აშშ-ში აცხადებენ, რომ ირანთან ცეცხლის შეწყვეტის შეთანხმება უცვლელი რჩება

ფინანსთა სამინისტროს შემოსავლების სამსახურის ხელმძღვანელმა, ირაკლი (დაჩი) ბერაიამ და საბაჟო დეპარტამენტის უფროსმა, მიხეილ ჩოკოშვილმა სომხეთის რესპუბლიკის სახელმწიფო შემოსავლების კომიტეტის თავმჯდომარესთან, ედუარდ აკობიანთან ერთობლივი მართვის სასაზღვრო გამშვები პუნქტის პროექტის განხილვის მიზნით, მორიგი სამუშაო შეხვედრა გამართეს.პროექტი ითვალისწინებს თანამედროვე სტანდარტების შესაბამისი ინფრასტრუქტურის შექმნას და ერთობლივი მართვის სისტემის დანერგვით, საბაჟო კონტროლის პროცედურების გამარტივებას, რაც მნიშვნელოვნად შეუწყობს ხელს საქართველო-სომხეთს შორის მგზავრების, მსუბუქი და სატვირთო სატრანსპორტო საშუალებების შეუფერხებელ გადაადგილებას. შეხვედრა საქართველო-სომხეთის საზღვართან სომხეთის რესპუბლიკის ტერიტორიაზე მდებარე საბაჟო-გამშვებ პუნქტ ,,გოგავანში“ (საქართველოს ტერიტორიაზე სგპ ,,გუგუთი“) გაიმართა, რომელზეც მხარეებმა საბაჟო ადმინისტრაციებს შორის არსებულ გამოწვევებზე ისაუბრეს და მომავალი ორმხრივი თანამშრომლობის გაღრმავების შესაძლებლობებზე იმსჯელეს.ამასთან, შეხვედრის მსვლელობისას მხარეებმა ხაზი გაუსვეს საბაჟო გამშვები პუნქტების ერთობლივი მართვის პრინციპების დანერგვის აუცილებლობას, ასევე, დადებითად შეაფასეს ორი ქვეყნის საზღვრებს შორის გადაადგილებულ ტვირთებსა და სატრანსპორტო საშუალებებზე, წინასწარი ინფორმაციის გაცვლის პროცესი. საბაჟო გამშვები პუნქტების ერთობლივი მართვის პროექტი აზიის განვითარების ბანკის (ADB) მხარდაჭერით მიმდინარეობს და საფუძვლად უდევს 2013 წლის 17 იანვარს დადებული ,,სახმელეთო საბაჟო პუნქტების ერთობლივი გამოყენების შესახებ“ საქართველოს მთავრობასა და სომხეთის რესპუბლიკის მთავრობას შორის გაფორმებული ორმხრივი შეთანხმება.ოქმის ამოქმედება ხელს შეუწყობს საბაჟო ადმინისტრაციებს შორის ეფექტურ თანამშრომლობას, უსაფრთხოების მოთხოვნების აღსრულებასა და კანონიერ ვაჭრობას. გაფართოებულ ფორმატში მიმდინარე შეხვედრას, დაესწრნენ შემოსავლების სამსახურის საერთაშორისო ურთიერთობათა დეპარტამენტის უფროსი, არჩილ დარახველიძე, ასევე საბაჟო დეპარტამენტის უფროსის მოადგილე ირაკლი თევდორაძე და სხვა პასუხისმგებელი პირები. შეხვედრის დასასრულს, მხარეებმა გამოთქვეს მზადყოფნა მომავალშიც გააგრძელონ აქტიური თანამშრომლობა.ინფორმაციას ფინანსთა სამინისტროს შემოსავლების სამსახური ავრცელებს 

იაპონიის ჩრდილო-აღმოსავლეთ ნაწილში ტყის ხანძარს ებრძვიან.  მედიის ცნობით, ხანძარი ივატეს პრეფექტურის მთიან რაიონში გაჩნდა.სტიქიის გამო დასახლებული პუქნტებიდან 2 500-ზე მეტი მაცხოვრებლის ევაკუაცია გახდა საჭირო.ხანძარი ბოლო ორი დღის განმავლობაში დაახლოებით 400 ჰექტარ ტერიტორიაზე გავრცელდა.ამ დროისთვის ხანძრის სრულად ლოკალიზება ვერ ხერხდება. ცეცხლის ჩაქრობას 700-მდე მეხანძრე და 13 თვითმფრინავი ცდილობს.დაშავებულებისა და დაღუპულების შესახებ ინფორმაცია არ ვრცელდება.

ემანუელ მაკრონი აცხადებს, რომ 2027 წელს, პრეზიდენტობის მეორე ვადის დასრულების შემდეგ, პოლიტიკიდან წავა. საფრანგეთის პრეზიდენტმა ამის შესახებ კვიპროსის დედაქალაქ ნიქოზიაში ვიზიტის დროს განაცხადა.„მე პოლიტიკაში ადრე (პრეზიდენტობამდე) არ ვიყავი ჩართული და არც შემდეგ ვიქნები ჩართული“, – აღნიშნა მაკრონმა.მისი თქმით, მეორე ხუთწლიანი ვადის ყველაზე რთული ნაწილი მისი მიღწევების დაცვა იყო.საფრანგეთის პრეზიდენტმა განმარტა, რომ მან „პოლიტიკური მოძრაობა შექმნა და შემდეგ პრეზიდენტის თანამდებობა დაიკავა“, რადგან ყოველთვის დაინტერესებული იყო თავისი ქვეყნის ცხოვრებით და სურდა, რომ მისი იდეები განხორციელებულიყო.ემანუელ მაკრონმა საფრანგეთის პრეზიდენტის პოსტი 2017 წლის მაისში დაიკავა, ხოლო 2022 წლის აპრილში იგი მეორე ვადით აირჩიეს. 

მამა სერაფიმე ბით ხარიბი, რომელიც ქანდაში მსახურობს და არამეულ ენააზე აღავლენს მსახურებას, სოციალურ ქსელში მამის შესახებ წერს:„ძვირფასო ძმებო და დებო, თქვენს წმინდანებს ვთხოვ, ილოცოთ მამაჩემისთვის. გუშინ მან გულის მწვავე შეტევა განიცადა ... ჰქვია ალექსეი",- წერს მოძღვარი.

აშშ-ის პრეზიდენტი დონალდ ტრამპი აცხადებს, რომ აშშ-მა ირანში სამიზნეების დაახლოებით 75%-ს მიაღწია.ოვალურ კაბინეტში ჟურნალისტებთან საუბრისას თეთრი სახლის ლიდერმა აღნიშნა, რომ აშშ-ის მიერ ჰორმუზის სრუტის ბლოკადა ირანის ეკონომიკას მნიშვნელოვნად ასუსტებს.„ჩვენი სამიზნეების დაახლოებით 75%-ს მივაღწიეთ. ჩვენ მიზნის მიღწევა ცოტა ადრე შევწყვიტეთ, რადგან მათ სურთ გარკვეული მშვიდობა და ჩვენ გვაქვს ბლოკადა, რომელიც 100%-ით ეფექტურია და ისინი ვერანაირ ბიზნესს ვერ აწარმოებენ. მათ ეკონომიკურად და ფინანსურად კარგად არ აქვთ საქმე, ბლოკადის გამო არანაირი ბიზნესი არ აქვთ“, – თქვა ტრამპმა.მისივე თქმით, თუ ირანი სამშვიდობო შეთანხმებას არ დათანხმდება, აშშ კონფლიქტს სამხედრო გზით დაასრულებს.„ახლა ჩვენ უბრალოდ ვსხედვართ და ვუყურებთ, რა შეთანხმებას მიაღწევენ, და თუ მათ არ სურთ შეთანხმების დადება, მაშინ მე სამხედრო გზით დავასრულებ სამიზნეების დანარჩენ 25%-ს. ჩვენ მივაღწიეთ იმ სამიზნეების დაახლოებით 78%-ს, რომელთა მიღწევაც გვინდოდა“, – განაცხადა ტრამპმა.