ბიძინა ივანიშვილმა არჩილ ტატუნაშვილის ოჯახს მიუსამძიმრა

ირანული საინფორმაციო სააგენტო „ფარსი“ იტყობინება, რომ ირანის გარდაცვლილი უზენაესი ლიდერის, აიათოლა ალი ხამენეის მეუღლე, მანსურე ხოჯასტე ბაღერზადე ცოცხალია.მათივე ცნობით, მანსურეს გარდაცვალების შესახებ ადრე გავრცელებული ინფორმაცია მცდარია.ცნობისთვის, ირანის სახელმწიფო ტელეარხმა „ორმა“ 2 მარტს გაავრცელა ინფორმაცია, რომ აიათოლა ალი ხამენეის ცოლი სახლში მოკლეს, ხოლო სხვა ირანულმა მედიასაშუალებებმა განაცხადეს, რომ ის კომაში იმყოფებოდა.მედიით ვრცელდებოდა ინფორმაცია, რომ 79 წლის მანსურე ხოჯასტე ბაღერზადე მეუღლესთან ერთად იმყოფებოდა, როდესაც აშშ-სა და ისრაელის კოორდინაციით მათ ადგილსამყოფელზე იერიში მიიტანეს.

ირანის ახალ ლიდერად მოჯთაბა ხამენეის დანიშვნა ადასტურებს - თეირანში ყალიბდება სამხედრო დიქტატურა, რომელშიც რევოლუციური გვარდია დომინირებს. ეს ძალა კაპიტულაციაზე არ ფიქრობს და ვაშინგტონთან მოლაპარაკებების გამართვას არ აპირებს. ამის შესახებ გერმანული მედიასაშუალებები იუწყებიან.„ირანთან დაკავშირებული ტრამპის გეგმები ჩაიშალა,“ - წერს გერმანული გამოცემა „ფრანკფურტერ ალგემაინე ცაიტუნგი“ და დასძენს: „მოჯთაბა ხამენეის კანდიდატურის წამოყენება ადასტურებს, რომ ირანის რეჟიმი კაპიტულაციაზე არ ფიქრობს“.გაზეთის ცნობით, ირანში შექმნილი ვითარების შესახებ რეალისტური სურათის წარმოჩენა ძალიან რთულია, მიუხედავად იმისა, რომ ომის დაწყებიდან უკვე 10 დღე გავიდა.„ვაშინგტონიდან წამოსული ტრიუმფალური ცნობები თანხვედრაში არ არის იმ ფაქტთან, რომ ირანელები თავიანთ მეზობლებსა და ისრაელს ისევ ბომბავენ,“ - წერს გერმანული გაზეთი და იქვე ამატებს, რომ ირანული რაკეტებით მიყენებულ ზიანს არც თეირანის მიერ გავრცელებული თავდაჯერებული განცხადებები შეესაბამება.როგორც „ფრანკფურტერ ალგემაინე ცაიტუნგი“ წერს, ტრამპის მიერ უარყოფითად შეფასებული ფიგურისთვის ძალაუფლების გადაცემამ აჩვენა, რომ „ვენესუელური სცენარით“ ირანში მოვლენების განვითარება ამ დრომდე ვერ ხერხდება.გერმანული გაზეთი მიიჩნევს, რომ ორივე მხარის სტრატეგიული პოზიცია უარესდება: ირანი კარგავს სამხედრო რესურსს, რადგან მისი იარაღის დიდი ნაწილი უკვე განადგურდა, ხოლო აშშ-ისრაელის ალიანსი, სახმელეთო ძალების გარეშე, მოვლენების საკმარისად გაკონტროლებას ვერ ახერხებს.„ამ დაპირისპირების საბოლოო შედეგი ჯერ კიდევ გაურკვეველია,“ - დაასკვნის გაზეთი.თავის მხრივ, „ზიუდოიჩე ცაიტუნგი“ წერს, რომ ირანის უმაღლეს თანამდებობაზე მოჯთაბა ხამენეის ნომინირება, ფაქტობრივად, გადატრიალება იყო და არა არჩევნები.„ხამენეის, როგორც ხელისუფლების უწყვეტობის სიმბოლური ფიგურის, ქვეყნის სათავე მოსვლით, ისლამური რესპუბლიკა სამხედრო დიქტატურად გადაიქცა,“ - აცხადებს „ზიუდოიჩე ცაიტუნგი“ და დასძენს, რომ დღეს თეირანის მმართველები არიან გენერლები და პოლიტიკოსებად ქცეული ყოფილი გენერლები, რომლებიც არც ტრამპთან და არც საკუთარ ხალხთან დიალოგს არ აპირებენ.ჟურნალი „შპიგელი“ კი წერს, რომ ამჟამად „ირანში დღის წესრიგს რადიკალები ადგენენ“ და რომ მოჯთაბა ხამენეიზე არჩევანის გაკეთება ნიშნავდა რევოლუციური გვარდიის მიერ ძალაუფლების ხელში ჩაგდებას, რომელიც ტრამპთან მოლაპარაკებებით დაინტერესებული არ არის.ჟურნალი ხაზს უსვამს, რომ მოჯთაბა ხამენეი მჭიდროდ არის გვარდიასთან დაკავშირებული. ის, უკვე 17 წლის ასაკში, მათ რიგებში ერაყის წინააღმდეგ იბრძოდა.„შპიგელის“ აზრით, რეფორმატორები, მათ შორის პრეზიდენტი მასუდ ფეზეშქიანი, საბოლოოდ დამარცხდნენ, ახალი ლიდერი და მისი გარემოცვა კი „დაპირისპირებაზე დებენ ფსონს“. წყარო: პოლონეთის სახელმწიფო საინფორმაციო სააგენტო PAP (Polska Agencja Prasowa)

ეუთოს მოსკოვის მექანიზმის ანგარიშის თანახმად, საქართველოს ხელისუფლებას „უცხოური გავლენის გამჭვირვალობის შესახებ“ და „ოჯახური ღირებულებების შესახებ“ კანონების გაუქმების რეკომენდაცია მიეცა.როგორც ანგარიშშია აღნიშნული, ეუთოსთვის მიუღებელია ერთნაირსქესიანთა ცნებების პოპულარიზაციის აკრძალვა, ასევე, გენდერის დადასტურებასთან დაკავშირებული სამედიცინო მომსახურებისა და სქესის ნიშნის აკრძალვა. "გაუქმდეს კანონი „ოჯახური ღირებულებების შესახებ“. ეს ეხება (თუმცა არ შემოიფარგლება) ერთნაირსქესიანთა ურთიერთობებისა და ტრანსგენდერის იდენტობის გათანაბრებას ინცესტთან, ამ ცნებების „პოპულარიზაციის“ აკრძალვას (მათ შორის შეკრების მეშვეობით), გენდერის დადასტურებასთან დაკავშირებული სამედიცინო მომსახურების აკრძალვას და საიდენტიფიკაციო დოკუმენტებში სქესის ნიშნის შეცვლის აკრძალვას," - ნათქვამია მოსკოვის მექანიზმის ფარგლებში მომაზადებულ ანგარიშში.

ტყიბულის მუნიციპალიტეტის სოფელ კურსებიდან, მეწყრული ზონიდან კიდევ შვიდი ოჯახის ევაკუაცია განხორციელდა. ამის შესახებ ტყიბულის მუნიციპალიტეტის მერმა, დავით კუბლაშვილმა განაცხადა.კუბლაშვილის ინფორმაციით, ამ დროისთვის სტიქიის ზონიდან, ჯამში, გაყვანილია 45 ოჯახი.ადგილიდან, სადაც მეწყრული პროცესები განვითარდა, მოსახლეობა უკვე გასახლებულია და ოჯახები აღნიშნულ ტერიტორიაზე აღარ იმყოფებიან.სოფელ კურსებში მეწყრული პროცესების განვითარების გამო ქუთაისი-ტყიბულის გზაზე ყველა სახის ტრანსპორტის მოძრაობა აკრძალულია.გარემოს ეროვნული სააგენტოს ცნობით, სტიქიის ადგილზე იმყოფება გეოლოგების სამი ჯგუფი, რათა დადგინდეს გამომწვევი მიზეზები.ამასთან, საგანგებო სიტუაციების მართვის სამსახურის ინფორმაციით, ადგილზე მობილიზებული არიან შინაგან საქმეთა სამინისტროს სხვადასხვა დანაყოფის წარმომადგენლები, ასევე შესაბამისი ტექნიკა. მეხანძრე-მაშველები აქტიურ რეჟიმში ახორციელებენ სამუშაოებს.

ტყიბულის მუნიციპალიტეტის სოფელ კურსებში, 2026 წლის 12 მარტს, მდინარე წყალწითელას მარცხენა ფერდობზე მეწყრული სხეული განვითარდა. ინფორმაციას ამის შესახებ გარემოს ეროვნული სააგენტო ავრცელებს.უწყების ცნობით, მეწყერმა დაახლოებით 58 ჰექტარი ტერიტორია მოიცვა, რის შედეგადაც 40-მდე ადგილობრივი მაცხოვრებლის საკარმიდამო ნაკვეთი და საცხოვრებელი სახლი სტიქიის ზონაში აღმოჩნდა.„ქვეყნის შესაბამისი სამსახურების მიერ, გარემოს ეროვნული სააგენტოს გეოლოგების ჩართულობით, ოპერატიულად განხორციელდა სტიქიის ზონიდან მოსახლეობის უსაფრთხოდ გაყვანა.ფორსმაჟორულ ვითარებაში მიმდინარეობს თითოეული მოქალაქის საკარმიდამო ნაკვეთისა და საცხოვრებელი სახლის შეფასება, რის საფუძველზეც შესაბამის უწყებებს ოპერატიულად მიეწოდებათ გეოლოგიური დასკვნები. პირველადი შეფასებით, ამ ეტაპზე სრულად დანგრეულია 10 საცხოვრებელი სახლი, ხოლო დანარჩენებს სხვადასხვა ხარისხის დაზიანება აღენიშნებათ.მეწყერმა ასევე დააზიანა ქუთაისი (მოწამეთა) – ტყიბული – ამბროლაურის საავტომობილო გზის მონაკვეთი და სოფლის სასაფლაო. ბოლო წლების განმავლობაში სოფ. კურსებში სააგენტოს გეოლოგების მიერ, შეფასებულია 25 ოჯახი და 2 გზის მონაკვეთი, აქედან 5 ოჯახი გასახლებულია.სააგენტოს სპეციალისტები ადგილზე რჩებიან და აწარმოებენ მონიტორინგს როგორც სტიქიის ზონაში, ისე მის მიმდებარე ტერიტორიებზე“, – ნათქვამია გარემოს ეროვნული სააგენტოს გავრცელებულ ინფორმაციაში.