რიკოთის გვირაბთან ავარიას 5 ადამიანი ემსხვერპლა

ირანის პრეზიდენტის, მასუდ ფეზეშქიანის განცხადებით, მოჯტაბა ხამენეის სულიერ ლიდერად არჩევა „ასახავს ხალხის ნებას მმართველობაში“.„ქვეყნის პრობლემების გადაჭრა შესაძლებელი გახდება მისი ბრძნული ხელმძღვანელობით, საზოგადოების ნდობასა და მონაწილეობაზე დაფუძნებული გარემოს შექმნით“, – განაცხადა ფეზეშქიანმა.შეგახსენებთ, ირანის სულიერ ლიდერად აიათოლა ალი ხამენეის ვაჟი, მოჯტაბა ხამენეი აირჩიეს.

თურქეთის პრეზიდენტი აცხადებს, რომ ირანი „პროვოკაციული ნაბიჯების“ გადადგმას განაგრძობს. რეჯეფ თაიფ ერდოღანის თქმით, თურქეთი ირანის ქმედებებს მოკავშირეებთან ერთად განიხილავს.მისივე განცხადებით, კვიპროსში ექვსი „F-16“ თვითმფრინავის განლაგების შემდეგ, დამატებითი ზომების მიღებას გააგრძელებს.„დღევანდელ ინციდენტთან დაკავშირებით ჩვენ კიდევ ერთხელ შევახსენებთ ირანს, რომ მათ დანაშაული არ უნდა გაიმეორონ. ჩვენ ვაპირებთ, განვიხილოთ მოვლენების განვითარება ჩვენს ნატოელ და სხვა მოკავშირეებთან ერთად და გადავდგამთ აუცილებელ ნაბიჯებს ჩვენი უსაფრთხოების გასაძლიერებლად, დამატებითი ზომების განსახორციელებლად. ჩვენ ირანის ხელისუფლება გავაფრთხილეთ, მაგრამ გულწრფელი გაფრთხილებების მიუხედავად, ირანი პროვოკაციულ ნაბიჯებს დგამს, რაც მის თურქეთთან მეგობრობას საფრთხეს შეუქმნის“, – განაცხადა ერდოღანმა.

გერმანიის კანცლერი აცხადებს, რომ ირანი საერთაშორისო ტერორიზმის ცენტრია, რომელიც უნდა დაიხუროს. ამის შესახებ ფრიდრიხ მერცმა პრესკონფერენციაზე განაცხადა.„ირანი საერთაშორისო ტერორიზმის ცენტრია და ეს ცენტრი უნდა დაიხუროს, ამერიკელები და ისრაელელები კი ამას საკუთარი გზით აკეთებენ. რაც უფრო მალე დასრულდება მოლების რეჟიმი, მით უფრო მალე დასრულდება ომი.სამხედრო მოქმედებების შეწყვეტა სრულად რეჟიმსა და ე.წ. რევოლუციის გუშაგთა კორპუსზეა დამოკიდებული. ვიდრე ეს ასე არ მოხდება, ვვარაუდობ, რომ ისრაელი და ამერიკა გააგრძელებენ ამ რეჟიმისგან დაცვას, რადგან ამ რეჟიმის მიერ შექმნილი საფრთხე ქვეყნისა და რეგიონის ფარგლებს სცილდება“, – აღნიშნა მერცმა.

აღდგომის მარხვაში ეკლესიაში ზეთის კურთხევის საიდუმლო ანუ შვიდგზის ზეთისცხება სრულდება. როგორც მამა იოანე მჭედლიშვილი აღნიშნავს, ზეთისცხებასთან დაკავშირებით, აკრძალვა არ არსებობს, მაგრამ ადამიანმა მადლი, რომ შეიგრძნოს ამისთვის ის ქრისტიანულად უნდა ცხოვრობდეს.„შვიდგზის ზეთისცხებასთან დაკავშირებით, არანაირი აკრძალვა არ არსებობს, მაგრამ მადლი, რომ შეიგრძნოს ადამიანმა, ამისთვის მან ქრისტიანულად უნდა იცხოვროს. თუ ქრისტიანულად ადამიანი არ ცხოვრობს, რა აზრი აქვს ზეთს აცხებენ თუ სხვა რამე საშუალებას. ადამიანი თუ თავის ცოდვებს არ ნანობს, აღმსარებელი არ არის, მადლი არ იქნება. როცა ადამიანი აღმსარებელია, ნანობს მის ცოდვებს, ეს უკვე დიდი მადლია და დიდი სიკეთე მოაქვს ზეთისცხებას.მისი თქმით, შვიდგზის ზეთისცხებას დიდი მადლი მოაქვს.„შვიდგზის ზეთისცხება, ეს არის ერთ-ერთი საიდუმლო, რომელიც სრულდება მარხვის პერიოდში. წესი ის იყო, რომ ეს არის ადამიანების საკურნებლად.ზოგადად მარხვა იმისთვის არის, რომ ადამიანი როცა მარხულობს, უფრო მეტი იფიქროს სულიერზე და მოუძლურების ჯამს შვიდგზის ზეთისცხების სახით სრულდება, რომ განიკურნოს ადამიანი. მთელი შინაარსია ამაში და როდესაც მიხვალ, არც ზიარებულხარ, არც აღსარება ჩაგიბარებია და არც მღვდელთან ყოფილხარ ზეთს იცხებ და გგონია რაღაც მოხდება შინაარსი გამოცლილი აქვს ამას.არ ცხოვრობს ადამიანი ქრისტიანულად და ჰგონია, რომ როცა ზეთს იცხებს ყველაფერი კარგად იქნება, თუმცა ვინც მოსულა არავისთვის უარი არ გვითქვამს, მთავარია ამას შინაარსი ჰქონდეს“,- ამბობს მამა იოანე მჭედლიშვილი.

UFC-ის მსუბუქი წონის ქართველი ჩემპიონის ილია თოფურიას ყოფილი მეუღლე ჯორჯინა უზგატეგუი სოციალურ ქსელში დიდხნიანი პაუზის შემდეგ პოსტს აქვეყნებს და ქალებს ქალთა დღეს ულოცავს.„დღეს, ქალთა საერთაშორისო დღეს, მინდა გავიხსენო ერთი მნიშვნელოვანი რამ, რომ ნამდვილი სიძლიერე ყოველთვის ხმამაღალი არ არის, ზოგჯერ ის ჩვენში ჩუმად ცხოვრობს. ქალთა დღეს, მინდა ჩავეხუტო ყველა ქალს, რომლებსაც ცხოვრების გარკვეულ მომენტში მოუწიათ უფრო ძლიერები ყოფილიყვნენ, ვიდრე ოდესმე წარმოედგინათ.დაე, არასდროს დავკარგოთ ჩვენი არსი და ის, რაც უნიკალურებად გვაქცევს: ზრუნვის, ზრდისა და განვითარების უნარი. დაე, ამ დღემ შეგვახსენოს, რომ სიმშვიდე ძალაა, რომ სიცოცხლე უკვე არის მოტივაცია. გილოცავთ ქალთა დღეს!" - წერს ჯორჯინა უზკატეგუი.