ნიკა გვარამია საზღვარგარეთ გაემგზავრა

ჯანდაცვის სამინისტროს ინფორმაციით, სოციალურად დაუცველი და მრავალშვილიანი ოჯახებისთვის ელექტროენერგიის სუბსიდირების თანხა იზრდება. უწყების განმარტებით, ცვლილების მიზანია, ახალი ტარიფის განსაზღვრის შემდეგ, ელექტროენერგიის გადასახადი მათთვის უცვლელი დარჩეს.„მთავრობის დადგენილებით - ოჯახებს, რომელთა სარეიტინგო ქულა 70 000-ზე ნაკლებია, დამატებით - 5 თეთრი დაუსუბსიდირდებათ. ჯამში ისინი, დახმარების სახით, მიიღებენ 2020 წლის დეკემბერსა და 2015 წლის ივლისში არსებული სამომხმარებლო ტარიფს შორის სხვაობას დამატებულ 1 კვტ-სთ-ზე 8.5 თეთრს - ამ დრომდე ეს მაჩვენებელი 1კვტ-სთ-ზე 3.5 თეთრს შეადგენდა.ის ოჯახები კი, რომელთა სარეიტინგო ქულა მეტია 70 000-ზე და ნაკლებია ან ტოლია 150 000-ისა, 200 კვტ-სთ-ის ელექტროენერგიას 1 კვტ-სთ-ზე 8.5 თეთრის ოდენობით სუბსიდიას მიიღებენ - ამ დრომდე ეს მაჩვენებელი კვტ-სთ-ზე 3.5 თეთრს შეადგენდა.სიახლე თბილისის მუნიციპალიტეტის გარდა მთელი ქვეყნის მასშტაბით მცხოვრებ ბენეფიციარებს შეეხებათ.რაც შეეხება მრავალშვილიან ოჯახებს, ელექტროენერგიის ახალი ტარიფის შესაბამისად, დამატებით - 10 ლარის სუბსიდიას მიიღებენ. მთელი ქვეყნის მასშტაბით, ამ სტატუსის მქონე ოჯახები, სოციალური შეღავათის სახით, ელექტროენერგიის გადასახადისთვის 20 ლარის ნაცვლად 30 ლარს მიიღებენ. ამას ემატება 10-ლარიანი სუბსიდია ყოველ მომდევნო შვილზე.ცვლილება უკვე ამოქმედდა - მთავრობის გადაწყვეტილება ძალაში პირველი აპრილიდან შევიდა“, - ნათქვამია ინფორმაციაში.

საგარეო მიმართულებით, საქართველოს შესაცვლელი ჰქონდა პოლიტიკა, ეს იყო აბსოლუტურად გასაგები. სწორედ ამიტომ იყო, რომ ჩვენ, რამდენიმე დეპუტატმა მივიღეთ გადაწყვეტილება, სანამ პარტიას შევქმნიდით მანამდე, ეს საგარეო კურსი და საგარეო რისკები დაგვენახებინა საზოგადოებისთვის და სიმართლე ეტაპობრივად, მაგრამ მაინც გვეთქვა, - ამის შესახებ პარტიის "ხალხის ძალის" აღმასრულებელმა მდივანმა, გურამ მაჭარაშვილმა "ღამის კურიერი" ეთერში განაცხადა.მისი განმარტებით, ის, რაც მათ 2022 წელს წამოიწყეს, რომ არ მომხდარიყო, საქართველოში ისეთი სამწუხარო სიტუაცია იქნებოდა, როგორი სამწუხარო სიტუაციას ახლა უკრაინაშია."მინდა საზოგადოებას შევახსენო 2022 წელი, როდესაც რთული ვითარება შეიქმნა ზოგადად რეგიონში, როდესაც უკრაინაში დაიწყო სამხედრო ოპერაცია, რუსეთი შეიჭრა უკრაინაში და იყო საკმაოდ მაღალი რისკები იმასთან დაკავშირებით, რომ მეორე ფრონტი გახსნილიყო საქართველოში. ეს რომ რეალური იყო და დიდი ქვეყნების ინტერესები იკვეთებოდა, მათ შორის საქართველოზე, ეს წლების განმავლობაში დადასტურდა. თავად ის ფაქტი, რომ საგარეო მიმართულებით, საქართველოს შესაცვლელი ჰქონდა პოლიტიკა, ეს იყო აბსოლუტურად გასაგები. სწორედ ამიტომ იყო, რომ ჩვენ, რამდენიმე დეპუტატმა მივიღეთ გადაწყვეტილება, სანამ პარტიას შევქმნიდით მანამდე, ეს საგარეო კურსი და საგარეო რისკები დაგვენახებინა საზოგადოებისთვის და სიმართლე ეტაპობრივად, მაგრამ მაინც გვეთქვა.ეს სამიტი, რაც დღეს იყო, ის დელეგაციების ვიზიტი, მათ შორის, აშშ-ში და აშშ-დან საქართველოში, თუნდაც იტალიის პრემიერის განცხადება, რომ უკვე ნელ-ნელა საქართველოსთან ურთიერთობები ნორმალიზდება, სწორედ იმ პოლიტიკის დამსახურებაა, რაც ჩვენ წამოვიწყეთ 2022 წელს. ერთი წუთით დავუშვათ ის, რომ ჩვენ ეს სიმართლე არ გვეთქვა ხალხისთვის და ამ სიმართლის შემდგომ, საზოგადოებას არ ჰქონოდა იმის შესაძლებლობა, როდესაც შემდგომში ხელისუფლებამ პრაგმატული ნაბიჯები გადადგა და ომი ავირიდეთ თავიდან, დღეს რა ვითარება გვექნებოდა. სამწუხაროდ, ის ვითარება იქნებოდა, რაც არის უკრაინაში. იტალიის პრემიერი იმაზე კი არ ისაუბრებდა, აზერბაიჯანიდან თავისუფლად მიიღებდა თუ არა გაზს და ამერიკიდან დელეგაცია კი არ ჩამოვიდოდა საქართველოში სამომავლო ურთიერთობებისთვის, სამწუხაროდ ის რეალობა იქნებოდა, რა სამწუხარო რეალობაც არის უკრაინაში. ამ კითხვას როდესაც ჩვენ ვსვამთ "ხალხის ძალა", რა თქმა უნდა, ამასთან დაკავშირებით პასუხი არ აქვთ. ვინმე თუ იტყვის იმას, რომ მაგალითად: შურთ მოლდოვის, არ ვიცი, მოლდოვა საერთოდ სხვა ქვეყანასთან შეერთებას აპირებს", - განაცხადა გურამ მაჭარაშვილმა.

საქართველოს ხელისუფლებამ არა მხოლოდ საქართველო გადაარჩინა ეკონომიკურ ნგრევას იმით, რომ არ ავყევით ბრიუსელის მოწოდებებს, „რჩევებს“, არამედ ევროკავშირიც. აქ რეგიონი თუ აირეოდა, უარესი ეკონომიკური ნგრევა ექნებოდათ ევროკავშირში, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.ამასთან, პაპუაშვილმა ჟურნალისტებთან შუა დერეფნის პროექტსა და ამ კუთხით საქართველოს მნიშვნელობაზე ისაუბრა.„რა თქმა უნდა, ეს ბუნებრივი პროცესია და რაიმე სიახლე არ არის. საუკუნეებია ასეა – აბრეშუმის გზამ საქართველოში ტყუილად კი არ გაიარა. მაშინაც და ახლაც ეს იყო ყველაზე მოკლე, უსაფრთხო დამაკავშირებელი გზა ევროპასა და აზიას შორის. ზოგიერთი ევროპელი ბიუროკრატი გეოგრაფიაში ვერ ერკვევა. ერთ-ერთ სიუჟეტში ვნახეთ, რომ, მათ შორის, ევროპის საქმეთა მინისტრმა ირანი რუკაზე ვერ მოძებნა. ასევე ვერ მოძებნიან ხოლმე, სად არის საქართველო და ზოგიერთ ევროპელ ბიუროკრატს ჰგონია, რომ შეიძლება, საქართველოს თავზე გადაახტე და ევროპა აზიასთან ისე დააკავშირო, მაგრამ გეოგრაფიასთან ჭიდილი ჯერ არავის მოუგია. ბიუროკრატები, რომლებიც ფიქრობენ, რომ საქართველოს გვერდის ავლით და ვერდანახვით რაიმეს შეძლებენ, გეოგრაფიასთან კიდევ ერთხელ დამარცხდებიან.რაც შეეხება საქართველოს როლს, ჩვენ რომ ბრიუსელისთვის დაგვეჯერებინა და რუსეთთან ეკონომიკურ ომში შევსულიყავით, რისკენაც გვიბიძგებდნენ, რა გაზს მიიღებდნენ, რის ტრანსპორტირებას შეძლებდნენ დღეს ევროკავშირში? ამაზე უნდა დაფიქრდნენ. ბრიუსელის ბიუროკრატიის მთელი პრობლემა ისაა, რომ ისინი არავისგან არჩეული ხალხია და ევროკავშირის მოქალაქეების ინტერესებითაც კი არ მოქმედებენ. ისინი არა მხოლოდ ჩვენ გვაზიანებდნენ, ეკონომიკური ნგრევისკენ გვიბიძგებდნენ, არამედ ევროკავშირსაც. ჩვენ რომ მათ ავყოლოდით და რუსეთთან ეკონომიკურ ომში შევსულიყავით, საქართველოს ეკონომიკურ ნგრევასთან ერთად, მოსწყდებოდნენ საკუთარ რესურსებს ტრანსპორტირების თუ ეკონომიკურ რესურსების თვალსაზრისით. ეს ხალხი საკუთარი ცხვირის იქით არ იყურება. ერთადერთი, რასაც ხედავენ, საკუთარი სამუშაო ოთახის მაგიდაა, სადაც ფურცელს დაუდებენ და იმის მიხედვით უნდა იმოქმედონ. იმის იქით რა ხდება ევროკავშირში, ეკონომიკური სტაგნაციის პირობებში, ესეც არის ევროპული ბიუროკრატების წინდაუხედავი ქცევის ბრალი. უარესი იქნებოდა, ჩვენ რომ მათთვის დაგვეჯერებინა. ასე რომ, საქართველოს ხელისუფლებამ არა მხოლოდ საქართველო გადაარჩინა ეკონომიკურ ნგრევას იმით, რომ არ ავყევით ბრიუსელის მოწოდებებს, „რჩევებს“, არამედ ევროკავშირიც. აქ რეგიონი თუ აირეოდა, უარესი ეკონომიკური ნგრევა ექნებოდათ ევროკავშირში“, – განაცხადა პაპუაშვილმა.

„უნივერსიტეტისთვის განსაკუთრებით ფასეულია ნიჭიერი, შრომისმოყვარე და მიზანდასახული სტუდენტების მხარდაჭერა, მათი მოტივაციის გაძლიერება, მათი შემეცნების სურვილისა და პროფესიონალიზმისკენ სწრაფვის ხელშეწყობა. ეს ამხნევებს სხვა ახალგაზრდებსაც და აძლევს რწმენას, რომ მათი შრომაც აუცილებლად დაფასდება. მსგავსი მიდგომა კი საქართველოს მდგრადი მომავლისთვის სასიცოცხლოდ აუცილებელია“, - ამის შესახებ საქართველოს ტექნიკური უნივერსიტეტის ვიცე-რექტორმა, პროფესორმა თამარ წერეთელმა თამაზ ბექაიას საგანმანათლებლო ფონდის საიუბილეო ღონისძიებაზე განაცხადა, რომელზეც ფონდის პარტნიორი სახელმწიფო უნივერსიტეტების მაღალრეიტინგულ სტუდენტებს სტიპენდიები გადაეცათ.როგორც სტუ-ის მერ გავრცელებულ ინფორმაციაშია აღნიშნული, საქართველოს ტექნიკური უნივერსიტეტის ოთხი ფაკულტეტის აკადემიური მოსწრების მხრივ უმაღლესი რეიტინგის მქონე ოთხი სტუდენტი თამაზ ბექაიას საგანმანათლებლო ფონდის სტიპენდიანტი გახდა. ოთხივე მათგანს მიმდინარე აკადემიური წლის გაზაფხულის სემესტრში ფონდი ყოველთვიურ სტიპენდიას გადასცემს.საქართველოს ტექნიკური უნივერსიტეტიდან ფონდის სტიპენდია მოიპოვეს მიმდინარე სასწავლო წლის პირველი სემესტრის უმაღლესი აკადემიური მოსწრების მქონე ბაკალავრებმა: მარიამ ჯანიაშვილმა - სამშენებლო ფაკულტეტიდან; გურამ ნაცვლიშვილმა - არქიტექტურის, ურბანისტიკისა და დიზაინის ფაკულტეტიდან; ნანა ლაბაძემ - აგრარული მეცნიერებებისა და ბიოსისტემების ინჟინერინგის ფაკულტეტიდან; ლიზი ბაგაშვილმა - სამთო-გეოლოგიური და მთის მდგრადი განვითარების ფაკულტეტიდან;პარტნიორი უმაღლესი საგანმანათლებლო დაწესებულებიდან შერჩეულ 20 სტიპენდიანტს ფონდის დამფუძნებელი, ბიზნესმენი და მეცენატი თამაზ ბექაია, საგანმანათლებლო ფონდის დირექტორი ლევან ბექაია და ფონდის პროექტების ხელმძღვანელი გოგა ჩანადირი საქართველოს ეროვნული ბიბლიოთეკის საგამოფენო დარბაზში შეხვდნენ, ფონდის მიმდინარე და სამომავლო ინიციატივები გააცნეს, სტიპენდიის მოპოვება მიულოცეს და წარმატების დამადასტურებელი სერტიფიკატები გადასცეს. როგორც მათ აღნიშნეს, თითოეული წარჩინებული ახალგაზრდა სემესტრის მანძილზე, ფონდისგან ყოველთვიურ სტიპენდიას 300 ლარის ოდენობით მიიღებს.სტიპენდიანტებთან ერთად საგანმანათლებლო ფონდის დაარსებიდან 5 წლის საიუბილეო ღონისძიებაში ფონდის პარტნიორი ექვსი სახელმწიფო უნივერსიტეტის რექტორები, ვიცე-რექტორები, წარმომადგენლები, ასევე, საჯარო სკოლების ხელმძღვანელები და მოწვეული სტუმრები მონაწილეობდნენ. მათ შორის იყვნენ: საქართველოს ტექნიკური უნივერსიტეტის ვიცე-რექტორი თამარ წერეთელი, ასევე, სტუ-ის სამშენებლო ფაკულტეტის დეკანის მოადგილე, პროფესორი გინა გურეშიძე, არქიტექტურის, ურბანისტიკისა და დიზაინის ფაკულტეტის დეკანის მოადგილე - ასოცირებული პროფესორი თამარ ჭანტურია, აგრარული მეცნიერებებისა და ქიმიური ტექნოლოგიების ფაკულტეტის დეკანის მოადგილე, პროფესორი გია ჭიჭინაძე და სამთო-გეოლოგიური და მთის მდგრადი განვითარების ფაკულტეტის დეკანის მოადგილე ნინო მაისურაძე.დაჯილდოების ცერემონიაზე საქართველოს ტექნიკური უნივერსიტეტის სტიპენდიანტმა სტუდენტებმა თამაზ ბექაიას საგანმანათლებლო ფონდს და საქართველოს ტექნიკურ უნივერსიტეტს მადლობა გადაუხადეს. მათი თქმით, სტიპენდიის მოპოვება ფინანსურ მხარდაჭერასთან ერთად დიდი პასუხისმგებლობაც არის, ამასთან ერთად, ახალგაზრდებს ცოდნის მეტად გაღრმავებისკენ უბიძგებს და ახალი აკადემიური წარმატებებისკენ გზას უხსნის. როგორც მათ აღნიშნეს, სახელმწიფო სტიპენდიასთან ერთად ფონდის სტიპენდია მათ აძლევს შესაძლებლობას, სრულად კონცენტრირდნენ სწავლაზე, აქტიურად ჩაერთონ სამეცნიერო-კვლევით საქმიანობაში და მომავალში საკუთარი ცოდნა ქვეყნის განვითარებას მოახმარონ. სტუ-ის ვიცე-რექტორმა თამარ წერეთელმა, საქართველოს ტექნიკური უნივერსიტეტის სახელით, თამაზ ბექაიას საგანმანათლებლო ფონდს საიუბილეო თარიღი მიულოცა, სწავლის წახალისებისა და ახალგაზრდების მოტივაციის ამაღლებისთვის, მადლობა გადაუხადა, სტიპენდიანტებს კი წარმატებები უსურვა.„საქართველოს ტექნიკური უნივერსიტეტისა და რექტორის, აკადემიკოს დავით გურგენიძის სახელით ვულოცავთ თამაზ ბექაიას საგანმანათლებლო ფონდს, მის დამფუძნებელს საიუბილეო თარიღს. განსაკუთრებით დასაფასებელია ფონდის თანმიმდევრული მხარდაჭერა ნიჭიერი და შრომისმოყვარე ახალგაზრდების მიმართ, რითაც ეს მეცენატი ორგანიზაცია მნიშვნელოვნად უწყობს ხელს როგორც ახალგაზრდების აკადემიური პოტენციალის სრულ გამოვლენას, ისე ქვეყნის ინტელექტუალური რესურსის გაძლიერებას. ჩვენთვის, როგორც უმაღლესი საინჟინრო-ტექნოლოგიური სკოლისთვის, უმნიშვნელოვანესია ისეთი ინიციატივები, რომლებიც ზრდის აკადემიურ მოტივაციას, ახალგაზრდებს უქმნის შესაძლებლობას, სრულად კონცენტრირდნენ პროფესიულ და სამეცნიერო განვითარებაზე. მადლობას ვუხდით ფონდს ამ მნიშვნელოვანი საქმიანობისთვის და გვჯერა, რომ ჩვენი თანამშრომლობა კიდევ უფრო მასშტაბური და შედეგიანი პროექტებით გაგრძელდება. სტიპენდიანტებს ვუსურვებთ ჯანმრთელობასა და ახალ წარმატებას და რაც მთავარია პიროვნულ და პროფესიულ განვითარებას საქართველოს საკეთილდღეოდ“, - განაცხადა თამარ წერეთელმა.ცნობისათვის, დაარსებიდან 5 წლის მანძილზე თამაზ ბექაიას საგანმანათლებლო ფონდს 185 სტიპენდიანტი და 30 პრემიის მფლობელი ჰყავს, მათ შორის 33 ახალგაზრდა საქართველოს ტექნიკური უნივერსიტეტის სტუდენტი და კურსდამთავრებულია. საქართველოს განათლებისა და მეცნიერების სამინისტროსა და 6 პარტნიორ უნივერსიტეტთან გაფორმებული თანამშრომლობის მემორანდუმის თანახმად, თამაზ ბექაიას საგანმანათლებლო ფონდი პრიორიტეტული ფაკულტეტების უმაღლესი აკადემიური მოსწრების მქონე ბაკალავრებს, ყოველსემესტრულად, წამახალისებელ, ყოველთვიურ სტიპენდიას გადასცემს, ხოლო ერთიანი ეროვნული გამოცდების შედეგად, პარტნიორ უნივერსიტეტებში ჩარიცხულ ყველაზე მაღალრეიტინგულ აბიტურიენტებს, ყოველწლიურად, ერთჯერადი პრემიით აჯილდოებს.

ილია თოფურია, UFC-ს სხვა მებრძოლებთან ერთად, თეთრ სახლში დონალდ ტრამპს შეხვდა.აშშ-ს პრეზიდენტმა იმ მებრძოლებს უმასპინძლა, რომლებიც 15 ივნისს თეთრ სახლში დაგეგმილ UFC-ს ღონისძიებაში მიიღებენ მონაწილეობას. ტურნირი აშშ-ს დამოუკიდებლობის 250-ე წლისთავს მიეძღვნება.ილია თოფურია ორგანიზაციის მსუბუქი დივიზიონის (70კგ) ქამრისთვის ბრძოლაში ამერიკელ ჯასტინ გეიჯის შეხვდება.29 წლის თოფურია UFC-ს ორი წონის ჩემპიონია. 2024 წლის თებერვალში მან ქვემსუბუქი დივიზიონის (66კგ) ქამრისთვის ბრძოლაში ალექსანდერ ვოლკანოვსკი დაამარცხა. მსუბუქი წონის (70კგ) ჩემპიონი ქართველი 2025 წლის ივნისში გახდა, მან ბრაზილიელ ჩარლზ ოლივეირას სძლია. რაც შეეხება 37 წლის ჯასტინ გეიჯის, ამჟამად ის დივიზიონის დროებით ქამარს ფლობს.