რუსი დიპლომატები ბრიტანეთს ტოვებენ

ევროკომისიამ უკრაინას 90 მლრდ ევროს უპროცენტო კრედიტი გამოუყო. თანხის მესამედი საბიუჯეტო მხარდაჭერას, ხოლო 60 მლრდ - სამხედრო დახმარებას მოხმარდება. ამის შესახებ Deutche Welle იუწყება.როგორც ევროკომისიის თავმჯდომარემ, ურსულა ფონ დერ ლაიენმა განაცხადა, სამხედრო ხარჯები ე.წ. „კასკადური სისტემით“ განაწილდება. პირველ რიგში იარაღი თავად უკრაინაში, ევროკავშირში ან ევროპული ეკონომიკური ზონის ქვეყნებში იქნება შეძენილი. თუ აუცილებელი შეიარაღება იქ არ აღმოჩნდება, მაშინ იარაღის შეძენა მესამე ქვეყნებში, მაგ. აშშ-ში მოხდება.ფონ დერ ლაიენის თქმით, 30 მლრდ ევრო უკრაინაში რეფორმების გატარებაზე და ქვეყნის მოდერნიზაციაზე დაიხარჯება. ამ ინვესტიციებმა, სხვა საკითხებთან ერთად, ევროკავშირში უკრაინის გაწევრიანების პროცესის დაჩქარებას უნდა შეუწყოს ხელი.დეკემბრის შუა რიცხვებში ჩატარებულ ევროკავშირის სამიტზე მიღებული იყო გადაწყვეტილება 2026-2027 წლებში უკრაინისთვის 90 მლრდ ევროს კრედიტის გამოყოფის შესახებ. როგორც გერმანიის კანცლერმა ფრიდრიხ მერცმა განაცხადა, ეს კრედიტი უკრაინამ მხოლოდ მას შემდეგ უნდა დაფაროს, რაც რუსეთი მას მიყენებული ზარალისთვის კომპენსაციას გადაუხდის. თუ მოსკოვი ომით მიყენებული ზარალის ანაზღაურებაზე უარს განაცხადებს, მაშინ ევროკავშირი ვალის დასაფარად გაყინულ რუსულ აქტივებს გამოიყენებს.

სამწუხაროდ, ევროკავშირის საელჩოსგან, ევრობიუროკრატიისგან ასეთი ტიპის შეურაცხმყოფელი ვიდეორგოლი და განცხადებები არ გვიკვირს იმ ფონზე, როდესაც ევროკავშირის ელჩი „ნაცმოძრაობის“ წარმომადგენლებთან ერთად ხელიხელჩაკიდებული დადიოდა წინასაარჩევნოდ და ხალხს ეუბნებოდა, „ნაცმოძრაობას“ ხმა მიეცითო, –  ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მაჭარაშვილს კითხვა დაუსვეს საქართველოს დროშის დღესთან დაკავშირებით ევროკავშირის წარმომადგენლობის მიერ გამოქვეყნებულ ვიდეორგოლზე, რომელშიც აქციის კადრებიც არის გამოყენებული.„ეს ვიდეორგოლი გასაკვირი არ არის, თუმცა არავის გავუტარებთ შეურაცხყოფას, მით უფრო სახელმწიფო დროშის დღეს. ყველას ყოველთვის ვამხელთ, ვინც კი ნაბიჯს გადადგამს საქართველოს სახელმწიფოს და საქართველოს დროშის წინააღმდეგ. უკვე ნათელი იყო, რომ ე.წ. აქციებს, რეალურად კი დამხობის მცდელობებს, ამ აქციებს ევროკავშირი აფინანსებდა და ხელს უწყობდა. ვითომ მილოცვა უნდოდათ საქართველოს დროშის დღის, ამ დროს კი პირდაპირ ხელშეწყობის წამახალისებელი რეკლამირება გააკეთეს იმ რადიკალური აქციების, რასაც თვითონ აფინანსებენ“, – განაცხადა გურამ მაჭარაშვილმა.

ნანუკა გუდავაძე სოციალურ ქსელში ოჯახურ ფოტოებს აქვეყნებს და წერს: „მყუდრო ახალი წლის შეკრება ოჯახთან ერთად. ყველას საუკეთესოს გისურვებთ.“გამოქვეყნებულ კადრებში ბიძინა ივანიშვილი და ეკატერინე ხვედელიძე შვილებთან და შვილიშვილებთან ერთად არიან აღბეჭდილნი. ფოტოები ახალი წლის მშვიდ და ოჯახურ ატმოსფეროს ასახავს.პოსტმა მომხმარებლების მხრიდან არაერთი დადებითი გამოხმაურება და მილოცვა გამოიწვია.      

"ჩვენ ყველაფერი უნდა გავაკეთოთ იმისთვის, რომ ჩვენს მომავალ თაობებს უკეთესი თბილისი დავუტოვოთ, უფრო გამწვანებული, მოწესრიგებული ინფრასტრუქტურით, საზოგადოებრივი ტრანსპორტით, ახალი პარკებით, რეკრეციული არეალებით“, - ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის 2026 წლის პირველ სხდომაზე განაცხადა.კახა კალაძემ მასშტაბური პროექტების განხორციელების დროს თბილისის მოსახლეობას მხარდაჭერა სთხოვა."დღეს ვმართავთ 2026 წლის მთავრობის პირველ სხდომას, რაც იმას ნიშნავს, რომ დედაქალაქის მთავრობა ინტენსიურად განაგრძობს მოსახლეობის წინაშე აღებული ვალდებულებების შესრულებას და რაც მთავარია, მათთვის დეტალური ინფორმაციის მიწოდებას ამა თუ იმ დაგეგმილი და განხორციელებული პროექტის შესახებ. ჩვენ უკვე არაერთხელ ვისაუბრეთ, რომ 2026 წელი იქნებოდა მასშტაბური და გამორჩეული მსხვილი პროექტების თვალსაზრისით, რაზეც ეტაპობრივად მოგაწვდით ინფორმაციას. კიდევ ერთხელ მინდა, მადლობა გადავუხადო თბილისის მოსახლეობის დიდ ნაწილს, რომელმაც მესამედ გვანდო ამ ქალაქის ბედი და მათ მნიშვნელოვანი პროექტების განხორციელების საქმეში მხარდაჭერა და თანადგომა ვთხოვო. ამის გარეშე მსგავსი მასშტაბური პროექტების განხორციელება რთული იქნება“, - განაცხადა კახა კალაძემ.მისივე თქმით, მუნიციპალიტეტი ყველა ინფრასტრუქტურულ პროექტს ძირეულად ახორციელებს, რაც დროსა და მოთმინებას მოითხოვს."როდესაც ვიწყებთ ქუჩების რეაბილიტაციას, გამზირების განახლებას, ეს არ არის მხოლოდ და მხოლოდ ფასადური სამუშაოები. პირველ რიგში, ამორტიზებული მიწისქვეშა ინფრასტრუქტურის მოწესრიგებას ვიწყებთ. მსგავს სამუშაოებს თან მოჰყვება ხმაური, გზების გადაკეტვა. არის შემთხვევები, როცა ბუნებრივი აირის და წყლის შეზღუდვაც ხდება. მინდა, კიდევ ერთხელ ვთხოვო მოსახლეობას მხარდაჭერა. ყველამ უნდა მოვითმინოთ, რომ სამუშაოები ძალიან სწრაფად და ხარისხიანად ჩატარდეს. ეს ჩვენი გუნდისთვის პრინციპულად მნიშვნელოვანია. ჩვენ ყველაფერი უნდა გავაკეთოთ იმისთვის, რომ ჩვენს მომავალ თაობებს უკეთესი თბილისი დავუტოვოთ, უფრო გამწვანებული, მოწესრიგებული ინფრასტრუქტურით, საზოგადოებრივი ტრანსპორტით, ახალი პარკებით, რეკრეაციული არეალებით და ა.შ.“, - აღნიშნა კახა კალაძემ.ამასთან, დედაქალაქის მერმა ინფრასტრუქტურულ პროექტებთან ერთად, კიდევ ერთხელ გაუსვა ხაზი სოციალური და ჯანდაცვის პროგრამების მნიშვნელობას და აღნიშნა, რომ მუნიციპალიტეტის ბიუჯეტიდან წელსაც არაერთი მსგავსი პროგრამა დაფინანსდება."რა თქმა უნდა, მიმდინარე წელსაც განსაკუთრებული ყურადღება დაეთმობა ჯანდაცვისა და სოციალური მიმართულების პროექტებს. მიუხედავად იმისა, რომ ქვეყანა წინ მიდის, ეკონომიკურად ვითარდება, ჯერ კიდევ არსებობენ ადამიანები, რომელთაც ჩვენი მხარდაჭერა სჭირდება. რა თქმა უნდა, როგორც სახელმწიფო, ისე მუნიციპალიტეტი, წელსაც ყველაფერს გააკეთებს იმისთვის, რომ ასეთ ოჯახებს გვერდით დავუდგეთ და არ დავტოვოთ პრობლემების პირისპირ“, - განაცხადა თბილისის მერმა.

აშშ-ის პრეზიდენტმა, დონალდ ტრამპმა განაცხადა, რომ უკრაინის პრეზიდენტი ვოლოდიმირ ზელენსკი აფერხებს პოტენციურ სამშვიდობო შეთანხმებას და არა ვლადიმერ პუტინი. ამის შესახებ ტრამპმა „როიტერთან“ ინტერვიუში ისაუბრა.„ვფიქრობ, პუტინი მზად არის გარიგებისთვის. უკრაინა ნაკლებად არის მზად“,- აღნიშნა დონალდ ტრამპმა.ჟურნალისტმა დონალდ ტრამპს ჰკითხა, რატომ ვერ ხერხდება ევროპაში მეორე მსოფლიო ომის შემდეგ უდიდესი სახმელეთო კონფლიქტის დასრულება, რასაც ტრამპმა მხოლოდ ერთი სიტყვა უპასუხა – „ზელენსკი“.შეერთებული შტატების პრეზიდენტმა არ დააკონკრეტა, რატომ მიიჩნევს, რომ ვოლოდიმირ ზელენსკი აფერხებს მოლაპარაკებებს.დონალდ ტრამპს ასევე ჰკითხეს, შეხვდება თუ არა უკრაინის პრეზიდენტს მსოფლიო ეკონომიკურ ფორუმზე დავოსში, მომავალ კვირას, მან უპასუხა – „შევხვდები – თუ იქ იქნება. მე იქ ვიქნები“.