მეცნიერებმა იპოვეს სოფელი, სადაც ბიჭებს სასქესო ორგანო არ ეზრდებათ

„ლელო – ძლიერი საქართველოს“ წევრი ირაკლი კუპრაძე პარლამენტში ინტერპელაციის წესით პრემიერ-მინისტრ ირაკლი კობახიძის მოსმენას ეხმაურება.კუპრაძის თქმით, კობახიძემ პლენარულ სესიაზე „იგლ ჰილსის“ პროექტთან დაკავშირებით რამდენიმე მნიშვნელოვან შეკითხვას უნდა გასცეს პასუხი.„საქართველოს არალეგიტიმურ პარლამენტში არალეგიტიმური პრემიერ-მინისტრი, ირაკლი კობახიძე პროპაგანდისტულ შოუს წარმოადგენს, რომელიც მხოლოდ ანტი „ქართული ოცნების” და ივანიშვილის სუბიექტურ, კერძო ინტერესებს წარმოადგენს. რა თქმა უნდა, ინტერპელაციის წესით, „ქართული ოცნების“ მხრიდან ირაკლი კობახიძის დაბარება, ივანიშვილისთვის და თავად კობახიძისთვის ემსახურება იმას, რომ საქართველოს პარლამენტის უმაღლესი ტრიბუნა არალეგიტიმურმა პრემიერმა პროპაგანდისტულად გამოიყენოს. რისთვის? იმისთვის, რომ არაბულ პროექტებთან დაკავშირებით კიდევ ერთხელ ცადოს და პროპაგანდით გააყრუოს, დააბინძუროს საქართველოს მოქალაქეების გონება.ფაქტობრივი მოცემულობაა, რომ ამ თვეების განმავლობაში, ანტიქართული ოცნება და ივანიშვილი ცდილობენ, ეს პროექტი ეროვნული ინტერესების ღალატის ნაცვლად, როგორც მნიშვნელოვანი პროექტი, ისე შემოასაღოს. სინამდვილეში კი, პროექტი საქართველოს მოსახლეობის ინტერესებს ლახავს. ჩვენ კიდევ ერთხელ გვინდა, საქართველოს მოქალაქეებს შევახსენოთ, რომ ანტიქართული და ანტიეროვნული „ოცნება“ აპირებს 9 მილიონი კვადრატული მეტრის, საუკეთესო ტერიტორიების არაბული კომპანიისთვის გადაცემას. ამ ყველაფერს ინვესტიციასთან არანაირი კავშირი არ აქვს, ეს არის საქართველოს სიმდიდრის გაცემა, ყოველგვარი რაციონალური არგუმენტაციისა და ყოველგვარი ეროვნული ინტერესების გათვალისწინების გარეშე. ვნახავთ, რომ ირაკლი კობახიძე არცერთ კრიტიკულ შეკითხვას პასუხს არ გასცემს და 15 შეკითხვა, რომელიც ინტერპელაციის პროცესზეა რეგისტრირებული, ანტიქართული „ოცნების“ წევრების მხრიდან იქნება დასმული ისე, რომ ეს კობახიძეს მისცემს შესაძლებლობას, კითხვებს პროპაგანდისტული გზავნილებით უპასუხოს.პასუხი უნდა გაეცეს რამდენიმე მნიშვნელოვან შეკითხვას:სასწრაფოდ უნდა გასაჯაროვდეს ხელშეკრულება, რომელიც ივანიშვილმა და ირაკლი კობახიძემ გაასაიდუმლოა. ეს ეხება არაბული კომპანიისთვის ქართული მიწის 9 მილიონი კვადრატული მეტრის გადაცემას, კონკრეტული პირობების გარეშე. ეს ხელსეკრულება არ იძლევა სანდოობას. არ ვიცით, დარღვეულია თუ არა საქღთველოს მოქალაქეების შრომითი უფლებები, შრომითი ინტერესები, მათი დასაქმების შესაძლებლობა. რა ტიპის გარემოსდაცვითი რეგულაციები არსებობს, როგორ უნდა მოხდეს ამ კერძო საკუთრების გასხვისება და ასე შემდეგ. არსებობს უამრავი შეკითხვა; რატომ არ ჩატარდა აუქციონი საჯაროდ, მაშინ, როდესაც საქართველოში ყველა მნიშვნელოვან პროექტზე ჩატარებულია აუქციონი და სხვადასხვა კომპანიისთვის შეთავაზება საჯაროდ არის გაკეთებული. რატომ არ მიეცა მსგავს მნიშვნელოვან პროექტში, თუნდაც ქართულ კომპანიებს მონაწილეობის შესაზლებლობა? რატომ დაუთმო ივანიშვილმა და კობახიძემ უპირობოდ არაბულ უცხოურ კომპანიას 9 მილიონი კვადრატული მეტრის საუკეთესო ტერიტორია თბილისში ტყე-პარკში, რომელიც მცხეთის ტოლა ტერიტორიაა და ბათუმში, გონიოს სანაპირო ერთ- ერთი საუკეთესო ტერიტორია, რომელიც სიღნაღის ზომის ქალაქს წარმოადგენს?;სად არის ის 1.2 მილიარდი დოლარი, რომელიც ინვესტიციის სახით უნდა იყოს ასახული რომელიმე ანგარიშში ან რაიმე თანამონაწილეობის სახით. ეს არის ის 2/3, რა წილიც არაბულმა კომპანიამ მიიღო. საქართველოს სახელმწიფო აპირებს, ეს 1/3 კომპანიის საკუთრების სახით ჩადოს მილიარდი დოლარის ღირებულების ქართული მიწა, მაგრამ სად არის 1, 2 მილიარდი დოლარი, რომელიც არაბულმა კომპანიამ უნდა ჩადოს. ის არ არსებობს;როგორ ხდება ისე, რომ არ არსებობს განაშენიანების გეგმა? არ არსებობს, სამშენებლო ნებართვის შესახებ არანაირი გადაწყვეტილება, გარემოს დაცვის რეგულირების შესახებ გადაწყვეტილებები და პარალელურად, დაწყებულია გაყიდვები არსებული ე.წ. არაბული ქალაქების მშენებლობის პროცესში.აქ გვაქვს შეხება კიდევ ერთ აფიორასთან, სადაც არაბული კომპანია 1,2 მილიარდი დოლარის ჩადების ნაცვლად, ისევ წინასწარი გაყიდვებით, ისევ საქართველოს მოქალაქეების ან უცხო ქვეყნის მოქალაქეების გავლით ცდილობს, არარსებული ინვესტიცია თავის ბენეფიტად აქციოს. ეს არის ტყუილი, რაშიც ივანიშვილი და კობახიძე, პირველ რიგში „ქართული ოცნების“ მხარდამჭერებს ამყოფებს. ამიტომ ჩვენი მთავარი მოთხოვნაა, სასწრაფოდ გასაჯაროვდეს ხელშეკრულება, გასაჯაროვდეს ის პირობები, რას მოაწერა ხელი ივანიშვილმა. იმ ხელისუფლების მხრიდან საუბარი, რომელთა თითოეული თანამდებობის პირი, დაწყებული პრემიერ-მინისტრიდან, დამთავრებული აუდიტის სამსახურით, კორუფციაშია ბრალდებული, თითქოს სახელმწიფოს და საქართველოს მოქალაქეების ინტერესები არის დაცული, ჩემთვის დამაჯერებელი არ არის. „ქართული ოცნება“, რომელიც კორუფციაშია ჩაფლული, ნდობას არ იმსახურებს, რომ მსგავსი მნიშვნელობის პროექტზე გასაიდუმლოებულ ხელშეკრულებაში საქართველოს მოქალაქე ენდოს“, – განაცხადა ირაკლი კუპრაძემ.

მომღერალი და მსახიობი, ვახტანგ ტატიშვილი 84 წლის გახდა.მსახიობს, დაბადების დღეს უამრავი ადამიანი ულოცავს.,,საამაყო ადამიანი" ,,გილოცავთ დიდხანს ჰყავდეთ საქართველოს",,უნიჭიერესი ადამიანი" 

ჩვენ დღეს მოვისმენთ საქართველოს პრემიერ-მინისტრის პოზიციას, განცხადებას, რაც ყველაზე მთავარია - პასუხებს იმ კითხვებზე, რომელიც აქვს საზოგადოებას და რომელსაც გაახმოვანებენ დეპუტატები, - განაცხადა „ხალხის ძალის“ აღმასრულებელმა მდივანმა გურამ მაჭარაშვილმა.მისი თქმით, კითხვები უკავშირდება, როგორც განათლების სისტემის რეფორმას, ასევე, „იგლ ჰილსის“ ინვესტიციას.„განათლების რეფორმა იცით, რომ არის უმნიშვნელოვანესი. „ნაცმოძრაობის“ რეჟიმის დროს თუ კი რამე ქართული იყო და ქართული აზროვნების სასწავლი იყო ყველაფერი პრაქტიკულად არის განადგურებული განათლების სისტემაში. როგორც საუნივერსიტეტო, ასევე, სასკოლო სისტემაში. ასევე, ძალიან მნიშვნელოვანია ქვეყნისთვის ის დიდი ინვესტიცია - 6.5 მილიარდი დოლარის საქართველოში. და ის „წუხილები“ „ნაცმოძრაობის“ ფილიალების და მისი პატრონების დაკავშირებულია ზუსტად იმასთან, რომ ასეთი დიდი ინვესტიცია რა თქმა უნდა ჩვენი ქვეყნის ეკონომიკას წინ წაწევს, რომელიც ისედაც ვითარდება მსოფლიო ბანკის და სავალუტო ფონდის მონაცემებით. ბუნებრივია, რომ ასეთი დიდი ინვესტიციით ეკონომიკურად მძლავრი ქვეყანა გახდება საქართველო, რომელიც უფრო ძლიერად დაიცავს სუვერენიტეტს“, - განაცხადა გურამ მაჭარშვილმა.დღეს პარლამენტი პრემიერ-მინისტრს ინტერპელაციის წესით მოუსმენს.

ინდოელმა მეცნიერებმა დაადგინეს, რომ მუსიკა ქირურგიული ოპერაციების დროს გამოყენებული ანესთეზიური საშუალებების რაოდენობის შემცირებას და შემდგომი გამოჯანმრთელების დაჩქარებას უწყობს ხელს.კვლევა ლოკ ნაიაკის საავადმყოფოსა და მაულან აზადის სამედიცინო კოლეჯის სპეციალისტებმა ჩაატარეს. მათ დაადგინეს, რომ პაციენტები, რომლებიც ლაპაროსკოპიული ოპერაციების დროს სპეციალურად შერჩეულ მუსიკას უსმენდნენ, ანესთეტიკების ნაკლებ დოზებს საჭიროებდნენ. ამასთან, ამ პაციენტებს უფიქსირდებოდათ გულის რითმისა და წნევის სტაბილიზებული მაჩვენებლები და სტრესის შემცირებული დონე.კვლევის ხელმძღვანელის, ტანვი გოელის განცხადებით, მუსიკა ქირურგიული პროცესის დროს ფონის როლს ასრულებს, მაგრამ ფაქტობრივად თერაპევტულ პროცესშია ინტეგრირებული. ნარკოზის მდგომარეობაშიც კი, ხმოვან სტიმულებს ნერვულ სისტემაზე ზემოქმედება შეუძლიათ - ისინი ამცირებენ ორგანიზმის ნეიროენდოკრინულ რეაქციას ქიმიურ სტრესზე და ხელს უწყობენ უფრო რბილ გამოღვიძებასა და ოპერაციის შემდეგ უფრო სწრაფ აღდგენას.მომავალში მეცნიერები ნარკოზის დროს ტვინის აქტივობაზე სხვადასხვა მუსიკალური ჟანრისა და რითმის ნაწარმოების ზემოქმედების შესწავლას გეგმავენ.

თავდაპირველი 28-პუნქტიანი სამშვიდობო გეგმა, რომელიც ამერიკის შეერთებული შტატების მიერ იყო შემუშავებული, ორივე მხარის დამატებითი წვლილის შეტანით დაიხვეწა და დარჩენილია მხოლოდ რამდენიმე შეუთანხმებელი პუნქტი, – ამის შესახებ აშშ-ის პრეზიდენტი დონალდ ტრამპი truth social-ზე წერს.მისი თქმით, მოუთმენლად ელოდება რუს და უკრაინელ კოლეგებთან შეხვედრას, თუმცა „ეს მხოლოდ მაშინ მოხდება, როდესაც ომის დასრულების შეთანხმება საბოლოო ან დასკვნით ფაზაში იქნება“. იქამდე კი, ტრამპის თქმით, მოსკოვში რუსეთის პრეზიდენტთან, ვლადიმერ პუტინთან შესახვედრად – სპეციალურ წარმომადგენელს, სტივ უიტკოფს, უკრაინელებთან შესახვედრად კი არმიის მდივანს, დენ დრისკოლს გაგზავნის.„ამ სამშვიდობო გეგმისთვის საბოლოო სახის მისაცემად ჩემს სპეციალურ წარმომადგენელს, სტივ უიტკოფს დავავალე შეხვედრა პრეზიდენტ პუტინთან მოსკოვში და, ამავდროულად, არმიის მდივანი დენ დრისკოლი შეხვდება უკრაინელებს. მოუთმენლად ველოდები პრეზიდენტ ზელენსკისა და პრეზიდენტ პუტინთან მალე შეხვედრას, მაგრამ მხოლოდ მაშინ, როდესაც ამ ომის დასრულების შესახებ შეთანხმება საბოლოო ან დასკვნით ეტაპზე იქნება“, – აცხადებს დონალდ ტრამპი.ამასთან, აშშ-ის პრეზიდენტის თქმით, მისმა გუნდმა გასული კვირის განმავლობაში რუსეთ-უკრაინის ომის დასრულების კუთხით უზარმაზარ პროგრესს მიაღწია.„გასული კვირის განმავლობაში ჩემმა გუნდმა უზარმაზარ პროგრესს მიაღწია რუსეთსა და უკრაინას შორის ომის დასრულებასთან დაკავშირებით (ომის, რომელიც არასდროს დაიწყებოდა, მე რომ პრეზიდენტი ვყოფილიყავი!). გასულ თვეში 25 000 ჯარისკაცი დაიღუპა,“ – წერს ტრამპი სოციალურ ქსელში.