სახალხო დამცველი აქციაზე დაკავებულ პირებს ხვდება

რეჟიმს გადაუწყვეტია, „ფედერალისტებიც“ აგვკრძალოს. ამით ჩვენთვის არაფერი იცვლება. ვიდრე ერთ პარტიას კრძალავენ, მიუხედავად იმისა, რა დამოკიდებულება გვაქვს ამ პარტიასთან, მიგვაჩნია, რომ პოლიტიკური პროცესი კვდება და არანაირ ფორმალურ პოლიტიკურ პროცესში მონაწილეობას არ მივიღებთ, არ გავხდებით რეჟიმის დეკორაცია, – ამის შესახებ პარტია „ფედერალისტების“ თავმჯდომარემ, თამარ ჩერგოლეიშვილმა ფეისბუქლაივის დროს განაცხადა.ჩერგოლეიშვილი გამოეხმაურა „ქართული ოცნების“ გადაწყვეტილებას, რომლის მიხედვითაც, რამდენიმე პარტიის აკრძალვის შესახებ საკონსტიტუციო სარჩელს პარტია „ფედერალისტებიც“ დაემატება.„რასაკვირველია, კონკურენტად აღვიქვამთ ყველა პარტიას, ჩვენ გარდა, მაგრამ კონკურენტების დამარცხება გვინდა თანასწორ ველზე, სამართლიან ბრძოლაში და არა ბიძინა ივანიშვილის აკრძალვების შედეგად. შესაბამისად, ამით ჩვენთვის აბსოლუტურად არაფერი იცვლება, თუმცა ვხვდები, რეჟიმს რაში დასჭირდა ეს ყველაფერი. ცხრათვიანი ვადა გასდის, იმის თავი არ აქვს, მიადგეს და ის სამი პარტია აკრძალოს. ამიტომ ახალი ვადა სჭირდება. შესაბამისად, გამოითხოვეს ის ცხრათვიანი და ახალი სარჩელი შეიტანეს, რომ ახალი ვადის ათვლა დაიწყოს. რეჟიმის სისუსტის დემონსტრაციაა ეს და არაფერი სხვის. ამიტომ, მივმართავ მხარდამჭერებს, რომ ამით ჩვენთვის აბსოლუტურად არაფერი იცვლება. ჩვენ რეჟიმს აქციით, სანქციით და ალტერნატივით ვაიძულებთ დათმობებზე წამოსვლას. ბუნებრივია, ამის შედეგად რეჟიმი შეიცვლება, სათავეში მოვა დემოკრატიული ხელისუფლება, რომლის ნაწილიც აუცილებლად ვიქნებით „ფედერალისტები“. ქვეყანაში დავამყარებთ სამართლიანობას, მოქალაქეებს მოვუტანთ უსაფრთხოებას, აღვადგენთ სამოქალაქო თავისუფლებებს, ანუ გავაუქმებთ ყველა რუსულ კანონს. ამის მიღმა შევცვლით საარჩევნო კანონმდებლობას, რათა ადამიანებმა თავიანთი ნება, არჩევანის უფლება დაიბრუნონ და შემდეგ სამართლიანმა სასამართლომ უზრუნველყოს, რომ მათი არჩევანი ყოველთვის დაცული იქნება და ივანიშვილის მსგავსმა ავაზაკებმა ვერ მიიტაცონ. ასე რომ, ამით ჩვენთვის არაფერი იცვლება. რეჟიმმა გამოავლინა თავისი სისუსტე, სხვა არაფერი“, – განაცხადა თამარ ჩერგოლეიშვილმა.რამდენიმე პარტიის აკრძალვის შესახებ საკონსტიტუციო სარჩელს პარტია „ფედერალისტებიც“ დაემატება. როგორც საქართველოს პარლამენტის თავმჯდომარემ, შალვა პაპუაშვილმა აღნიშნა, შესაბამისი სარჩელით „ქართული ოცნება“ საკონსტიტუციო სასამართლოს დღეს მიმართავს.საქართველოს პარლამენტის თავმჯდომარემ, შალვა პაპუაშვილმა 2025 წლის 28 ოქტომბერს წარადგინა კონსტიტუციური სარჩელი, რომელშიც მოთხოვნილია „ნაციონალური მოძრაობის“, „კოალიცია ცვლილებისთვის“ და „ძლიერი საქართველო – ლელოს“ საქმიანობის არაკონსტიტუციურად ცნობა და აკრძალვა. ამასთან, საკონსტიტუციო სასამართლომ სამი პოლიტიკური გაერთიანების აკრძალვის შესახებ სარჩელი 4 ნოემბერს გამოაქვეყნა.

ყველა რაციონალური და დიპლომატიური გზა უნდა იქნას გამოყენებული დაძაბულობის შესამცირებლად, –  ამის შესახებ ირანის პრეზიდენტმა, მასუდ ფეზეშქიანმა განაცხადა.„ომი არავის ინტერესებში არ შედის და საფრთხეების წინააღმდეგობის გაწევისას, დაძაბულობის შესამცირებლად ყველა რაციონალური და დიპლომატიური გზა უნდა იქნას გამოყენებული“, – აღნიშნა ფეზეშქიანმა.ირანის ლიდერმა ასევე განაცხადა, რომ მტრის მიმართ უნდობლობა და ურთიერთქმედებაში სიფხიზლე აუცილებლობაა.შეგახსენებთ, რომ ირანმა უარი თქვა აშშ-თან მოლაპარაკებების მორიგ რაუნდში მონაწილეობაზე. მედიიის ინფორმაციით, ამის მიზეზი ვაშინგტონის გადაჭარბებული მოთხოვნები, არარეალისტური მოლოდინები, პოზიციის მუდმივი ცვლილება და მიმდინარე საზღვაო ბლოკადაა.

ბრიუსელმა უნგრეთის ოპოზიციას ერთპარტიული უმრავლესობის მოპოვება მიულოცა, ქართველებთან კი კიდევ ერთხელ დამარცხდა. მამლის ყივილამდე უარყვეს, რასაც გვიმტკიცებდნენ, რომ კონსტიტუციური უმრავლესობა ცუდია, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.მისივე თქმით, ამ მხრივ უნგრეთის არჩევნების შედეგი საინტერესოა.„იცით, რომ უნგრეთში ოპოზიციურმა ლიდერმა მოიპოვა ერთპარტიული საკონსტიტუციო უმრავლესობა, ყველამ მოულოცა. რა თქმა უნდა, ჩვენც ვულოცავთ, თუმცა გაიხსენეთ, ჩვენთან რა ისტერია ჰქონდა ბრიუსელს და მის დაქირავებულ ჯგუფებს, თითქოს კოალიციური მთავრობის გარეშე არ არსებობს, კონსტიტუციურ უმრავლესობა არის არადემოკრატიული, არადემოკრატიულია, თუ ერთ პარტიას აქვს უმრავლესობა. კარგად მიულოცეს უნგრეთის ოპოზიციას ერთპარტიული კონსტიტუციური უმრავლესობის მოპოვება. აქედან გამომდინარეც, შეგვიძლია, ჩვენი ქვეყნის დემოკრატიულ განვითარებაში სხვების მავნე ხელების ფათურის ეს თავიც გადავფურცლოთ. გვარწმუნებდნენ, თითქოს ერთპარტიული, კონსტიტუციური უმრავლესობა ცუდი და ანტიდემოკრატიულია. თავად ბრიუსელმა დაადასტურა, რომ მთავარია, ხალხი როგორ აირჩევს და ხალხის არჩევანი თუ არის ასეთი, ყველამ უნდა მიიღოს. ამიტომ, თავისი ნაბიჯითაც კიდევ ერთხელ დამარცხდა ბრიუსელი. დამარცხდა ქართველებთან იმით, რომ მამლის ყივილამდე უარყვეს ყველაფერი, რასაც გვიმტკიცებდნენ, რომ კონსტიტუციური, ერთი პარტიის უმრავლესობა ცუდია“, – განაცხადა შალვა პაპუაშვილმა.

საქართველოს პარლამენტის თავმჯდომარის, შალვა პაპუაშვილის განცხადებით, პარტიების აკრძალვის შესახებ საკონსტიტუციო სარჩელს პარტია „ფედერალისტებიც“ დაემატება.როგორც პაპუაშვილმა აღნიშნა, „ქართული ოცნება“ საკონსტიტუციო სასამართლოს მიმართავს ახალი კონსტიტუციური სარჩელით და პარტია „ფედერალისტები“ აქამდე არსებულ სამ პარტიას დაემატება.„დღეს მივმართავთ საკონსტიტუციო სასამართლოს ახალი კონსტიტუციური სარჩელით. ამავე დროს გამოვითხოვთ ძველ კონსტიტუციურ სარჩელს, რომელიც არაკონსტიტუციური პარტიების აკრძალვის მოთხოვნით გვქონდა შეტანილი და მივმართავთ ახალი, დაკორექტირებული კონსტიტუციური სარჩელით, რომელშიც გავზრდით პარტიების ჩამონათვალს. კერძოდ, თუკი თავდაპირველ კონსტიტუციურ სარჩელში იყო სამი პარტია – ნაციონალური მოძრაობა, კოალიცია ცვლილებისთვის და ლელო, ახალ კონსტიტუციურ სარჩელში, ამ სამ პარტიასთან ერთად, იქნება პარტია „ფედერალისტები“.2 მარტს ხელმოწერილი დეკლარაციით რამდენიმე პარტიამ გაიზიარა ის სტრატეგიული ამოცანები, რაც მათ აქვთ. გაერთიანდნენ 4 ოქტომბრის ხელისუფლების დამხობის ორგანიზატორებთან და ამითაც გაიზიარეს სტრატეგიული მიზნები. განაცხადეს, რომ მოხდეს არჩევნების დელეგიტიმაცია, მოხდეს კონსტიტუციური ორგანოების უფლებამოსილებების არაღიარება და ა.შ. აქედან გამომდინარე, აქამდე არსებულ სამ პარტიას ჩვენს კონსტიტუციურ სარჩელში ვამატებთ ფედერალისტურ პარტიას. რა თქმა უნდა, ამ ალიანსში არიან სხვა პარტიებიც, თუმცა, ისევე, როგორც წინა შემთხვევაში, ვთქვით, რომ ვუყურებთ, რა არის მიზნები აქვთ, რამდენად არაკონსტიტუციური მიზნები აქვთ ამა თუ იმ პარტიას, მეორე მხრივ, ვუყურებთ, რამდენად არსებითია მათი გავლენა პოლიტიკაზე.დღეს ალიანსის ლიდერები არიან მიხეილ სააკაშვილი, გიგა ბოკერია და ნიკა გვარამია. ეს არის „ნაციონალური მოძრაობის“ კრიმინალური რეჟიმის სამი მაღალჩინოსანი, რომელიც დღეს კვლავ გაერთიანებული „ნაციონალური მოძრაობის“ ალიანსის სახით ცდილობს, ქვეყანა აქციოს მარიონეტულ სახელმწიფოდ. ჩვენ გვქონდა მსჯელობა კონსტიტუციურ სარჩელზე, შესაბამისად, მეოთხე პარტიად დაემატება „ფედერალისტები“, გამომდინარე იქიდან, რომ 2 მარტის დეკლარაციით კვლავ გაერთიანებული „ნაციონალური მოძრაობის“ ალიანსის რეალური ლიდერები არიან სააკაშვილი, ბოკერია, გვარამია“, – განაცხადა შალვა პაპუაშვილმა.

სრულად ვიზიარებ მეუფე იაკობის და მეუფე გიორგის სულისკვეთებას, რომ პატრიარქის არჩევნებში ჩარევა არ უნდა მოხდეს, პატრიარქის არჩევა არის სრულად წმინდა სინოდის კომპეტენცია, შესაბამისად ჩვენი განწყობაც, სურვილიც და მოწოდებაც სწორედ ეს არის, რომ არავინ არ უნდა ჩაერიოს ამ პროცესში, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.მისივე თქმით, ყველა უნდა გაუფრთხილდეს სინოდის კომპეტენციასა და უფლებამოსილებას, აირჩიოს პატრიარქი.„ჩვენ ვაკვირდებით, რომ არის რიგი პარტიები და მართლაც ვხედავთ კამპანიას, რომელიც მიმართული არის კონკრეტული მეუფეების წინააღმდეგ და არა მხოლოდ. მიმართული არის გარდაცვლილი პატრიარქის წინააღმდეგ, რაც, რა თქმა უნდა, არის მიუღებელი. მნიშვნელოვანია, ყველა გავუფრთხილდეთ სინოდის კომპეტენციას, უფლებამოსილებას, რომ აირჩიოს პატრიარქი. შესაბამისად, ჩვენც ზუსტად ამ სულისკვეთებით ვმოქმედებთ.სრულად ვიზიარებ ამ სულისკვეთებას, რომ არავინ უნდა ჩაერიოს. თქვენ ხვდებით ყველა, თუ რამხელა პასუხისმგებლობის წინაშე დგანან დღეს წმინდა სინოდის წევრები. ეს არის 50 წელში მეორე შემთხვევა სწორედ 1977 წლიდან, პირველი შემთხვევა, როდესაც სინოდი მიიღებს გადაწყვეტილებას პატრიარქის არჩევასთან დაკავშირებით. რა თქმა უნდა, ეს არის უდიდესი პასუხისმგებლობა. ასეთი საპასუხისმგებლო გადაწყვეტილება არის მისაღები, რა თქმა უნდა, მნიშვნელოვანი არის, რომ მეუფეებმა საჯაროდაც, ზოგადადაც ისაუბრონ. მგონი, ქადაგებაში სხვაც იგულისხმებოდა, კონკრეტულად დაასახელა კიდევაც სხვაც.  სრულად ვიზიარებ მეუფეების პოზიციას, რომ არ უნდა ჩაერიოს არავინ. არ მგონია მხოლოდ ხელისუფლებას, ყველას მიმართავენ, რომ არავინ არ უნდა ჩაერიოს. სრულად ვიზიარებ, რომ წმინდა სინოდის გადასაწყვეტია პატრიარქის არჩევა. სრულად ვიზიარებ იმ პოზიციებს, რომელიც ქართულ ეკლესიას გააჩნია“,- განაცხადა შალვა პაპუაშვილმა.