გიორგი კვირიკაშვილმა ბრიუსელში ვიზიტი დაიწყო

საქართველოს მთავრობამ წარმატებით განახორციელა 500 მილიონი აშშ დოლარის ოდენობის ევროობლიგაციების გამოშვება ლონდონის საფონდო ბირჟაზე – კუპონის განაკვეთი დაფიქსირდა 5.125% ოდენობით, – ამის შესახებ საქართველოს ფინანსთა სამინისტროს მიერ გავრცელებულ ინფორმაციაშია ნათქვამი.მათივე ცნობით, მიმდინარე გამოშვებისას დაფიქსირებული კუპონი ევროობლიგაციების ბაზრისთვის ყველაზე დაბალი განაკვეთია საქართველოს მსგავსი და ერთი საფეხურით მაღალი საკრედიტო რეიტინგის მქონე სუვერენული ევროობლიგაციებისთვის ბოლო ოთხ წელიწადში.ახლად გამოშვებული ევროობლიგაციებით განხორციელდა 2021 წლის ობლიგაციების რეფინანსირება.„გარდა მოზიდული ფინანსური რესურსისა, ახალი ევროობლიგაციის გამოშვება მნიშვნელოვანია ორი ფაქტორის გამო: ის განსაზღვრავს ქვეყნის რისკის დონეს, ზომავს საერთაშორისო ინვესტორების დაინტერესებასა და ნდობას ქვეყნისა და მისი ეკონომიკის მიმართ. საქართველოს მთავრობის მიერ განთავსებული ევროობლიგაციები როგორც ქვეყნის რისკის დონის შემცირების, ისე ინვესტორთა მაღალი ინტერესის მიმართულებით მნიშვნელოვანი ინდიკატორია. კერძოდ, დაფიქსირდა, რომ ქვეყნის რისკის დონე შემცირდა 50 საბაზისო პუნქტზე მეტით, ანუ 25%-ზე მეტით. ამასთან, საერთაშორისო ინვესტორების მხრიდან მოთხოვნა ქართულ ფასიან ქაღალდებზე დაფიქსირდა რეკორდულად მაღალ – 2.8 მილიარდ დოლარამდე, რაც ბაზარზე შეთავაზებულ ოდენობას 5.5-ჯერ აღემატება. უშუალოდ ტრანზაქციაში, ჯამში, 100-ზე მეტმა საერთაშორისო ინვესტორმა მიიღო მონაწილეობა.თავად ის ფაქტი, რომ საერთაშორისო ინვესტორები ამერიკის, ევროპისა და აზიის კონტინენტებიდან ბევრად ნაკლებ რისკიანად აფასებენ საქართველოს, ასევე მზად არიან, რომ 2.8 მილიარდი დოლარის ინვესტირება განახორციელონ საქართველოს ფასიან ქაღალდებში, მიუთითებს იმაზე, რომ ძალიან მაღალია ინტერესი და ნდობა საქართველოს მთავრობის რეფორმების, ფისკალური და ეკონომიკური პოლიტიკის მიმართ. საერთაშორისო ბაზრებზე ფასიანი ქაღალდების გამოშვებით საქართველო უფრო აქტიური იქნება მომავალში არა მხოლოდ ევროობლიგაციების, არამედ სხვა ბაზრებზეც“, – აცხადებენ ფინანსთა სამინისტროში.ინვესტორებთან შეხვედრების დროს მაღალი ინტერესი დაფიქსირდა ლარში დენომინირებული ფასიანი ქაღალდების მიმართ.

თბილისის სახელმწიფო უნივერსიტეტი და საქართველოს ტექნიკური უნივერსიტეტი გაერთიანდება და გაერთიანებული სასწავლებლების სახელწოდებად თბილისის ივანე ჯავახიშვილის სახელობის სახელმწიფო უნივერსიტეტი დარჩება.ამის შესახებ საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ დღევანდელ ბრიფინგზე განაცხადა.მისივე თქმით, გადაწყვეტილება რექტორებთან წინასწარი კონსულტაციის საფუძველზე იქნა მიღებული.„მივიღეთ გადაწყვეტილება თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების შესახებ.ეს იქნება საწინდარი, რომ თბილისის სახელმწიფო უნივერსიტეტი გახდეს რეგიონში აკადემიური და სამეცნიერო განვითარების წამყვანი ცენტრი და მნიშვნელოვნად გაიუმჯობესოს საერთაშორისო რეიტინგები“, – აღნიშნა გივი მიქანაძემ.

"ამ რეალობაში ჩვენ არც უკრაინაში ომის სწრაფად დამთავრება გვაწყობს და არც ირანის ჩამოშლა, რუსეთის სმუტა გვინდა", - წერს "ჯერ საქართველოს" დამფუძნებელი, ოპოზიციონერი გიორგი ანთაძე სოციალურ ქსელში.როგორც ანთაძე აღნიშნავს, ირანში რეჟიმის ცვლილების შემთხვევაში, რუსეთი აუცილებლად ეცდება, კიდევ უფრო აგრესიული იყოს საქართველოს მიმართ მოთხოვნებში, რომ ამ გზით რეგიონი გადაკეტოს."გეოპოლიტიკური ლოგიკა ითხოვს, რომ ირანში რეჟიმის ცვლილების შემთხვევაში, თუ ეს ცვლილება იქნება არა ფასადური, არამედ პრინციპულად განსხვავებული, ეს გამოიწვევს ღერძის დანარჩენი ძალების უკურეაქცუას - რუსეთის და ჩინეთის. რუსეთი აუცილებლად ეცდება და უნდა ეცადოს ასეთ დროს, მისი გადმოსახედიდან, კიდევ უფრო აგრესიული იყოს საქართველოს მიმართ მოთხოვნებში, რომ რეგიონი გადაკეტოს ამ გზით. იქნება ამაზე რამე გარიგება იგივე ამერიკასთან თუ არა, მეორე საკითხია გავლენის სფეროზეა საუბარი.. მით უმეტეს ტრიპის პროექტის რეალიზაცია და თურქული გავლენის ზრდის პირობებში. არ დაგავიწყდეთ მთელი ირანის ჩრდილოეთი აზერბაიჯანულია ეთნიკურად. ხოდა საჭადრაკო დაფა ამბობს, რომ თუ ამერიკა არაა თანმიმდევრული დემოკრატიის დაცვაში, რაც ალბათ ასეა, მაშინ ირანში რეჟიმის ცვლილება აიძულებს მეორე მხარეს დაფის სხვა უჯრედებში იმოქმედოს უფრო ხისტად. მაგალითად საქართველოში. ამიტომ ველოდოთ უარესს. მე ასე ვხედავ", - წერს ანთაძე.

ფულის გათეთრების საქმესთან დაკავშირებული გამოძიების ფარგლებში, გერმანიაში, Deutsche Bank-ის ოფისებში ჩხრეკა ჩატარდა. ამის შესახებ „როიტერი“ წერს.ფრანკფურტის პროკურატურამ განაცხადა, რომ გერმანიის ფედერალურმა პოლიციამ ფრანკფურტსა და ბერლინში Deutsche Bank-ის ოფისებში ჩხრეკა ჩაატარა. როგორც „როიტერი“ წერს, გერმანიის უმსხვილეს ბანკში ბოლო ათწლეულის განმავლობაში ფულის გათეთრების რამდენიმე შემთხვევა გამოვლინდა, რამაც გამოიწვია მარეგულირებელი ორგანოების მხრიდან მკაცრი შემოწმება, ჯარიმები და პოლიციის რეიდები. პროკურორების თქმით, გამოძიება ეხება ბანკის თანამშრომლებს.როგორც „როიტერს“ ორმა ინფორმირებულმა წყარომ განუცხადა, საქმე ეხება 2013-2018 წლებში განხორციელებულ ტრანზაქციებს. თავად Deutsche Bank-მა დაადასტურა ჩხრეკა, მაგრამ დეტალების დაკონკრეტებაზე უარი თქვა.„ბანკი სრულად თანამშრომლობს პროკურატურის ოფისთან“, – აღნიშნულია განცხადებაში.

გერმანიის კანცლერი ფრიდრიხ მერცი აცხადებს, რომ უკრაინის ევროკავშირში სწრაფი გაწევრიანების შესაძლებლობას ვერ ხედავს.„2027 წლის პირველ იანვარს გაწევრიანება გამორიცხულია. ეს უბრალოდ შეუძლებელია“,- განაცხადა მერცმა.მისი თქმით, ნებისმიერმა ქვეყანამ, რომელსაც ევროკავშირის წევრობა სურს, ჯერ ე.წ. კოპენჰაგენის კრიტერიუმები უნდა დააკმაყოფილოს, ეს პროცესი კი, როგორც წესი, რამდენიმე წელი გრძელდება.ამასთან, მერცმა აღნიშნა, რომ უკრაინისთვის მნიშვნელოვანია პერსპექტივა, რომელიც გაწევრიანების გზას გაუხსნის, თუმცა მისი თქმით, ეს გრძელვადიანი პროცესია.„ჩვენ შეგვიძლია, უკრაინა ევროკავშირთან თანდათანობით დავაახლოოთ. ეს ყოველთვის შესაძლებელია, მაგრამ ასეთი სწრაფი გაწევრიანება უბრალოდ შეუძლებელია“,- აღნიშნა მერცმა.სამშვიდობო მოლაპარაკებებთან დაკავშირებით, მერცმა განაცხადა, რომ მჭიდრო კონტაქტზეა ამერიკულ და უკრაინულ დელეგაციებთან.„ჩვენ მჭიდრო კონტაქტზე ვართ ამერიკულ და უკრაინულ დელეგაციებთან. ჩვენ ასევე ერთობლივად შევიმუშავეთ დოკუმენტები და კარგია, რომ, პირველ რიგში, უკრაინასა და რუსულ მხარეს შორის პირდაპირი მოლაპარაკებები მიმდინარეობს”,- განაცხადა მერცმა.