მშრალ ხიდზე მოვაჭრეებისთვის სპეციალური ინფრასტრუქტურა მოეწყობა

თუ „პატრიოტთა ალიანსის“ და ღარიბაშვილის პოლიტიკური ერთობა შედგება, ეს ძალიან სერიოზულ სიახლეს შემოიტანს პოლიტიკურ ველზე - ისევ ძალაშია ეს პოლიტიკური შეთავაზება ჩვენი მხრიდან, - ამის შესახებ „პატრიოტთა ალიანსის” ლიდერმა, ირმა ინაშვილმა „პალიტრანიუსის” გადაცემაში „360 გრადუსი” განაცხადა.ირმა ინაშვილის თქმით, ტრადიციონალისტთა ველი პატიმრობაში მყოფი ირაკლი ღარიბაშვილის რეიტინგი გაცილებით მაღალია, ვიდრე ირაკლი კობახიძის.„ტრადიციონალისტთა ველი რომ ავიღოთ, რომელსაც მე წარმოვადგენ, ამ ველზე, დღესაც კი, ღარიბაშვილს, რომელიც პატიმრობაშია, წაყენებული აქვს ესა თუ ის ბრალი, უამრავი ჭორ-მართალი ვრცელდება მის შესახებ, ამ ვითარებაშიც კი გაცილებით მაღალია მისი რეიტინგი, ვიდრე კობახიძის“, - განაცხადა ირმა ინაშვილმა.ინაშვილის განცხადებით, თვითონ ის ფაქტი, რომ ღარიბაშვილის სახლიდან დიდი რაოდენობით ნაღდი ფული ამოიღეს, კითხვებს აჩენს, რადგან თანამედროვე ეპოქაში, როცა ციფრული ფული არსებობს, დიდი რაოდენობით ნაღდი ფული სახლში არავის აქვს.„პატარა რამე ხომ არ არის, როდესაც ყოფილი პრემიერ - მინისტრი, თავდაცვის მინისტრი, შინაგან საქმეთა მინისტრი ადვოკატების პირით საჯაროდ ამბობს, რომ არც ოქროს ზოდები ყოფილა მის სახლში და არც არანაირი ძვირფასი ნივთი. ეს ნიშნავს იმას, რომ ეს ნივთები მჩხრეკავებმა მიიტანეს და დადეს. ეს სისხლის სამართლის დანაშაულია. იმედი მაქვს, რომ ამაზე უფრო დეტალურად ილაპარაკებენ.დღეს უკვე „ქეშ" ფულს აღარ ინახავენ სეიფში, არც ჩინოვნიკები, არც ბიზნესმენები. თანამედროვე ეპოქაა, ციფრული ფული არსებობს, ბიტკოინი. თვითონ ის ფაქტიც, რომ დევს იქ, ესეც კითხვებს შეიცავს“, - განაცხადა ირმა ინაშვილმა.კითხვაზე, მოიაზრებთ თუ არა თქვენს პოლიტიკურ გუნდში გრიგოლ ლილუაშვილსაც, ირმა ინაშვილი აცხადებს, რომ არ მოიაზრებს, რადგან გრიგოლ ლილუაშვილი პოლიტიკური ფიგურა არასდროს ყოფილა.„ლილუაშვილს არ მოვიაზრებ იმიტომ, რომ პოლიტიკური ფიგურა, პოლიტიკოსი არასდროს ყოფილა მაშინაც კი, როცა ერთად ვიყავით პარლამენტში, ის არ გამოირჩეოდა იმით, რომ პოლიტიკოსია, თუმცა ეს შარმი ღარიბაშვილს ნამდვილად ჰქონდა, ის პოლიტიკოსი ნამდვილად იყო და არის. საკანშიც კი თავისი წონა აქვს“, - განაცხადა ირმა ინაშვილმა.

ლილუაშვილს 13 წელი - ეს უკვე არის ამ სახელმწიფოს სრულყოფილად გადასვლა ტერორის სახელმწიფოში, - ასე ეხმაურება საქართველოს მეხუთე პრეზიდენტი სალომე ზურაბიშვილი სუს-ის ყოფილი უფროსისთვის, გრიგოლ ლილუაშვილისთვის 13 წლით თავისუფლების აღკვეთის მისჯას.სალომე ზურაბიშვილის თქმით, ლილუაშვილისთვის თავისუფლების აღკვეთა შესაძლოა, რუსეთის პერსონალური დაკვეთაც ყოფილიყო, რადგან სწორედ რუსეთს არ აწყობდა სახელმწიფო უსაფრთხოების სამსახურში გამოცდილი კადრი საერთაშორისო კონტაქტებით.„რაზე ისჯება ლილუაშვილი, რა არის ეს შურისძიება, რომელიც მასზე ხორციელდება? ჩვენთვის გარედან რთული სათქმელია, მაგრამ შეგვიძლია ვთქვათ, ეს რა არ არის. ეს არ შეიძლება იყოს მხოლოდ კორუფციის და „ქოლ-ცენტრების“ გამო დასჯა, რადგან ეს ყველგან არის გავრცელებული და ყველამ იცოდა, პირველ რიგში ივანიშვილმა და მთელმა გუნდმა. ბინები, სახლები, მანქანები, ეს ხშირად იყო ნაჩვენები თუნდაც ტელევიზიის საშუალებით, ამიტომ აქ არაფერი არ იმალებოდა და აქ არ არის დამარხული მგლის თავი. სხვა რამეშია საქმე, ეს ნათლად არის პოლიტიკური საქმე, როგორი პოლიტიკური საქმეც ნათლად არის ღარიბაშვილის საქმე. კორუფცია რომ არის ეს ვიცით, ვინ არ არის კორუფციაში ჩაფლულ იმ დიდი გუნდიდან, რომელიც ქმნის „ქართულ ოცნებას“? ვერავის ვერ დავასახელებ. პრაქტიკულად არ არსებობს ადამიანი, ვისზეც თავს დავდებთ, რომ ის ნამდვილად არ არის რაიმე გარიგებაში და არაფერ ფულს არ იღებს. ასეთი ადამიანები აღარ არიან, შეიძლება იყვნენ, მაგრამ აღარ არიან.შეიძლება ვივარაუდოთ, რა ხდება - აქ არის დანაშაული პერსონალური ივანიშვილის წინაშე, თუ პერსონალური პოლიტიკური დანაშაული რუსეთის წინაშე? ეს ხომ არ არის რუსეთის შურისძიება? ეს ხომ არ არის რუსეთის დაკვეთა, რომ ამ უწყებაში, სუს-ში არ იყოს ადამიანი, რომელსაც ჰქონდა გამოცდილება, ასევე საერთაშორისო კონტაქტები და ნდობა“, - განაცხადა სალომე ზურაბიშვილმა.კორუფციულ დანაშაულში ბრალდებული, სუს-ის ყოფილი უფროსი, გრიგოლ ლილუაშვილი სასამართლომ დამნაშავედ ცნო და მას 13 წლით თავისუფლების აღკვეთა მიესაჯა.აღნიშნული გადაწყვეტილება თბილისის საქალაქო სასამართლოს მოსამართლემ, ნინო თარაშვილმა მიიღო.თარაშვილის განაჩენის თანახმად, ლილუაშვილი დამნაშავედ იქნა ცნობილი ბრალად წარდგენილ ოთხივე ეპიზოდზე: ბაგა-ბაღების სააგენტოს, თაღლითური „ქოლ ცენტრებისა“ და ეკონომიკის მინისტრის მოადგილის, რომეო მიქაუტაძის დახმარებით ქრთამის აღების 2 ეპიზოდზე.

მაქვს მოლოდინი, რომ დაცვის მხარე გაასაჩივრებს დღეს გამოცხადებულ განაჩენს. ეს მათი უფლებაა, - ამის შესახებ კორუფციულ დანაშაულში მსჯავრდებული, სუს-ის ყოფილი უფროსის, გრიგოლ ლილუაშვილის საქმის პროკურორმა მარიამ ბერძენიშვილმა განაცხადა.მარიამ ბერძენიშვილის თქმით, გრიგოლ ლილუაშვილისთვის სამართლიანი სასამართლოს უფლება ცალსახად და ერთმნიშვნელოვნად, გარანტირებულად დაცული იყო.„საქართველოს კანონმდებლობა ითვალისწინებს სააპელაციო წესით განაჩენის გასაჩივრებას. რადგან ბრალდებული არ აღიარებდა, ბუნებრივია, მაქვს მოლოდინი, რომ დაცვის მხარე გაასაჩივრებს დღეს გამოცხადებულ განაჩენს. თუ ისინი აცხადებენ, რომ ადამიანის უფლებათა ევროპულ სასამართლოს მიმართავენ, ესეც მათი უფლებაა. სამართლიანი სასამართლოს უფლება ცალსახად და ერთმნიშვნელოვნად, გარანტირებულად დაცული იყო მოცემულ სისხლის სამართლის საქმეზე. დაცვის მხარეს ყველაფრით შეეძლო ესარგებლა, რა ბერკეტიც არსებობს. ისინი არცერთ ეტაპზე არ შეზღუდულან რაიმე გარემოებით. თუნდაც დროის თვალსაზრისით, ისინი არასდროს ყოფილან შეზღუდული“, - განაცხადა პროკურორმა.კითხვაზე, აქვს თუ არა მოლოდინი, რომ გრიგოლ ლილუაშვილი საპროცესო შეთანხმების გაფორმების სურვილს გამოთქვამს, მარიამ ბერძენიშვილი აცხადებს: „მოლოდინი ყოველთვის ყველაფრის შეიძლება გქონდეს, გამორიცხული არაფერია“.„მე ვერ გეტყვით, გრიგოლ ლილუაშვილი და მისი ინტერესების დამცველები როგორ მოიქცევიან ან რა სტრატეგია ექნებათ, თუმცა ცალსახად შემიძლია გითხრათ, რომ ეს საქმე არანაირად არ განსხვავდება სამართლებრივ ჭრილში სხვა საქმეებისგან, როგორც სხვა ნებისმიერ მსჯავრდებულსა თუ ბრალდებულს აქვს უფლება, ისარგებლოს კანონმდებლობით გარანტირებული უფლებებით, ანალოგიური შემთხვევა იქნება გრიგოლ ლილუაშვილთან მიმართებითაც. თუ ის საპროცესო შეთანხმების გაფორმების სურვილს გამოთქვამს, თუ სახეზე გვექნება აღიარება, ბუნებრივია ჩვენ შესაბამისად განვიხილავთ. მოლოდინი ყოველთვის ყველაფრის შეიძლება გქონდეს, გამორიცხული არაფერია“, - განაცხადა პროკურორმა.მარიამ ბერძენიშვილის განცხადებით, საქმე გამოირჩეოდა მოწმეთა სიმრავლით, რომელთა მიერ სასამართლოსთვის მიწოდებული ინფორმაცია იყო ერთმანეთთან და მტკიცებულებებთან თანხვედრაში.„ამ საქმეზე ხშირად მესმოდა, რომ მთავარი მოწმე იყო რომეო მიქაუტაძე, თუმცა ოთხ ეპიზოდს ვედავებოდით. აქედან ორ ეპიზოდთან მიმართებაში რომეო მიქაუტაძეს არანაირი ინფორმაცია არ გააჩნდა. გამოვიკვლიეთ მტკიცებულებები და დავკითხეთ მოწმეები, რაც გონივრულ ეჭვს მიღმა სტანდარტით, ფაქტია რომ დაადასტურა მის მიერ ჩადენილი ქმედება. ყოველთვის ვამბობდი და კიდევ ერთხელ ხაზს გავუსვამ, რომ საქმე გამოირჩეოდა მოწმეთა სიმრავლით. ამ მოწმეებმა სასამართლოს მიაწოდეს ინფორმაციას, რაც ერთმანეთთან მოდიოდა თანხვედრაში, ასევე საქმეში არსებულ სხვა მტკიცებულებებთან მოდიოდა თანხვედრაში და შესაბამისად, სასამართლომ გამოიტანა გამამტყუნებელი განაჩენი“, - განაცხადა პროკურორმა.კორუფციულ დანაშაულში ბრალდებული, სუს-ის ყოფილი უფროსი, გრიგოლ ლილუაშვილი სასამართლომ დამნაშავედ ცნო და მას 13 წლით თავისუფლების აღკვეთა მიესაჯა.აღნიშნული გადაწყვეტილება თბილისის საქალაქო სასამართლოს მოსამართლემ, ნინო თარაშვილმა მიიღო.თარაშვილის განაჩენის თანახმად, ლილუაშვილი დამნაშავედ იქნა ცნობილი ბრალად წარდგენილ ოთხივე ეპიზოდზე: ბაგა-ბაღების სააგენტოს, თაღლითური „ქოლ ცენტრებისა“ და ეკონომიკის მინისტრის მოადგილის, რომეო მიქაუტაძის დახმარებით ქრთამის აღების 2 ეპიზოდზე.

სანამ 24 საათი ისაუბრებთ, გაარჩევთ, რას აკეთებს ან რა უნდა ივანიშვილს, მანამდე ვიქნებით ამ ტლაპოში, მანამდე დაგვამარცხებენ და ქუჩებში დახოცავენ 17 წლის ვაჟკაცებს. როდის დასვამთ კითხვას, ხალხს რა უნდა? როდის მიხვალთ ამ კითხვამდე? როდის მოიკრებთ გამბედაობას? როდის გამოხვალთ შეშინებულის, დამფრთხალის პოზიციიდან? – ამის შესახებ „ნაციონალური მოძრაობის“ წევრი ლევან ხაბეიშვილი სოციალურ ქსელში წერს.როგორც ხაბეიშვილი აღნიშნავს, შიშის ბრალია ყველაფერი – უმოძრაობა, უმოქმედობა, რაც ახლა ხდება.„გამბედაობა მოიკრიბეთ, თორემ კიდევ წლები გაატარებთ იმის რკვევაში, რა და როგორ სურს ივანიშვილს, ვის დაიჭერს და ვის დააწინაურებს.აზრზე მოდით. ბოდიში, მაგრამ აბსოლუტური უაზრობა და უბრალოდ ლაყბობაა, რაც ყოველდღიურად ტვ ეთერებში ხდება. რომ არა ტელევიზიების პროდიუსერები, საერთოდ გაქრებოდით და მიიღებდით „კლავიატურის ლომების“ ფორმას.გამოაშკარავდა და ნათლად ჩანს, რომ უმრავლესობის ტვ-ში გამოჩენა ემსახურება უბრალოდ ტივტივს, პოლიტიკურ ველზე ტივტივს. ზოგი საერთოდ გადამალულია და ჩირგვებში იმალება.თქვენ იყავით ლიდერებიც, პირველებიც და მე თქვენი მსახური, აქტივისტი ვიქნები. რასაც ახლა კითხულობთ, შიშველი სიმართლეა და ვცდილობ, სარკეში ჩაგახედოთ. შიშია გამეფებული. უმოქმედობა, უძრაობაა იმიტომ, რომ გამბედაობა არ ჩანს არსად. რადგან გამბედაობა არ არის, იმიტომ გიწევთ კომენტატორობა და უაზრო თემების გარჩევა-გადამღერება.მთელი გაზაფხული-ზაფხული იქადნებოდით, აი, შემოდგომა დადგება და ასე და ისე ვიზამთო. დადგა სექტემბერი და ისევ იმალებით, გაურბიხართ რეალურ საქმეს. მზად ხართ, ისევ დროის გაყვანაზე იყოთ და როგორმე ნოემბრამდე მიხვიდეთ. მერე სიცივეებს გამოაცხადებთ და ახალ გაზაფხულს დააანონსებთ. გულდასაწყვეტია ამ ყველაფრის ყურება. როგორც თქვენი მონა-მორჩილი, აქტივისტი, გულშემატკივარი, ვწუხვარ ამაზე.გადაბრალება პარტიებზე, ლიდერებზე უკვე გაცვეთილია. როცა გინდათ, ლიდერებზე, პარტიებზე „დიდები“ და მაგრები ხართ. მაგ ლიდერებს 15-წლიანი ციხით ემუქრებიან და ძალიანაც ნუ განსჯით. 4-5 ან 7 ლიდერს გადავაყოლოთ ქვეყანა? ჩვენი პასუხისმგებლობა არაფერშია?აქციის დანიშვნა ვერ გაგიბედავთ, რომ თქვათ – შევიკრიბოთ, ასიათასობით გამოვიდეთ… გამბედაობა არავის ჰყოფნის, რომ რიგითი აქცია დააანონსოს და რეალურად აქტიურ პროტესტზე გადავიდეთ. მძიმე საყურებელია….ფორმულა – ყველა მინუს ივანიშვილი, საქართველო ივანიშვილის გარეშე.გამბედაობაა საჭირო და არა ტვ-ში დროის გაყვანა, ტივტივი ან საერთოდ ჩირგვებში დამალვა. „სიები“ რომ იწერება, სოროებიდან გამოძრომა და ყელის მოღერება არ არის მორალურად, საქმიანად სწორი და ნუ აკადრებთ თავსაც და ხალხსაც.დაძლიეთ შიში და გაიმარჯვებთ. მე? მე, მიმსახურეთ. ციხიდანაც თქვენი მსახური ვიქნები, ძალა ერთობაშია“, – წერს ლევან ხაბეიშვილი.

კორუფციულ დანაშაულში ბრალდებული, სუს-ის ყოფილი უფროსი, გრიგოლ ლილუაშვილი სასამართლომ დამნაშავედ ცნო და მას 13 წლით თავისუფლების აღკვეთა მიესაჯა.აღნიშნული გადაწყვეტილება თბილისის საქალაქო სასამართლოს მოსამართლემ, ნინო თარაშვილმა მიიღო.თარაშვილის განაჩენის თანახმად, ლილუაშვილი დამნაშავედ იქნა ცნობილი ბრალად წარდგენილ ოთხივე ეპიზოდზე: ბაგა-ბაღების საგენტოს, თაღლითური „ქოლ ცენტრებისა“ და ეკონომიკის მინისტრის მოადგილის, რომეო მიქაუტაძის დახმარებით ქრთამის აღების 2 ეპიზოდზე.უფრო კონკრეტულად, ლილუაშვილს ედავებოდნენ, რომ ბაგა-ბაღების მართვის სააგენტოს, იმ დროინდელი ხელმძღვანელის, კახაბერ გვანცელაძის და ამავე სააგენტოს სხვადასხვა პოზიციაზე დასაქმებული პირების მიერ ჩადენილ დანაშაულებრივ ქმედებებს მფარველობდა. კერძოდ, ბრალდების თანახმად, ისინი თანხებს ე.წ. ატკატების სახით იღებდნენ, რისი მფარველობისთვისაც, ქრთამის ნაწილი გრიგოლ ლილუაშვილთან უშუალოდ კახაბერ გვანცელაძეს მიჰქონდა.გრიგოლ ლილუაშვილს ასევე, ბრალად ჰქონდა წარდგენილი თაღლითური „ქოლ ცენტრების" მფარველობა. ბრალდების თანახმად, მისი უახლოესი პირი - ანდრია ლილუაშვილი უშუალოდ მონაწილეობდა „ქოლ ცენტრების" საქმიანობაში.სუს-ის ყოფილ უფროსსს, ასევე ედავებოდნენ ქრთამის აღების ორ ეპიზოდს, რომეო მიქაუტაძის მეშვეობით.გრიგოლ ლილუაშვილი ბრალად წარდგენილ ქმედებას არ აღიარებს. მან დღევანდელ სასამართლო პროცესზე საბოლოო სიტყვის უფლებით ისარგებლა.სუს-ის ყოფილი უფროსის წინააღმდეგ ჩვენება სხვა მოწმეებთან ერთად, მიცემული აქვს ეკონომიკის მინისტრის ყოფილ მოადგილეს, რომეო მიქაუტაძეს. ცნობისთვის, პროკურატურაში გამოკითხვაზე მისული სახელმწიფო უსაფრთხოების სამსახურის ყოფილი უფროსი გრიგოლ ლილუაშვილი 23 დეკემბერს დააკავეს. მას ბრალი ედება საქართველოს სისხლის სამართლის კოდექსის 338-ე მუხლის მე-2 ნაწილის ,,გ’’ ქვეპუნქტით და მე-3 ნაწილის ,,ე’’ ქვეპუნქტით, რაც წინასწარი შეთანხმებით ჯგუფის მიერ, განსაკუთრებით დიდი ოდენობით ქრთამის აღებას გულისხმობს და სასჯელის სახით 11-დან 15 წლამდე თავისუფლების აღკვეთას ითვალისწინებს.