ევროპის ჩემპიონატზე ყველაზე მეტი მოგერიებით გიორგი მამარდაშვილი კვლავ ლიდერია

საქართველოს ეკონომიკური ზრდის მარტის თვის მაჩვენებლები ადასტურებს, რომ, გლობალურად ეკონომიკური ზრდის პერსპექტივების გაუარესების მიუხედავად, ჩვენს ქვეყანაში ეკონომიკური ზრდის მაჩვენებლები ძლიერდება, – ამის შესახებ საქართველოს ეკონომიკისა და მდგრადი განვითარების მინისტრის მოადგილემ, ვახტანგ ცინცაძემ დღეს გამოქვეყნებული ეკონომიკური ზრდის მაჩვენებლების შეფასებისას განაცხადა.მისი თქმით, მარტში ეკონომიკური ზრდის მაჩვენებელმა 10.7% შეადგინა, ხოლო პირველი კვარტლის საშუალო ეკონომიკური ზრდა 9.1%-ით განისაზღვრა.ამასთან, მარტის თვისა და პირველი კვარტლის ეკონომიკური ზრდის ტენდენციებზე საუბრისას მინისტრის მოადგილემ ხაზი გაუსვა, რომ ეკონომიკური ზრდა სექტორულად საკმაოდ დივერსიფიცირებულია – მასში მნიშვნელოვანი პოზიტიური წვლილი შეიტანა როგორც დამამუშავებელი მრეწველობის, ასევე ინფორმაციისა და კომუნიკაციების, მშენებლობის, ტრანსპორტისა და დასაწყობების და სხვა სერვისების მიმართულებით ეკონომიკური აქტივობის ზრდამ.ვახტანგ ცინცაძემ ისაუბრა მიმდინარე წლის პირველ კვარტალში საგარეო ვაჭრობის კუთხით დაფიქსირებულ დადებით ტენდენციებზე, რაც, მისი შეფასებით, ეკონომიკური ზრდის მნიშვნელოვანი მხარდამჭერი ფაქტორია.„იანვარ-მარტში ექსპორტის დაახლოებით 23%-იანი ზრდა გვქონდა, ხოლო ადგილობრივი ექსპორტი, რომელიც  ქვეყანაში წარმოებული პროდუქციის ექსპორტს მოიცავს, 75%-ზე მეტად გაიზარდა. პირველი კვარტალის ჭრილში ასევე რეკორდული მაჩვენებელები ფიქსირდება ქვეყანაში ტურიზმიდან მიღებული შემოსავლების კუთხით, რომლის მოცულობამ  829.8 მლნ აშშ  დოლარი შეადგინა“, – აღნიშნა ვახტანგ ცინცაძემ.ეკონომიკის მინისტრის მოადგილის შეფასებით, ზემოაღნიშნული მონაცემები ხელს უწყობს ქვეყანაში ბიზნესაქტივობის გაძლიერებას, რაც თავისთავად აისახება ეკონომიკური ზრდის მაჩვენებლებზე.ცინცაძის პროგნოზით, ქვეყნის ეკონომიკა მდგრადობას შემდგომი თვეების განმავლობაშიც შეინარჩუნებს.„ჩვენი მოლოდინია, რომ ეკონომიკური ზრდის აღნიშნული ტენდენციები მომავალ თვეებშიც შენარჩუნდება და საქართველოს ექნება უფრო მაღალი ეკონომიკური ზრდის მაჩვენებლები, ვიდრე ამას პროგნოზირებენ საერთაშორისო საფინანსო ინსტიტუტები თუ სხვა ორგანიზაციები“, – აღნიშნა ვახტანგ ცინცაძემ.

როდესაც შენ ხარ პოლიტიკაში და ემსახურები უცხო ქვეყანას, წარმოადგენ აგენტურას, რა თქმა უნდა, არანაირი პოლიტიკური შესაძლებლობები და შანსები არ გაქვს, – ასე უპასუხა თბილისის მერმა, კახა კალაძემ ჟურნალისტის კითხვას ოპოზიციური ალიანსის შანსებისა და რეგიონებში გამართული შეხვედრების შესახებ.მერის თქმით, ქართველი ხალხი ყველაფერს სწორად აფასებს და, შესაბამისად, ოპოზიციურ გაერთიანებას წარმატების არანაირი რესურსი არ გააჩნია.„მგონი, ყველა ვხედავთ, რომ ოპოზიციას არანაირი რესურსი არ გააჩნია. ყველანაირად განულებულები არიან, რასაც აქვს თავისი ახსნა: როდესაც ხარ პოლიტიკაში და ემსახურები უცხო ქვეყანას, წარმოადგენ აგენტურას, რა თქმა უნდა, არანაირი პოლიტიკური შესაძლებლობები და შანსები არ გაქვს. ქართველი ხალხი ძალიან კარგად ხედავს, აფასებს არსებულ სიტუაციას, აფასებს იმას, ვინ რითია დაკავებული, ვის რა დამოკიდებულება აქვს საქართველოსთან მიმართებით, ვის რა ინტერესი აქვს. შესაბამისად, ყველამ კარგად ვიცით, ეს ადამიანები საიდან იმართებიან, ვინ არიან მათი პატრონები, რა მითითებებს აძლევენ. მათ პოლიტიკურად არანაირი რესურსი და შანსი არ გააჩნიათ, რომ რამე წარმატებას მიაღწიონ. დიდად არ ვინტერესდები მათი აქტივობებით, თუმცა იმ ადამიანებს, რომლებიც შემჩნეულები არიან ქვეყნისთვის მტრულ საქმიანობაში, წარმოადგენენ აგენტურას, დაკავებულები არიან მოღალატეობრივი ქმედებებით, არანაირი შანსი არ აქვთ. სადაც უნდა, იქ იარონ“, – განაცხადა კახა კალაძემ.ამასთან, რაც შეეხება კითხვას ალიანსში არსებულ დაპირისპირებასთან დაკავშირებით, მერი პასუხობს, რომ ბოლო წლებში არაერთი ოპოზიციური გაერთიანება ვნახეთ, რომლებიც მალევე იშლება.„არსებითი მნიშვნელობა არ აქვს, ისინი ერთ პლატფორმაზე იქნებაინ თუ დაიშლებიან. ბევრჯერ გვინახავს ბოლო წლების განმავლობაში სხვადასხვა გაერთიანება, რომელიც მალევე იშლებოდა. ზოგადად, თუ შევხედავთ ამ ადამიანებს, ვინ არიან, რას წარმოადგენენ, რა წარსული აქვთ, რით ცხოვრობენ დღევანდელ დღეს, ყველამ ყველაფერი ვიცით: საიდან იმართებიან, რა არის მათი მთავარი მოტივაცია და მიზნები – ქვეყნისა და ქართველი ხალხის საკეთილდღეოდ არაფერი. მათ აქვთ თავიანთ ამოცანა, ჰყავთ თავიანთი პატრონები, იმ პატრონებს კი საქართველოსთან მიმართებით აქვთ თავიანთი კონკრეტული ინტერესი. აგერ, რამდენიმე ხნის წინ პირდაპირ მოწოდებები იყო ომში ჩართვასთან დაკავშირებით, პირდაპირ რეზოლუციები მიიღეს სანქციებთან მიერთებასთან დაკავშირებით. ჩვენ ხომ ყველამ ვიცით, ეს რას მოუტანდა საქართველოს და ჩვენი ქვეყნის ხვალინდელ დღეს. ქვეყანას რომ ჰყოლოდა ისეთი ხელისუფლება, რომელიც გარედან მართული იქნებოდა, ყველაფერს გააკეთებინებდნენ და ეს იქნებოდა დამღუპველი ჩვენი ქვეყნისთვის. ამიტომ ხალხი ძალიან კარგად ხედავს, ვინ ვინ არის. ამ ადამიანებს არანაირი რესურსი და შანსი არ აქვთ. თავიანთ ერთობას ვერ აკონტროლებენ. გუშინ შეიკრიბნენ, გაერთიანდნენ, ერთმანეთს ვერ ენდობიან, გარედან უთხრეს, რომ ასე უნდა გააკეთოთ და ხედავთ, როგორ მთავრდება ეს ყველაფერი“, – განაცხადა კახა კალაძემ.

დონალდ ტრამპი აცხადებს, რომ ნებისმიერმა პირმა, რომელიც აშშ-ის პრეზიდენტობის ან ვიცე-პრეზიდენტობისთვის აპირებს ბრძოლას, აუცილებლად უნდა ჩააბაროს კოგნიტური უნარების გამოცდა.მისივე თქმით, მსგავსი გამოცდა რომ ჰქონოდათ ბარაკ ობამას და ჯო ბაიდენის, ისინი მას ვერ ჩააბარებდნენ.ტრამპის თქმით, კოგნიტური უნარების გამოცდა თავად სამჯერ ჩააბარა.„პრეზიდენტობის ან ვიცე-პრეზიდენტობის ყველა კანდიდატი ვალდებული უნდა იყოს, რბოლაში ჩართვამდე კოგნიტური უნარების გამოცდა ჩააბაროს! ამით ჩვენ არ გაგვიკვირდება, თუ ბარაკ ჰუსეინ ობამას ან მძინარა ჯო ბაიდენის მსგავსი ადამიანები „აირჩევიან“. ჩვენი ქვეყანა გაცილებით უკეთესი ადგილი იქნებოდა! პრეზიდენტობის ჩემი („სამი!“) ვადის განმავლობაში გამოცდა სამჯერ ჩავაბარე და სამივეჯერ წარმატებით – მიღწევა, რომელიც ექიმების თქმით, ერთ გამოცდაზეც კი იშვიათად თუ განხორციელებულა!”,- წერს დონალდ ტრამპი.

ისრაელი მხარს უჭერს აშშ-ის დიპლომატიურ ძალისხმევას ირანთან, თუმცა შესაძლოა, „მალე კვლავ საჭირო გახდეს მოქმედება“ ისლამური რესპუბლიკის მიერ შექმნილი „ეგზისტენციალური საფრთხეების“ მოსაშორებლად, – ამის შესახებ ისრაელის თავდაცვის მინისტრმა, ისრაელ კაცმა განაცხადა.ისრაელის თავდაცვის უწყების ხელმძღვანელის თქმით, ირანმა ბოლო ერთი წლის განმავლობაში უკიდურესად მძიმე დარტყმები მიიღო, რომელმაც ის ყველა სფეროში წლებით უკან დახია.„აშშ-ის პრეზიდენტი ტრამპი, პრემიერ-მინისტრ ბენიამინ ნეთანიაჰუსთან კოორდინაციით, ხელმძღვანელობს ძალისხმევას, რათა კამპანიის მიზნები ისე დასრულდეს, რომ ირანი აღარ იყოს საფრთხე ისრაელის, შეერთებული შტატებისა და თავისუფალი სამყაროს არსებობისთვის, მომავალი თაობებისთვის. ჩვენ ვუჭერთ მხარს ამ ძალისხმევას და უზრუნველვყოფთ საჭირო მხარდაჭერას, მაგრამ შესაძლოა, მალე კვლავ მოგვიწიოს მოქმედება მიზნების მიღწევის უზრუნველსაყოფად“, – აღნიშნა ისრაელ კაცმა.

,,სოფლის მეურნეობის პროდუქტიულობის ასამაღლებლად 2 000 სანიმუშო მეურნეობის შექმნა დაიწყოსაინფორმაციო სააგენტო „ირნას“ ოთხშაბათის ანგარიშის მიხედვით, რომელიც სოფლის მეურნეობის სამინისტროს მონაცემებს ეყრდნობა, მინისტრის მოადგილემ, ყოლამრეზა გოლ მოჰამადიმ განაცხადა, რომ მომავალი წლის მთავარი მისია პროდუქტიულობის გაზრდა იქნება. მან ასევე ახსენა ირანის უზენაესი ლიდერის მიერ მიმდინარე წლისთვის მინიჭებული სახელწოდება - „წინააღმდეგობის ეკონომიკა ერთიანობისა და ეროვნული უსაფრთხოების ჩრდილში“. ეკონომიკის მინისტრის მოადგილკს გამცხადებით, რომ წინააღმდეგობის ეკონომიკის გასაძლიერებლად 9 ყოვლისმომცველი გეგმა შეიმუშავეს, რომელიც უკვე განხორციელების ეტაპზეა. ეს პროექტები მოიცავს ისეთ მნიშვნელოვან სფეროებს, როგორიცაა თესლის წარმოება და სელექცია, გვალვისა და წყლის დეფიციტის მართვა და წარმოების სხვა ძირითად მიმართულებებს. გოლ მოჰამადიმ, განათლებისა და ექსტენციის სფეროში ორგანიზაციის ახალ მიდგომებზე საუბრისას აღნიშნა, რომ უწყებამ წელს ორი ახალი პროექტი წამოიწყო: 1. კვლევისა და განვითარების ფერმების დანერგვა ხუთ შერჩეულ სასოფლო-სამეურნეო კულტურაში 2. სანიმუშო მეურნეობის მოდელის შექმნა მოწინავე ფერმერების, კერძო სექტორისა და TAT- ის (სოფლის მეურნეობის კვლევის, განათლებისა და ექსტენციის ორგანიზაცია) ორგანიზაციის სამეცნიერო კვლევითი ბაზის მონაწილეობით. ამ პროგრამის ფარგლებში 2 000 სანიმუშო მეურნეობა ამოქმედდა. გოლ მოჰამადის თქმით, ისინი მნიშვნელოვან როლს შეასრულებენ პროდუქტიულობის გაზრდაში, დანახარჯების შემცირებასა და პროდუქციის ხარისხის გაუმჯობესებაში. სოფლის მეურნეობის მინისტრის მოადგილემ საექსპორტო პოტენციალის მქონე პროდუქტების მნიშვნელობაზე საუბრისას ყურადღება გაამახვილა ზაფრანის, ბრინჯისა და ფსტის კულტივაციის გაფართოებაზე. მისივე თქმით, ზეთოვანი კულტურების სფეროში დაინერგა ახალი მცენარე სახელმწოდებით „კამელინა“, რომელიც რაფსთან შედარებით ნაკლებ წყალს მოიხმარს და უფრო გამძლეცაა. წელს ამ მცენარის ნათესების ფართობი დაახლოებით 7 000 ჰექტარს მიაღწევს. თითოეული ჰექტარიდან თითქმის 1 ტონა ზეთი იწარმოება. აღნიშნული ფაქტი მნიშვნელოვან როლს შეასრულებს ქვეყნის ზეთის იმპორტზე დამოკიდებულების შემცირებაში''-წერს ირანის ელჩი საქართველოში ალი მოჯანი.