სალომე ზურაბიშვილი – დღეს ვინც პარლამენტში შევა, შევა რუსეთში

შეშფოთებულები ვართ საქართველოს მთავრობასა და მის სტრატეგიულ პარტნიორებს შორის ურთიერთობების გაუარესებით, როგორც ქვეყნის შიგნით, ასევე მის ფარგლებს გარეთ, – ამის შესახებ სამხრეთ კავკასიაში მსოფლიო ბანკის რეგიონულმა დირექტორმა, როლანდ პრაისმა განაცხადა.მისი თქმით, სტრატეგიული პარტნიორები საქართველოს მთავრობასთან მუშაობდნენ მისი ეკონომიკის ასაშენებლად, რათა უფრო სტაბილური გამხდარიყო და რეალურად ყოფილიყო იმ ძალიან ძლიერ მდგომარეობაში, რომელშიც ამჟამად არის.„ჩვენ, როგორც მსოფლიო ბანკს, ჩვენი მანდატის შესაბამისად, არ შეგვიძლია, ჩავერთოთ ქვეყნის სამართლებრივ და პოლიტიკურ საკითხებში. აქ განვითარებისთვის ვართ და განვითარების საკითხები კვლავ აქტუალური და მნიშვნელოვანია. ჩვენ საქართველოს მთავრობასთან და ქართველ ხალხთან ერთად 30 წელზე მეტია, ვთანამშრომლობთ. ჩვენ კვლავ ვზრუნავთ ამ ქვეყნის კონკურენტუნარიანობაზე, მის უფრო მდგრადობაზე და მოსახლეობის კეთილდღეობაზე. დღეს აქ ვართ, რათა მოვისმინოთ ჩვენი ერთ-ერთი ანგარიში, რომელიც საქართველოში გლობალურ გამოცდილებას შემოიტანს. ჩვენ კვლავ გავაგრძელებთ დაფინანსების გამოყენებას საქართველოს მოსახლეობის სასარგებლოდ“, – განაცხადა როლანდ პრაისმა.

თეთრ სახლში აცხადებენ, რომ ვაშინგტონს არ შეუძლია, „უსასრულოდ“ უზრუნველყოს უკრაინული მხარე იარაღით. აღნიშნულის შესახებ თეთრი სახლის პრესმდივანმა, ქეროლაინ ლევიტმა „ფოქს ნიუსის“ ეთერში განაცხადა.ლევიტის თქმით, აშშ აღარ აწვდის უკრაინას იარაღს, თუმცა ნატო-ს ქვეყნები ამერიკულ იარაღს PURL-ის (უკრაინის პრიორიტეტული მოთხოვნების სია) პაკეტის მეშვეობით ყიდულობენ.„ჩვენ ამას ვერ გავაკეთებთ უსასრულოდ. პრეზიდენტს სურს, ეს ომი დასრულდეს. ის მშვიდობიანი დროის პრეზიდენტია. ეს არის, რისკენაც ისწრაფვის. დღეს მას სურს, დარჩეს ოპტიმისტად და იმედოვნებს, რომ მოხერხდება იმ შეთანხმების მიღწევა, რომელიც ომს დაასრულებს“, – განაცხადა ლევიტმა.ლევიტის თქმით, ტრამპი „დიდ მადლიერებას იმსახურებს უზარმაზარი დროისა და ენერგიისთვის, რომელიც ომის მოგვარებაში ჩადო“.

წლებია, ბიძინა ივანიშვილის მიმართ ბრძოლაა დაწყებული. საჯაროდ ეუბნებიან, რომ პრობლემები ექმნება, რადგან საქართველოს სუვერენიტეტს არ თმობს, არ აჰყვა გლობალურ ომის პარტიას, არ დაიწყო სამხედრო კონფლიქტი რუსეთთან, უარი არ თქვა ტრადიციებზე და საქართველოში ლგბტ პროპაგანდა არ დაუშვა, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.მაჭარაშვილის თქმით, ბიძინა ივანიშვილმა არაერთხელ თქვა, რომ ქვეყნის ინტერესებს არაფერზე გაცვლის.„ყველაზე სანდო საერთაშორისო საბანკო სისტემა „კრედიტ სუისი“, პრაქტიკულად, ჩამოანგრიეს. წარმოიდგინეთ, რა დონეზე აწყობთ და უღირთ, რომ ამ ადამიანს ებრძოლონ, ამხელა საბანკო სისტემა გაანულეს. ე.ი. იქ ვინმეს თუ არ მოეწონე და რაც უნდათ, არ გააკეთე, შენს თანხებს არ გამოგაყენებინებენ. ეს არის ბრძოლა. ბიძინა ივანიშვილმა არაერთხელ თქვა, რომ ქვეყნის ინტერესებს არაფერზე გაცვლის. ეს არა მხოლოდ ნათქვამი აქვს, არამედ გაკეთებულიც. ამ ადამიანმა სამი ინსტანციის სასამართლო მოიგო და თანხებს არ აძლევენ. ბიძინა ივანიშვილი ქვეყნისთვის სასარგებლო პოლიტიკას არ ცვლის. როგორმე უნდა მიხვდნენ, რომ ქვეყნის ინტერესების საწინააღმდეგოდ არ გადადგამს ნაბიჯებს. როგორ გგონიათ, ლონდონის საერთაშორისო არბიტრაჟი, პირველი-ორი ინსტანცია საქართველოს ხელისუფლების და ბიძინა ივანიშვილის კანტორაა, როცა გადაწყვეტილება მის სასარგებლოდ მიიღეს და „კრედიტ სუისი“ გაამტყუნეს? – ცოტა იმეცადინეთ ხოლმე. ამ ადამიანს ეს თანხები ეკუთვნის თუ არა? – ეკუთვნის“, – განუცხადა მაჭარშვილმა ჟურნალისტებს.გაერთიანებული სამეფოს საიდუმლო საბჭოს სასამართლო კომიტეტმა, რომელიც გაერთიანებული სამეფოს უზენაეს სააპელაციო სასამართლოს წარმოადგენს, ბიძინა ივანიშვილისა და შვეიცარიული ბანკის, „კრედიტ სუისის“ საქმეზე საბოლოო გადაწყვეტილება გამოაქვეყნა.აღნიშნული გადაწყვეტილებით, სასამართლომ ერთხმად უარყო ბიძინა ივანიშვილის წინააღმდეგ „კრედიტ სუისის“ შვილობილი კომპანიის, CS Life-ის საჩივარი ყველა საკითხზე, ზარალის შეფასების ზუსტი თარიღის დაწყების გარდა. სასამართლომ ასევე არ დააკმაყოფილა ჯვარედინი საჩივარი.ამგვარად, სასამართლომ ძალაში დატოვა წინა ინსტანციების გადაწყვეტილებები, რომლებიც შვეიცარიულ ბანკს ბიძინა ივანიშვილისთვის ზარალის ანაზღაურებას ავალდებულებდა.

ნიუ-იორკელი მექანიკოსი, უოლტერ ჰანტი ცნობილია მრავალრიცხოვანი გამოგონებით. მას ეკუთვნის პატენტები ავტოკალამზე, დანის სალესზე, ტრამვაის ზარებზე, სამზარეულოს ქურაზე, საკერავ მანქანაზე, ქუჩების საწმენდ მანქანაზე, ლურსმნების მწარმოებელ მანქანაზე და ა.შ.1849 წელს, ჰანტი ფინანსურად მძიმე მდგომარეობაში აღმოჩნდა. მას დაუგროვდა, დაახლოებით, 15 დოლარი ვალი, რაც იმ დროისათვის არც ისე მცირე თანხა იყო. ვალის დასაფარად ჰანტი ცდილობდა, რაიმე მცირე გამოგონება შეექმნა, რომელიც საკმარის მოგებას მოუტანდა.ჰანტმა აიღო მავთული და მისი მოღუნვა დაიწყო. სულ რაღაც სამ საათში მან შექმნა პატარა მოწყობილობა, რომელსაც ერთი ბოლო წვეტიანი ჰქონდა, მეორე კი, მჭიდროდ დახურული. ჰანტის გამოგონების მთავარი პლუსი იყო უსაფრთხოება — წვეტიანი ბოლო მყარად იკეტებოდა და გამორიცხავდა შემთხვევით ჩხვლეტასაც კი, რაც იმ დროისთვის, ჩვეულებრივი სამაგრების შემთხვევაში, ხშირი პრობლემა იყო.ასე გაჩნდა იდეა ჩვეულებრივი ქინძისთავის, რომლის პატენტი 1849 წლის 10 აპრილს კომპანია WR Grace-ს 400 დოლარად მიჰყიდა. გამომგონებელმა მეგობარს 15 დოლარი დაუბრუნა, კომპანია WR Grace-მა კიმილიონობით დოლარი იშოვა.

საქართველოს მთავრობის გადაწყვეტილებით, შეფასებისა და გამოცდების ეროვნული ცენტრის მიერ მომზადდა სახელმწიფო ენის გამოცდა (A1, A2, B1, B2 დონეები), რომელსაც ცენტრი პირველად 6-7 დეკემბერს ჩაატარებს.რეგისტრაცია 24 ნოემბრიდან პირველი დეკემბრის 18:00 საათამდე გაგრძელდება. რეგისტრაციის გავლა შესაძლებელია მხოლოდ ელექტრონულად შეფასებისა და გამოცდების ეროვნული ცენტრის სარეგისტრაციო გვერდზე.გაითვალისწინეთ, რომ: რეგისტრაციისას ყველა ველის შევსება სავალდებულოა. სავალდებულოა პირადობის დამადასტურებელი დოკუმენტისა და რეგისტრაციის საფასურის გადახდის დამადასტურებელი ქვითრის ასლების ატვირთვა. განაცხადის წარმატებით დარეგისტრირების შემთხვევაში  ცენტრისაგან მიიღებთ მოკლე ტექსტურ შეტყობინებას.რეგისტრაციის საფასური 50 ლარია.თუ გამოსაცდელს ესაჭიროება სპეციალური საგამოცდო გარემოს შექმნა,  მან უნდა წარმოადგინოს შესაბამისი სამედიცინო ცნობა (ფორმა №100) ცენტრში პირველი დეკემბრის 18:00 საათამდე. თუ დადგენილ ვადაში არ იქნება წარმოდგენილისამედიცინო ცნობა, ცენტრი გამოცდის მიმდინარეობისას ვერ გაითვალისწინებს აპლიკანტის სპეციალურ საჭიროებებს, გარდა იმ გამონაკლისი შემთხვევისა, როცა  აღნიშნული საჭიროება აპლიკანტს რეგისტრაციის ვადის ამოწურვის შემდგომ წარმოეშვება.პირებს, რომლებიც ატვირთავენ არასრულყოფილ განაცხადს, უფლება აქვთ 2 დეკემბრის 18:00 საათამდე გაასწორონ რეგისტრაციისას დაშვებული ხარვეზი.სახელმწიფო ენის გამოცდა წელიწადში რამდენჯერმე ჩატარდება. მასში მონაწილეობის მიღება ნებაყოფლობითია და ნებისმიერ მსურველს შეუძლია. გამოცდა შეამოწმებს ოთხ კომპეტენციას: მოსმენას, კითხვას,  წერასა და  ლაპარაკს. ამ ეტაპზე განსხვავებული სირთულის ორი  ტესტირება ჩატარდება: პირველი განსაზღვრავს ქართული ენის ფლობის A1 და A2 დონეებს, მეორე – B1 და B2 დონეებს. A1-A2 და B1-B2 დონეების დიფერენცირება იმის მიხედვით მოხდება, თუ რამდენ ქულას დააგროვებს გამოსაცდელი.გამოცდის მიზანია ქართულის, როგორც სახელმწიფო ენის სტატუსის გაძლიერება და ენის ფუნქციონირების არეალის გაფართოება. საგამოცდო ტესტზე მუშაობა მიმდინარეობდა რამდენიმე ეტაპად - დასაწყისში მთელი საქართველოს მასშტაბით გამოიცადა ცალკეული კომპეტენციების შესამოწმებელი დავალებები (მოსმენა, წერა, კითხვა და ლაპარაკი), შემდეგ -  მიღებული შედეგების ფსიქომეტრული ანალიზისა და ექსპერტული შეფასების გათვალისწინებით შეიქმნა ტესტურ დავალებათა ბანკი და შემუშავდა საგამოცდო ტესტის ფორმატი.უსინათლო გამოსაცდელებისათვის გათვალისწინებული იქნება ბრაილის სისტემა ან სპეციალური ელექტრონული პროგრამა.სახელმწიფო ენის ფლობის დონის დამადასტურებელ დოკუმენტს სახელმწიფო ენის გამოცდის შედეგების გათვალისწინებით გასცემს  სახელმწიფო ენის დეპარტამენტი.2030 წლიდან A1, A2, B1 და B2 დონეებთან ერთად C1 და C2 დონეების განმსაზღვრელი გამოცდების ჩატარებაც იგეგმება.