მცხეთის მუზეუმის მშენებლობა ოფიციალურად გაიხსნა

„გიორგი დავითაძის საქმე დაახლოებით ერთი წლის წინანდელია, საქართველოს სახალხო დამცველს შესწავლილი აქვს და არსებობს დასკვნაც,“ - განაცხადა მედიასთან საუბარში საკანონმდებლო ორგანოს ვიცე-სპიკერმა და პარტია „ხალხის ძალის“ თავმჯდომარემ სოზარ სუბარმა.დეპუტატი დარწმუნებულია, რომ გამოძიება ნათელს მოჰფენს ყველაფერს და თუ ვინმე დასასჯელი იქნება, მკაცრადაც დაისჯება.„გიორგი დავითაძის საქმე დაახლოებით ერთი წლის წინანდელია, საქართველოს სახალხო დამცველს შესწავლილი აქვს და არსებობს დასკვნაც. პირადად მე არ მაქვს არანაირი საფუძველი, უნდობლობა გამოვუცხადო სახალხო დამცველის დასკვნას.ზოგადად, „ნაციონალური მოძრაობის“ მმართველობის პერიოდში წელიწადში 140-150 პატიმარი კვდებოდა, ანუ ყოველ დღენახევარში კვდებოდა ერთი პატიმარი. დღევანდელობას რომ შევადაროთ, ახლა არის ორ ათეულზე ცოტა ნაკლები პატიმრის გარდაცვალება წელიწადში. აქედანაც კარგად ჩანს, თუ რა განსხვავებაა მაშინდელ და დღევანდელ პენიტენციურ სისტემას შორის.მიუხედავად ყველაფრისა, მე მაინც თავს შევიკავებ დასკვნისგან. დარწმინებული ვარ, რომ გამოძიება ყველაფერს იტყვის და, თუ ვინმე დასაჯელია, ძალიან მკაცრად დაისჯება,“ - განაცხადა სოზარ სუბარმა.

შეერთებულმა შტატებმა გაერთიანებული სამეფოს RAF Fairford-ის ავიაბაზიდან B-1 ტიპის ბომბდამშენები გაიყვანა მას შემდეგ, რაც იქ ტერორისტული აქტების მომზადებაში ეჭვმიტანილი რამდენიმე პირი დააკავეს, - ინფორმაციას Reuters-ი ავრცელებს.ლონდონის ჩრდილო-დასავლეთით მდებარე RAF Fairford-ის ავიაბაზაზე B-1 ტიპის თორმეტი ბომბდამშენი იყო განლაგებული. ეს თვითმფრინავები ირანზე აშშ-ის მიერ განხორციელებული დარტყმებისთვის გამოიყენებოდა.„ოპერატიული უსაფრთხოების მოსაზრებებიდან გამომდინარე, ვერ ვადასტურებდით ჩვენი სამხედრო რესურსებისა და ძალების გადაადგილებას რეალურ დროში, თუმცა ახლა შეგვიძლია დავადასტუროთ, რომ ყველა ამერიკული ბომბდამშენი, რომელიც RAF Fairford-ზე იყო განლაგებული, შეერთებულ შტატებში, საკუთარ ბაზებზე დაბრუნდა“, - აღნიშნა პენტაგონის პრესსპიკერმა.Wall Street Journal-ის ინფორმაციით, თვითმფრინავები ბაზიდან გაიყვანეს ობიექტის წინააღმდეგ სავარაუდო ტერორისტული შეთქმულების გამო არსებული უსაფრთხოების შეშფოთების ფონზე. პრემიერ-მინისტრმა ენდი ბერნჰემმა ოთხშაბათს განაცხადა, რომ გაერთიანებული სამეფოს აქვს „მტკიცე ნიშნები“, რომ ბაზის წინააღმდეგ სავარაუდო შეთქმულებაში ირანი მონაწილეობდა. ირანმა ბრალდებებს უსაფუძვლო უწოდა და ამ საკითხთან დაკავშირებით თეირანში ბრიტანეთის ელჩი საგარეო უწყებაში დაიბარა.

დედაქალაქის მერმა, კახა კალაძემ „თბილისობის“ დღესასწაულთან დაკავშირებით გამართულ საზეიმო მიღებაზე საპატიო თბილისელები დააჯილდოვა.აღნიშნული სტატუსი წელს 32 მოქალაქეს მიენიჭა.კახა კალაძემ შეკრებილ სტუმრებს „თბილისობა“ მიულოცა. მისი თქმით, მადლობას უხდის ყველა იმ ადამიანს, ვისაც ყოველდღიურად შეაქვს საკუთარი წვლილი ქალაქის განვითარებაში.წელს თბილისის საპატიო მოქალაქეები გახდნენ:რამაზ ხეცურიანი – მედიცინის მეცნიერებათა დოქტორი, პროფესორი;დავით გორდელაძე – ექიმი, თერაპევტი, მედიცინის მეცნიერებათა დოქტორი, პროფესორი;მიხეილ კილოსანიძე – ხმის რეჟისორი;ნინო სალუქვაძე – სპორტსმენი, ოლიმპიური ჩემპიონი;ნუგზარ რუხაძე – ჟურნალისტი, დიპლომატი;ვლადიმერ პაპავა – მეცნიერი, ეკონომიკურ მეცნიერებათა დოქტორი, პროფესორი;ლერი ხაბელოვი – სპორტსმენი;ივანე კუზანოვი – ექიმი, პლასტიკური ქირურგი, მედიცინის მეცნიერებათა დოქტორი, პროფესორი;ავთანდილ დემეტრაშვილი – იურისტი, პროფესორი;იური ოსიპოვი – მოფარიკავე;კირა ანდრონიკაშვილი – მსახიობი, ხელოვნებათმცოდნე;რევაზ კლდიაშვილი – ქიმიკოს-ინჟინერი, პროზაიკოსი, დრამატურგი;მამუკა მიქელაძე – მხატვარი, მონუმენტალისტი;ირმა გურიელი – ჟურნალისტი, მსახიობი;იანო ალიბეგაშვილი – მომღერალი, ოპერის სოლისტი;გიორგი ქორქაძე – მუსიკოსი;დავით მეტრეველი – ექიმი, ენდოკრინოლოგი;მურმან გელენიძე – მხატვარი;ლევან ჯაფარიძე – ინჟინერი, მეცნიერი, ტექნიკურ მეცნიერებათა დოქტორი;ტარიელ ონაშვილი – მომღერალი;გივი შუღაროვი – ინჟინერი, პოლიტიკოსი;ნუგზარ მეძმარიაშვილი – მხატვარი, მონუმენტალისტი;თენგიზ ასათიანი – ექიმი, რეპროდუქტოლოგი, მეან-გინეკოლოგი;ედიშერ მაჩაიძე – სპორტული მსაჯი, პროფესორი;ელგუჯა ადამია – ექიმი, გასტრო-ენტეროლოგი, მედიცინის მეცნიერებათა კანდიდატი, პროფესორი;რევაზ ჯავახიშვილი – მეცნიერი, ეკონომიკურ მეცნიერებათა დოქტორი;ბესარიონ დოჭვირი – მეცნიერი, ფიზიკა-მათემატიკის მეცნიერებათა დოქტორი;გიორგი ალიბეგაშვილი – პროფესორი, ფილოლოგიის მეცნიერებათა დოქტორი;ზურაბ გოშაძე – პოეტი, ფილოლოგი;რამაზ ხუროძე – ინჟინერი, მეცნიერი, ტექნიკურ მეცნიერებათა დოქტორი, პროფესორი;გრიგოლ (გია) მურღულია – პედაგოგი, ფილოლოგიის მეცნიერებათა დოქტორი;ჯემალ ძაგანია – პედაგოგიურ მეცნიერებათა დოქტორი, პროფესორი.კახა კალაძემ დაჯილდოებულ პირებს, საპატიო თბილისელის წოდების აღმნიშვნელ სიგელთან ერთად, დედაქალაქის სიმბოლური გასაღებიც გადასცა.

დედაქალაქის მერმა, კახა კალაძემ „თბილისობის“ დღესასწაულთან დაკავშირებით გამართულ საზეიმო მიღებაზე საპატიო თბილისელები დააჯილდოვა.კახა კალაძემ შეკრებილ სტუმრებს „თბილისობა“ მიულოცა.კახა კალაძის თქმით, იყო თბილისელი, ნიშნავს საკუთარი ქალაქის წინაშე პასუხისმგებლობას — გიყვარდეს, ზრუნავდე და უფრთხილდებოდე მას, ხოლო თბილისის საპატიო მოქალაქეობა განსაკუთრებული პატივი და, ამავდროულად, უფრო დიდი პასუხისმგებლობაა.„მოგესალმებით, მეგობრებო. მივესალმები ჩვენს ძვირფას სტუმრებს. განსაკუთრებული სიყვარულით მივესალმები ჩემს თბილისს და თბილისელებს — ყველას, ვისთვისაც თბილისობის დღესასწაული მხოლოდ კალენდარში მონიშნული თარიღი არ არის. თბილისი თავად არის მუდმივი დღესასწაული — თავისი ისტორიით, კულტურით, მრავალფეროვნებით, განსაკუთრებული ხასიათითა და სიცოცხლის სიყვარულით. ამის დასტურია ისიც, რომ ეს ორი დღეა, თბილისის ქუჩები სავსეა სხვადასხვა თაობის ადამიანებით. ისტორიებით სავსე ქალაქში ერთმანეთს ხვდებიან თაობები, უზიარებენ მოგონებებს და საკუთარ ამბებს ჩვენი დედაქალაქის საერთო ისტორიის ნაწილად აქცევენ. თბილისის სიყვარული ამ ქალაქის ყველაზე დიდი ტრადიციაა. და რადგან ტრადიცია ვახსენე, კიდევ ერთი ძალიან მნიშვნელოვანი ტრადიცია უნდა გავიხსენოთ. თბილისი, ისევე როგორც ნებისმიერი დიდი ქალაქი, პირველ რიგში, ადამიანების შრომაზე, მათ ნიჭზე, შემოქმედებასა და საქმიანობაზე დგას. თბილისის ნამდვილი ისტორია სწორედ იმ ადამიანების ისტორიაცაა, რომლებმაც საკუთარი ცოდნით, ნიჭით, შრომითა და სიყვარულით ამ ქალაქს თავისი კვალი დაატყვეს.თბილისზე საუბრისას ხშირად ვახსენებთ მის ძველ უბნებს, აივნებს, ქუჩებს, არქიტექტურას, ისტორიასა და კულტურას — ყველაფერს, რაც ამ ქალაქს განსაკუთრებულს ხდის. მაგრამ ჩემთვის თბილისი პირველ რიგში ადამიანებია. ადამიანები, რომლებიც აქ დაიბადნენ და გაიზარდნენ; ადამიანები, რომლებმაც თბილისი საკუთარ სახლად აირჩიეს;  ადამიანები, რომლებმაც ამ ქალაქს საკუთარი ცხოვრების ნაწილი, ცოდნა, ნიჭი და შრომა აჩუქეს. თბილისის განსაკუთრებული ხასიათიც სწორედ ამ ადამიანებმა შექმნეს — ქალაქი, რომელსაც ყოველთვის შეეძლო განსხვავებული ადამიანების მიღება, მათი გაერთიანება და მათთვის ერთი საერთო სახელის დარქმევა — თბილისელი.იყო თბილისელი, ნიშნავს პასუხისმგებლობას საკუთარი ქალაქის წინაშე — გიყვარდეს, ზრუნავდე და უფრთხილდებოდე მას. ხოლო იყო თბილისის საპატიო მოქალაქე, განსაკუთრებული პატივია და, ამავდროულად, კიდევ უფრო დიდი პასუხისმგებლობა. საპატიო მოქალაქის წოდება მხოლოდ ჯილდო არ არის. ეს არის თბილისის მადლობა ადამიანების მიმართ, რომლებმაც ამ ქალაქს საკუთარი ცხოვრების ნაწილი აჩუქეს.ეს ნიშნავს, დაიმსახურო თბილისელების პატივისცემა და სიყვარული. იყო ადამიანი, რომლის საქმიანობაც უკვე ამ ქალაქის ისტორიის ნაწილია. მე, როგორც თბილისის მერი, ბედნიერი ვარ, რომ კიდევ ერთხელ მაქვს შესაძლებლობა წარმოგიდგინოთ ადამიანები, რომლებმაც თბილისს ცოდნა დაუტოვეს, თბილისური კულტურა შექმნეს, ემსახურებოდნენ მეცნიერებას, ხელოვნებას, სპორტს, საზოგადოებას; ადამიანები, რომლებიც ხშირად უხმაუროდ, ყოველდღიური შრომით ქმნიდნენ ამ ქალაქის წარმატებას. დღეს ჩვენ მათ ვეუბნებით — თბილისს ახსოვს თქვენი შრომა, აფასებს თქვენს ღვაწლს და ამაყობს თქვენით. ქალაქები შენობებით, ქუჩებითა და ინფრასტრუქტურით შენდება, მაგრამ ქალაქის სულს ადამიანები ქმნიან. და თბილისის ყველაზე დიდი სიმდიდრე ყოველთვის მისი ადამიანები იყვნენ და იქნებიან. ჩემთვის, როგორც თბილისის მერისთვის, განსაკუთრებული პატივია დღეს ჩვენი ქალაქის სახელით ამ ადამიანებს ერთი ძალიან მარტივი, მაგრამ ყველაზე მნიშვნელოვანი სიტყვა ვუთხრა — მადლობა. მადლობა ყველაფრისთვის, რაც თბილისს მიეცით. მადლობა იმ კვალისთვის, რომელიც ამ ქალაქში დატოვეთ. და მადლობა იმისთვის, რომ თქვენი საქმიანობით თბილისს კიდევ უფრო განსაკუთრებულ ქალაქად აქცევთ“, – განაცხადა კახა კალაძემ.თბილისის საპატიო მოქალაქის წოდება წელს 32 ადამიანს მიენიჭა.

სპეციალური პენიტენციური სამსახური მწუხარებას გამოთქვამს №17 პენიტენციურ დაწესებულებაში მსჯავრდებულის გარდაცვალების გამო და სამძიმარს უცხადებს გარდაცვლილის ოჯახის წევრებსა და ახლობლებს.მათი თქმით, მსჯავრდებული ი. გ. თანამესაკნემ დილით საპირფარეშოში ჩამომხრჩვალი იპოვა.„აღნიშნულთან დაკავშირებით განვმარტავთ, რომ 2026 წლის 2 ოქტომბერს №17 პენიტენციურ დაწესებულებაში მსჯავრდებული ი. გ. თანამესაკნემ დილით საპირფარეშოში ჩამომხრჩვალი იპოვა.მომხდარ ფაქტთან დაკავშირებით პენიტენციური სამსახურის მიერ მყისიერად ეცნობა ქვემო ქართლის პროკურატურას და დაიწყო გამოძიება. აღსანიშნავია, რომ მსჯავრდებული 2023 წლიდან (სასჯელის დასრულების თარიღი – 2028 წელი) იმყოფებოდა მე-17 პენიტენციურ დაწესებულებაში, სადაც სასჯელს იხდიდა 20-კაციან საკანში. გარდაცვალების დღესაც, ვინაიდან შემთხვევა მოხდა დილის საათებში, მისი თანამესაკნეები იმყოფებოდნენ საკანში.პენიტენციური სამსახური აქტიურად თანამშრომლობს საგამოძიებო ორგანოსთან და გამოძიებისთვის უკვე მიწოდებულია საქმესთან დაკავშირებული ყველა შესაბამისი მასალა,“- წერია განცხადებაში.