მასწავლებლები და მოსწავლეები შეღავათიანი ინტერნეტპაკეტებით წელსაც ისარგებლებენ

პარტიის „გახარია საქართველოსთვის“ წევრის გიგა ფარულავას შეფასებით, ხელისუფლებას არ შესწევს უნარი, აშშ-თან ურთიერთობები გადატვირთოს.მისი თქმით, აშშ-ში საქართველოს საპარლამენტო დელეგაციის ვიზიტთან დაკავშირებით დადებითი მოლოდინი არ აქვს.„მასონებთან უკვე დაალაგეს ურთიერთობა? ნაკლებად გვაქვს იმედი, რომ ამ ვიზიტის ფარგლებში ჩვენს სტრატეგიულ პარტნიორთან პოლიტიკის გადატვირთვას შეძლონ. მძიმე ნაბიჯების გადადგმის შემდეგ ხელისუფლებას არ შესწევს უნარი, არსებული პოლიტიკა გამოასწოროს და გადატვირთოს. ჩვენს ქვეყანას წარმატებებს ვუსურვებ, მაგრამ არ გვაქვს დადებითი მოლოდინი, რომ ისინი, განსაკუთრებით ამ შემადგენლობით, ტრამპის ადმინისტრაციასთან სტრატეგიულ პოლიტიკურ მდგომარეობას გადატვირთავენ. მართლა გგონიათ, რომ ამ შეხვედრებით საქართველოსა და აშშ-ს შორის ურთიერთობების გადატვირთვის შესაძლებლობა რომ ყოფილიყო, კობახიძე ამ შემადგენლობას გაუშვებდა და თავად არ წავიდოდა? ჩვენ ქვეყანას გულწრფელად ვუსურვებთ წარმატებას არა მხოლოდ შტატებთან, არამედ სხვა სტრატეგიულ პარტნიორებთან ურთიერთობების გადატვირთვაში, მაგრამ, სამწუხაროდ, ამის მოლოდინი არ გვაქვს. დღეს ამ პოლიტიკურ გუნდს არ შესწევს უნარი, ტრამპის ადმინისტრაციასთან დაზიანებული პოლიტიკური ვითარება გადატვირთოს. ჯერ არც აქვთ კომპეტენცია, შემდეგ ბოლო წლების განმავლობაში სტრატეგიულ პარტნიორებთან რაც იკადრეს, დღეს ნამდვილად არ აქვთ პოლიტიკური შესაძლებლობა და უნარები, ტრამპის ადმინისტრაციასთან პოლიტიკური ურთიერთობა გადატვირთონ. ნამდვილად გვსურს, შტატებსა და ჩვენს ქვეყანას შორის იყოს ნორმალური, ღირსეული ურთიერთობა, რომელიც სულ რაღაც ხუთი წლის წინ გვქონდა, მაგრამ დღეს ამის ნიშანწყალსაც ვერ ვხედავთ. ალბათ, მიხეილ ყაველაშვილი დღემდე ელოდება წერილს ტრამპის ადმინისტრაციისგან. ღიმილის მომგვრელია, შეხვედრებზე ვისაუბროთ – ხან დერეფანში მისდევენ ადმინისტრაციის წარმომადგენლებს ხელის ჩამოსართმევად, ხან წერილს ელოდებიან, ხან ზარს და შედეგი მაინც არაფერია“, – განაცხადა გიგა ფარულავამ.

ეს კონფლიქტი როდესაც დამთავრდება, და ეს კონფლიქტი მალე დამთავრდება, ამერიკელები აუცილებლად მოიკითხავენ, ვინ რომელ მხარეს იყო და როგორ იქცეოდა ამ პროცესში, – ამის შესახებ საქართველოს თავდაცვის ყოფილმა მინისტრმა, თინა ხიდაშელმა განაცხადა.ჟურნალისტმა ხიდაშელს ჰკითხა „ტვ პირველის“ ეთერში მისავე განცხადებაზე, რომლის მიხედვითაც, თინა ხიდაშელმა განაცხადა: „საქართველოში ფუნქციონირებს ე.წ. უნივერსიტეტი, ტერორისტების სკოლა, რომლის რექტორიც იყო ალი ხამეინის მემკვიდრედ გამოცხადებული ადამიანი“. კითხვაზე, შეიძლება თუ არა, ამ განცხადებას „ქართული ოცნების“ მხრიდან მოჰყვეს სამართლებრივი რეაგირება, ხიდაშელმა აღნიშნა, რომ „არაფერია გამორიცხული“.„რა თქმა უნდა, ვფიქრობ, რომ თუ გადაწყვეტენ, ამას, შეიძლება, მოჰყვეს სამართლებრივი რეაგირება, ნამდვილად ვფიქრობ ასე. ტროტუარზე მდგომებს ასამართლებენ ჩემს ქვეყანაში 2026 წელს, ამიტომ არაფერია გამორიცხული და წარმოუდგენელი მათი მხრიდან. მთავარი და მნიშვნელოვანი ის არის, რომ, საბედნიეროდ, როგორც ჩანს, ჩემმა განცხადებამ ბევრის ნერვულ სისტემას დააბიჯა და იქნებ დაინტერესდნენ, სინამდვილეში რა ხდება. პრობლემა გვაქვს იმ წარმონაქმნთან, რომელიც, ფაქტობრივად, ტერორისტულ ორგანიზაციად არის გამოცხადებული და რომელიც ამზადებდა მთელი ამ წლების განმავლობაში „ირანის გუშაგთა კორპუსის“ ერთგულ კადრებს. დაკავებული იყო რეკრუტირებით, როგორც ეს წერია აშშ-ის მიერ გამოცემული სანქციების დოკუმენტში. მე ვეყრდნობი ამ დოკუმენტს, ვციტირებ ამ დოკუმენტს. იმის გამო, რომ ძალიან კარგად ვადევნებ თვალს და ყურადღებით ვაკვირდები ტრამპის ადმინისტრაციის მოქმედებებს, მაქვს შიში, რომ შესაძლოა, ჩემს ქვეყანას დაემუქროს ამის გამო საფრთხე და პრობლემის წინაშე აღმოჩნდეს, რადგან ეს კონფლიქტი როდესაც დამთავრდება, და ეს კონფლიქტი მალე დამთავრდება, ამერიკელები აუცილებლად მოიკითხავენ, ვინ რომელ მხარეს იყო და როგორ იქცეოდა ამ პროცესში“, – განაცხადა თინა ხიდაშელმა.

საბახტარაშვილის რეპროდუქციული კლინიკა სასიხარულო ინფორმაციას აქვეყნებს.„14 წლიანი უნაყოფობის შემდეგ, წყვილის წარმოუდგენელი ბედნიერება -„სამი ტყუპი გოგო”. 34 კვირაზე ჯანმრთელი 3 ახალშობილი 1. 2200 გრ. 2. 2250 გრ 3. 2000 გრ. ჩვენ ერთად ეს შევძელით ! დიახ, შეუძლებელი არაფერია !!!“-წერია კლინიკის ფეისბუქგვერდზე 

უმძიმესი განცხადებაა თავისი შინაარსით. ეს არის პროვოკაციული განცხადება და მისი მიზანია დაზიანდეს ქვეყნის იმიჯი, - განაცხადა საქართველოს პარლამენტის თავმჯდომარის მოადგილე გიორგი კახიანმა გადაცემაში „დღის ქრონიკა".დეპუტატი თინა ხიდაშელის განცხადებას გამოეხმაურა, რომელმაც თქვა, რომ საქართველოში არსებობს ინსტიტუტი, ე.წ. უნივერსიტეტი, რომელიც ტერორისტებს ამზადებს.კახიანის თქმით, დიდი ალბათობაა, რომ ხიდაშელის განცხადების უკან გარკვეული ძალა დგას.„ახლა, როდესაც ვითარება იძაბება, კეთდება ასეთი განცხადებები, როგორიც თინა ხიდაშელმა გააკეთა. აქამდე მსგავსი განცხადება მოგისმენიათ მისგან, რომ თურმე საქართველოში ტერორისტებს ამზადებენ?! უმძიმესი განცხადებაა თავისი შინაარსით. ძალიან დიდია იმის ალბათობა, რომ ამ განცხადების უკან გარკვეული ძალა დგას. ასევე, რთულად მისახვედრი არ არის, რომ დიდი ალბათობაა, ამ განცხადებას გარკვეული ძალები, რომლებიც ჩვენი ქვეყნის მიმართ არ არიან დადებითად განწყობილები, სათავისოდ აიტაცებენ. ბევრი რომ არ ვილაპარაკოთ, სულ ცოტა ხნის წინ, პირველი მსოფლიო ომის დროს გამოყენებული ქიმიური იარაღის გამოყენება დაგვაბრალეს საქართველოში. ხვდებით, რაოდენ დიდი შეიძლება იყოს ჩვენს ქვეყანასთან მიმართებით აბსურდული დეზინფორმაციების გავრცელება. როდესაც ამ ფონზე კიდევ ყველაფერ ამას ემატება, რომ ამ განცხადებას აკეთებ, ბუნებრივია, რომ ეს არის პროვოკაციული და მისი მიზანია დაზიანდეს ქვეყნის იმიჯი“, - აღნიშნა კახიანმა.მისივე თქმით, თინა ხიდაშელს გათავისებული ექნება, რომ მის განცხადებას ქვეყნის არაკეთილმოსურნეები სათავისოდ გამოიყენებენ და ემსახურება იმას, რომ დააზიანოს ქვეყნის იმიჯი. აქედან გამომდინარე, კახიანის თქმით, შესაბამისი სამსახურები სავარაუდოდ ამ ბრალდებებით დაინტერესდებიან.

ირანულმა რაკეტამ ბაჰრეინის ნავთობის გადამამუშავებელ ქარხანას დაარტყა.„სიენენის“ ცნობით, ამის შესახებ ინფორმაციას ბაჰრეინის მთავრობა ავრცელებს.„ირანის სარაკეტო დარტყმის შემდეგ BAPCO Energies-ის ნავთობგადამამუშავებელი ქარხნის ერთ-ერთ ობიექტში ხანძარი გაჩნდა. ხანძარი სრულად ლოკალიზებულია, დაშავებულები არ არიან და ნავთობის გადამამუშავებელი ქარხნის მუშაობა გრძელდება. ამჟამად ზარალის შეფასება მიმდინარეობს“,- ნათქვამია ბაჰრეინის მთავრობის განცხადებაში.