მედია: რუსეთში დათვმა მოკლა ცირკის თანამშრომელი, რომელიც პირბადის გამო ვერ იცნო

ირანი არ არის მზად აშშ-თან პირისპირ მოლაპარაკების ახალი რაუნდისთვის, – ამის შესახებ ირანის საგარეო საქმეთა მინისტრის პირველმა მოადგილემ, საედ ხათიბზადემ განაცხადა.ირანის საგარეო საქმეთა მინისტრის მოადგილე აცხადებს, რომ ქვეყანა მზად არ არის აშშ-თან პირისპირ მოლაპარაკებების ახალი რაუნდისთვის, რადგან ვაშინგტონი არ აპირებს უარი თქვას ძირითად საკითხებში „მაქსიმალისტურ“ მოთხოვნებზე. საედ ხათიბზადეს განცხადებით, თეირანი ვაშინგტონს გამდიდრებულ ურანს არ გადასცემს.მისი თქმით, ორ მხარეს შორის კონტაქტი იყო, მაგრამ ირანს სურს ჩარჩო შეთანხმების საბოლოო შეთანხმება, ვიდრე პირისპირ მოლაპარაკებები შედგება.მისი თქმით, „აშშ-მა უნდა გაიგოს და გაითვალისწინოს ჩვენი შეშფოთებები“, მათ შორის ირანზე დაწესებულ სანქციებთან დაკავშირებით.

ულტრამემარჯვენეები ცდილობდნენ ჩვენი იდეებისა და წარსულის შერცხვენას, მაგრამ ეს დასრულდა. მათ უნდა რცხვენოდეთ, ჩვენ კი ამაყები ვიყოთ. საამაყოა ისტორიის სწორ მხარეს ყოფნა. ასევე საამაყოა, რომ ერთხელ და ათასჯერ ვიყვირეთ: დიახ მშვიდობას – არა ომს, – ამის შესახებ ესპანეთის პრემიერ-მინისტრმა, პედრო სანჩესმა განაცხადა.ამასთან, სანჩესის თქმით, მსოფლიოში ულტრამემარჯვენეების ეპოქა დასრულდა. მისივე თქმით, თანამოაზრეებთან ერთად უკეთეს მომავალს შექმნის.„არ აქვს მნიშვნელობა, რამდენადაც არ უნდა იყვირონ ან რამდენი ტყუილიც არ უნდა მოიგონონ. საერთაშორისო ულტრამემარჯვენეების დრო დასრულდა და ჩვენ პროგრესის ახალ ერას დავამკვიდრებთ. ჩვენ აღვადგენთ იმას, რისი განადგურებაც სცადეს. მსოფლიოს ვაჩვენებთ, რომ მომავალი შეიძლება, უკეთესი იყოს. მათ სურთ, შეშინებული და დათრგუნული ვიყოთ. სურთ, ყურადღება რეალობის დაცვაზე გავამახვილოთ და არა მის გარდაქმნაზე, მაგრამ ჩვენ ამას არ ვაპირებთ, რადგან უკეთესი მომავალი შესაძლებელია“, – განაცხადა პედრო სანჩესმა.

,,ტვინის კარტოგრაფიის ეროვნული ლაბორატორია ვალშია მოწამეობრივად დაღუპული გმირის წინაშეერთ-ერთი მოწამეობრივად დაღუპული, რომელიც ქვეყანაში კოგნიტური მეცნიერებებისა და ტექნოლოგიების ფუძემდებელი იყო, დიდი შრომა გასწია ტვინის კარტოგრაფიული ლაბორატორიის დაარსების საქმეში. მეცნიერებისა და პროგრესის ჯგუფის ინფორმაციით, ტვინის კარტოგრაფიის ლაბორატორია უახლესი აპარატურითაა აღჭურვილი. ამერიკულ-სიონისტური თავდასხმისას მოწამეობრივად დაღუპული ქამალ ხარაზი ამ ლაბოროტარიის ერთ-ერთი მნიშვნელოვანი ფუძემდებელი იყო. როგორც აღნიშნული ლაბორატორიის მოადგილემ კვლევის მიმართულებით რეზა ხოსროაბადიმ, ქვეყნის ტვინის ეროვნული ლაბორატორიის დაარსების საქმეში ქამალ ხარაზის მნიშვნელოვანი წვლილის შესახებ სააგენტო „ფარსთან“ ინტერვიუში ისაუბრა, აღნიშნული პროექტი სწორედ დოქტორ ხარაზის ძალისხმევით განხორციელდა. მან აღნიშნა, რომ ხარაზი იცნობდა წამყვან ლაბორატორიებს მთელი ქვეყნის მასშტაბით. სწორედ ამიტომ, ის აუცილებლად მიიჩნევდა ისეთი ცენტრის არსებობას, რომელიც სათანადოდ იქნებოდა აღჭურვილი და მთელი ქვეყნის მოსახლეობას მომსახურებოდა. მსგავსი ცენტრის დაარსება ჯერ კიდევ 2012 წელს იგეგმებოდა, თუმცა აპარატურის შესყიდვისა და დაფინანსების მოძიების შემდეგ, საბოლოოდ 2016 წლის ზაფხულში გახდა მისი გახსნა შესაძლებელი. რეზა ხოსროაბადიმ ასევე დასძინა, რომ გასულ წელს ლაბორატორიაში კვლევითი პროექტი განახორციელა დაახლოებით 690-მა მაგისტრანტმა და დოქტორანტმა, რომელთა 64% მეცნიერების სამინისტროსთან დაკავშირებული პირები იყვნენ, ხოლო 36%-ჯანდაცვის სამინისტროს წარმოადგენდა. რეზა ხოსროაბადიმ ასევე ხაზი გაუსვა, რომ ქამალ ხარაზი ლაბორატორიის სამეურვეო საბჭოს წევრი იყო და მან ამ საბჭოს ბოლო სხდომაშიც მიიღო მონაწილეობა. გარდა ამისა, მის ოფისში იმართებოდა ყოველკვირეული კონსულტაციები, და ასევე, საერთო პოლიტიკის საკითხებში მუდმივ მხარდაჭერას გამოხატავდა''-წერს ირანის ელჩი ალი მოჯანი.

ირანის საზღვაო ფლოტი მზადაა, მტრებს ახალი მწარე მარცხი აგემოს, – ირანის სახელმწიფო ტელევიზიის ცნობით, ამის შესახებ ირანის სულიერმა ლიდერმა, მოჯტაბა ხამენეიმ განაცხადა.ხამენეიმს განცხადებით, ირანის არმია წინ აღუდგა შეერთებული შტატების, ფეჰლავის რეჟიმის ნარჩენებისა და სეპარატისტების ბოროტ გეგმებს, რომლებსაც ირანის დაშლა სურდათ.„ისლამის არმია ახლა, როგორც წინა ორ თავს მოხვეულ ომში, მამაცურად იცავს წყლებს, მიწას და დროშას, რომელიც მას ეკუთვნის. ძლიერ ღვთაებრივ და სახალხო მხარდაჭერაზე დაყრდნობით, შეიარაღებული ძალების სხვა მებრძოლებთან ერთად, კომპაქტურ და მყარ რიგებში დგას, ებრძვის ურწმუნოებისა და ამპარტავნების ფრონტს და მსოფლიოს თვალწინ აშიშვლებს მათ სისუსტესა და დამცირებას. ისევე, როგორც მისი დრონები ელვასავით ესხმიან თავს ამერიკელ და სიონისტ დამნაშავეებს. ირანის მამაცი ფლოტი მზადაა, მტრებს ახალი დამარცხებების სიმწარე აგემოს“, – ნათქვამია განცხადებაში.

მინდა, გამოვეხმაურო დიუშენის სინდრომის საკითხს, რომელიც ბოლო დღეებში ვნებათაღელვის საგანი გახდა. ძალიან რთულ საკითხზე მიწევს საუბარი, როდესაც დიუშენის სინდრომზე ვსაუბრობთ. ეს მართლაც მძიმე დიაგნოზია და არ მინდა, რომ არასწორი შთაბეჭდილებები შეიქმნას დამოკიდებულებებსა და პოზიციებთან დაკავშირებით, – ამის შესახებ ჯანდაცვის მინისტრმა, მიხეილ სარჯველაძემ განაცხადა.როგორც მინისტრმა აღნიშნა, კარგად ესმის იმ ემოციებისა, რომლებიც აქვთ პაციენტებს, მათ მშობლებს, ოჯახის წევრებსა და გულშემატკივრებს.„აბსოლუტურად კარგად მესმის იმ ემოციებისა, რომლებიც აქვთ პაციენტებს, მათ მშობლებს, ოჯახის წევრებსა და გულშემატკივრებს. თავს ვალდებულად ვთვლი, რომ რამდენიმე დეტალი დავაზუსტოთ და საზოგადოებას მივაწოდოთ ინფორმაცია ამ საკითხის ირგვლივ – ყოველი ფაქტის, კლინიკური დასკვნისა და გარემოების გაშუქებით. ამავდროულად, ეს აუცილებელია იმისთვისაც, რომ იმ ადამიანების სიყალბეს ავხადოთ ფარდა, რომლებიც ცდილობენ პაციენტებისა და მათი ოჯახის წევრების ემოციებით პოლიტიკური დივიდენდების მოპოვებას“, – განაცხადა სარჯველაძემ.მიხეილ სარჯველაძემ აღნიშნა, რომ ამ საკითხზე სამინისტროს ექნება დამატებითი კომუნიკაცია.„ეს არ არის მარტივი საკითხი, რომელზეც იოლად შეიძლება საუბარი, მათ შორის, ეთერის მეშვეობითაც. ეს მეტად რთული და სენსიტიური თემაა. თუმცა, მერწმუნეთ, რომ ამ დღეებში დუმილი არ ნიშნავს ნაკლებ ემპათიას. პირიქით, ძალიან გვტკივა გული ამ ბავშვებისთვის. რა თქმა უნდა, მაქსიმალურად ყველაფერს გავაკეთებთ და იმასაც განვმარტავთ, რას ვგეგმავთ და რა გაკეთებულა აქამდე ამ საკითხთან დაკავშირებით“, – განაცხადა ჯანდაცვის მინისტრმა.ინფორმაციას განათლების სამინისტროს პრესსამსახური ავრცელებს.