აქციაზე სამართალდამცველებმა რამდენიმე პირი დააკავეს

საქართველოს მრავალფეროვანი იდენტობის ისტორია, სადაც აზანი და ეკლესიის ზარები ერთ ისტორიას ჰყვება-ირანის ელჩი ალი მოჯანი,,რამაზანის მარხვის პირველმა დილამ აღმოსავლეთ საქართველოში ქალაქ მარნეულის დათვალიერებით, რელიგიური ადგილების მოლოცვითა და სასულიერო პირებთან შეხვედრით ჩაიარა. სამას წელზე მეტი ხნის ისტორიის მქონე მეჩეთები მასპინძლობენ შიიტური აღმსარებლობის საქართველოს მოქალაქეთა უმსხვილეს რელიგიურ შეკრებებს. ეს მეჩეთები მხოლოდ სალოცავი სივრცეები არ არის; ისინი იმ საზოგადოების ცოცხალ ისტორიულ მეხსიერებას წარმოადგენს, რომელმაც მართლმადიდებელი ქრისტიანული უმრავლესობის ქვეყანაში შეძლო საკუთარი რელიგიური იდენტობის შენარჩუნება ქართული ეროვნული იდენტობის პარალელურად. ამ ნაგებობების ძველი გუმბათებისა და კედლების ჩრდილში ჩანს თანაცხოვრების ნარატივი, სადაც აზანის ხმა ეკლესიის ზარებს კი არ უპირისპირდება, არამედ ამ ქვეყნის მრავალშრიანი ისტორიის გაგრძელებად ისმის. საქართველო, სადაც მართლმადიდებლურ ქრისტიანობას შორეულ წარსულში აქვს ღრმა ისტორიული ფესვები გადგმული, მუდამ წარმოადგენდა კულტურებისა და რელიგიების გადაკვეთის სივრცეს. მარნეულში მეჩეთების არსებობა კიდევ ერთხელ შეგვახსენებს, რომ რელიგიური მრავალფეროვნება ამ ქვეყნის სოციალური ქსოვილის ორგანული ნაწილია. ეს მრავალფეროვნება, ურთიერთპატივისცემის ეთიკურ კომპონენტთან ერთად, შესაძლოა იქცეს ეროვნული სტაბილურობის და ერთიანობის კაპიტალად. ისტორიული თვალსაზრისით, ეს ადგილები ცხადყოფს, რომ საუკუნეების განმავლობაში მიმდინარე პოლიტიკურმა ცვლილებებმა და საზღვრების გადანაწილებამ ვერ შეძლო ადამიანური და კულტურული კავშირების განადგურება. ეთიკური თვალსაზრისით, გზავნილი ნათელია: ვერც ერთ საზოგადოება სხვისი განზე გაწევით ვერ განმტკიცდება. ნებისმიერი საზოგადოება მდგრადობას აღწევს ურთიერთღირსების აღიარებით. სოციალური თვალსაზრისით კი, ეს მეჩეთები წარმოადგენს მუსლიმთა აქტიური მონაწილეობის ნიმუშს საქართველოს საზოგადოებრივ ცხოვრებაში. აღმსარებლობით მუსლიმი მოქალაქეები, თავიანთ ქრისტიან თანამოძმებთან ერთად იღწვიან მშვიდი და დაბალანსებული მომავლის ასაშენებლად. რამაზანი მარნეულში მხოლოდ რელიგიური რიტუალი არ არის; ეს არის შესაძლებლობა თანაცხოვრების, დიალოგისა და იმ კავშირების გაძლიერებაზე დაფიქრებისათვის, რომლებიც რელიგიურ განსხვავებებს აღემატება და ურთიერთპატივისცემასა და საერთო პასუხისმგებლობაზეა დაფუძნებული- ამის შესახებ საქართველოში ირანის ელჩი სეიედ ალი მოჯანი სოციალურ ქსელში წერს.

მიგრაციის დეპარტამენტის თანამშრომელმა პირად ავტომობილში, საკუთრებაში არსებული ცეცხლსასროლი იარაღიდან გასროლით, თავის არეში სასიკვდილო ჭრილობა მიიყენა, რის შედეგადაც ის ადგილზე გარდაიცვალა. ამის შესახებ ინფორმაციას შსს ავრცელებს.უწყების თანახმად, მომხდარს „სავარაუდოდ წინ უძღოდა, მის თანმხლებ პირთან, ყოფით ნიადაგზე კონფლიქტი“.„შინაგან საქმეთა სამინისტრო ღრმა მწუხარებას გამოთქვამს მიგრაციის დეპარტამენტის თანამშრომლის გარდაცვალების გამო, უსამძიმრებს დაღუპულის ოჯახსა და ახლობლებს.პირველადი ინფორმაციით, მიმდინარე წლის 19 თებერვალს, ორთაჭალის მიმდებარე ტერიტორიაზე, მიგრაციის დეპარტამენტის თანამშრომელმა პირად ავტომობილში, საკუთრებაში არსებული ცეცხლსასროლი იარაღიდან გასროლით, თავის არეში სასიკვდილო ჭრილობა მიიყენა, რის შედეგადაც ის ადგილზე გარდაიცვალა. მომხდარს სავარაუდოდ წინ უძღოდა, მის თანმხლებ პირთან, ყოფით ნიადაგზე კონფლიქტი.გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.ფაქტთან დაკავშირებით გამოძიება საქართველოს პროკურატურამ დაიწყო”, - ნათქვამია ინფორმაციაში.

სურსათის ეროვნული სააგენტოს თბილისის დეპარტამენტის ინსპექტორებმა იმპორტირებული საკონდიტრო ნაწარმის დამფასოებელი არალეგალური საწარმო გამოავლინეს.როგორც სეს-ში აცხადებენ, ინდმეწარმე ვ.ჯ. (მის: ქ. თბილისი, აგლაძის 32) ეკონომიკურ საქმიანობათა რეესტრში რეგისტრაციის გარეშე, სანიტარიულ-ჰიგიენური ნორმების უხეში დარღვევით, სხვადასხვა დასახელების ტკბილეულს რეალიზაციის მიზნით აფასოებდა.„კრიტიკული შეუსაბამობების გამო ბიზნესოპერატორი დაჯარიმდა და საწარმოო პროცესი შეუსაბამობების აღმოფხვრამდე შეუჩერდა“, – აღნიშნავენ სურსათის ეროვნული სააგენტოში.

მოქალაქეებმა საკონსტიტუციო სასამართლოში დაარეგისტრირეს საკონსტიტუციო სარჩელი, რითაც ისინი ასაჩივრებენ კანონის ნორმას, რომელიც პატიმრობას ითვალისწინებს შეკრებისა და მანიფესტაციის მონაწილეების მიერ „ხალხის ან ტრანსპორტის გადაადგილებისთვის განზრახ დაბრკოლებების შექმნისთვის”.საკონსტიტუციო სარჩელის ავტორები არიან: ანა ბდეიანი, ლიზი უბილავა და ლაშა სონგულია საქართველოს პარლამენტის წინააღმდეგ.კერძოდ, დავის საგანს წარმოადგენს: საქართველოს კანონი - საქართველოს ადმინისტრაციულ სამართალდარღვევათა კოდექსი; საქართველოს კანონი - საქართველოს სისხლის სამართლის კოდექსი; საქართველოს კანონი შეკრებებისა და მანიფესტაციების შესახებ.კონკრეტულად კი - შეკრებისა და მანიფესტაციის შესახებ საქართველოს კანონის მე-11 მუხლის მეორე პუნქტის ე) ქვეპუნტი: 2. შეკრების ან მანიფესტაციის მონაწილეებს ეკრძალებათ: ე) განზრახ შექმნან დაბრკოლებები ხალხის ან ტრანსპორტის გადაადგილებისთვის, მათ შორის, დაარღვიონ ამ კანონის 111 მუხლის მოთხოვნები;“მოქალაქეები დავობენ, რომ მოქმედი ნორმის გამო დაერღვათ: საქართველოს კონსტიტუციის 21-ე მუხლით გათვალისწინებული - წინასწარი ნებართვის გარეშე საჯაროდ და უიარაღოდ შეკრების უფლება; ასევე, ისინი უთითებენ კონსტიტუციის მეცხრე მუხლს - ადამიანის ღირსება ხელშეუვალია და იცავს სახელმწიფო. ასევე, სარჩელში მითითებულია კონსტიტუციის 31-ე მუხლის მე-9 პუნქტი: არავინ აგებს პასუხს ქმედებისათვის, რომელიც მისი ჩადენის დროს სამართალდარღვევად არ ითვლებოდა. კანონს, თუ იგი არ ამსუბუქებს ან არ აუქმებს პასუხისმგებლობას, უკუძალა არა აქვს.

ავტოპარკის განახლებისა და ძველი ავტომობილების იმპორტის შეზღუდვასთან დაკავშირებით ინიციატივა გააკრიტიკა საპარლამენტო პოლიტიკური ჯგუფის "ხალხის ძალის" თავმჯდომარემ დიმიტრი ხუნდაძემ და აღნიშნა, რომ საკითხი კომპლექსურია და დამატებით განხილვას საჭიროებს."საქართველოში ავტოპარკის განახლება და შესაბამისად, ძველი ავტომობილების მიერ ჰერის დაბინძურების შემცირება რომ არის საჭირო, ამაზე არავინ დაობს",— განაცხადა ხუნდაძემ და აღნიშნა, რომ მიუხედავად იმისა, რომ ჰაერის დაბინძურება ჯანმრთელობაზე სერიოზულ გავლენას ახდენს, რეგულაციები ისე უნდა იქნას მიღებული, რომ სხვა მიმართულებები არ დაზიანდეს და პროცესი იყოს გონივრული და უმტკივნეულო.„საქართველოში ავტოპარკის განახლება და შესაბამისად, ძველი ავტომობილების მიერ ჰერის დაბინძურების შემცირება რომ არის საჭირო, ამაზე არავინ დაობს. საჭიროა მეტი დაფიქრება, კონსულტაციები და გონივრული გადაწყვეტილებების მიღება. კარგად მესმის ეს საკითხი, რადგან ჩემი ძირითადი პროფესია ექიმობაა და კარგად ვიცი რა გავლენა შეიძლება იქონიოს დაბინძურებულმა ჰაერმა ადამიანის ჯანმრთელობაზე, მაგრამ შეიძლება რეგულაციები ისე მივიღოთ, რომ არ დავაზიანოთ სხვა მიმართულებები და დავიცვათ ადამიანების ჯანმრთელობა. საკითხი ეხება იმას, თუ როგორ გავაკეთოთ ეს, რომ გონივრული და უმტკივნეულო იყოს ეს პროცესი.ეს არის კომპლექსური საკითხი და უნდა შევეხოთ რამდენიმე ასპექტს. მაგალითად, ითქვა, რომ 6 წელზე დიდი ასაკის ავტომობილების შემოყვანის აკრძალვა ხელს შეუწყობს მოძველებული ავტომობილების შემცირებას — ეს ასე არ არის. ეს იქნება პირუკუ ეფექტი და შესაძლოა დიდი ხნის განმავლობაში ექსპლუატაციაში დარჩეს ის მოძველებული ავტოპარკი, რომელიც დღეს არის ქვეყანაში. მოძველებული ავტომობილები, მაგალითად 13-14 წლის მანქანები, უფრო დიდხანს დარჩება მიმოქცევაში და მეტად დააბინძურებს გარემოს, რადგან მფლობელები სხვადასხვა მეთოდით შეეცდებიან მათი სიცოცხლისუნარიანობის გახანგრძლივებას. შედეგად მივიღებთ კიდევ უფრო მეტად მოძველებულ ავტოპარკს და არა მის განახლებას.გასათვალისწინებელია, რომ მოსახლეობის უმეტესობას არ აქვს მაღალი ანაზღაურება და ისინი ახალი ავტომობილების შეძენას ვერ შეძლებენ სესხების გარეშე. ამ სესხებთან წვდომა მოსახლეობის ნაწილს საერთოდ არ აქვს და ეს მათ სოციალურ-ეკონომიკურ მდგომარეობას დაამძიმებს. რა თქმა უნდა, მხოლოდ ასაკი ვერ იქნება რისკფაქტორის განმსაზღვრელი, რადგან სხვადასხვა ავტომობილს სხვადასხვა რესურსი და გამძლეობა გააჩნია და ეს საკითხი უნდა დარეგულირდეს ტექდათვალიერების მექანიზმით.რეგულაციაში საუბარია M1 კატეგორიის ავტომობილებზე, რაც მოიცავს მსუბუქ ავტომობილებს, მაშინ როცა სპეციალური ტექნიკა რეგულაციის მიღმა რჩება, მიუხედავად იმისა, რომ მათი ცვეთა უფრო მაღალია და დაძველება სწრაფი ტემპით ხდება.თუ ამ რეგულაციისკენ გვიბიძგა ქალაქის მასშტაბმა, სადაც ავტომობილების რაოდენობა ჭარბია და საცობებიც ხშირია, უნდა გავითვალისწინოთ, რომ თბილისის მაგალითით მიღებული მკაცრი რეგულაცია ვერ გავრცელდება რეგიონებზე. შესაძლოა დედაქალაქში ადამიანმა, რომელსაც 6 წელზე ნაკლები ასაკის ავტომობილის შეძენა არ შეუძლია, საზოგადოებრივი ტრანსპორტით გადაადგილება შეძლოს, მაგრამ ეს არ ვრცელდება რეგიონებზე, სადაც მუნიციპალური ტრანსპორტი პრაქტიკულად არ არსებობს, და ადამიანები იძულებულნი არიან საკუთარი ავტომობილით გადაადგილდნენ.ასევე, ეს რეგულაცია, რომელიც 6 წელზე მეტი ასაკის ავტომობილების შემოყვანას შეზღუდავს, გამოიწვევს ქვეყანაში არსებული ძველი და მათ შორის შედარებით ახალი ავტომობილების გაძვირებასაც. გასათვალისწინებელია, რომ მოსახლეობის დიდი ნაწილი არ არის მაღალი შემოსავლის მქონე და მხოლოდ დაახლოებით 5%-ს შეუძლია ახალი მანქანის შეძენა, რაც დანარჩენი მოსახლეობისთვის მძიმე ტვირთი იქნება,“ - განაცხადა ხუნდაძემ.