ქალაქებში, სადაც დადებითობის მაჩვენებელი 4%-ზე ნაკლები იქნება, პირველკლასელები სწავლას 4 ოქტომბერს, საკლასო ოთახებში დაიწყებენ

107 000 მოქალაქეს აქვს მინიჭებული საქართველოში ბინადრობის უფლება, 30% არიან რუსეთის მოქალაქეები, ინდოელები არიან 22% – ძირითადად ესენი არიან სტუდენტები, მერე მოდის აზერბაიჯანი, უკრაინა და ა.შ., – ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „იმედის“ გადაცემა „ღია ეთერში“ განაცხადა.პრემიერის თქმით, 70% საქართველოში მცხოვრები მიგრანტების არიან პოსტსაბჭოთა ქვეყნებიდან, ევროკავშირის ქვეყნებიდან, ამერიკის შეერთებული შტატებიდან და ისრაელიდან.„რაც შეეხება უცხოელ მიგრანტებს, პირველ რიგში, გავიხსენებ სტატისტიკას. 107 000 მოქალაქეს აქვს მინიჭებული საქართველოში ბინადრობის უფლება, 30% არიან რუსეთის მოქალაქეები, ინდოელები არიან 22% – ძირითადად ესენი არიან სტუდენტები, მერე მოდის აზერბაიჯანი, უკრაინა და ა.შ. საზღვრის კვეთის მონაცემებით რომ განვსაზღვროთ პროცენტული მაჩვენებლები, 70% საქართველოში მცხოვრები მიგრანტების არიან პოსტსაბჭოთა ქვეყნებიდან, ევროკავშირის ქვეყნებიდან, ამერიკის შეერთებული შტატებიდან და ისრაელიდან. რაც შეეხება ჩვენი რეგიონის კონკრეტულ ქვეყნებს, თურქეთს და ირანს, მათი წილი ჩვენს მთლიან მოსახლეობაში არის 0.7%.რაც შეეხება მიგრანტების ჯგუფებს, ანუ როგორ ნაწილდება ეს 257 000 ადამიანი, როგორ ვიღებთ საბოლოო მაჩვენებელს. 37 000 არის სტუდენტი და მათი წვლილი ეკონომიკაში ძალიან დიდია. რაც შეეხება შრომით მიგრანტებს, შრომითი მიგრანტი, რომელიც სარგებლობს შესაბამისი ბინადრობის ნებართვით, არის 51 500 ადამიანი. ჩვენ საკმაოდ გახსნილი გვაქვს სივრცე უცხოელების საქართველოში დასაქმებისთვის. აქედან დაახლოებით 25% რუსეთის მოქალაქეა, ინდოეთის არის – 6 856, თურქეთი – 5 600, ბელარუსი – 5 000 და ა.შ. რაც შეეხება სექტორებს, მესამედი არის საინფორმაციო ტექნოლოგიები და ყველაზე მზარდი სექტორია ჩვენს ეკონომიკაში. აქ, საინტერესო ის არის, რომ ამ შემთხვევაში, უცხოელები კონკურენციაში არ შემოდიან ჩვენს მოქალაქეებთან. ისინი საქართველოდან საზღვარგარეთ უწევენ მომსახურებას კლიენტებს და მხოლოდ შემოაქვთ, ანუ არაფერი არ გააქვთ, არავის არ ეწილებიან და მხოლოდ შემოაქვთ საქართველოში და ჩვენს ეკონომიკაში რესურსები, რაც ძალიან მნიშვნელოვანია. ამიტომ, IT სექტორის განვითარებას განსაკუთრებულ ყურადღებას ვუთმობთ. აქაც, იცით, რომ გავამარტივეთ შესაბამისი ბინადრობის ნებართვების გაცემა. მშენებლობა არის დაახლოებით 14%. არის სექტორები, სადაც დღესაც, ეკონომიკის განვითარების დონიდან გამომდინარე, უკვე ქართველ მუშახელს ვეღარ პოულობ. ჯერ კიდევ 2012 წელს ელიავაზე უამრავი ქართველი იდგა, რომელიც ელოდებოდა სამუშაოს და ხშირად, უჭირდათ ყოველდღიურად სამუშაოს პოვნა. დღეს წამლად აღარ არის მშენებლობის სექტორში ადამიანი.ჩვენ პრიორიტეტები განვსაზღვრეთ და მივიჩნიეთ, რომ მშენებლობის სექტორში უფრო არის მიზანშეწონილი უცხოელების დასაქმება, ვიდრე „გლოვოში“, „ვოლტში“ და ა.შ. მათ შორის, მშენებლების ინტერესებიც გავითვალისწინეთ და კომპლექსურად მივიღეთ ეს გადაწყვეტილება. ყველაფერი გავითვალისწინეთ, მშენებლის ინტერესი რა არის, ჩვენი მოქალაქის ინტერესი რა არის, სახელმწიფოსი და აქედან გამომდინარე მშენებლობა დარჩა, „ვოლტი“, „გლოვო“, გიდები და ა.შ. არ დარჩა. არის სხვა სექტორები, მათ შორის, სტუმარმასპინძლობის სფეროშიც გვაქვს სამუშაო ძალის დეფიციტი. 5% არიან უცხოელები, ვინც მრეწველობის სფეროშია დასაქმებული, რადგან ხშირად ქართველებს არ უნდათ მსხვილ საწარმოში მუშაობა.37 000 სტუდენტი, 51 500 შრომითი მიგრანტი, 30 000 ამ 257 000-დან მაქსიმუმ არის უკრაინელი ლტოლვილი. პრაქტიკულად, უცხოელებად ვერც ჩაითვლებიან ფართო გაგებით, 47 500 ამ მაჩვენებლიდან მარტო არის საქართველოს მოქალაქის ოჯახის წევრი, საქართველოს ყოფილი მოქალაქე ან ისეთი უცხოელი, ასეთი ცოტაა, ვისაც 10 წელიწადზე მეტი აქვს ნაცხოვრები საქართველოში. თითქმის 50 000 არის ასეთი. 6 000 არის მოკლევადიანი და საინვესტიციო ბინადრობის ნებართვით ვინც სარგებლობს. ძალიან ბევრი სპეკულაცია მოვისმინე, რომ ბინების შეძენის საფუძველზე თითქოს ადვილია საქართველოში ბინადრობის ნებართვის მიღება. ჯერ ერთი, უსაფრთხოების კონტროლს გადის ყოველთვის ეს პროცედურა და 60 000 ბინა გაიყიდა მარტო ამ რამდენიმე წელიწადში უცხოელებზე და ამ საფუძვლით მხოლოდ 5 000-მა უცხოელმა მიიღო საქართველოში ბინადრობის ნებართვა. ეს მიგრაციაში მაინცდამაინც დიდ წილს არ ქმნის. 2 000 არის ტრეფიკინგის მსხვერპლი, რომელიც ამის საფუძველზე სარგებლობს ბინადრობის ნებართვით. უხეში გადაანგარიშებით, დაახლოებით, 20 000 არის არალეგალი და ამ მიმართულებით, იცით, რომ სერიოზული ზომების მიღება გვაქვს დაგეგმილი და დაახლოებით 50 000-მდე არის ისეთი უცხოელი მოქალაქე, ძირითადად ესენი არიან რუსეთიდან და ბელარუსიდან, სხვა მეზობელი ქვეყნებიდან, რომლებიც სარგებლობენ ერთწლიანი საქართველოში დაყოვნების უფლებით. ეს არის საერთო სტრუქტურა“, – განაცხადა კობახიძემ.მისივე თქმით, იზიარებს იმ მოსაზრებას, რომ მიგრაციული პროცესების მართვა არის აუცილებელი.„საბოლოო ჯამში, ვიტყოდი, რომ ვითარება არც ისე მძიმეა, როგორც ხანდახან ჩანს ხოლმე. ხშირად არის ხოლმე სპეკულაციური განცხადებები, თუმცა ვიზიარებ იმ მოსაზრებას, რომ მიგრაციული პროცესების მართვა არის აუცილებელი. წინააღმდეგ შემთხვევაში შეიძლება, გაგექცეს ეს პროცესები და ამ შემთხვევაში მივიღებთ დემოგრაფიულ პრობლემებს“, –  განაცხადა ირაკლი კობახიძემ.

2004 წელს გაწევრიანდნენ ლიეტუვა და ლატვია ევროკავშირში და შესაბამისად, მათ მიეცათ უვიზოდ გადაადგილების საშუალება  და ეკონომიკებს შორის იყო ძალიან დიდი სხვაობა, ლიეტუვის მოსახლეობა, 2003 წლის შემდეგ შემცირდა 3 415 000-დან 2 800 000-მდე, 18%-ით, 615 000-ით დაიკლო ლიეტუვის მოსახლეობამ, ლატვიის შემთხვევაში მოსახლეობა იყო 2003 წელს 2 289 000 და შემცირდა 1 836 000-მდე, დაიკლო 20%-ით, 453 000 ადამიანით, – ამის შესახებ საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემა „ღია ეთერში“ განაცხადა.მთავრობის მეთაურის თქმით, ეს სტატისტიკა აჩვენებს, თუ რატომ არის ეკონომიკა პლუს გახსნილი საზღვრები განმსაზღვრელი ფაქტორი.„მინდა, მოვიყვანო სტატისტიკური მაჩვენებელი, რაც ემიგრაციას უკავშირდება, რატომ არის ეკონომიკა განმსაზღვრელი ფაქტორი, ეკონომიკა პლუს გახსნილი საზღვრები. როდესაც ლიეტუვის და ლატვიის მოქალაქეებისთვის გაიხსნა ევროკავშირის საზღვრები, ეს მოხდა ევროკავშირში გაწევრიანების შემდეგ, 2004 წელს გაწევრიანდა ლიეტუვა და ლატვია ევროკავშირში და შესაბამისად, მათ მიეცათ უვიზოდ გადაადგილების საშუალება  და ეკონომიკებს შორის იყო ძალიან დიდი სხვაობა, ლიეტუვის მოსახლეობა, 2003 წლის შემდეგ შემცირდა 3 415 000-დან 2 800 000-მდე, 18%-ით, 615 000-ით დაიკლო ლიეტუვის მოსახლეობამ, ლატვიის შემთხვევაში მოსახლეობა იყო 2003 წელს 2 289 000 და შემცირდა 1 836 000-მდე, დაიკლო 20%-ით, 453 000 ადამიანით. ამას აჩვენებს, რომ ეკონომიკებს შორის თუ არის დიდი სხვაობა, საზღვრებიც თუ არის გახსნილი,  არის ბუნებრივი ტენდენცია მიგრაციის და ამის მსხვერპლია ჩვენი ქვეყანაც. არის ჯერ კიდევ ეკონომიკებს შორის სხვაობა, საზღვრები გაიხსნა, შესაბამისად, ძალიან ბევრი ჩვენი მოქალაქე გავიდა ქვეყნიდან“, –  განაცხადა პრემიერმა.

ჩვენ ადვილად დასამარცხებლები არ ვართ, – ამის შესახებ არაბთა გაერთიანებული საამიროების პრეზიდენტმა, შეიხ მოჰამედ ბინ ზაიედ ალ ნაჰიანმა აშშ-სა და ისრაელის მიერ ირანში დაწყებული სამხედრო ოპერაციის შემდეგ პირველად გაკეთებულ საჯარო განცხადებაში ისაუბრა.შეიხ მოჰამედ ბინ ზაიედ ალ ნაჰიანმა აღნიშნავს, რომ სურს „არაბთა გაერთიანებული საამიროების მტრისთვის შეტყობინების გაგზავნა“.„არაბთა გაერთიანებული საამიროები მიმზიდველია, არაბთა გაერთიანებული საამიროები ლამაზია, მისაბაძია, მაგრამ ამან შეცდომაში არ შეგიყვანოთ. ჩვენ ადვილად დასამარცხებლები არ ვართ“, – განაცხადა არაბთა გაერთიანებული საამიროების პრეზიდენტმა.შეიხ მოჰამედ ბინ ზაიედ ალ ნაჰიანმა აღნიშნა, რომ ქვეყანაში ყველაფერი კარგადაა, მადლობა გადაუხადა შეიარაღებულ ძალებს „მნიშვნელოვანი როლისა და გამორჩეული სამსახურისთვის, რომელსაც ისინი ომის პირობებში ასრულებენ“.„ჩვენ შევასრულებთ ჩვენს მოვალეობას ჩვენი ქვეყნის, ხალხის და ჩვენი მაცხოვრებლების მიმართ, რომლებიც ასევე ჩვენი ოჯახის წევრები არიან“, – განაცხადა არაბთა გაერთიანებული საამიროების პრეზიდენტმა.როგორც „სიენენი“იტყობინება, არაბთა გაერთიანებული საამიროების პრეზიდენტი შენიღბულად ირანს დაემუქრა და თეირანი „მტრად“ მოიხსენია.

აშშ-ის ეროვნული დაზვერვის საბჭოს ანგარიშის თანახმად, ნაკლებად სავარაუდოა, ირანის რეჟიმის დამხობას ფართომასშტაბიანმა სამხედრო კამპანიამ გამოიწვიოს. ინფორმაციას ამის შესახებ „ვაშინგტონ პოსტი“ ავრცელებს.როგორც გამოცემა ანონიმურ წყაროზე დაყრდნობით იუწყება, ანგარიში აღნიშნულია, რომ ირანის ოპოზიცია, დიდი ალბათობით, ვერ შეძლებს ხელისუფლების ხელში აღებას იმ შემთხვევაშიც კი, თუ ირანის წინააღმდეგ სამხედრო ოპერაცია მოკლევადიანი ან ხანგრძლივი იქნება.მედიის ცნობით, დოკუმენტი მომზადდა დაახლოებით ერთი კვირით ადრე, ვიდრე 28 თებერვალს, აშშ-მა და ისრაელმა ირანის წინააღმდეგ სამხედრო ოპერაცია დაიწყეს.დოკუმენტში განხილულია ორი სცენარი: შეზღუდული სამხედრო ოპერაცია, რომელიც მხოლოდ ირანის ლიდერებს მიზნად ისახავს, და უფრო ფართო შეტევა, რომელიც სახელმწიფო ინსტიტუტებსაც მოიცავს. ორივე შემთხვევაში დაზვერვა მიიჩნევს, რომ ირანის სამხედრო და სასულიერო ელიტა შეეცდება ძალაუფლების შენარჩუნებას.ანგარიშში ნათქვამია, რომ ირანის უზენაესი ლიდერის, აიათოლა ალი ხამენეის ლიკვიდაციის შემთხვევაში რეჟიმი საკუთარი თავის გადასარჩენად პროტოკოლის თანახმად იმოქმედებდა და ნაკლებად სავარაუდო იყო, რომ ოპოზიცია კონტროლს მოიპოვებდა.როგორც „ვაშინგტონ პოსტი“ წერს, ექსპერტების შეფასებით, ირანის ხელისუფლების სტრუქტურები ათწლეულების განმავლობაში ყალიბდებოდა და საკმაოდ მყარია.

საქართველოს 8-10 მარტს ეუთო-ს საპარლამენტო ასამბლეის მაღალი დონის დელეგაცია ეწვევა.ამის შესახებ ინფორმაციას ეუთო-ს საპარლამენტო ასამბლეის პრესსამსახური ავრცელებს.ეუთო-ს საპარლამენტო ასამბლეის ცნობით, დელეგაციას ასამბლეის პრეზიდენტი პერე ჟოან პონს სამპიეტრო უხელმძღვანელებს. დელეგაციის შემადგენლობაში ასევე არიან: ეუთო-ს საპარლამენტო ასამბლეის ვიცე-პრეზიდენტი და სამხრეთ კავკასიაში სპეციალური წარმომადგენელი ლუის გრაჩა (პორტუგალია); პოლიტიკურ საქმეთა და უსაფრთხოების კომიტეტის ვიცე-თავმჯდომარე იევროსიმა პეიოვიჩი (მონტენეგრო); დემოკრატიის, ადამიანის უფლებათა და ჰუმანიტარულ საკითხთა კომიტეტის ვიცე-თავმჯდომარე კრისტინ ბლოუერი (დიდი ბრიტანეთი) და ეუთო-ს საპარლამენტო ასამბლეის გენერალური მდივანი რობერტო მონტელა.როგორც განცხადებაშია აღნიშნული, ვიზიტი ეუთო-ს საპარლამენტო ასამბლეის წევრებს საშუალებას მისცემს, ჩაერთონ და გაცვალონ მოსაზრებები ქართველ თანამოსაუბრეებთან ბოლოდროინდელ პოლიტიკურ მოვლენებსა და დემოკრატიასთან, უსაფრთხოებასა და რეგიონულ სტაბილურობასთან დაკავშირებულ საკითხებზე.„პარლამენტარები შეხვდებიან პოლიტიკური აქტორების ფართო სპექტრს და სამოქალაქო საზოგადოების წარმომადგენლებს, რათა განიხილონ ეუთო-ს საპარლამენტო ასამბლეის მომავალი თანამშრომლობა საქართველოსთან“, – ნათქვამია განცხადებაში.