ოთხშაბათი, ნოემბერი 18, 2026

სტრასბურგის სასამართლოს გადაწყვეტილებით, „კორტების სპეცოპერაციის“ საქმეზე მსჯავრდებული პირების მიმართ ეროვნული სასამართლო პროცესები სამართლიანად ჩატარდა

სტრასბურგის სასამართლოს გადაწყვეტილებით, „კორტების სპეცოპერაციის“ საქმეზე მსჯავრდებული პირების მიმართ ეროვნული სასამართლო პროცესები სამართლიანად ჩატარდა. ამის შესახებ ინფორმაციას საქართველოს იუსტიციის სამინისტრო ავრცელებს.

უწყების ცნობით, ევროპულმა სასამართლომ დაადგინა, რომ ირაკლი ფირცხალავასა და გიორგი ცააძის მიმართ არ დარღვეულა სამართლიანი სასამართლო განხილვის უფლება.

„დღეს ე.წ. კორტების სპეცოპერაციის საქმესთან დაკავშირებით სტრასბურგის სასამართლოს გადაწყვეტილება გამოქვეყნდა. მომჩივნები არიან ირაკლი ფირცხალავა (სპეცოპერაციის დროს შსს ცენტრალური კრიმინალური პოლიციის დეპარტამენტის დირექტორის მოადგილე) და გიორგი ცააძე (სპეცოპერაციის დროს შსს ცენტრალური კრიმინალური პოლიციის დეპარტამენტის სამძებრო სამმართველოს უფროსის მოადგილე).

როგორც საზოგადოებისთვის ცნობილია, 2006 წლის 2 მაისს ჩატარებული სპეცოპერაციის დროს, რომელშიც, სულ მცირე, შინაგან საქმეთა სამინისტროს 50 მაშინდელი თანამშრომელი მონაწილეობდა, 22 წლის ზურაბ ვაზაგაშვილსა და 25 წლის ალექსანდრე ხუბულოვს მანქანაში 70-ზე მეტი ტყვია ესროლეს. საქმეზე პირველადი გამოძიება, რომელიც 2006 წლის მაისში დაიწყო, მტკიცებულებების ფალსიფიკაციის ფონზე წარიმართა და საბოლოოდ 2007 წლის აპრილში შეწყდა.

საქმის ხელახალი გამოძიება 2012 წლის დეკემბერში ხელისუფლების შეცვლის შემდეგ დაიწყო, რომლის ფარგლებშიც განზრახ მკვლელობის, მტკიცებულებათა ფალსიფიკაციისა და განზრახ უკანონო დაკავების ბრალდებებით არაერთი ყოფილი პოლიციელი მიეცა პასუხისგებაში, მათ შორის, მომჩივნები. ირაკლი ფირცხალავა და გიორგი ცააძე დამნაშავედ იქნენ ცნობილი დამამძიმებელ გარემოებაში განზრახ მკვლელობის ფაქტზე.

ადამიანის უფლებათა ევროპული კონვენციის მე-6 მუხლის (საქმის სამართლიანი განხილვის უფლება) ფარგლებში მომჩივნები აცხადებდნენ, რომ ეროვნულმა სასამართლომ მიიღო ბრალდების შვიდი მოწმის (რომლებიც გარკვეული პერიოდის განმავლობაში ერთად იყვნენ მოთავსებული საკანში) ჩვენება მათ წინააღმდეგ, როგორც მტკიცებულება სისხლის სამართლის საქმეზე. პირველი მომჩივნის დავის საგანს წარმოადგენდა, აგრეთვე, დაცვის მხარის მოწმეების სხდომაზე დასწრების უზრუნველყოფისა და მათი დაკითხვის შეუძლებლობა.

ევროპულმა სასამართლომ სრულად გაიზიარა მთავრობის პოზიცია და დაადგინა, რომ ირაკლი ფირცხალავასა და გიორგი ცააძის მიმართ არ დარღვეულა სამართლიანი სასამართლო განხილვის უფლება. კერძოდ, მომჩივანთა მიერ სადავოდ გამხდარი ჩვენებები არ წარმოადგენდა მათი მსჯავრდებისთვის ერთადერთ და გადამწყვეტ მტკიცებულებას. დამატებით, საქმეში არსებობდა მტკიცებულებათა კომპლექსური ერთობლიობა, მათ შორის, დამოუკიდებელ თვითმხილველთა ჩვენებები და ექსპერტიზის დასკვნები, რაც ადასტურებდა მომჩივანთა ბრალეულობას.

სტრასბურგის სასამართლოს განმარტებით, აღნიშნული მტკიცებულებები ერთობლიობაში ადასტურებდა, რომ ირაკლი ფირცხალავა ხელმძღვანელობდა „კორტების სპეცოპერაციას“. სტრასბურგის სასამართლოს მითითებით, ეროვნული სასამართლოების დასკვნა, რომლის თანახმადაც, ირაკლი ფირცხალავამ დაგეგმა და განახორციელა სპეცოპერაცია შურისძიების მიზნით, დასტურდებოდა მოწმეთა ჩვენებებით და სხვა მტკიცებულებებით. ამასთან, ევროპულმა სასამართლომ გაიზიარა ეროვნული სასამართლოების პოზიცია, რომ სროლა არ ყოფილა პროვოცირებული ზურაბ ვაზაგაშვილისა და ალექსანდრე ხუბულოვის (მსხვერპლები) მიერ და მათი მანქანიდან გასროლა მომჩივნების მისამართით არ მომხდარა, რაც დასტურდებოდა დამოუკიდებელი თვითმხილველი მოწმეების ჩვენებებითა და სხვა მრავალი მტკიცებულებით.

კერძოდ, ერთ-ერთმა თვითმხილველმა დაადასტურა, რომ პირველი მომჩივანი (ირაკლი ფირცხალავა) ისროდა იარაღს მსხვერპლების მანქანის მიმართულებით. რაც შეეხება მეორე მომჩივნის (გიორგი ცააძის) ქმედებებს, ორი თვითმხილველის მიერ დადასტურდა, რომ იგი მიუახლოვდა ზურაბ ვაზაგაშვილის მართვის ქვეშ მყოფ ავტომობილს და ცეცხლსასროლი იარაღიდან მოახდინა საკონტროლო გასროლები მათი მოკვლის მიზნით. ამასთან, ის ფაქტი, რომ მეორე მომჩივნის მიერ განხორციელებულ საკონტროლო გასროლამდე ორივე მსხვერპლი იყო ცოცხალი, თვითმხილველის ჩვენებასთან ერთად დადასტურდა სასამართლო სამედიცინო ექსპერტიზითაც.

ევროპულმა სასამართლომ, აგრეთვე, გაიზიარა მთავრობის პოზიცია და დაუშვებლად ცნო საჩივრის ის ნაწილი, რომელიც უკავშირდებოდა დაცვის მხარის მოწმეების სხდომაზე დაკითხვის უზრუნველყოფის საკითხს. სტრასბურგის სასამართლომ ხაზი გაუსვა, რომ პირველ მომჩივანს ეროვნულ დონეზე არ ამოუწურავს სამართლებრივი დაცვის მექანიზმები და მას აღნიშნული პრეტენზიით არ მიუმართავს საქართველოს უზენაესი სასამართლოსთვის.

მითითებული გარემოებების მხედველობაში მიღებით სტრასბურგის სასამართლომ დაასკვნა, რომ სისხლის სამართლის პროცესი მომჩივნებთან დაკავშირებით იყო სამართლიანი და არ დარღვეულა ევროპული კონვენციით გათვალისწინებული სამართლიანი განხილვის უფლება.

აღსანიშნავია, რომ ე.წ. კორტების სპეცოპერაციის საქმესთან დაკავშირებით, 2019 წლის 18 ივლისს ადამიანის უფლებათა ევროპულმა სასამართლომ გამოაქვეყნა გადაწყვეტილება – „ვაზაგაშვილი და შანავა საქართველოს წინააღმდეგ“.

ევროპულმა სასამართლომ დაადგინა, რომ ადგილი ჰქონდა ევროპული კონვენციის მე-2 მუხლის (სიცოცხლის უფლება) დარღვევას, ვინაიდან 2006 წლის 2 მაისს ჩატარებული სპეცოპერაციის დროს პოლიციის მიერ გამოყენებული ძალა, რამაც, სხვებს შორის, ზურაბ ვაზაგაშვილის სიკვდილი გამოიწვია, არ იყო პროპორციული და აუცილებელი“, – აღნიშნულია საქართველოს იუსტიციის სამინისტროს ინფორმაციაში.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

აივნის კონსტრუქციის ნაწილი ჩამოინგრა და ახალგაზრდა კაცი მოყვა – შემთხვევა რუსთავში

რუსთავში, ჭყონდიდელის დასახლებაში, კერძო სახლის მშენებლობის დროს აივნის კონსტრუქციის ნაწილი ჩამოინგრა და 30 წლამდე კაცი მოიყოლა.საინფორმაციო სააგენტო „ინფო რუსთავის“ ინფორმაციით, დაშავებული ახალგაზრდა სასწრაფო დახმარების ეკიპაჟმა კლინიკა რუსთავში გადაიყვანა. მედიკოსების განმარტებით, პაციენტს ხერხემლის დაზიანება აღენიშნებოდა და ოჯახის წევრების სურვილით თბილისში სხვა კლინიკაში გადაიყვანეს.მომხდარზე დაწყებულია გამოძიება.

კემეროვოს ოლქში სამხედრო თვითმფრინავი ჩამოვარდა – ბორტზე მყოფი 17-ივე ადამიანი დაიღუპა…

რუსეთის კემეროვოს ოლქში სამხედრო თვითმფრინავი ჩამოვარდა, რის შედეგად ბორტზე მყოფი 17 ადამიანი დაიღუპა, - ინფორმაციას რუსული მედია ავრცელებს.რუსული მედიის ცნობით, კემეროვოს ოლქის სოფელ იაგუნოვოში „ან-12“-ის ტიპის სამხედრო თვითმფრინავი ჩამოვარდა.როგორც ცნობილია, თვითმფრინავს ცეცხლი ჯერ კიდევ ჰაერში გაუჩნდა, რის შემდეგაც ჩამოვარდა და აფეთქდა.გავრცელებული ინფორმაციით, თვითმფრინავის ბორტზე 17 ადამიანი იმყოფებოდა.ავიაკატასტროფის შედეგად თვითმფრინავის ბორტზე მყოფი ყველა პირი დაიღუპა.კემეროვოს ოლქის გუბერნატორმა ილია სერედიუკმა განაცხადა, რომ ადგილზე სამაშველო სამსახურები მუშაობენ.

გთხოვთ გაავრცელოთ-ოჯახი ახალგაზრდა ქალს ეძებს

ოჯახი ახალგაზრდა ქალს ეძებს. როგორც სოციალურ ქსელში გავრცელებულ პოსტში ვკითხულობთ, თამუნა კურტანიძე ბოლოს მცხეთაში ნახეს. ოჯახი საზოგადოებას დახმარებას სთხოვს.„მეგობრებო, ვეძებთ თამუნა კურტანიძეს. ბოლოს ნახეს გუშინ, ხაშურის ავტოსადგურზე. როგორც ცნობილია, მიკროავტობუსში ავიდა და ბოლოს მისი კვალი მცხეთაში დაფიქსირდა.გთხოვთ, თუ ვინმეს შეგხვედრიათ ან გაქვთ რაიმე ინფორმაცია მის შესახებ, დაუკავშირდით ოჯახს 555 02 03 43 ან დარეკეთ 112-ში / აცნობეთ პოლიციას. გთხოვთ, გააზიარეთ პოსტი“, - წერენ სოციალურ ქსელში.

საქართველოს ტექნიკური უნივერსიტეტის რექტორი სტუდენტებს სტუდენტთა საერთაშორისო დღეს ულოცავს

საქართველოს ტექნიკური უნივერსიტეტის რექტორი, საქართველოს უმაღლეს საგანმანათლებლო დაწესებულებათა რექტორების მუდმივმოქმედი კონფერენციის თავმჯდომარე, აკადემიკოსი დავით გურგენიძე, საუნივერსიტეტო საზოგადოების სახელით, სტუდენტებს ულოცავს სტუდენტთა საერთაშორისო დღეს და თითოეულ მათგანს წარმატებულ სტუდენტურ წლებს, ცოდნისა და პროფესიული განვითარების გზაზე მნიშვნელოვან მიღწევებს, წინსვლასა და დასახული მიზნების განხორციელებას უსურვებს.მილოცვას საქართველოს ტექნიკური უნივერსიტეტი ავრცელებს.„ძვირფასო სტუდენტებო!გილოცავთ სტუდენტთა საერთაშორისო დღეს!17 ნოემბერი განსაკუთრებული თარიღია, რომელიც კიდევ ერთხელ გვახსენებს ახალგაზრდობის განსაკუთრებულ როლს საზოგადოებრივი ცხოვრების განვითარებაში და იმ პასუხისმგებლობას, რომელიც განათლებულ და თავისუფლად მოაზროვნე თაობას აკისრია.სტუდენტთა საერთაშორისო დღე თავისუფლების, ცოდნისკენ სწრაფვის, თანასწორობის, სოლიდარობის, სამოქალაქო პასუხისმგებლობისა და ადამიანის ღირსების პატივისცემის სიმბოლოა. ეს დღე გვახსენებს, რომ განათლება საზოგადოების პროგრესის, დემოკრატიული განვითარების, სოციალური სამართლიანობისა და სახელმწიფოს მდგრადი მომავლის უმნიშვნელოვანესი საფუძველია.განსაკუთრებული სითბოთი მივმართავ საქართველოს ტექნიკური უნივერსიტეტის თითოეულ სტუდენტს -მათ, ვინც პირველ ნაბიჯებს დგამს საუნივერსიტეტო ცხოვრებაში, მათ, ვინც უკვე აქტიურად არის ჩართული სამეცნიერო და პროფესიულ საქმიანობაში, და მათაც, ვინც უნივერსიტეტის სახელით საერთაშორისო საგანმანათლებლო თუ სამეცნიერო სივრცეში წარმოადგენს ჩვენს ქვეყანას. ძვირფასო სტუდენტებო,საქართველოს ტექნიკური უნივერსიტეტი, თავისი ასწლოვანი ისტორიული ტრადიციებით, აკადემიური გამოცდილებითა და სამეცნიერო პოტენციალით, ყოველთვის განსაკუთრებულ მნიშვნელობას ანიჭებდა სტუდენტობას, როგორც უნივერსიტეტის უმთავრეს ღირებულებასა და მისიის განხორციელების მთავარ საფუძველს. ჩვენი უნივერსიტეტის ისტორია განუყოფელია იმ თაობების ისტორიისგან, რომლებმაც პროფესიონალიზმით, მეცნიერული მიღწევებითა და შრომით მნიშვნელოვანი წვლილი შეიტანეს საქართველოს და მსოფლიოს არაერთი ქვეყნის ეკონომიკურ, ტექნოლოგიურ, საინჟინრო, სამრეწველო, კულტურულ და საზოგადოებრივ განვითარებაში.თანამედროვე მსოფლიო სწრაფად იცვლება. ტექნოლოგიური პროგრესი, ხელოვნური ინტელექტის განვითარება, ციფრული ტრანსფორმაცია, საინჟინრო და საბუნებისმეტყველო მეცნიერებების ახალი მიღწევები, ეკოლოგიური გამოწვევები და გლობალური ეკონომიკური პროცესები სრულიად ახალ მოთხოვნებს აყენებს განათლების სისტემისა და მომავალი პროფესიონალების წინაშე.ჩვენი მიზანია, საქართველოს ტექნიკური უნივერსიტეტის სტუდენტებმა მიიღონ ისეთი განათლება, რომელიც მათ საშუალებას მისცემს, ღირსეულად დაიმკვიდრონ ადგილი როგორც ეროვნულ, ისე საერთაშორისო აკადემიურ და პროფესიულ სივრცეში, გახდნენ კონკურენტუნარიანი სპეციალისტები, მკვლევრები, ინჟინრები, ტექნოლოგები, მეწარმეები და ლიდერები, რომლებიც შეძლებენ თანამედროვე გამოწვევებზე პასუხის გაცემას და ახალი შესაძლებლობების შექმნას.განსაკუთრებით მნიშვნელოვანია სტუდენტური ჩართულობა უნივერსიტეტის მართვისა და განვითარების პროცესებში. უნივერსიტეტი ცოცხალი აკადემიური ორგანიზმია, რომლის განვითარებაც წარმოუდგენელია სტუდენტთა მოსაზრებების, საჭიროებების, ინიციატივებისა და პასუხისმგებლიანი თანამონაწილეობის გარეშე. სტუდენტების ხმა, მათი კრიტიკული აზრი და კონსტრუქციული მონაწილეობა ქმნის იმ აკადემიურ გარემოს, რომელშიც ურთიერთპატივისცემა, თანასწორობა, სამართლიანობა და თანამშრომლობა უმთავრეს ღირებულებებად გვევლინება.ძვირფასო ახალგაზრდებო,თქვენ ხართ თაობა, რომლის წინაშეც განსაკუთრებული შესაძლებლობები და, ამავდროულად, მნიშვნელოვანი გამოწვევები დგას. საქართველოს განვითარება, მისი ეკონომიკური სიძლიერე, ტექნოლოგიური დამოუკიდებლობა, სამეცნიერო პოტენციალის ზრდა და საერთაშორისო კონკურენტუნარიანობა დიდწილად სწორედ თქვენს პროფესიონალიზმსა და ინტელექტუალურ შესაძლებლობებზე იქნება დამოკიდებული. ქვეყანას სჭირდება განათლებული, კომპეტენტური, თავისუფალი და ღირსეული ახალგაზრდები, რომლებსაც ექნებათ არა მხოლოდ საკუთარი წარმატების მიღწევის სურვილი, არამედ საზოგადოების წინაშე პასუხისმგებლობის გაცნობიერებული განცდაც.გილოცავთ სტუდენტთა საერთაშორისო დღეს!გისურვებთ წარმატებულ სტუდენტობას, ღირსეულ პროფესიულ მომავალსა და დიდ გამარჯვებებს!“, - აღნიშნულია მილოცვაში.

58 წლის ასაკში პოეტი, მსახიობი და რეჟისორი ალექსანდრე გველესიანი გარდაიცვალა

58 წლის ასაკში პოეტი, მსახიობი და რეჟისორი ალექსანდრე (საშა) გველესიანი გარდაიცვალა.ალექსანდრე გველესიანის გარდაცვალების შესახებ ინფორმაცია სოციალურ ქსელში მისი ახლობლები ავრცელებენ.ალექსანდრე გველესიანს გამოცემული აქვს ხუთი პოეტური კრებული - „ქარის წისქვილები“ „სულ ცოტა...“, „ლექსები“, „ასათიანის 22“ და „მე-დიდი დათვი“.

ბოლო სიახლეები