანხების დასაზოგად.„ძირითადად ისინი იყვნენ დასაქმებული სახელმწიფო საწარმოებში, მათ შორის იყო რკინიგზა, ენერგეტიკის საწარმოები და სხვა. იყო ოპტიმიზაციის სრული შესაძლებლობა და აქედან გამომდინარე, ყველაფერი გაკეთდა თანხების დასაზოგად. მთლიანობაში, დაახლოებით 60 მლნ ლარი ყოველწლიურ ჭრილში იზოგება სწორედ ოპტიმიზაციის შედეგად. არასწორი პრაქტიკა იყო ჩამოყალიბებული და ეს არასწორი პრაქტიკა შეიცვალა სწორი პრაქტიკით.  მინდა, მადლობა გადავუხადო ყველა შესაბამის სახელმწიფო საწარმოს ხელმძღვანელს. პირველ რიგში, ჩვენ შევცვალეთ ყველა სახელმწიფო საწარმოს ხელმძღვანელი და მათ განახორციელეს მასშტაბური ოპტიმიზაცია, რაც წლიურად უზოგავს ჩვენს ქვეყანას 60 მლნ ლარს“, –  განაცხადა ირაკლი კობახიძემ.

ჩვენ ვჩიოდით, რომ ბრიუსელში ზოგიერთი ევროინტეგრაციას უყურებს როგორც სუვერენიტეტის შეზღუდვას, თურმე, სუვერენიტეტის შეზღუდვა კი არა, სახელმწიფოს გაუქმებაზე მიდგა საქმე მოლდოვის შემთხვევაში, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისი თქმით, შეუძლებელია საქართველოს და მოლდოვის ევროინტეგრაციის გზის ერთმანეთთან შედარება.„მოლდოვის ხელისუფლებას არაფრად მიაჩნია საკუთარი სუვერენიტეტის დამოუკიდებლობაა. 35 წელიწადი აბა, რას აშენებდნენ, რა ქვეყანას აშენებდნენ, რა სახელმწიფოებრიობას ქმნიდნენ? მაშინ როდესაც მათთვის არანაირი მნიშვნელობა არ ჰქონია სახელმწიფოს, სუვერენიტეტს და დამოუკიდებლობას. ეს მათი ნებაა. ამიტომაც არის მნიშვნელოვანი, შეუძლებელი საქართველოს და მოლდოვის ევროპული ინტეგრაციის გზის შედარება. დავრწმუნდით ყველა, რომ მოლდოვის ხელისუფლებას საკუთარი ქვეყნის სახელმწიფოს დამოუკიდებლობა ღირებულებად არ მიაჩნია. ჩვენ სხვა მდგომარეობაში ვართ. ათასწლოვანი უწყვეტი სახელმწიფოებრივი ისტორია გვაქვს. ქართველს ვერც კი დაესიზმრება, იფიქროს, საკუთარი სახელმწიფო გააუქმოს, ევროპული იდეის გამო. ეს კიდევ ერთ რამეს აჩვენებს, თუ რა ხდება რეალურად ევროკავშირის გაფართოების თემაზე. როგორც ჩანს, მოლდოვას არ აქვს იმედი, ევროკავშირის გაფართოებასთან დაკავშირებით. ვხედავთ, მოლდოვას დემონსტრაციულად აცხადებენ სანიმუშო მოწაფედ ევროინტეგრაციის პროცესში. საუბარი საკუთარი სახელმწიფოს გაუქმების და ევროკავშირში რუმინეთის შემადგენლობაში შეყვანით ნიშნავს, რომ მოლდოვა ეძებს გვერდით შესასვლელს ევროკავშირში, ვინაიდან, როგორც ჩანს, ის რაც გარეთ არ ითქმის, შიგნით ყველა ხვდება, რომ ევროკავშირის გაფართოების განაცხადი, როგორც ჩანს, ბრიუსელს ნელ-ნელა უკან მიაქვს“, – განაცხადა შალვა პაპუაშვილმა.შეგახსენებთ, რომ რუმინეთის პარლამენტის ქვედა პალატამ რუმინეთისა და მოლდოვის გაერთიანების შესახებ კანონპროექტი მიიღო, რომელიც ევროპარლამენტარმა, დიანა შოშოაკემ წარადგინა.