რუსეთის საგარეო უწყება აბაშიძე-კარასინის შეხვედრასთან დაკავშირებით განცხადებას ავრცელებს

მომხმარებელთა უფლებების დაცვისა და მომხმარებლისთვის შესაძლო ფინანსური თაღლითობის თავიდან აცილების მიზნით, საქართველოს ეროვნული ბანკი საგადახდო მომსახურებასთან დაკავშირებით არსებულ მოთხოვნებს ამკაცრებს. ამის შესახებ ინფორმაციას სებ-ი ავრცელებს.როგორც გავრცელებულ ინფორმაციაშია ნათქვამი, ცვლილება შედის მომხმარებლის ძლიერი ავთენტიფიკაციისა და ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში, რაც ხელს შეუწყობს და უფრო ეფექტიანს გახდის მოწყვლადი სეგმენტის - 60 წელს გადაცილებული მომხმარებლის დაცვას თაღლითური სქემებისგან.„განახლებული რეგულაციები ეფუძნება საუკეთესო საერთაშორისო პრაქტიკას და მოიცავს ისეთ დამატებით მოთხოვნებს, რომლის მიხედვით საგადახდო მომსახურების პროვაიდერი ვალდებულია 60 წელს გადაცილებულ მომხმარებელთა ანგარიშებიდან შესასრულებელ გარკვეულ ტრანზაქციებზე რისკების მართვა უფრო მაღალი სტანდარტით განახორციელოს.ცვლილებების მიხედვით, შესაძლო თაღლითური ქმედების შედეგად ელექტრონული გადახდის ოპერაციის შესრულების პრევენციის მიზნით, საგადახდო მომსახურების პროვაიდერმა, კანონმდებლობით გათვალისწინებული მონიტორინგის მექანიზმებში, დამატებით უნდა დანერგოს დაცვის სპეციალური ზომები 60 წელს გადაცილებული მომხმარებლებისთვის.კერძოდ, საგადახდო მომსახურების პროვაიდერმა დროებით უნდა შეაჩეროს ან, სადაც ეს შეუძლებელია, უარი თქვას მომხმარებლის მიერ ინიციირებული რისკიანი ელექტრონული გადახდის ოპერაციის შესრულებაზე. რისკიან ოპერაციად ჩაითვლება შემდეგი ქმედებები - თუ გადახდის ოპერაციის თანხა აღემატება 500 ლარს და გადახდის ოპერაციის შინაარსი დაკავშირებულია თაღლითობის მაღალი რისკის პროფილის საქმიანობებთან, მათ შორის, ონლაინ სავაჭრო ე.წ. „ფორექსი“, საინვესტიციო, სათამაშო ბიზნესთან ან ვირტუალურ აქტივებთან დაკავშირებულ საქმიანობებთან; ან გამოვლენილია მომხმარებლისთვის უჩვეულო ხარჯვისა და ქცევის თავისებურება.რისკიანი ოპერაციის დაფიქსირების შემთხვევაში, საგადახდო მომსახურების პროვაიდერი ვალდებული იქნება დაუკავშირდეს მომხმარებელს, მოახდინოს მისი ინფორმირება მომხმარებლის მიერ ინფორმაციის უკეთ გაანალიზების ხელშეწყობის მიზნით, რითაც შემცირებული იქნება თაღლითების მანიპულაციის ქვეშ მომხმარებლის მიერ ოპერაციების განხორციელების რისკი.ამასთან, აღსანიშნავია, რომ მომხმარებელს მის მიერ რისკიანი ან/და საეჭვო ტრანზაქციის ინიციირების შემდეგ 48 საათი ექნება იმისთვის, რომ მომხმარებელმა მიიღოს საბოლოო გადაწყვეტილება ტრანზაქციის განხორციელების შესახებ და აღნიშნული დაუდასტუროს მომსახურების პროვაიდერს.აღსანიშნავია, რომ პირველ ეტაპზე სებ-ის მიერ შემუშავებული ახალი წესი სექტემბრიდან ამოქმედდება და მხოლოდ საბარათე ოპერაციებზე გავრცელდება.აქვე, კიდევ ერთხელ აღვნიშნავთ, რომ მომხმარებელთა, განსაკუთრებით კი საპენსიო ასაკის სეგმენტის უფლებების დაცვა, ეროვნული ბანკისთვის ერთ-ერთ მნიშვნელოვან ამოცანას წარმოადგენს. სწორედ აქედან გამომდინარე, ეროვნული ბანკი მუდმივად ცდილობს ფინანსურ სექტორში არსებული გარემოს გაუმჯობესებას, მათ შორის, ფინანსურ სექტორში ნდობის, სტაბილურობისა და გამჭვირვალობის უზრუნველყოფის გზით.ეროვნული ბანკი სამომავლოდაც განაგრძობს თაღლითობის რისკების მონიტორინგს და საჭიროების შემთხვევაში, მოახდენს ეფექტიან რეაგირებას“, - ნათქვამია ინფორმაციაში.

მართლმადიდებლური ლიტურგიის მრავალსაუკუნოვან მდუმარებაში ყოველი ნივთი და მოქმედება სიმბოლოებით მეტყველებს. სულიერი დრამატურგიის მწვერვალი მღვდელმთავრის შემოსვის საიდუმლოა. პატრიარქის სამოსის თითოეული დეტალი ძვირფას ქსოვილში გაცოცხლებული ისტორია და ზეციური დიდების მიწიერი ანარეკლია.200-წლიანი პაუზის შემდეგ, მივიწყებული ტექნიკა - ოქრომკედით ქარგვა ილია მეორის თაოსნობით აღდგა და ხელსაქმის ახალი ეპოქაც დაიწყო. ისტორიული ცნობებით, ამ ტექნიკით ჯერ იმპერატორების, შემდეგ პატრიარქების შესამოსელი იქმნებოდა. წარსულთან დამეგობრებული თანამედროვეობით შეიქმნა ილია მეორის სამადლობელი საჩუქარი - პირველი სრულყოფილი შესამოსელი მარგალიტებით, ძვირფასი თვლებით, ოქროს ძაფით და ეს ყველაფერი მხოლოდ ხელით.შემოქმედებითი ფანტაზია, ინდივიდუალიზმი, დაუცხრომელი შრომა - თითქმის 3 წელი ქმნიდნენ შესამოსელს, რომელიც პატრიარქს მხოლოდ ერთხელ, რამდენიმე წუთით, 80 წლის იუბილეზე ეცვა.მართლმადიდებლურ ტრადიციაში ოქრო და ძვირფასი ქვები არა ადამიანის სიმდიდრეს, არამედ ღვთაებრივ ნათელსა და ზეციური სამეფოს უხრწნელების განასახიერებს. პატრიარქი ამ დიდებულებით იმოსება არა საკუთარი თავის წარმოსაჩენად, არამედ როგორც ქრისტეს - ზეციური მეუფის - ცოცხალი ხატი.1977 წლის 25 დეკემბერი, ისტორიული დღე, სვეტიცხოვლის საკათედრო ტაძარი - მღვდელმთავრის შესამოსელი მთელი თავისი ბრწყინვალებით წარმოჩინდა. საქართველოს ახალი კათალიკოს პატრიარქი ჰყავს. დიდებული სამოსით შემოსილმა ილია მეორემ პირველად დალოცა საქართველო.პატრიარქის შესამოსლის ფერი არასოდესაა შემთხვევითი. ის იმ კონკრეტული დღესასწაულის ან პერიოდის სულიერ შინაარსს გამოხატავს, რომელსაც ეკლესია აღნიშნავს.მღვდელმთავრის შემოსვა საზეიმო და ყველაზე მისტიკური ნაწილია. ეს არ არის მხოლოდ ჩაცმა, ეს არის სიმბოლური პროცესი, როცა ადამიანი თანდათანობით განიძარცვება ამქვეყნიური სახისგან და იმოსება ზეციური მადლით.შემოსვის საიდუმლოს დასრულების შემდეგ სრული დიდებულებით წარდგება სამწყსოს ლიდერი, შესამოსლის ყოველი ატრიბუტი ძალაუფლებისა და სულიერი ბრძოლის იარაღია.პატრიარქის შესამოსელში განსაკუთრებული ადგილი უჭირავს იმ ისტორიულ ნივთებს, რომლებსაც წინამორბედი მწყემსთმთავრების ლოცვა დაჰყვება. ერთ-ერთი გამორჩეული ატრიბუტია კვერთხი - ის უმაღლესი სამწყემსო მსახურების ნიშანია. მიტრა კი ჯვარცმული მაცხოვრის ეკლის გვირგვინს აღნიშნავს.ისტორიული შესამოსლები, რომლებმაც ეპოქალური მოვლენები შემოინახეს, საპატრიარქოში იქნება დაცული. სალიტურგიო სამოსის და საეკლესიო ატრიბუტების ნაწილი კი პატრიარქიდან პატრიარქს გადაეცემა, როგორც დალოცვილი და უწყვეტი სულიერი ჯაჭვი.

თურქეთის პრეზიდენტმა, რეჯეფ თაიფ ერდოღანმა აშშ-ის პრეზიდენტ დონალდ ტრამპთან სატელეფონო საუბარი გამართა. ამის შესახებ თურქეთის პრეზიდენტის ადმინისტრაცია ავრცელებს ინფორმაციას.რეჯეფ თაიფ ერდოღანმა თეთრი სახლის კორესპოდენტთა მიღებაზე მომხდარი სროლის გამო მწუხარება გამოხატა.„პრეზიდენტმა ერდოღანმა განაცხადა, რომ ინციდენტს დემოკრატიისა და პრესის თავისუფლების წინააღმდეგ მიმართულ საზარელ ქმედებად მიიჩნევს და დაშავებულ უსაფრთხოების თანამშრომელს სწრაფ გამოჯანმრთელებას უსურვებს“, – აღნიშნულია თურქეთის პრეზიდენტის ადმინისტრაციის განცხადებაში.შეგახსენებთ, აშშ-ში, თეთრი სახლის კორესპონდენტების ასოციაციის მიღებაზე, რომელსაც დონალდ ტრამპი ესწრებოდა, სროლა იყო.სროლაში ეჭვმიტანილი პირი 31 წლის კოულ ტომას ალენია. სოციალურ ქსელებში გამოქვეყნებული მასალებიდან ირკვევა, რომ ის ლოს ანჯელესის მახლობლად, კალიფორნიის შტატის ქალაქ ტორენსში მასწავლებელი იყო. 

მიმდინარე წლის 26 აპრილს, მენელსაცხებლე დედათა კვირიაკეს საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი), მღვდელმთავრებთან და სამღვდელოებასთან ერთად ყოვლადწმინდა სამების საპატრიარქო ტაძარში წირვა აღავლინა.მსახურების დასრულების შემდეგ მეუფე შიომ მრევლს ქადაგებით მიმართა.„სახელითა მამისათა და ძისათა და სულისა წმინდისათა.ძვირფასო მამებო, ძმებო და დებო, გილოცავთ მენელსაცხებლე დედების კვირას, მათ ეძღვნებათ ეს დღე, წმინდა ქალებს, რომლებმაც გამოავლინეს ცოცხალი რწმენა ქრისტესადმი, დიდი სიყვარული და მაგალითი გვიჩვენეს ამ სიყვარულის და რწმენის. მათ მიატოვეს თავიანთი ოჯახები, ახლობლები, რომ იესო ქრისტესთან ყოფილიყვნენ, მისთვის ემსახურათ. მაშინაც კი, როდესაც მაცხოვარი ყველამ მიატოვა, ერთმა მოციქულმა უღალატა, მეორემ უარყო, სხვები დაიფანტნენ და გაიქცნენ, როდესაც მაცხოვარს ასამართლებდნენ, როგორც ბოროტმოქმედს და მისი ნაცნობობაც კი ძალიან სახიფათო იყო სიცოცხლისთვის, მაშინაც კი ისინი არ შეშინდნენ და დარჩნენ მაცხოვრის გვერდით.მათთვის უმძიმესი იყო ხილვა მისი ჯვარცმის, მისი სიკვდილის, ტანჯვის, გარდამოხსნის, დაფვლის, მაგრამ ისინი მაინც არ შეშინდნენ. არ შეშინდნენ მაშინაც კი, როდესაც მისი სხეული უკვე საფლავში იყო; მაინც მივიდნენ, რომ ნელსაცხებელი ეცხოთ მისთვის.აი, ამ ფიზიკურად სუსტი, მაგრამ სულიერად ძლიერი ქალების სიმამაცემ, სიყვარულმა, ღვთისგან მიიღო თავისი ჯილდო და საზღაური. როგორც გახსოვთ, პირველად სწორედ მათ ეხარათ ქრისტეს აღდგომის შესახებ, პირველი „გიხაროდენ“ სწორედ მათ გაიგონეს.როგორც გვიამბობს წმინდა სახარება, ისინი ეძიებდნენ ქრისტეს მკვდართა თანა, მაგრამ პოვეს მკვდრეთით აღდგომილი და იმ დღიდან, იმ წუთებიდან მთელი თავიანთი ცხოვრების განმავლობაში ისინი გახდნენ მკვდრეთით აღდგომილი უფლის მქადაგებლები და ამ სიხარულის მახარობლები.ძვირფასო ძმებო და დებო, მენელსაცხებლე დედების სახით დღეს ეკლესია განადიდებს ყველა ქალს, ვინც ქრისტეს მსახურების ღვაწლით პასუხს სცემს ქალის დიდ მოწოდებას და ღირსებას, ადასტურებს ამ ღირსებას.ვინ იყო ამ მოწოდებისა და ღირსების მთავარი იდეალი? – ყოვლადწმინდა ღვთისმშობელი, დედოფალი ჩვენი, მარადის ქალწული მარიამი, რომლის სახით კაცობრიობამ მიაღწია, შეიძლება ასე ითქვას, ისეთ სიწმინდეს და სულიერ სრულყოფილებას, რომელიც ანგელოზებსაც კი აღემატება. ამიტომ იწოდება ის „უპატიოსნესი ქერუბიმთასა და აღმატებით უზესთაესი სერაფიმთასა“. ის გახდა ღვთის დედა და მისი სახით იკურთხება ღვაწლი დედობისა.ეკლესია ყოველთვის პატივს სცემდა, განსაკუთრებით იხსენიებდა იმ ქალთა მრავალრიცხოვან დასებს, რომლებიც განდიდდნენ მოწამეობით, მონაზვნობით, წმინდა ცხოვრებით. ეკლესიის დაარსების დღიდანვე ქალი აქტიურად მონაწილეობს ეკლესიურ ცხოვრებაში, მისთვის ფართოდ არის გახსნილი სამოღვაწეო ასპარეზი, ეს იქნება საგანმანათლებლო, მისიონერული, საქველმოქმედო თუ სხვა სფეროები ჩვენს ეკლესიაში.ამდენად, ეკლესია დიდად აფასებს ქალის როლს როგორც ეკლესიაში, ისე, საერთოდ, საზოგადოებაში, მაგრამ ამავე დროს არ იღებს და ეწინააღმდეგება იმ დამოკიდებულებას, რომელიც აკნინებს ქალის მნიშვნელობას, როგორც დედისა და მეუღლისა. ქალის და მამაკაცის თანასწორუფლებიანობა არ ნიშნავს მათი ბუნებრივი განსხვავებების გაუქმებას და მათი მოწოდებების ერთნაირობას როგორც საზოგადოებაში, ისე ოჯახში. ქალსაც და მამაკაცსაც ღმერთმა ჩაუდო ბუნებაში სხვადასხვა დანიშნულება და ამის წინააღმდეგ წასვლა ნიშნავს ღმერთის წინააღმდეგ წასვლას, ქალის და მამაკაცის შესახებ ღმერთის განგებულების წინააღმდეგ წასვლას.ქალი დაჯილდოებულია ნამდვილი უნივერსალიზმით, იგი ასწრებს ოჯახშიც, ასწრებს სამსახურშიც, ასწრებს ეკლესიაშიც, ასწრებს ხშირად ჩვენზე უფრო მოშურნედ მიცვალებულთა მოხსენიებასაც, ცოცხალთა მოხსენიებასაც.ამდენად, ჩვენს ძვირფას ქალებს აქვთ თავიანთი განსაკუთრებული დღესასწაული. ეს არის დღევანდელი მენელსაცხებლე დედების ხსენება.ჩვენო ძვირფასო ქალებო, ჩვენო დედებო, დებო, შვილებო, გილოცავთ ამ დღესასწაულს. ღმერთმა გაგაძლიეროთ, გაგახაროთ, მოგცეთ წყალობა ღვთისა და ძალა, რომ ყოველთვის მიბაძოთ და მიემსგავსოთ თქვენს დიდ წინამორბედებს – წმინდა მენელსაცხებლე დედებს“, – განაცხადა მეუფე შიომ.მეუფე შიოს თქმით, დღეს ჩვენ აღვნიშნავთ კიდევ ერთ დღესასწაულს – ჯვართაღმართებას.„ეს დღესასწაული დააარსეს მოციქულთასწორმა ნინომ, მეფე მირიანმა, დედოფალმა ნანამ და ეპისკოპოსმა იოანემ, როდესაც მათ ააშენეს სვეტიცხოვლის ტაძარი, განიზრახეს სამი ჯვრის აღმართვა. თქვენ იცით ეს ისტორია, როგორ სასწაულებრივად გამოჩნდა სამი ჯვრის ადგილი მცხეთაში, თხოთის მთასა და უჯარმაში. როდესაც ეს ჯვრები აღიმართა, როგორც გვაუწყებს მატიანე, ქართლში არსებული კერპები დაიმსხვრა და მაშინ წმინდა ნინომ თქვა: „ეს ჯვრები იქნება მფარველად ყოველთა ქრისტიანეთა“. ვმადლობთ უფალს, რომ ჩვენმა ეკლესიამ შემოინახა ამ სამიდან ორი ჯვარი. ერთი იმყოფება მცხეთაში, სვეტიცხოველში, ხოლო მეორე, თხოთის ჯვარი, ჩვენ წინაშე არის აღმართული და გვაქვს საშუალება, რომ დღეს მას მივემთხვიოთ.კიდევ ერთხელ გილოცავთ დღევანდელ დღესასწაულს. უფალმა ინებოს, რომ ამ ჯვრების ძალით და მადლით თანამედროვე კერპებიც დაიმსხვრეს საქართველოში და ჩვენი ხალხი კიდევ უფრო, მეტად და მეტად შეუდგეს ჭეშმარიტ სარწმუნოებას.ღმერთმა დაგლოცოთ და გაგაძლიეროთ; ჯვრის ძალამ და მადლმა დაგლოცოთ ყოველი თქვენგანი, დალოცოს, გაამთლიანოს, გააძლიეროს სრულიად საქართველო. ამინ“, – განაცხადა მეუფე შიომ.მეუფე შიოს განმარტებით, დღეს კევლიშვილების გვარს დალოცავენ.„ღმერთმა გამრავლოთ, გაგახაროთ, აგაღორძინოთ და გაგაძლიეროთ“, – აღნიშნა მეუფე შიომ.

უმკაცრესად ვგმობ ვაშინგტონში განხორციელებული თავდასხმის მცდელობას, – ამის შესახებ საქართველოს პრემიერი-მინისტრი ირაკლი კობახიძე სოციალურ ქსელს X-ში წერს.როგორც პრემიერ-მინისტრი აღნიშნავს, მოხარულია, რომ პრეზიდენტი ტრამპი და პირველი ლედი უსაფრთხოდ არიან.„უმკაცრესად ვგმობ ვაშინგტონში განხორციელებული თავდასხმის მცდელობას. მოხარული ვარ, რომ პრეზიდენტი, პირველი ლედი და ყველა იქ მყოფი უსაფრთხოდ არიან“, – წერს ირაკლი კობახიძე.შეგახსენებთ, აშშ-ში, თეთრი სახლის კორესპონდენტების ასოციაციის მიღებაზე, რომელსაც დონალდ ტრამპი ესწრებოდა, სროლა იყო.