ხვიჩა კვარაცხელია თბილისშია-23 სექტემბერს საქართველოს ნაკრები თბილისში ჩრდილოეთ მაკედონიის ნაკრებს დაუპირისპირდება

ჩემთან დარეკა იმ დროისთვის შინაგან საქმეთა მინისტრმა გიორგი გახარიამ და მითხრა, რომ ჩორჩანაში მიმდინარეობს შემოღობვა და ტერიტორიის დაკარგვის რისკიაო. მთხოვა, იმ დროისთვის, რა რესურსიც გვქონდა, როგორც ინფრასტრუქტურის სამინისტროს, ტყეში გაგვეყვანა გზა. ეს იყო კომუნიკაცია რაც გიორგი გახარიასთან მქონდა , - ეს განცხადება გააკეთა სასამართლო პროცესზე ინფრასტრუქტურისა და რეგიონული განვითარების ყოფილმა მინისტრმა, ყოფილმა ვიცე-პრემიერმა, მაია ცქიტიშვილმა, რომელიც ე.წ. ჩორჩანას საქმე დაცვის მხარის მოწმეა და დღეს სწორედ მოწმის სახით დაიკითხაროგორც მან აღნიშნა, მედიაში აქტიურად ვრცელდებოდა ინფორმაცია იმის შესახებ, რომ სოფელ ჩორჩანას ტყეში საოკუპაციო ძალების მიერ ხდებოდა მონიშვნები, რასთან დაკავშირებითაც იმდროინდელ შს მინისტრ გიორგი გახარიასა და მას შორის სატელეფონო კომუნიკაცია შედგა, საუბრის საკითხი კი გახარიას მხრიდან ჩორჩანაში გზის გაყვანის აუცილებლობა იყო.ცქიტიშვილის თქმით, სამუშაოებში ჩართულნი იყვნენ, როგორც ინფრასტრუქტურის მინისტრის მოადგილეები, ისე შს მინისტრის მოადგილე."მედიაში აქტიურად შუქდებოდა პროცესები. ვხედავდით, რომ ბორდერიზაციის პროცესი 2013 წლის მერე აქტიურად მიმდინარეობდა. 2017-2018-2019 წლებში პროცესი საკმაოდ იყო გააქტიურებული. მედიაში ვრცელდებოდა ინფორმაცია, ჩანაწერები, სადაც ბორდერიზაციის პროცესის შედეგად საკარმიდამო გადაღობვა ხდებოდა, ასევე, იყო ახალი მონიშვნები, ამას ვხედავდით - ეს ჩორჩანაშიც იყო . ჩორჩანაში, მას შემდეგ რაც საკითხი აქტუალური გახდა, 2019 წლის იანვრიდან დაფიქსირდა ყვითელი მონიშვნები ტყეში. ჩანაწერში ვნახეთ, ხდებოდა მონიშვნები, რაც იყო მავთულხლართით შემოღობვის წინაპირობა.ჩემთან დარეკა იმ დროისთვის შინაგან საქმეთა მინისტრმა გიორგი გახარიამ და მითხრა, რომ ჩორჩანაში მიმდინარეობს შემოღობვა, და ტერიტორიის დაკარგვის რისკიაო. მთხოვა, იმ დროისთვის, რა რესურსიც გვქონდა, როგორც ინფრასტრუქტურის სამინისტროს, ტყეში გაგვეყვანა გზა. ეს იყო კომუნიკაცია რაც გიორგი გახარიასთან მქონდა. ეს იყო აგვისტოს დასაწყისში. საუბარი გვქონდა გზის გაყვანაზე, რომელიც მანამდე არ არსებობდა. მთხოვა, რომ საჭიროა „ბულდოზერი“ ან ტრაქტორი, ტყეში არის გზა გასაყვანი. ჩემს მოადგილეს ილია ბეგიაშვილს ვთხოვე დაკავშირებოდა ხაშურის მუნიციპალიტეტს, შესაბამისი კონტრაქტორის მეშვეობით სამუშაოები შეესრულებინათ. დაახლოებით 112- კმ გზა იყო გასაყვანი, რასაც მუნიციპალიტეტი მისი ერთეული ტექნიკით ვერ შეძლებდა. გახარიამ მითხრა, რომ საჩქარო პროცესი იყო რადგან არსებობდა ტერიტორიის დაკარგვის რისკი. მე ვუთხარი, რომ ეს იყო სატენდერო პროცესი, რაც გრძელვადიან პროცესს მოიცავდა. ეს პასუხი მიიღო. მითხრა, რომ მის მოადგილე ლევან კაკავასთან მქონოდა კომუნიკაცია, ასევე, კომუნიკაცია ჰქონოდა კაკავასთან ჩემს მოადგილეებს. კაკავამ მითხრა, რომ მოაგვარებს ამ საკითხს, შესაბამისად, პროცესში ინფრასტრუქტურის სამინისტროს არ ჰქონია ჩართვა.დიახ, გიორგი გახარიამ მითხრა, სოფელ ჩორჩანაში გააქტიურებულია პროცესი, შეიძლება ტერიტორია დავკარგოთ და საჭიროა გზის გაყვანაო. 2019 წელს მუნიციპალიტეტმა გარკვეული სამუშაოები შეასრულა ",- განაცხადა ცქიტიშვილმა.მან ასევე, ისაუბრა საგუშაგოს შემდგომ განვითარებულ პროცესზე, რა დროსაც თავად უკვე ვიცე-პრემიერი იყო. ცქიტიშვილის თქმით, სამთავრობო სამუშაო პროცესი ჩვეულებრივად გაგრძელდა, თუმცა უშუალოდ ჩორჩანას საკითხზე რაიმე ფართო დისკუსია არც ყოფილა მთავრობაში."საგანგაშოს ვერაფერს, მძაფრი დისკუსია და ა.შ. არ მახსენდება. იმ დროინდელ პრემიერთან, მამუკა ბახტაძესთან კომუნიკაცია საჭიროებისამებრ მქონდა. საგუშაგოს თემაზე მამუკა ბახტაძესთან საუბარი არ მქონია, მაგრამ მასთან კომუნიკაციის წყვეტაც არ მქონია, როცა მჭირდებოდა ხელმისაწვდომი იყო.ვიმეორებ, როცა დამირეკა გიორგი გახარიამ, დეტალური საუბარი არ გვქონია უბრალოდ, „ბორდერიზაცია” ყველა მოქალაქისთვის გასაგები ტერმინია. მითხრა, რომ ბორდერიზაცია აქტიურად მიმდინარეობს, ტყის წაღება უნდათ, შესაჩერებლად გარკვეული სამუშაოებია საჭიროო. ვრცელი საუბარი არ გვქონია მით უფრო, რომ იქ მედიაშიც არსებობდა ამაზე ინფორმაცია - მედიაში შუქდებოდა ეს პროცესი. თუ არ ვცდები, მაშინ დავით ქაცარავა, რომელიც მაშინაც "ქართული ოცნების" მიმართაც ოპოზიციურ ფლანგად მიიჩნეოდა, მისგანაც და მედიიდანაც შუქდებოდა ეს პროცესი.როცა მესაუბრა გიორგი გახარია, არ მახსოვს კონკრეტულად საგუშაგო ახსენა, თუ არა... საგუშაგოს ჩადგმაზე უკვე გავიგე, მას შემდეგ რაც მედიაში გაშუქდა...ამის შემდეგ, არც მე და არ მოადგილეებს გიორგი გახარიასთან არ გვქონია კომუნიკაცია. მის მოადგილე, ლევან კაკავასთან ჰქონდათ კომუნიკაცია ჩემს მოადგილეებს". განაცხადა ცქიტიშვილმამისი თქმით, ჩორჩანას საკითხზე მაშინდელ მთავრობის ახდომებზე საუბარი არ ყოფილა."ყველა მთავრობის სხდომას ვესწრებოდი, არ ვესწრებოდი უშიშროების საბჭოს სხდომას, რადგან წევრი არ ვიყავი. მთავრობის სხდომაზე ეს საკითხი (ჩორჩანას საკითხზე) განხილვა არ ყოფილა. ასეთი ტიპის საკითხზე, რადგან სენსიტიური თემაა, ზოგადად მსჯელობა უშიშროების საკითხზე ხდება",- განაცხადა მაია ცქიტიშვილმა.

პროცესი საჯაროდ და გამჭვირვალედ უნდა ჩატარდეს, რათა მთელმა საზოგადოებამ დაინახოს ამ ბრალდების უსაფუძვლობა, - ამის შესახებ კორუფციულ დანაშაულში ბრალდებულმა ყოფილმა პრემიერ-მინისტრმა ირაკლი ღარიბაშვილმა სასამართლო პროცესზე განაცხადა.მან მოსამართლე თამარ მჭედლიშვილს მიმართა თხოვნით, სხდომა არ დახუროს.შესაბამისი შუამდგომლობა სხდომაზე ბრალდების მხარემ დააყენა.“რამდენიმე საკითხთან დაკავშირებით უნდა გავაკეთო განმარტებები”, - განაცხადა ღარიბაშვილმა, თუმცა, მას სიტყვა მოსამართლემ შეაწყვეტინა და უთხრა, რომ ახლა სხდომის დახურვაზე მსჯელობდნენ და მხოლოდ აღნიშნულზე ესაუბრა.“რაც შეეხება სხდომის დახურვას, რა თქმა უნდა, ამ შუამდგომლობას ვეწინააღმდეგები, მინდა საზოგადოებამ გაიგოს სიმართლე, რომ ეს არის ცილისწამებაზე აგებული, პოლიტიკურად მოტივირებული საქმე, აქედან გამომდინარე, რა თქმა უნდა, დიდი მნიშვნელობა აქვს, რომ პროცესი საჯაროდ და გამჭვირვალედ ჩატარდეს, რათა მთელმა საზოგადოებამ დაინახოს ამ ბრალდების უსაფუძვლობა, კატეგორიულად ვეწინააღმდეგები ამ შუამდგომლობას და მოგმართავთ თხოვნით, ეს შუამდგომლობა არ დაკმაყოფილდეს”, - განაცხადა ირაკლი ღარიბაშვილმა.

ძალიან სამწუხაროა, როცა შენი ქვეყნის ორგზის პრემიერ-მინისტრს, ყოფილ შინაგან და თავდაცვის მინისტრს, ამ შეთითხნილი ბრალითა და ცილისმწამებლური კამპანიის ფარგლებში ასამართლებენ - ვფიქრობ, ეს პროცესები გახდება იმის დასტური და ნათელს მოჰფენს იმ გარემოებებს, რაზეც ირაკლი საუბრობდა თავისივე წერილებში, - ამის შესახებ ყოფილი პრემიერ-მინისტრის, ირაკლი ღარიბაშვილის ადვოკატმა, ნათია თამაზაშვილმა ჟურნალისტებს პროცესის დაწყებამდე განუცხადა.მისივე თქმით, საქმეში არსებული ე.წ. 48 ტომიდან მხოლოდ ორი ჩვენებაა ირაკლი ღარიბაშვილის “ბრალის დამადასტურებელი“.„დღეს არსებითი განხილვა იწყება. წინა შემთხვევაში ჩვენ დავაყენეთ შუამდგომლობა საქმის შეწყვეტასთან დაკავშირებით. როგორც იცით, ე.წ. 48 ტომიდან მხოლოდ ორი ჩვენებაა ირაკლი ღარიბაშვილის „ბრალის დამადასტურებელი“, ჯუანშერ ბურჭულაძისა და ვასილ მხეიძის. ერთი პირდაპირი და ერთი ირიბი.ძალიან სამწუხაროა, როცა შენი ქვეყნის ორგზის პრემიერ-მინისტრს, ყოფილ შინაგან და თავდაცვის მინისტრს, ამ შეთითხნილი ბრალითა და ცილისმწამებლური კამპანიის ფარგლებში ასამართლებენ. მაინც ვფიქრობ, რომ ეს საქმე შემთხვევით არ უნდა იყოს შერჩეული. იმიტომ, რომ ყველასთვის ცნობილია, რა გააკეთა ირაკლიმ თავდაცვის სამინისტროსთვის, ზოგადად, თავდაცვისუნარიანობის განვითარებისთვის და რა დამოკიდებულება აქვს სამინისტროსა და ჯარს მის მიმართ. ვფიქრობ, ეს პროცესები გახდება იმის დასტური და ნათელს მოჰფენს იმ გარემოებებს, რაზეც ირაკლი საუბრობდა თავისივე წერილებში“, - განაცხადა ნათია თამაზაშვილმა.ჟურნალისტების კითხვაზე, რატომ შეცვალა ირაკლი ღარიბაშვილმა გადაწყვეტილება დასწრებოდა პროცესებს და ხომ არ აპირებს ვრცელი განცხადების გაკეთებას, ადვოკატის თქმით, ის ირაკლი ღარიბაშვილის ნაცვლად ვერ ისაუბრებს.„მე ირაკლის მაგივრად ვერაფერს გეტყვით. დაველოდოთ, ვნახოთ წინასწარ ვერ გეტყვით ვერაფერს. დაველოდოთ პროცესს“, - განაცხადა ნათია თამაზაშვილმა.

ბოლო წლებში საქართველომ როგორც ეკონომიკური განვითარების, ისე უსაფრთხოებისა და სუვერენიტეტის განმტკიცების თვალსაზრისით თვალსაჩინო შედეგებს მიაღწია. განვითარებას მოაქვს ახალი შესაძლებლობები, რომელთაც ბუნებრივია, ახლავს გამოწვევები, მათ შორის, საგარეო ასპარეზზე. ამ გამოწვევებზე პასუხი ერთია: სუვერენული საგარეო პოლიტიკის გაძლიერება, ეროვნული ინტერესების თანმიმდევრული დაცვა და დიპლომატიის კიდევ უფრო ეფექტიანად გამოყენება, – ამის შესახებ საქართველოს პრემიერ-მინისტრმა, ირაკლი კობახიძემ დიპლომატის დღისადმი მიძღვნილ ღონისძიებაზე სიტყვით გამოსვლისას განაცხადა.მისივე თქმით, საქართველოს მთავრობის მიზანია დიპლომატიური სამსახურის კიდევ უფრო განვითარება, მისი მოქნილობისა და ეფექტიანობის გაზრდა.„2025 წელს დავიწყეთ და ეტაპობრივად ვახორციელებთ რეფორმას საგარეო საქმეთა სამინისტროში. ჩვენი მიზანია დიპლომატიური სამსახურის კიდევ უფრო განვითარება, მისი მოქნილობისა და ეფექტიანობის გაზრდა. ძლიერდება საქართველოს წარმომადგენლობები საზღვარგარეთ. რეფორმის ერთ-ერთი მთავარი პრიორიტეტია განათლებული ახალგაზრდების მოზიდვა დიპლომატიურ სამსახურში. ამ მიზნით დაფუძნდა დიპლომატიის აკადემია , რაც არის ქვეყნის სტრატეგიული ინვესტიცია მომავალში. ის მოამზადებს კადრებს სათანადო ცოდნითა და ანალიტიკური უნარებით, მყარი ეთიკური სტანდარტებით და ინოვაციური ხედვით. ქართული დიპლომატიის ხვალინდელი დღე სწორედ მათზეა დამოკიდებული,“- აღნიშნა პრემიერმა.

ჩვენ შევიკრიბეთ, რათა ერთად აღვნიშნოთ ქართული დიპლომატიის დღე, თარიღი, რომელიც ჩვენი ერის ისტორიაში ერთ-ერთი ყველაზე გამორჩეული მოაზროვნის, მწერლისა და დიპლომატის, სულხან-საბა ორბელიანის უკვდავ სახელსა და მის მემკვიდრეობას უკავშირდება, – ამის შესახებ საქრათველოს პრეზიდენტმა, მიხეილ ყაველაშვილმა ქართული დიპლომატიის დღისადმი მიძღვნილ ღონისძიებაზე სიტყვით გამოსვლის დროს განაცხადა.მისი თქმით, საქართველოს მრავალსაუკუნოვანი ისტორია, თავისი არსით, მუდმივი დიპლომატიური ბრძოლის, ოსტატობისა და სტრატეგიული ლავირების ისტორიაა.„ჩვენი სამშობლო ასწლეულების მანძილზე იმყოფებოდა მსოფლიოს უდიდესი იმპერიებისა და ცივილიზაციების ინტერესთა გადაკვეთის გზაჯვარედინზე. იმისათვის, რომ შეგვენარჩუნებინა სახელმწიფოებრივი უწყვეტობა, ქრისტიანული სულიერება და ეროვნული თვითმყოფადობა, ჩვენს ერს სჭირდებოდა არამხოლოდ ბრძოლის ველზე გამოვლენილი გამორჩეული სიმამაცე, არამედ უმაღლესი რანგის დიპლომატიური სიბრძნე, ზოგჯერ სტრატეგიული მოთმინება, ზოგჯერ კი უაღრესად ფრთხილი, გააზრებული და პრაგმატული მანევრირება.სწორედ ამ მუდმივმა ეგზისტენციალურმა გამოწვევებმა ჩამოაყალიბა საქართველოს უნიკალური ნიშა საერთაშორისო ურთიერთობათა სისტემაში. ჩვენი სამშობლო ისტორიულად წარმოადგენდა დასავლეთისა და აღმოსავლეთის, ჩრდილოეთისა და სამხრეთის კულტურათა შეხვედრის სივრცეს, რაც მოითხოვდა ისეთი დიპლომატიური ხერხების გამოყენებას, სადაც ეროვნული ინტერესების უზენაესობასთან ერთად, სიღრმისეულად იყო გააზრებული რეგიონული და გლობალური აქტორების სტრატეგიული მიზნები. საქართველო საუკუნეების მანძილზე ასრულებდა მასზე დაკისრებულ მშვიდობისმყოფელის მისიას, რაც რეგიონში ცივილიზაციათა დიალოგისა და ძალთა ბალანსის უზრუნველყოფას გულისხმობდა. დღესაც ჩვენი ეროვნული დიპლომატიის უმთავრესი სტრატეგიული ვექტორი სწორედ ეს უნდა გახდეს.თანამედროვე გლობალურ სამყაროში, სადაც საფრთხეები ხშირად უხილავი, ასიმეტრიული და მრავალგანზომილებიანია, სწორედ პროფესიული დიპლომატია და მოქნილი, შორსმჭვრეტელური საგარეო პოლიტიკა წარმოადგენს ქვეყნის პირველ თავდაცვით ხაზს.დღეს მსოფლიო იმყოფება ურთულეს, გარდამავალ გეოპოლიტიკურ მოცემულობაში. საერთაშორისო უსაფრთხოების არქიტექტურა, რომელიც ათწლეულების განმავლობაში უზრუნველყოფდა გლობალურ წესრიგს, ფუნდამენტური რყევების პროცესშია. ჩვენს რეგიონსა და მის ფარგლებს მიღმა მიმდინარე ომები, მზარდი იდეოლოგიური პოლარიზაცია და თანამედროვე ტექნოლოგიური საფრთხეები ქმნის გარემოს, სადაც შეცდომის დაშვების ფასი უკიდურესად მაღალია. ჩვენ ვდგავართ ახალი მრავალპოლარული მსოფლიო წესრიგის ფორმირების ზღვარზე, სადაც თითოეული სიტყვა, თითოეული პოზიცია და დიპლომატიური ნაბიჯი პირდაპირ განსაზღვრავს ჩვენი სახელმწიფოს უსაფრთხოებას, კეთილდღეობასა და მშვიდობიან მომავალს.ამ ისტორიულ გზაგასაყარზე ქართველი დიპლომატების როლი სასიცოცხლოდ მნიშვნელოვანია. თქვენ გეკისრებათ უდიდესი მისია – გაატაროთ საქართველოს ეროვნული ინტერესები და განამტკიცოთ საქართველოს, როგორც სანდო, მშვიდობისმყოფელი, სტრატეგიული და პასუხისმგებლიანი პარტნიორის ავტორიტეტი საერთაშორისო ასპარეზზე.მსურს, საქართველოს სახელმწიფოს სახელით, მადლობა გადაგიხადოთ თქვენი პატრიოტიზმისთვის, მაღალი პროფესიონალიზმისა და თავდაუზოგავი მსახურებისთვის. განსაკუთრებული მადლობა ეკუთვნით თქვენს ოჯახებს, რომლებიც თქვენთან ერთად ღირსეულად ატარებენ ამ საპატიო ტვირთს.გილოცავთ დიპლომატის დღეს! ღმერთმა დალოცოს საქართველო! ანდო, მშვიდობისმყოფელი, სტრატეგიული და პასუხისმგებლიანი პარტნიორის ავტორიტეტი საერთაშორისო ასპარეზზე. მსურს, საქართველოს სახელმწიფოს სახელით, მადლობა გადაგიხადოთ თქვენი პატრიოტიზმისთვის, მაღალი პროფესიონალიზმისა და თავდაუზოგავი მსახურებისთვის. განსაკუთრებული მადლობა ეკუთვნით თქვენს ოჯახებს, რომლებიც თქვენთან ერთად ღირსეულად ატარებენ ამ საპატიო ტვირთს. გილოცავთ დიპლომატის დღეს! ღმერთმა დალოცოს საქართველო“, – განაცხადა მიხეილ ყაველაშვილმა.