36 წლის ქართველ კარდიოქირურგს 2500-ზე მეტი ბავშვისთვის აქვს სიცოცხლე ნაჩუქარი

აშშ-ის ზარაფხანამ განაცხადა, რომ დონალდ ტრამპის გამოსახულებიანი 1-დოლარიანი მონეტები უკვე მიმოქცევაშია და მათი შეძენაც შესაძლებელია.გამოცემა „პოლიტიკოს“ ცნობით, ეს პირველი შემთხვევაა 1866 წლის შემდეგ, როდესაც აშშ-ის ვალუტაზე ცოცხალი ადამიანის გამოსახულება აღბეჭდეს.მედიის ცნობით, მონეტები იყიდება 25 ან 100-ცალიან შეფუთვებად, რომელთა ფასი 61 დოლარიდან იწყება. მონეტის ერთ მხარეს ტრამპის პორტრეტია გამოსახული, ასევე დატანილია წარწერები – LIBERTY („თავისუფლება“), IN GOD WE TRUST („ღმერთის გვწამს“) და თარიღები – „1776 ~ 2026“. მონეტის მეორე მხარეს გამოსახულია პრეზიდენტის ბეჭედი და  დატანილია წარწერა „250“, ქვეყნის დამოუკიდებლობის 250  წლისთავის აღსანიშნავად.„პოლიტიკო“ წერს, რომ აშშ-ის პრეზიდენტის ადმინისტრაცია ცდილობდა, ტრამპის პორტრეტი აშშ-ის ვალუტაზე განეთავსებინა, მიუხედავად მრავალსაუკუნოვანი ტრადიციისა, რომლის მიხედვითაც ვალუტაზე ცოცხალი ადამიანის გამოსახვა დაუშვებელი იყო.1866 წელს კონგრესმა აკრძალა ნებისმიერი ცოცხალი ადამიანის პორტრეტის განთავსება ვალუტის კუპიურებზე, ობლიგაციებსა და ფასიან ქაღალდებზე. 2020 წელს ტრამპმა ხელი მოაწერა ორპარტიულ კანონპროექტს, რომელმაც სახაზინო დეპარტამენტს 2026 წელს აშშ-ის დამოუკიდებლობის 250 წლისთავის აღმნიშვნელი დიზაინის მქონე 1-დოლარიანი მონეტების გამოშვების უფლებამოსილება მისცა. ტრამპმა ასევე წამოაყენა 250-დოლარიანი კუპიურის გამოშვების წინადადება, რომელზეც მისი პორტრეტი იქნება გამოსახული.

შინაგან საქმეთა სამინისტროს უფლებამოსილი დანაყოფები საგზაო მოძრაობის პირობებში სატრანსპორტო საშუალების ექსპლუატაციისას წარმოქმნილი ხმაურის დონეს შეამოწმებენ.ხმაურის შემოწმება მოხდება უწყების მიერ შეძენილი, საერთაშორისო – ISO 5130:2019 სტანდარტთან შესაბამისობაში არსებული ხმაურის დონის საზომი პორტატული მოწყობილობის კომპლექტით.შსს-ს ცნობით, სატრანსპორტო საშუალებების ექსპლუატაციისას წარმოქმნილი ხმაურის დასაშვები ნორმები საქართველოს მთავრობის შესაბამისი დადგენილებით არის რეგულირებული.დადგენილების თანახმად, დასახლებულ პუნქტებში ღამის საათებში – 23:00 საათიდან 08:00 საათამდე სატრანსპორტო საშუალების ექსპლუატაციისას წარმოქმნილი ხმაური არ უნდა აღემატებოდეს 80 დეციბალს.საქართველოს ადმინისტრაციულ სამართალდარღვევათა კოდექსის თანახმად, იმ სატრანსპორტო საშუალების მართვა, რომლის ექსპლუატაციისას წარმოქმნილი ხმაური საქართველოს კანონმდებლობით დადგენილ ნორმას აღემატება, იწვევს დაჯარიმებას 100 ლარის ოდენობით და მართვის მოწმობისთვის მინიჭებული ქულების 10 ქულით შემცირებას, იმავე ქმედების განმეორებით ჩადენა – 200 ლარის ოდენობით დაჯარიმებას და მართვის მოწმობის ქულების 20 ქულით შემცირებას, ხოლო მესამე და ყოველი მომდევნო შემთხვევა – 300 ლარის ოდენობით დაჯარიმებას და მართვის მოწმობის ქულების 30 ქულით შემცირებას.

კაია კალასი – ევროკავშირის ქვეყნები მხარს უჭერენ რუსი მებრძოლებისთვიდ ვიზების გაცემის აკრძალვას და რუსეთის მოქალაქეებისთვის ტურისტული ვიზების პირობების გამკაცრებასევროკავშირის საგარეო პოლიტიკური უწყების ხელმძღვანელმა, კაია კალასმა ირლანდიაში ევროკავშირის წევრი ქვეყნების საგარეო საქმეთა მინისტრების არაფორმალური შეხვედრის შემდეგ განაცხადა, რომ რუსეთის მოქალაქეებისთვის, რომლებიც უკრაინაში ომში მონაწილეობდნენ, ვიზების გაცემის აკრძალვისა და რუსეთის მოქალაქეებისთვის ტურისტული ვიზების გაცემის პირობების გამკაცრების წინადადებას ევროკავშირში „ფართო მხარდაჭერა“ აქვს. ამის შესახებ „როიტერი“ წერს.შეხვედრას ასევე ესწრებოდნენ უკრაინისა და დიდი ბრიტანეთის საგარეო უწყებების ხელმძღვანელები.აღსანიშნავია, რომ მანამდე, გერმანიის საგარეო საქმეთა სამინისტროს წარმომადგენელმა, მარტინ გიზემ ასევე განაცხადა, რომ „რუსეთის მოქალაქეებისთვის ევროკავშირში დასასვენებლად გაცემული ვიზების რაოდენობა მეტისმეტად დიდია“. ამის შესახებ „დოიჩე ველე“ იუწყებოდა.გერმანია პარტნიორებთან იმუშავებს, რათა „გაცემული ვიზების რაოდენობა კიდევ უფრო შემცირდეს“, – აღნიშნა გიზემ.მისივე თქმით, ვიზები მხოლოდ იმ რუსებისთვის უნდა გაიცეს, რომლებიც საფრთხეს არ წარმოადგენენ. როგორ განისაზღვრება ეს, მას არ დაუკონკრეტებია.„არ მსურს ვინმეს მივცე შესაძლებლობა, კონტროლის ამ ზომებს გვერდი აუაროს“, – განაცხადა გერმანიის საგარეო უწყების წარმომადგენელმა.ცნობისთვის პირველ სექტემბერს, გერმანიის მთავრობამ რუსეთი საჯაროდ დაადანაშაულა ლაიფციგის აეროპორტში 4 აგვისტოს დრონების გამოყენებით დივერსიის მომზადებაში. მოსკოვი ბრალდებას უარყოფს. ევროკავშირის ქვეყნები და დიდი ბრიტანეთი ბერლინის პოზიციას შეუერთდნენ.

ეს არის “აურზაური სალხინეთში“ ყველა ერთმანეთს რაღაცას აბრალებს, როგორც ჩანს, არავინ არაფერზე არ არის პასუხისმგებელი იმიტომ, რომ ყოფილი პრემიერი, როცა პრემიერი იყო, რა ხდებოდა, იმაზე ჩატარდა გამოძიება? - ამის შესახებ მეხუთე პრეზიდენტმა, სალომე ზურაბიშვილმა ყოფილ პრემიერ-მინისტრ, ირაკლი ღარიბაშვილის მიერ გამოქვეყნებულ წერილებთან დაკავშირებით განაცხადა.ზურაბიშვილის თქმით, მმართველ გუნდში მიმდინარე პროცესები არის შიდა უნდობლობისა და დაპირისპირების ბოლო ფურცელი.„ახლა რაღაცას ამბობს , ბოლომდე ამბობს, თუ ეს ჩვეულებრივია, რაც ქართულ პოლიტიკაში მოსულა, რომ „გამაჩერეთ, თორემ ყველაფერს ვიტყვი“... და მერე ბოლოს არასდროს ამბობენ ყველაფერს და ვრჩებით რაღაც დაუმთავრებელ ისტორიაში, რომელიც მოითხოვს ახსნას, განმარტებას და არაფერი ხდება.ეს არის ბოლო ფურცელი ამათი შიდა უნდობლობის, შიდა დაპირისპირების, აღარ იციან რა სიტყვებით შეამკონ ერთმანეთი. ხან ნაცვლიშვილი გამოდის უზრდელური სიტყვებით, ხან ვინ და ხან - ვინ. ერთმანეთს ლანძღავენ, ერთმანეთს ყველაფერს აბრალებენ და თქვენ გინდათ, რომ აგიხსნათ და ვთქვა, რომ ეს იმიტომ ხდება, რომ... - არ არსებობს "იმიტომ, რომ". ეს არის ძალაუფლების დაშლის ერთ-ერთი მომენტი, რომელსაც არც წინაპირობა გააჩნია, არც ახსნა-განმარტება.პარანოიული რეჟიმი გახდა. ყველა ყველას ემდურის, არავის ნდობა არ გააჩნია, იცის, რომ დღეს თუ ხვალ რაღაც შეიძლება შეემთხვეს. შეიძლება ციხეში აღმოჩნდეს, დააბრალონ კორუფცია, შეიძლება, თვითონაც დაიბრალოს კორუფცია. კორუფციის თემები ძირითად ხელისუფლებიდან მოდის და ნაკლებად ოპოზიციიდან. ასეთი რეჟიმი არის დასასრულის ბოლო ეპიზოდში“, - განაცხადა სალომე ზურაბიშვილმა.

60 წელს გადაცილებული პირებისთვის საგადახდო მოთხოვნები გამკაცრების შესახებ გადაწყვეტილება ეროვნულმა ბანკმა აპრილში მიიღო, თუმცა ის ძალაში ხვალიდან შევა.კერძოდ, სებ-ის პრეზიდენტის ნათია თურნავას ბრძანებით, ცვლილება შევიდა მომხმარებლის ძლიერი ავთენტიფიკაციისა და ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში, რაც ხელს შეუწყობს და უფრო ეფექტიანს გახდის მოწყვლადი სეგმენტის - 60 წელს გადაცილებული მომხმარებლის დაცვას თაღლითური სქემებისგან.“განახლებული რეგულაციები ეფუძნება საუკეთესო საერთაშორისო პრაქტიკას და მოიცავს ისეთ დამატებით მოთხოვნებს, რომლის მიხედვით საგადახდო მომსახურების პროვაიდერი ვალდებულია 60 წელს გადაცილებულ მომხმარებელთა ანგარიშებიდან შესასრულებელ გარკვეულ ტრანზაქციებზე რისკების მართვა უფრო მაღალი სტანდარტით განახორციელოს.ცვლილებების მიხედვით, შესაძლო თაღლითური ქმედების შედეგად ელექტრონული გადახდის ოპერაციის შესრულების პრევენციის მიზნით, საგადახდო მომსახურების პროვაიდერმა, კანონმდებლობით გათვალისწინებული მონიტორინგის მექანიზმებში, დამატებით უნდა დანერგოს დაცვის სპეციალური ზომები 60 წელს გადაცილებული მომხმარებლებისთვის.კერძოდ, საგადახდო მომსახურების პროვაიდერმა დროებით უნდა შეაჩეროს ან, სადაც ეს შეუძლებელია, უარი თქვას მომხმარებლის მიერ ინიციირებული რისკიანი ელექტრონული გადახდის ოპერაციის შესრულებაზე,” - ნათქვამია ეროვნული ბანკის მიერ გავრცელებულ ინფორმაციაში.მათივე განმარტებით, რისკიან ოპერაციად ჩაითვლება შემდეგი ქმედებები: თუ გადახდის ოპერაციის თანხა აღემატება 500 ლარს და გადახდის ოპერაციის შინაარსი დაკავშირებულია თაღლითობის მაღალი რისკის პროფილის საქმიანობებთან, მათ შორის, ონლაინ სავაჭრო ე.წ. „ფორექსი“, საინვესტიციო, სათამაშო ბიზნესთან ან ვირტუალურ აქტივებთან დაკავშირებულ საქმიანობებთან; ან გამოვლენილია მომხმარებლისთვის უჩვეულო ხარჯვისა და ქცევის თავისებურება.„რისკიანი ოპერაციის დაფიქსირების შემთხვევაში, საგადახდო მომსახურების პროვაიდერი ვალდებული იქნება დაუკავშირდეს მომხმარებელს, მოახდინოს მისი ინფორმირება მომხმარებლის მიერ ინფორმაციის უკეთ გაანალიზების ხელშეწყობის მიზნით, რითაც შემცირებული იქნება თაღლითების მანიპულაციის ქვეშ მომხმარებლის მიერ ოპერაციების განხორციელების რისკი."ინტერპრესნიუსი"