გიორგი კვირიკაშვილი – დარწმუნებული ვარ, 2018 წელს საქართველოში ტურისტების რაოდენობა 8 მილიონს გადააჭარბებს

„დღეს, როდესაც საერთაშორისო ვაჭრობისა და საგადასახადო კონსულტაციების სფეროში, საკმაოდ გავლენიან საერთაშორისო საკონსულტაციო და აუდიტორული კომპანიაში ვმუშაობ და ყოველდღიურად მიწევს მრავალფეროვანი და კომპლექსური საკითხების გადაწყვეტა, კიდევ უფრო ნათლად ვხედავ, რამდენად მნიშვნელოვანი როლი ითამაშა საქართველოს ტექნიკურმა უნივერსიტეტმა ჩემს პროფესიულ ჩამოყალიბებაში. ახალგაზრდებს ვურჩევ, სტუდენტობის წლები მაქსიმალურად გამოიყენონ ცოდნის მისაღებად და პროფესიული უნარების განსავითარებლად. წარმატებული კარიერა ერთ დღეში არ იქმნება, რისთვისაც აუცილებელია შრომა, მიზანდასახულობა, სწავლა, რომელსაც ხარისხიანი განათლება გვაძლევს“, - ამის შესახებ საქართველოს ტექნიკური უნივერსიტეტის კურსდამთავრებულმა, საერთაშორისო საკონსულტაციო და აუდიტორული კომპანია PwC (Pricewaterhousecoopers) უფროსი მენეჯერი ნინო ქვარაია აცხადებს.ინფორმაციას საქართველოს ტექნიკური უნივერსიტეტი აცხადებს.უნივერსიტეტის ცნობით, გლობალიზაციის ეპოქაში, როდესაც საერთაშორისო ვაჭრობა და მიწოდების ჯაჭვების მართვა მსოფლიო ეკონომიკის ერთ-ერთ მთავარ მამოძრავებელ ძალად იქცა, ქართველი პროფესიონალები სულ უფრო ხშირად იკავებენ მნიშვნელოვან პოზიციებს საერთაშორისო კომპანიებსა და ორგანიზაციებში. მათ შორისაა ნინო ქვარაია, რომელმაც პროფესიული წარმატების მიღწევა მსოფლიოს ერთ-ერთ უმსხვილეს საკონსულტაციო კომპანიაში - PwC (Pricewaterhousecoopers) შეძლო.ნინო ქვარაიამ სტუ-ის ენერგეტიკის ფაკულტეტის „საწარმოო ინოვაციებისა და ოპერაციათა მენეჯმენტის“ სადოქტორო პროგრამა დაასრულა. მიუხედავად იმისა, რომ კარიერა ამერიკის შეერთებულ შტატებში გააგრძელა, იგი აქტიურადაა დაკავშირებული საქართველოს ტექნიკურ უნივერსიტეტთან, მონაწილეობს სამეცნიერო კვლევებში ლოგისტიკის, ოპერაციების მენეჯმენტისა და მიწოდების ჯაჭვების მიმართულებით. ნინოს სამეცნიერო ნაშრომები ეხება თანამედროვე ეკონომიკის ერთ-ერთ ყველაზე აქტუალურ საკითხს - ინდუსტრია 4.0-ის გავლენას ადგილობრივი მიწოდების ჯაჭვების ორგანიზებაზე და ლოგისტიკური პროცესების ეფექტიანობის ზრდას.„საქართველოს ტექნიკურ უნივერსიტეტში სწავლის პერიოდი ჩემთვის იყო დრო, როდესაც ჩამომიყალიბდა პროფესიული ხედვა და გავიაზრე, რამდენად დიდი მნიშვნელობა აქვს ცოდნის პრაქტიკასთან დაკავშირებას. სასწავლო პროცესმა მომცა შესაძლებლობა, საფუძვლიანად მესწავლა როგორც თეორიული საფუძვლები, ისე პრობლემების ანალიზისა და ეფექტიანი გადაწყვეტილებების მიღების უნარი. სწორედ ეს კომპეტენციები დამეხმარა შემდგომში საერთაშორისო ბიზნესისა და საკონსულტაციო საქმიანობის სფეროში წარმატებით დამემკვიდრებინა თავი.განსაკუთრებით ვაფასებ იმ გარემოს, რომელიც საქართველოს ტექნიკურ უნივერსიტეტში დამხვდა - პროფესიონალი ლექტორები, ევროპული სტანდარტების შესაბამისი ლაბორატორიული სივრცეები, რაც ქმნის მოტივაციას, რომ არ დაკმაყოფილდე უკვე მიღწეულით და ყოველთვის ისწრაფვოდე მეტი ცოდნისა და პროფესიული სრულყოფისკენ. უნივერსიტეტმა მასწავლა, რომ წარმატება არ არის მხოლოდ მიღებული დიპლომი. წარმატება არის უწყვეტი სწავლა, შრომა, დისციპლინა და მზადყოფნა ახალი გამოწვევების მისაღებად. მადლობა უნივერსიტეტს“, - აცხადებს ნინო ქვარაია.სტუ-ის ინფორმაციით, ნინო ქვარაიას საბაკალავრო და სამაგისტრო განათლება მიღებული აქვს აშშ-ში, კერძოდ, ფორტ ლუისის კოლეჯში (კოლორადო, აშშ), კვალიფიკაციით, ბაკალავრი ბიზნესის ადმინისტრირებაში, კონცენტრაცია საერთაშორისო ბიზნესი. ასევე, ბინგჰემტონის უნივერსიტეტი, ნიუ-იორკის საშტატო უნივერსიტეტი, მენეჯმენტის სკოლა. მინიჭებული კვალიფიკაცია - ბიზნესის ადმინისტრირების მაგისტრი, კონცენტრაციით მიწოდების ჯაჭვის მენეჯმენტი. 2018 წლიდან მუშაობს ფირმების პროფესიონალური სერვისების მრავალეროვნულ ბრენდში, PwC (PricewaterhouseCoopers International Limited), რომელიც არის მსოფლიოში სიდიდით მეორე პროფესიული სერვისების ქსელი და ითვლება დიდ ოთხეულში, Deloitte, EY და KPMG-თან ერთად და 2022 წლიდან ნიუ-იორკის ოფისში საბაჟო და საერთაშორისო ვაჭრობის მენეჯერის პოზიციაზე.ნინო ქვარაიას კარიერული გზა ნათლად აჩვენებს, თუ როგორ შეიძლება საერთაშორისო განათლების, პროფესიული განვითარების და უწყვეტი სწავლების მეშვეობით მსოფლიო დონის პროფესიონალად ჩამოყალიბება. მისი საქმიანობა წარმოადგენს წარმატებულ მაგალითს ახალგაზრდა ქართველებისთვის, რომლებიც საერთაშორისო ბიზნესის, ფინანსების, ლოჯისტიკისა და საერთაშორისო ვაჭრობის სფეროებში კარიერის შექმნას გეგმავენ.

ოპოზიცია სრული დესტრუქციის ფაზაშია შესული. ეს დესტრუქცია არა მხოლოდ სახელმწიფოს წინააღმდეგაა მიმართული, არამედ შიდა დესტრუქციაა, რომელიც შეურაცხმყოფელ განცხადებებზეა გადასული, –  ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა საქართველოს პირველ არხს განუცხადა.ქადაგიშვილის თქმით, ეს ყველაფერი აჩვენებს იმ სავალალო მდგომარეობას, რომელშიც ოპოზიცია იმყოფება.„საქართველო უკეთეს ოპოზიციას იმსახურებს. წარუმატებლობის გადაბრალების მცდელობა აქვთ. ახლა ბრძოლა არის „ნაციონალური მოძრაობის“ ძველი მემკვიდრეობის გაყოფაზე – ელექტორატის სიმპატიებზე. ამას ვერ იყოფენ და თან საკუთარ ეგოებს ვერ მართავენ“, – აღნიშნა ირაკლი ქადაგიშვილმა.

საქართველოს ყოფილი პრეზიდენტი მიხეილ სააკაშვილი აცხადებს, რომ „ერთიან ნაციონალურ მოძრაობაში“ რადიკალურ ცვლილებებს გეგმავს. ამის შესახებ სააკაშვილი სოციალურ ქსელში წერს.სააკაშვილის თქმით, პარტიას სჭირდება გაცოცხლება და ფუნდამენტური განახლება.„მე არა მხოლოდ ვარცხნილობა შევიცვალე, არამედ ვგეგმავ რადიკალურ ცვლილებებს „ერთიან ნაციონალურ მოძრაობაში“. ქართული სახელმწიფოს ინსტიტუტების შემქმნელი ენმ არის მრავალი ათასი გულანთებული, გონიერი, პატრიოტი ქართველის პარტია. ორგანიზაცია რომელსაც უამრავმა ადამიანმა დაუკავშირა თავისი ცხოვრების მნიშვნელოვანი ნაწილი. ამ ერთგულ იდეალისტურ ადამიანებს განსაკუთრებული მოფრთხილება და მათი წვლილის დაფასება სჭირდება.პარტიის განახლების მთავარი ამოცანაა, დავიბრუნოთ პირველადი ღრმად სახალხო ორგანიზაციის სახე. ყველას დავანახოთ რომ ჩვენ ვართ ყველა ქართველის (როგორც ეთნიკური, ასევე ყველა სხვა საქართველოს მოქალაქის) გაერთიანება და არა ვიწროელიტარული დაჯგუფება.ჩემი, ლევანის სხვა ლიდერების ციხეში ყოფნის პირობებში, პარტიას სჭირდება გაცოცხლება, ფუნდამენტური განახლება და გააქტიურება და ამ მიზნით, ჩვენ ერთობლივად შევთანხმდით, რომ პარტიის რეფორმირებისთვის შემოვიერთოთ ბრწყინვალე ნანუკა ჟორჟოლიანი და მისი შესანიშნავი გუნდი. პირადად მე ნანუკას 25 წელია, ვიცნობ. მას არასდროს უღალატია იდეისთვის. ყოველთვის გამოირჩეოდა სახალხოობით და სიმართლისთვის ბრძოლით, უკიდურესი სიმამაცით და ინოვაციურობით. აქვს დიდი ავტორიტეტი ქვეყნის შიგნით და გარეთ და რაც მნიშვნელოვანია აქვს ძალიან სწორი იდეები ფუნდამენტური განახლებებისთვის. ნანუკას აქვს ჩემი სრული ნდობა და მანდატი. ჩვენს მრავალრიცხოვან წევრებთან და პარტიის თავმჯდომარე თიკა ბოკუჩავასთან ერთად ცვლილებების განსახორციელებლად.პარტია უნდა გაიხსნას ახალი ხალხისთვის. ძველი გამოცდილი კადრების დაფასების ფონზე უნდა შემოვიღოთ მოქნილობა, დეცენტრალიზაცია, სასწრაფოდ ავითვისოთ ახალი ტექნოლოგიები, შევქმნათ თანამედროვე ფანდრაიზინგის სისტემა.ამ ყველაფერში ნანუკას და ყველა ჩვენგანს დაგვჭირდება თქვენი დახმარება. მინდა, კიდევ ერთხელ ხაზი გავუსვა ჩვენ ვაფასებთ ერთგულებასა და იდეალიზმს. ჩვენ ვართ სიმართლის მსახურები!ახლა უკრაინის გამარჯვებების, უნგრეთში და სომხეთში რუსების დამარცხების, ევროპის და ამერიკის გააქტიურების ფონზე, ჩვენ უარი უნდა ვთქვათ დამარცხებულის მენტალიტეტზე და გადავეწყოთ გამარჯვების ტალღაზე.შემდეგ ნამდვილ თავისუფალ არჩევნებში გაიმარჯვებენ ქართველი ხალხი და განახლებული „ნაციონალური მოძრაობა!“, – წერს მიხეილ სააკაშვილი.

აშშ-ის პრეზიდენტმა, დონალდ ტრამპმა განაცხადა, რომ შესაძლოა, ირანის ელექტროსადგურებსა და ხიდებზე ახალი დარტყმების ბრძანება გასცეს.„შეიძლება, გავაგრძელო. მათ ჰქონდათ შანსი, ხელი მოეწერათ შეთანხმებაზე და გადარჩენილიყვნენ“, – ამბობს ტრამპი სატელეფონო ინტერვიუში, რომელსაც „ფოქს ნიუსი“ ციტირებს.ეს ინფორმაცია გავრცელდა მას შემდეგ, რაც აშშ-ის პრეზიდენტმა განაცხადა, რომ ირანს ძალიან დიდი დრო დასჭირდა იმ შეთანხმებისთვის, რომელიც მათთვის შესანიშნავი იქნებოდა და ახლა ფასის გადახდა მოუწევთ.გასულ ღამეს აშშ-მა ირანზე დარტყმები განახორციელა ამერიკული სამხედრო ვერტმფრენის ჩამოგდების საპასუხოდ. ირანმა რეგიონში რამდენიმე ამერიკულ სამხედრო ბაზაზე დარტყმებით უპასუხა.

საქართველოს შინაგან საქმეთა მინისტრს, სულხან თამაზაშვილს ახალი მოადგილე ჰყავს.შსს-ც ცნობით, მინისტრის მოადგილედ პოლიციის პოლკოვნიკი გიორგი ბახუაშვილი დაინიშნა.„გიორგი ბახუაშვილი ამ დრომდე შინაგან საქმეთა სამინისტროს გენერალური ინსპექციის დეპარტამენტის დირექტორის პოზიციას იკავებდა, მას შინაგან საქმეთა სამინისტროში მუშაობის მრავალწლიანი გამოცდილება აქვს“, – აღნიშნულია უწყების ინფორმაციაში.