მედია: რუსეთში დათვმა მოკლა ცირკის თანამშრომელი, რომელიც პირბადის გამო ვერ იცნო

მიმდინარე წლის 26 აპრილს, მენელსაცხებლე დედათა კვირიაკეს საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი), მღვდელმთავრებთან და სამღვდელოებასთან ერთად ყოვლადწმინდა სამების საპატრიარქო ტაძარში წირვა აღავლინა.მსახურების დასრულების შემდეგ მეუფე შიომ მრევლს ქადაგებით მიმართა.„სახელითა მამისათა და ძისათა და სულისა წმინდისათა.ძვირფასო მამებო, ძმებო და დებო, გილოცავთ მენელსაცხებლე დედების კვირას, მათ ეძღვნებათ ეს დღე, წმინდა ქალებს, რომლებმაც გამოავლინეს ცოცხალი რწმენა ქრისტესადმი, დიდი სიყვარული და მაგალითი გვიჩვენეს ამ სიყვარულის და რწმენის. მათ მიატოვეს თავიანთი ოჯახები, ახლობლები, რომ იესო ქრისტესთან ყოფილიყვნენ, მისთვის ემსახურათ. მაშინაც კი, როდესაც მაცხოვარი ყველამ მიატოვა, ერთმა მოციქულმა უღალატა, მეორემ უარყო, სხვები დაიფანტნენ და გაიქცნენ, როდესაც მაცხოვარს ასამართლებდნენ, როგორც ბოროტმოქმედს და მისი ნაცნობობაც კი ძალიან სახიფათო იყო სიცოცხლისთვის, მაშინაც კი ისინი არ შეშინდნენ და დარჩნენ მაცხოვრის გვერდით.მათთვის უმძიმესი იყო ხილვა მისი ჯვარცმის, მისი სიკვდილის, ტანჯვის, გარდამოხსნის, დაფვლის, მაგრამ ისინი მაინც არ შეშინდნენ. არ შეშინდნენ მაშინაც კი, როდესაც მისი სხეული უკვე საფლავში იყო; მაინც მივიდნენ, რომ ნელსაცხებელი ეცხოთ მისთვის.აი, ამ ფიზიკურად სუსტი, მაგრამ სულიერად ძლიერი ქალების სიმამაცემ, სიყვარულმა, ღვთისგან მიიღო თავისი ჯილდო და საზღაური. როგორც გახსოვთ, პირველად სწორედ მათ ეხარათ ქრისტეს აღდგომის შესახებ, პირველი „გიხაროდენ“ სწორედ მათ გაიგონეს.როგორც გვიამბობს წმინდა სახარება, ისინი ეძიებდნენ ქრისტეს მკვდართა თანა, მაგრამ პოვეს მკვდრეთით აღდგომილი და იმ დღიდან, იმ წუთებიდან მთელი თავიანთი ცხოვრების განმავლობაში ისინი გახდნენ მკვდრეთით აღდგომილი უფლის მქადაგებლები და ამ სიხარულის მახარობლები.ძვირფასო ძმებო და დებო, მენელსაცხებლე დედების სახით დღეს ეკლესია განადიდებს ყველა ქალს, ვინც ქრისტეს მსახურების ღვაწლით პასუხს სცემს ქალის დიდ მოწოდებას და ღირსებას, ადასტურებს ამ ღირსებას.ვინ იყო ამ მოწოდებისა და ღირსების მთავარი იდეალი? – ყოვლადწმინდა ღვთისმშობელი, დედოფალი ჩვენი, მარადის ქალწული მარიამი, რომლის სახით კაცობრიობამ მიაღწია, შეიძლება ასე ითქვას, ისეთ სიწმინდეს და სულიერ სრულყოფილებას, რომელიც ანგელოზებსაც კი აღემატება. ამიტომ იწოდება ის „უპატიოსნესი ქერუბიმთასა და აღმატებით უზესთაესი სერაფიმთასა“. ის გახდა ღვთის დედა და მისი სახით იკურთხება ღვაწლი დედობისა.ეკლესია ყოველთვის პატივს სცემდა, განსაკუთრებით იხსენიებდა იმ ქალთა მრავალრიცხოვან დასებს, რომლებიც განდიდდნენ მოწამეობით, მონაზვნობით, წმინდა ცხოვრებით. ეკლესიის დაარსების დღიდანვე ქალი აქტიურად მონაწილეობს ეკლესიურ ცხოვრებაში, მისთვის ფართოდ არის გახსნილი სამოღვაწეო ასპარეზი, ეს იქნება საგანმანათლებლო, მისიონერული, საქველმოქმედო თუ სხვა სფეროები ჩვენს ეკლესიაში.ამდენად, ეკლესია დიდად აფასებს ქალის როლს როგორც ეკლესიაში, ისე, საერთოდ, საზოგადოებაში, მაგრამ ამავე დროს არ იღებს და ეწინააღმდეგება იმ დამოკიდებულებას, რომელიც აკნინებს ქალის მნიშვნელობას, როგორც დედისა და მეუღლისა. ქალის და მამაკაცის თანასწორუფლებიანობა არ ნიშნავს მათი ბუნებრივი განსხვავებების გაუქმებას და მათი მოწოდებების ერთნაირობას როგორც საზოგადოებაში, ისე ოჯახში. ქალსაც და მამაკაცსაც ღმერთმა ჩაუდო ბუნებაში სხვადასხვა დანიშნულება და ამის წინააღმდეგ წასვლა ნიშნავს ღმერთის წინააღმდეგ წასვლას, ქალის და მამაკაცის შესახებ ღმერთის განგებულების წინააღმდეგ წასვლას.ქალი დაჯილდოებულია ნამდვილი უნივერსალიზმით, იგი ასწრებს ოჯახშიც, ასწრებს სამსახურშიც, ასწრებს ეკლესიაშიც, ასწრებს ხშირად ჩვენზე უფრო მოშურნედ მიცვალებულთა მოხსენიებასაც, ცოცხალთა მოხსენიებასაც.ამდენად, ჩვენს ძვირფას ქალებს აქვთ თავიანთი განსაკუთრებული დღესასწაული. ეს არის დღევანდელი მენელსაცხებლე დედების ხსენება.ჩვენო ძვირფასო ქალებო, ჩვენო დედებო, დებო, შვილებო, გილოცავთ ამ დღესასწაულს. ღმერთმა გაგაძლიეროთ, გაგახაროთ, მოგცეთ წყალობა ღვთისა და ძალა, რომ ყოველთვის მიბაძოთ და მიემსგავსოთ თქვენს დიდ წინამორბედებს – წმინდა მენელსაცხებლე დედებს“, – განაცხადა მეუფე შიომ.მეუფე შიოს თქმით, დღეს ჩვენ აღვნიშნავთ კიდევ ერთ დღესასწაულს – ჯვართაღმართებას.„ეს დღესასწაული დააარსეს მოციქულთასწორმა ნინომ, მეფე მირიანმა, დედოფალმა ნანამ და ეპისკოპოსმა იოანემ, როდესაც მათ ააშენეს სვეტიცხოვლის ტაძარი, განიზრახეს სამი ჯვრის აღმართვა. თქვენ იცით ეს ისტორია, როგორ სასწაულებრივად გამოჩნდა სამი ჯვრის ადგილი მცხეთაში, თხოთის მთასა და უჯარმაში. როდესაც ეს ჯვრები აღიმართა, როგორც გვაუწყებს მატიანე, ქართლში არსებული კერპები დაიმსხვრა და მაშინ წმინდა ნინომ თქვა: „ეს ჯვრები იქნება მფარველად ყოველთა ქრისტიანეთა“. ვმადლობთ უფალს, რომ ჩვენმა ეკლესიამ შემოინახა ამ სამიდან ორი ჯვარი. ერთი იმყოფება მცხეთაში, სვეტიცხოველში, ხოლო მეორე, თხოთის ჯვარი, ჩვენ წინაშე არის აღმართული და გვაქვს საშუალება, რომ დღეს მას მივემთხვიოთ.კიდევ ერთხელ გილოცავთ დღევანდელ დღესასწაულს. უფალმა ინებოს, რომ ამ ჯვრების ძალით და მადლით თანამედროვე კერპებიც დაიმსხვრეს საქართველოში და ჩვენი ხალხი კიდევ უფრო, მეტად და მეტად შეუდგეს ჭეშმარიტ სარწმუნოებას.ღმერთმა დაგლოცოთ და გაგაძლიეროთ; ჯვრის ძალამ და მადლმა დაგლოცოთ ყოველი თქვენგანი, დალოცოს, გაამთლიანოს, გააძლიეროს სრულიად საქართველო. ამინ“, – განაცხადა მეუფე შიომ.მეუფე შიოს განმარტებით, დღეს კევლიშვილების გვარს დალოცავენ.„ღმერთმა გამრავლოთ, გაგახაროთ, აგაღორძინოთ და გაგაძლიეროთ“, – აღნიშნა მეუფე შიომ.

მსოფლიოში ყველაზე საშინელი ბირთვული კატასტროფის მე-40 წლისთავზე რომის პაპმა, ლეო XIV-მ მძლავრი ტექნოლოგიებისგან მომდინარე რისკების შესახებ ისაუბრა. რომის პაპმა განაცხადა, რომ ჩერნობილის ავარიამ კვალი დატოვა კაცობრიობის კოლექტიურ სინდისზე. დასავლური მედიის შეფასებით, არსებობს შეშფოთება, რომ რუსეთის ოთხწლიანმა ომმა, შესაძლოა, ტრაგედიის გამეორება გამოიწვიოს. „დღეს ჩერნობილის ტრაგიკული ავარიის მეორმოცე წლისთავია, რომელმაც კვალი დატოვა კაცობრიობის სინდისზე. ეს კვლავ გაფრთხილებად რჩება სულ უფრო მძლავრი ტექნოლოგიების გამოყენების თანმდევი რისკების შესახებ. ღვთის წყალობას ვანდობთ მსხვერპლებს და მათ, ვინც ჯერ კიდევ იტანჯება მისი შედეგებით. იმედი მაქვს, რომ გადაწყვეტილების მიღების ყველა დონეზე ყოველთვის გაიმარჯვებს გამჭრიახობა და პასუხისმგებლობა, რათა ატომური ენერგიის ნებისმიერი გამოყენება სიცოცხლისა და მშვიდობის სამსახურში იყოს“, – აღნიშნა რომის პაპმა.

აშშ-ის პრეზიდენტმა, დონალდ ტრამპმა მომხდარი სროლის შემდეგ სოციალურ ქსელში დაკავებულის სურათი გამოაქვეყნა და აღნიშნა, რომ საიდუმლო სამსახურმა და სამართალდამცავმა ორგანოებმა სწრაფი რეაგირება მოახდინეს.„საიდუმლო სამსახურმა და სამართალდამცავმა ორგანოებმა შესანიშნავად იმუშავეს. მათ სწრაფად და მამაცურად იმოქმედეს. მსროლელი დააკავეს და მე ვურჩიე, რომ „შოუ გაგრძელდეს“, თუმცა მთლიანად სამართალდამცავი ორგანოების მეთვალყურეობის ქვეშ. ისინი გადაწყვეტილებას მალე მიიღებენ. ამ გადაწყვეტილების მიუხედავად, საღამო დაგეგმილისგან განსხვავებული იქნება და ჩვენ, უბრალოდ, ცხადია, ამის გაკეთება ისევ მოგვიწევს“, – დაწერა დონალდ ტრამპმა სოციალურ ქსელში.როგორც მოგვიანებით დონალდ ტრამპმა განაცხადა, ყოველწლიური ღონისძიების 30 დღით გადადებას ვარაუდობს, თუმცა, მედიის ინფორმაციით, იმ ფაქტმა, რომ შეიარაღებულმა პირმა საბანკეტო დარბაზში შეჭრა შეძლო, გააჩინა კითხვები იმ ღონისძიების უსაფრთხოებასთან დაკავშირებით, რომელსაც ყოველწლიურად მთავრობის მაღალი თანამდებობის პირები ესწრებიან.აშშ-ში, თეთრი სახლის კორესპონდენტების ასოციაციის მიღებაზე, რომელსაც დონალდ ტრამპი ესწრებოდა, სროლა იყო. 

თეთრი სახლის კორესპონდენტების ასოციაციის მიღებაზე, რომელიც ვაშინგტონში, სასტუმრო „ჰილტონში“ იმართებოდა და რომელსაც აშშ-ის პრეზიდენტი დონალდ ტრამპი და პირველი ლედი მელანია ტრამპი ესწრებოდნენ, სროლა იყო.ამის შესახებ ინფორმაციას „როიტერი“ ავრცელებს.მედიის ინფორმაციით, ღონისძიებას ასევე ესწრებოდნენ აშშ-ის ვიცე-პრეზიდენტი და თავდაცვის მდივანი.სროლის შემდეგ აშშ-ის კაბინეტის წევრების ევაკუაცია განხორციელდა. თავდასხმის შედეგად არავინ დაშავებულა, დაკავებულია თავად თავდამსხმელი.

აშშ-ის პრეზიდენტი დონალდ ტრამპი აცხადებს, რომ ირანმა ახალი შეთავაზებები წარადგინა მას შემდეგ, რაც მან პაკისტანში დელეგაციის ვიზიტი გააუქმა.„მათ მოგვაწოდეს დოკუმენტი, რომელიც შეიძლებოდა, უკეთესი ყოფილიყო. საინტერესოა, როგორც კი ვიზიტი გავაუქმე, 10 წუთში მივიღეთ ახალი დოკუმენტი, რომელიც გაცილებით უკეთესია“, – განაცხადა აშშ-ის პრეზიდენტმა.დონალდ ტრამპს არ დაუკონკრეტებია, რა წერია დოკუმენტში და აღნიშნა მხოლოდ ის, რომ ირანს ბირთვული იარაღის ფლობის უფლება არ აქვს.„ჩვენ ვისაუბრეთ იმაზე, რომ მათ არ ექნებათ ბირთვული იარაღი. ეს ძალიან მარტივია. მისმინეთ, შეთანხმება რთული მისაღწევი არ არის. ირანს არ შეუძლია, ჰქონდეს ახალი ბირთვული იარაღი. ეს ძალიან მარტივია. ბევრი რამ შემოგვთავაზეს, ბევრი რამ, მაგრამ არასაკმარისი“, – აღნიშნა ტრამპმა.მისივე თქმით, სპეციალური წარმომადგენლების, ჯარედ კუშნერისა და სტივ უიტკოფის ისლამაბადში ვიზიტი გააუქმა, რადგან ისინი არა ქვეყნის ლიდერს, არამედ ისეთ ადამიანებს უნდა შეხვედროდნენ, რომელთა შესახებაც, მისივე თქმით, არავის სმენია.„მოგზაურობა გავაუქმეთ. არ ვაპირებთ 15 საათის განმავლობაში თვითმფრინავებში ყოფნას, წინ და უკან სიარულს, რათა არასაკმარისი დოკუმენტი მოგვცენ. ამიტომ, ტელეფონით ვიმუშავებთ და მათ შეუძლიათ, დაგვიკავშირდნენ ნებისმიერ დროს. მათ სამხედროები პრაქტიკულად აღარ დარჩათ, ლიდერებიც აღარ ჰყავთ. არავინ იცის, ვინ არის ლიდერი – არ მგონია, მათაც იცოდნენ, ვინ არიან ლიდერები. ფელდმარშალი შესანიშნავია, პაკისტანის პრემიერ-მინისტრიც შესანიშნავია. იცით, მათ სურთ, რაღაც მოხდეს,  მაგრამ ჩვენ არ ვაპირებთ 15-16 საათის განმავლობაში მოგზაურობას იმ ადამიანებთან შესახვედრად, რომელთა შესახებაც არავის სმენია. ისინი ძალიან კომპეტენტურები არიან, მაგრამ ქვეყნის ლიდერს არ ხვდებოდნენ. ისინი სხვა ადამიანებს ხვდებოდნენ. მე ვთქვი, ჩვენ უბრალოდ არ ვაპირებთ ამის გაკეთებას. ძალიან ბევრი მოგზაურობა ძალიან დიდ დროს მოითხოვს და ძალიან ძვირია. მე ხარჯების მიმართ ძალიან ფრთხილი ადამიანი ვარ“, – აღნიშნა ტრამპმა.