ზაქარია ქუცნაშვილი – რუსეთი გაღიზიანებულია, რადგან მსოფლიო დიდი კოალიცია შეიქმნა, რაც შეუმჩნეველი ვერ დარჩებოდა რუსეთის მოქალაქეებს

საქართველოს ტექნიკურ უნივერსიტეტში, ინფორმატიკისა და მართვის სისტემების ფაკულტეტის ინიციატივითა და ორგანიზებით, სამეცნიერო-ინტელექტუალური ღონისძიება - „ქალის ხმა მეცნიერებაში“ გაიმართა, რომლის მიზანი მკვლევარ ქალთა როლის, მიღწევებისა და ინოვაციური იდეების წარმოჩენა, გამოცდილების გაზიარება და პროფესიული-კვლევითი ქსელების გაძლიერებაა. ამის შესახებ ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, ღონისძიებამ გააერთიანა გამოცდილი და ახალგაზრდა მეცნიერები, რომლებმაც თავიანთი კვლევითი შედეგები და სამეცნიერო ხედვები წარმოადგინეს.როგორც სტუ-ის ინფორმატიკისა და მართვის სისტემების ფაკულტეტის დეკანის მოადგილე, პროფესორი ლილი პეტრიაშვილი აღნიშნავს, შეხვედრაზე მეცნიერმა ქალებმა, რომელთა შორის ახალგაზრდა მკვლევრებიც არიან, იმსჯელეს საერთაშორისო სამეცნიერო სივრცეში გამოტანილ ისეთ აქტუალურ თემებზე, როგორიცაა ხელოვნური ინტელექტის გამოყენება განათლებასა და კვლევაში, დიდი მონაცემების ანალიზი, კოგნიტური სერვისების განვითარება, ინფორმაციული სისტემების უსაფრთხოება და რისკების მართვა, სტოქასტური მოდელირება, განახლებადი ენერგიების როლი თანამედროვე ციფრულ ეპოქაში, ასევე გ ანიხილეს საერთაშორისო სამეცნიერო თანამშრომლობისა და აკადემიური კოლაბორაციის გაფართოების შესაძლებლობები.„დღევანდელი ღონისძიება კიდევ ერთხელ უსვამს ხაზს იმას, თუ რამდენად მნიშვნელოვანია ქალთა აქტიური მონაწილეობა თანამედროვე მეცნიერების განვითარებაში. ჩვენი დიდი სურვილია „ქალის ხმა მეცნიერებაში“ იქცეს ერთგვარ საუნივერსიტეტო პლატფორმად, რომელიც გააერთიანებს სხვადასხვა თაობის მკვლევარ ქალებს, დააინტერესებს სტუდენტებს, ხელს შეუწყობს სამეცნიერო იდეების გაცვლა-გაზიარებას, პროფესიული კავშირების გაძლიერებას და ახალგაზრდა მეცნიერთათვის ახალი შესაძლებლობების შექმნას. განსაკუთრებით მნიშვნელოვანია, რომ ახალგაზრდებმა უშუალოდ მოისმინონ გამოცდილ მეცნიერეთა აზრი და ხედვები, რაც მათ მნიშვნელოვან მოტივაციას მისცემს. ვფიქრობთ, მსგავსი შეხვედრებით ხელს შევუწყობთ ისეთი გარემოს შექმნას, სადაც ინოვაციური იდეები სამომავლო რეალურ კვლევით პროექტებად ჩამოყალიბდება“, – ამბობს ლილი პეტრიაშვილი.სტუ-ის ინფორმაციით, სამეცნიერო-ინტელექტუალურ ღონისძიებაზე - „ქალის ხმა მეცნიერებაში“ მოხსენებით წარდგნენ საქართველოს ტექნიკური უნივერსიტეტის პროფესორები: ირინა ხომერიკი, თემით - „საერთაშორისო სამეცნიერო-ტექნიკური ცენტრი ISTC – 30 წლიანი გამოცდილება, უსაფრთხოება, მდგრადობა“; თამარ ბერბერაშვილი, თემით - „გზა ევროპული კოლაბორაციისკენ“; მზია კიკნაძე, თემით - „სასწავლო პროცესში ხელოვნური ინტელექტის ინსტრუმენტების გამოყენება“; ლილი პეტრიაშვილი, თემით - „სტოქასტურ მოდელირებაზე დაფუძნებული გადაწყვეტილების მიღების მხარდამჭერი მრავალსენსორული სისტემა (DSS) პროგნოზირებასა და მართვაში“; ნონა ოთხოზორია, თემით - „ინფორმაციული სისტემების რისკების ანალიზის და კონტროლის მეთოდების კვლევა ISO/IEC 17025 -ით აკრედიტებულ ლაბორატორიებში“; ნინო თოფურია, თემით - „კოგნიტური სერვისები და ხელოვნური ინტელექტი ფერმერის მხარდამჭერი საინფორმაციო სისტემის დაპროექტებისთვის“; მარიამ ჩხაიძე, თემით - „AI-ის გამოყენება განათლების მეცნიერებების კვლევებში: ინკლუზიური პერსპექტივა“. ასოცოცირებული პროფესორები: მარიამ ბერიაშვილი, თემით - „აქსიომები, მოდელები და ღია კითხვები“; ლოლიტა ბეჟანიშვილი, თემით - „დიდი მონაცემები და მათი განვითარების პერსპექტივები“; თამარ იაშვილი, თემით - „გზა მეცნიერებაში“; მარეხ მაზანაშვილი - „სამეცნიერო ხედვა, ინოვაცია, აკადემიური მიღწევები“; მკვლევარი მარიკა მოდებაძე, თემით - „განახლებადი ენერგიების როლი ციფრულ ეპოქაში“; დოქტორანტი ანა ფალავანდიშვილი, თემით - „საერთაშორისო ურთიერთობების მოძიების გზები და თანამშრომლობის გაღრმავების შესაძლებლობები“ და მაგისტრი თამარ ზარდიაშვილი, თემით - „ნეიროინფორმაციის მიმღები და მამოძრავებელი ეგზო-ჩონჩხი“.

ირანთან კონფლიქტმა არ უნდა გადაფაროს ღაზაში არსებული მძიმე ჰუმანიტარული მდგომარეობა, – ამის შესახებ გერმანიის საგარეო საქმეთა მინისტრმა, იოჰან ვადეპულმა იერუსალიმში ისრაელელ კოლეგასთან, გიდეონ საართან შეხვედრის შემდეგ განაცხადა.ვადეპულის თქმით, ჰუმანიტარული ვითარება კვლავ კრიტიკულია და დამხმარე ორგანიზაციებს ჯერ კიდევ არ აქვთ ტერიტორიაზე სათანადო წვდომა.„ირანი თავის სულ უფრო აგრესიული ქცევითა და სამხედრო პოტენციალის განვითარებით საფრთხეს წარმოადგენს, როგორც რეგიონისთვის, ისე ევროპისთვის. ირანის თავდასხმები საბოლოოდ უნდა შეწყდეს“, – აღნიშნა ვადეპულმა.თავის მხრივ, ისრაელის საგარეო მინისტრმა, გიდეონ საარმა განაცხადა, რომ ისრაელს უსასრულო ომი არ სურს, თუმცა კონფლიქტის დასრულების დრო ამერიკელ პარტნიორებთან კოორდინაციით განისაზღვრება.„ნაწილობრივი შედეგებით არ უნდა დავკმაყოფილდეთ. განვაგრძობთ, ვიდრე ჩვენ და ჩვენი პარტნიორები არ ჩავთვლით, რომ შეჩერება მიზანშეწონილი იქნება“, – განმარტა საარმა.

თბილისში მიმდინარე ევროპის ჩემპიონატზე პარაძალოსნობაში აკაკი ჯინჭარაძემ ოქროს მედალი მოიპოვა, გიორგი ლაცაბიძე კი ვერცხლის მედლის მფლობელი გახდა.შეჯიბრება საქართველოს პარალიმპიური კომიტეტის ორგანიზებით, საქართველოს სპორტის სამინისტროსა და თბილისის მერიის მხარდაჭერით იმართება, რომელშიც 27 ქვეყნის 300-მდე პარაათლეტი და დელეგატი მონაწილეობს.ევროპის ჩემპიონატი 11 მარტს დასრულდება.

ესპანეთის საგარეო მინისტრმა, ხოსე მანუელ ალბარესმა განაცხადა, რომ ისრაელის სახმელეთო ოპერაცია ლიბანში სერიოზული შეცდომა იქნება და ლიბანის სუვერენიტეტი და ტერიტორიული მთლიანობა დაცული უნდა იყოს. ალბარესმა დაგმო, როგორც ჰეზბოლას სარაკეტო დარტყმები, ასევე ისრაელის შეტევები. ესპანეთის საგარეო საქმეთა მინისტრის თქმით, ჰეზბოლამ უნდა შეწყვიტოს თავდასხმები და მიიღოს ლიბანის მთავრობის მიერ შეთავაზებული განიარაღების გეგმა. „ისრაელს მოვუწოდებთ, შეასრულოს საერთაშორისო სამართლით ნაკისრი ვალდებულებები. ჰეზბოლასგანაც მოვითხოვთ ისრაელზე თავდასხმების შეწყვეტას და ლიბანის მთავრობის განიარაღების გეგმის მიღებას“, – აღნიშნა ხოსე მანუელ ალბარესმა აშშ-ესპანეთის ურთიერთობების შესახებ  დასმულ კითხვაზე ალბარესმა განაცხადა, რომ დონალდ  ტრამპის სავაჭრო მუქარების მიუხედავად, ორი ქვეყნის დიპლომატიური ურთიერთობა ჩვეულებრივ რეჟიმში გრძელდება.

მოვითხოვეთ პატიმრების მონახულების უფლება, განსაკუთრებით სახაროვის პრემიის ლაურეატთან შეხვედრა, ეს თხოვნა გადავეცით პრემიერ-მინისტრს, პრეზიდენტს, შინაგან საქმეთა მინისტრს და პარლამენტის სპიკერს. პასუხი უარყოფითი იყო, ჩვენ ამას ვიღებთ, – ამის შესახებ ეუთო-ს საპარლამენტო ასამბლეის პრეზიდენტმა, პერე ჟოან პონმა განაცხადა.ჟურნალისტის კითხვაზე, რამდენად სერიოზულია მდგომარეობაა საქართველოში და ისახავს თუ არა მიზნად ქვეყანაში ბოლო დროს მიღებული კანონები სიტყვის თავისუფლების შეზღუდვას, პონმა აღნიშნა, რომ შეხვედრისას, მხარეთა ნაწილის თქმით, ქვეყანაში მდგომარეობა 2024 წელთან შედარებით არ გაუმჯობესებულა.„დღეს ზოგიერთი მხარისგან გავიგეთ, რომ მდგომარეობა 2024 წელთან შედარებით, სულ მცირე, არ გაუმჯობესებულა. პრემიერ-მინისტრს და პარლამენტის სპიკერს დღეს ვუთხარით, რომ ერთ-ერთი ნაბიჯი, რომელიც მათ უნდა გადადგან, არის სასჯელის 50 პროცენტზე მეტი მოხდილი პატიმრების გათავისუფლების საკითხის განხილვა“, – განაცხადა პონმა.ჟურნალისტის კითხვაზე, არიან თუ არა დაკავებული პირები პოლიტპატიმრები, პერე ჟოან პონმა აღნიშნა, რომ ეს მისი განსასჯელი არ არის.„ეს ჩემი განსასჯელი არ არის პოლიტიკური პატიმრები არიან თუ არა. შემიძლია ვთქვა, რომ ისინი პატიმრობაში არიან პოლიტიკურ საქმიანობასთან დაკავშირებული ქმედებების გამო. ჩვენ დიალოგს ვესწრებოდით, სადაც ოპოზიციური პარტიები, სამოქალაქო საზოგადოება და მთავრობა ერთმანეთთან ჩვენი მეშვეობით საუბრობდნენ.მოვითხოვეთ პატიმრების მონახულების უფლება, განსაკუთრებით სახაროვის პრემიის ლაურეატთან შეხვედრა. ეს თხოვნა გადავეცით პრემიერ-მინისტრს, პრეზიდენტს, შინაგან საქმეთა მინისტრს და პარლამენტის სპიკერს, პასუხი უარყოფითი იყო. ჩვენ ამას ვიღებთ. მთავრობას უფლება აქვს, უარი თქვას, მაგრამ ჩვენ ვთხოვეთ, განეხილათ ეს საკითხი. მიგვაჩნია, რომ თუ აპირებთ ევროკავშირში გაწევრიანების შესახებ მოლაპარაკებებს, რაზეც ამ ორი დღის განმავლობაში ვისაუბრეთ, პოლიტიკური მოლაპარაკება საჭიროა.  მიმაჩნია, რომ დღეს ჩვენ მიერ გამოცდილი სიტუაცია, სულ მცირე, გვავალდებულებს, ვუთხრათ ხელისუფლებას, რომ მათ ეს უნდა გაითვალისწინონ“, – აღნიშნა ეუთო-ს საპარლამენტო ასამბლეის პრეზიდენტმა.