მელანია ტრამპი საახალწლოდ მორთული თეთრი სახლის ვიდეოს ავრცელებს

დიდი ბრიტანეთის, საფრანგეთისა და გერმანიის ელჩები საგარეო საქმეთა მინისტრის ერთ-ერთ მოადგილესთან შეხვედრას ითხოვენ, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.რუსეთის საგარეო უწყების ხელმძღვანელის თქმით, მისი უწყება მზადაა მათთან შესახვედრად და მოსასმენად, თუმცა განსაკუთრებით ოპტიმისტურად არ არის განწყობილი.„საინტერესოა, როგორ შეძლებენ ეს ადამიანები ისეთი რამის გამოთქმას, რამაც შეიძლება კონსტრუქციული აზრები გამოიწვიოს მას შემდეგ, რაც ლიდერებმა, ამ ელჩების ხელმძღვანელებმა რუსეთზე შეურაცხმყოფელი რამ თქვეს და არაერთხელ პირად თავდასხმებს მიმართეს“, – აღნიშნა ლავროვმა.რუსეთის საგარეო საქმეთა მინისტრის განცხადებით, „ბოლო დროს ევროკავშირი ცდილობს, უკრაინის კონფლიქტის მოგვარებაში ლიდერის როლი შეასრულოს“. ლავროვის თქმით, ევროკავშირს „უკრაინის კრიზისის“ მოგვარებაში დახმარების მრავალი შესაძლებლობა ჰქონდა და ყველა მათგანი ხელიდან გაუშვა.რუსეთის საგარეო უწყების ხელმძღვანელმა ნატო-ზეც ისაუბრა. როგორც ლავროვმა განაცხადა, ალიანსი დაინტერესებულია მთელი ევრაზიული კონტინენტით და აღნიშნა, რომ შეუძლია ევრაზიული უსაფრთხოების უზრუნველყოფა საკუთარი წესებისა და ხელმძღვანელობის შესაბამისად.„როდესაც ყველანი ვსაუბრობთ კონტინენტზე ყველა ქვეყნის გაერთიანების აუცილებლობაზე, რათა განვიხილოთ საიმედო, ორმხრივი, განუყოფელი უსაფრთხოების შექმნის გზები … ნატო არის ორგანიზაცია, რომელიც, ზოგადად, გარკვეულწილად განსხვავებულ რეგიონს მოიცავს, ევროატლანტიკურს და ყოველთვის აცხადებდა, რომ წუხს თავისი წევრების უსაფრთხოებაზე. რამდენიმე წელია, ეს ევრაზიული უსაფრთხოება უზრუნველყოფილია საკუთარი წესების, გაგების შესაბამისად და საკუთარი ხელმძღვანელობით“, – აღნიშნა ლავროვმა.

2024 წლის 28 ნოემბერს ევროპულ ბიუროკრატიას რეალურად გამოვაცალეთ შანტაჟის თითქმის ყველა ბერკეტი. ახლა დარჩათ ერთადერთი – ვიზალიბერალიზაცია და ცდილობენ, დააშანტაჟონ რაღაცნაირად ქართველი ხალხი, – ამის შესახებ პრემიერ-მინისტრმა, ირაკლი კობახიძემ ჟურნალისტებს განუცხადა.მისივე თქმით, ამ განცხადებებს არავითარი ფასი არ აქვს.„რა თქმა უნდა, ამას არავითარი ფასი არ აქვს, მგონი თავადაც აანალიზებენ ამ დონეზე პროცესებს, რომ ამ შანტაჟს ვერავითარი შედეგი ვერ ექნება. აქედან გამომდინარე მგონია, რომ ეს შანტაჟი აბსოლუტურად ფუჭად ჩაივლის, ეს არის განცხადებები, რომლებსაც არავითარი ფასი არ აქვს“, – აღნიშნა პრემიერმა.

შინაგან საქმეთა სამინისტროს მიერ 48 საათის განმავლობაში თბილისსა და რეგიონებში ჩატარებული საპოლიციო ღონისძიებების შედეგად ნარკოდანაშაულის ბრალდებით დაკავებულია 119 პირი, მათ შორის 49 ნარკორეალიზატორია.როგორც შსს-ში გამართულ ბრიფინგზე თბილისის პოლიციის დეპარტამენტის დირექტორმა, ვაჟა სირაძემ განაცხადა, დაკავებულებს შორის არიან როგორც საქართველოს, ასევე უცხო ქვეყნის მოქალაქეები.მისი თქმით, სამართალდამცველებმა ნარკოდანაშაულის ბრალდებით დაკავებული პირების პირადი, ავტომობილებისა და საცხოვრებელი სახლების ჩხრეკისას, ასევე მათ მიერ მითითებული ადგილებიდან ნივთმტკიცებად ამოიღეს განსაკუთრებით დიდი ოდენობით სხვადასხვა სახის ნარკოტიკული საშუალება და ფსიქოტროპული ნივთიერებები, მათ შორის: „ჰეროინი“, „კოკაინი“, „ალფა-პვპ“, „მეთადონი“, „მეფედრონი“, ,,ბუპრენორფინი“ და სხვა.„საპოლიციო-პრევენციული ღონისძიებების ფარგლებში საგამოძიებო მოქმედებების შედეგად ასევე ამოღებულია ნარკოტიკული საშუალების დაფასოებისთვის საჭირო მასალები, სავარაუდოდ, ნარკოტიკული საშუალების რეალიზაციის შედეგად მიღებული თანხა, დიდი რაოდენობით ცეცხლსასროლი იარაღი და საბრძოლო მასალა.სამართალდამცველებმა ნარკოტიკების უკანონო გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელეს ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა. საგამოძიებო მოქმედებების შედეგად მოპოვებული მტკიცებულებებით დგინდება, რომ  დაკავებული ნარკორეალიზატორები ნარკოტიკულ საშუალებებს მოქალაქეებზე სისტემატურად ასაღებდნენ გარკვეული თანხის სანაცვლოდ.გამოძიება სისხლის სამართლის კოდექსის 260-ე, 260-ე ტერცია, 260-ე კვარტა, 265-ე და 236-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.შინაგან საქმეთა სამინისტროს საპოლიციო დანაყოფები მთელი ქვეყნის მასშტაბით უწყვეტ რეჟიმში განაგრძობენ ორგანიზებული დანაშაულის, მათ შორის, ნარკოდანაშაულის წინააღმდეგ უკომპრომისო ბრძოლას. მადლობას ვუხდი შინაგან საქმეთა სამინისტროს თითოეულ თანამშრომელს წარმატებით ჩატარებული საპოლიციო ღონისძიებისათვის“, – განაცხადა ვაჟა სირაძემ.

ჯო უილსონს აკვიატება აქვს და ეს აკვიატება ვინმეს თუ გადაედება, ცუდი იქნება, მისი ერთადერთი მიზანია საინფორმაციო ხმაურის შექმნა, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.მისი თქმით, აშშ-ის პრეზიდენტს ჯო უილსონის მითითება არ სჭირდება კონკრეტულ სახელმწიფოებთან დაკავშირებით მსოფლიოს ნებისმიერ წერტილში სადაზვერვო ინფორმაცია შეაგროვოს.„აშშ ირანის და რუსეთის გავლენებზე ისე დაზვერვას არ აწარმოებს და ინფორმაციებს არ აგროვებს? ჯო უილსონის მოწოდება სჭირდება დონალდ ტრამპს, რომ რუსეთთან და ირანთან დაკავშირებით მსოფლიოს ნებისმიერ წერტილში იმოქმედოს საკუთარი ეროვნული ინტერესებიდან გამომდინარე გავლენების გამოვლენაზე თუ რეაგირებაზე? მართლა საბავშვო ბაღის აღსაზრდელივით იქცევა ზოგიერთი გარე პოლიტიკოსი. ჯო უილსონის მოწოდება სჭირდება აშშ-ის პრეზიდენტს ირანის და რუსეთის გავლენები შეისწავლოს პლანეტის ნებისმიერ წერტილში? ეს არის აბსოლუტური ბუტაფორია ხმაურის შესაქმნელად“, – განაცხადა პაპუაშვილმა.ცნობისთვის, აშშ-ის წარმომადგენელთა პალატამ მიიღო „კავკასიაში ჩინეთის კონტროლის წინააღმდეგ ბრძოლის აქტი“, რომლითაც „საქართველოში რუსულ და ჩინურ სადაზვერვო საქმიანობაზე“ საიდუმლო ანგარიშის მომზადებას ითხოვს.

მკვლელობა მოხდა ზუგდიდის მუნიციპალიტეტის ერთ-ერთ სოფელში. წყაროს მიერ მოწოდებული ექსკლუზიური ინფორმაციით, სავარაუდოდ ცეცხლსასროლი იარაღით მოკლულია 50 წლამდე ასაკის მამაკაცი.სავარაუდო მკვლელი 70 წლის მეზობელია.როგორც „პრაიმტაიმს“ შინაგან საქმეთა სამინისტროს პრესსამსახურში განუცხადეს, ფაქტზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.