მარიამ ქვრივიშვილი: საქართველოს მთავრობის ერთ-ერთი პრიორიტეტია, ჰქონდეს მეტი პირდაპირი მიმოსვლა, რათა ქვეყანაში მეტი ტურისტი ჩამოვიდეს, აეროპორტები კი მეტ მგზავრს მოემსახუროს

ტერორისტული აქტის ჩადენის მცდელობის ბრალდებით დაკავებული პოლიტიკოსი, „ძლიერი საქართველო - ლელოს“ ერთ-ერთი ლიდერი,ალეკო ელისაშვილი სასამართლომ დამნაშავედ ცნო.მოსამართლე გიორგი გელაშვილის გადაწყვეტილებით, დაკავებულ პოლიტიკოსს 13 წლით თავისუფლების აღკვეთა მიესაჯა.აღნიშნული ეპიზოდი თბილისის საქალაქო სასამართლოს კანცელარიის შენობაში მომხდარ ფაქტს ეხება, სადაც მანდატურის სამსახურის თანამშრომლებმა ალეკო ელისაშვილის ქმედება აღკვეთეს და შემდეგ უკვე ის ადგილზე სამართალდამცავებმა დააკავეს.ცნობისთვის, ალეკო ელისაშვილს ბრალდება საქართველოს სისხლის სამართლის კოდექსის 19-323-ე მუხლის პირველი ნაწილით წარედგინა, რაც ტერორისტული აქტის ჩადენის მცდელობას გულისხმობს. აღნიშნული ქმედება სასჯელის სახედ და ზომად 10-დან 15- წლამდე თავისუფლების აღკვეთას ითვალისწინებს.ალეკო ელისაშვილს ბრალდება კიდევ ერთ ეპიზოდზე სისხლის სამართლის კოდექსის 323-ე მუხლის პირველი ნაწილით აქვს წარდგენილი, რაც ტერორისტულ აქტს, ესე იგი აფეთქებას, ცეცხლის წაკიდებას, ადამიანზე თავდასხმას, იარაღის გამოყენებას ან სხვა ქმედებას გულისხმობს ჩადენილს ტერორისტული მიზნით, რომელიც ადამიანის სიცოცხლის მოსპობის, მნიშვნელოვანი ქონებრივი ზიანის, ან სხვა მძიმე შედეგის განხორციელების საშიშროებას ქმნის.აღნიშნული ქმედება 10-დან 15-წლამდე ვადით თავისუფლების აღკვეთას გულისხმობს.

ბუნდესტაგმა უკრაინისთვის დამატებით სამხედრო და ჰუმანიტარული დახმარების შესახებ „გაერთიანება 90/მწვანეების“ ინიციატივას მხარი არ დაუჭირა, – ამის შესახებ ინფორმაციას გერმანიის ბუნდესტაგის პრესსამსახური ავრცელებს.8 ივლისს ბუნდესტაგმა ხმათა უმრავლესობით მხარი არ დაუჭირა პარტია „გაერთიანება 90/მწვანეების“ ინიციატივას, რომელიც უკრაინისთვის დამატებით სამხედრო და ჰუმანიტარული დახმარების გაწევას ითვალისწინებდა.როგორც ბუნდესტაგის მიერ გავრცელებულ ინფორმაციაშია ნათქვამი, კანონპროექტს მხარი 79-მა დეპუტატმა დაუჭირა, წინააღმდეგ კი 510 იყო, ხოლო ერთმა პარლამენტარმა თავი შეიკავა.ინიციატივის ავტორები რუსეთის მიერ უკრაინის სამოქალაქო ობიექტებზე განხორციელებულ მასშტაბურ საჰაერო იერიშებზე მიუთითებდნენ და გერმანიის მთავრობას, უკრაინის რეალური საჭიროებების შესაბამისად, ფინანსური, დიპლომატიური, ჰუმანიტარული და სამხედრო მხარდაჭერის გაფართოებისკენ მოუწოდებდნენ.დოკუმენტი ასევე ითვალისწინებდა უკრაინის დაზიანებული ენერგეტიკული ინფრასტრუქტურის აღდგენას, მოდერნიზაციასა და დეცენტრალიზაციას, საავადმყოფოებისა და მოსახლეობის მომარაგებისთვის მნიშვნელოვანი სატრანსპორტო ქსელის აღდგენას.„მწვანეები“ ასევე მოითხოვდნენ უკრაინაში დრონებისა და შორი მოქმედების შესაძლებლობების წარმოების გაძლიერების მხარდაჭერას და გერმანიაში Patriot PAC-2-ის რაკეტების დამატებითი წარმოების დაკვეთას.გარდა ამისა, ინიციატივა ითვალისწინებდა უკრაინის შესაძლებლობების გაძლიერებას, რათა ამ ქვეყნის არმიამ რუსეთის სიღრმეში მდებარე სამხედრო სამიზნეები, მათ შორის, სამეთაურო პუნქტები, სარაკეტო გამშვები დანადგარები, სამხედრო აეროდრომები, საბრძოლო მასალისა და საწვავის საწყობები, ასევე სამხედრო წარმოების ობიექტები უფრო ეფექტიანად გაანადგუროს.

პარტია „ქართული ოცნების“ ახალგაზრდული ორგანიზაციის ხელმძღვანელებთან, თავმჯდომარესა და გამგეობის წევრებთან შეხვედრაზე ბევრი საკითხი გამოიკვეთა, გავიარეთ სამომავლო გეგმები, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ პარტიის ოფისში ჟურნალისტებს განუცხადა.კობახიძის თქმით, შეხვედრაზე დაისახა კონკრეტული გეგმები.„განვიხილეთ ის შეხვედრები, რომლებიც შედგა რეგიონებში. ბევრი საკითხი გამოიკვეთა. ასევე, გავიარეთ ჩვენი სამომავლო გეგმები ახალგაზრდული ორგანიზაციის საქმიანობის თვალსაზრისით. ძალიან აქტიურად ვიმუშავებთ ამ მიმართულებით, განსაკუთრებით, შემდეგი ორი წლის განმავლობაში, დავსახეთ კონკრეტული გეგმები და გაგრძელდება აქტიური მუშაობა“, – აღნიშნა კობახიძემ.კითხვაზე, ჩაერთვებიან თუ არა ახალგაზრდები პოლიტიკურ ცხოვრებაში, კობახიძემ განაცხადა, რომ ახალგაზრდებს ამის დიდი ინტერესი აქვთ.„რა თქმა უნდა, ინტერესი დიდია. ზოგადად, ამ ქვეყნის მართვა მომავალში უნდა გადაიბარონ ახალგაზრდებმა. აქედან გამომდინარე, ძალიან მნიშვნელოვანია ამ მიმართულებით ჩვენი მუშაობის სწორად დაგეგმვა. კიდევ ერთხელ ვიტყვი, რომ აქტიურად ვიმუშავებთ ამ მიმართულებით შემდეგი ორი წლის განმავლობაში“, – განაცხადა ირაკლი კობახიძემ.საქართველოს პრემიერ-მინისტრმა, ირაკლი კობახიძემ, ვიცე-პრემიერთან, სახელმწიფო მინისტრ მამუკა მდინარაძესთან და მთავრობის ადმინისტრაციის უფროს ლევან ჟორჟოლიანთან ერთად „ქართული ოცნების“ ახალგაზრდული ორგანიზაციის ხელმძღვანელებთან და გამგეობის წევრებთან შეხვედრა გამართა.

ზუგდიდის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და განსაკუთრებით დიდი ოდენობით ნარკოტიკული საშუალების ჯგუფურად უკანონო შეძენა, შენახვის და რეალიზაციის ხელშეწყობის ფაქტებზე ორი ბრალდებული დამნაშავედ ცნო, - ამის შესახებ ინფორმაცია საქართველოს პროკურატურა ავრცელებს.უწყების ცნობით, სასამართლო პროცესზე წარდგენილი მტკიცებულებებით დადასტურდა, რომ ბრალდებულებმა, მათ შორის ერთ-ერთმა ნარკოდანაშაულისთვის პირობითი მსჯავრის ქვეშ მყოფმა, უკანონოდ შეიძინეს და ინახავდნენ 31 შეკვრად დაფასოებულ, განსაკუთრებით დიდი ოდენობით 21.4625 გრ. ნარკოტიკულ საშუალება "მეთადონს", რომელიც სამტრედიის მუნიციპალიტეტში უნდა განეთავსებინათ."ბრალდებულებს ბრალდება საქართველოს სისხლის სამართლის კოდექსის 260-ე მუხლის მე-2 ნაწილის "ბ", "დ" და მე-3 ნაწილის "ა" ქვეპუნქტით (წინასწარი შეთანხმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა, შენახვა, არაერთგზის) და 260-ე კვარტა მუხლის მე-5 ნაწილის "ბ", "ე" და მე-6 ნაწილის "ა" ქვეპუნქტით (წინასწარი შეთანხმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო რეალიზაციის ხელშეწყობა, ნარკოდანაშაულისთვის ნასამართლევი პირის მიერ) წარედგინათ.ზუგდიდის რაიონულმა სასამართლომ ბრალდებულები სრულად ცნო დამნაშავედ წარდგენილ ბრალდებებში და ერთს სასჯელის სახედ და ზომად 19 წლით, ხოლო მეორეს განაჩენთა ერთობლიობით 23 წლით თავისუფლების აღკვეთა განუსაზღვრა," - ნათქვამია გავრცელებულ განცხადებაში.

თურქეთის პრეზიდენტმა, რეჯეფ თაიფ ერდოღანმა, ანკარის სამიტის დასრულების, შემდეგ ნატო-ს ლიდერებს პერსონალური, საბრძოლო ვაზნებით დატენილი რევოლვერები გადასცა, რამაც საპატიო სტუმრები საგონებელში ჩააგდო და მათი უსაფრთხოების სამსახურების შეშფოთება გამოიწვია.ამ ამბის დეტალები გამოცემა „გარდიანმა“ გამოაქვეყნა.დიდი ბრიტანეთის პრემიერ-მინისტრი კირ სტარმერი პირველი იყო, ვინც ეს უჩვეულო საჩუქარი ახსენა. ანკარის ორდღიანი სამიტიდან დაბრუნების შემდეგ, მან განაცხადა, რომ პერსონალური რევოლვერი მიიღო. მსგავსი საჩუქრები სხვა ლიდერებსაც გადაეცათ. იარაღთან ერთად, წითელ კოლოფში იდო ექვსი საბრძოლო ვაზნა და ჩანაწერი, რომელიც რევოლვერებს საექსპორტო კონტროლისგან ათავისუფლებდა.„ნატო-ს სამიტზე პრეზიდენტ ერდოღანისგან უჩვეულო საჩუქარი მივიღე – „მაგნუმის“ ტიპის რევოლვერი ვაზნებთან ერთად, რომელზეც ჩემი სახელია ამოტვიფრული“, – დაწერა უნგრეთის პრემიერ-მინისტრმა, პეტერ მადიარმა სოციალურ პლატფორმა X-ზე.ბელგიის პრემიერ-მინისტრმა, ბარტ დე ვევერმა მხოლოდ თვითმფრინავის სამშობლოში დაშვების შემდეგ გაიგო, თუ რა საჩუქარი მიიღო სამიტის მასპინძლისგან. მან რევოლვერი დაუყოვნებლივ გადასცა აეროპორტის პოლიციას სეიფში შესანახად. ევროკომისიის პრეზიდენტ ურსულა ფონ დერ ლაიენისა და ევროპული საბჭოს პრეზიდენტ ანტონიუ კოშტას კუთვნილ იარაღებთან დაკავშირებული ფორმალობებიც ასევე დე ვევერის გუნდმა მოაგვარა, რადგან ორივე მათგანის რეზიდენცია ბრიუსელშია.ფონ დერ ლაიენმა ერდოღანს საჩუქრისთვის მადლობა გადაუხადა. მისმა პრესსპიკერმა დასძინა, რომ დეაქტივაციის შემდეგ, რევოლვერს სამხედრო მუზეუმს გადასცემენ.რამდენიმე რევოლვერი – მათ შორის სტარმერის, გერმანიის კანცლერ ფრიდრიხ მერცისა და ნიდერლანდების პრემიერ-მინისტრ რობ იეტენის კუთვნილი იარაღები – ამ დრომდე ანკარაში რჩება. კანადის პრემიერ-მინისტრმა, მარკ კარნიმ კი რევოლვერი თან წაიღო, თუმცა საბრძოლო ვაზნები თურქეთში დატოვა. კანადელ ოფიციალურ პირებს ამის მიზეზი არ განუმარტავთ. რაც შეეხება შვედეთის პრემიერ-მინისტრ ულფ კრისტერსონის რევოლვერს, ქვეყანაში მას სტანდარტული პროცედურების შესაბამისად ჩაიტანენ.სამიტებზე საჩუქრების გაცვლა ჩვეულებრივი ამბავია, თუმცა უსაფრთხოების ასეთი ზომების მიღება იშვიათად ხდება საჭირო. უჩვეულმა საჩუქარმა რამდენიმე დელეგაცია ძალიან გააოცა. თურქეთის პრეზიდენტის ადმინისტრაციამ მედიის შეკითხვებს არ უპასუხა.