მარკ იგანი საქართველოს რაგბის ნაკრების „რვა ერში“ თამაშზე: ესაა უდიდესი მიღწევა

ტრაგიკომიკურად გამოიყურება ყველა ის განცხადება და ქმედება, რასაც ჩვენი რადიკალები ახორციელებენ, დაწყებული მათი ვითომ ე.წ გაერთიანებით, დამთავრებული საქართველოს ხელისუფლებისთვის იარლიყების მიკერების მცდელობით, - განაცხადა გადაცემაში „იმედი Live” გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ.მისივე თქმით, ქართული ოპოზიციის პოლიტიკა თავად ოპოზიციას უთხრის ძირს.„არანაირი მნიშვნელობა არ აქვს რას აკეთებენ რადიკალები. არანაირი მნიშვნელობა არ აქვს არა მხოლოდ „ქართული ოცნებისთვის“, არამედ საქართველოს მოსახლეობისთვის. ეს არის განვლილი დღე, განვლილი პოლიტიკური გზა, რაც საქართველოს მოსახლეობამ ნათლად დაინახა და დაინახა მსოფლიომაც, რომ ვერავინ საქართველოს მოსახლეობას გარედან ვერ უკარნახებს და ვერანაირი იძულება ვერ იქნება გამოყენებული იმისთვის, რომ აქ ხელისუფლებაში მოვიდნენ ის მარიონეტები, რომლებიც დღეს, რომ ყოფილიყვნენ ზუსტად ვიცით, რომ საქართველო ჩაბმული იქნებოდა რომელიმე ომში“, - განაცხადა მაია ბითაძემ.

ირანის უსაფრთხოების საბჭოს ხელმძღვანელი ალი ლარიჯანი აშშ-ის პრეზიდენტს, დონალდ ტრამპს აფრთხილებს, რომ სულიერი ლიდერის ლიკვიდაციისთვის დიდ საფასურს გადაიხდის. ამის შესახებ ირანის მაღალჩინოსანი სოციალურ ქსელში წერს.მისი თქმით, დონალდ „ტრამპმა ამერიკელი ხალხი ირანის წინააღმდეგ არასამართლიან ომში ჩაითრია, დაექვემდებარა რა ისრაელის პრემიერ-მინისტრის, ბენიამინ ნეთანიაჰუს სულელურ გამოხტომებს“.„დაე, ის დღეს დაუფიქრდეს: ბოლო დღეების განმავლობაში 500-ზე მეტი ამერიკელი სამხედროს დაცემის შემდეგ სლოგანი „ამერიკა უპირველეს ყოვლისა“ კვლავ ძალაშია თუ ის „ისრაელი უპირველეს ყოვლისად“ იქცა? ისტორია ჯერ არ დასრულებულა და იმამ ხამენეის მოწამეობრივი სიკვდილი მძიმე საფასურად დაგიჯდებათ“, – წერს ლარიჯანი.

ძალიან მნიშვნელოვანი და პოზიტიური მესიჯები მიიღო საქართველოს საპარლამენტო დელეგაციამ ოფიციალურ შეხვედრებზე, რომელიც გაიმართა როგორც სენატში, კონგრესში, ასევე კვლევით და ანალიტიკურ ცენტრებში, – ამის შესახებ ამერიკის შეერთებულ შტატებში ვიზიტის ფარგლებში განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხმა განაცხადა.ლაშხის თქმით, საკმაოდ დატვირთული და შინაარსიანია დელეგაციის შეხვედრების სია, განსაკუთრებით მნიშვნელოვანია ის მესიჯები, რომელსაც საქართველოს საპარლამენტო დელეგაცია იღებს.„ეს, პირველ რიგში, არის მზაობა და მზადყოფნა, რომ სტრატეგიული ურთიერთობები არა მხოლოდ განახლდეს, არამედ სრულიად ახალი ფურცლიდან დაიწყოს, რომელიც იქნება შედეგზე ორიენტირებული და პირდაპირ აისახება ჩვენი ერების კეთილდღეობაზე. ეს თანამშრომლობა გამოიხატება როგორც ეკონომიკური მიმართულებით ურთიერთობის გაღრმავებაში, ასევე ამერიკის შეერთებული შტატების მხრიდან ინვესტიციების განხორციელებაში, ხოლო ყველაზე მნიშვნელოვანია ჩვენი ქვეყნის სუვერენული უფლებების დაცვა და ურთიერთპატივისცემაზე დამყარებული პარტნიორობა. მნიშვნელოვანია, აღინიშნოს, რომ წინა ადმინისტრაციასთან შეხვედრებთან შედარებით, მიმართულებები სრულიად განსხვავებულია. შეცვლილია როგორც განწყობები და დამოკიდებულება, ისე, რაც ყველაზე მნიშვნელოვანია, პატივისცემა და პატივისცემაზე დამყარებული ურთიერთობების განახლება“, – აღნიშნა ლაშხმა.მისივე თქმით, სუვერენული ერების სამიტი, რომელიც დღეს უკვე გაიხსნა, იქნება ერთ-ერთი გარდამტეხი ეტაპი ურთიერთობების გადატვირთვის კუთხით.„მოგეხსენებათ, ანა პაულინა ლუნა, რესპუბლიკელი კონგრესმენი, რომელმაც საქართველოს დელეგაცია მოიწვია არა მხოლოდ დამსწრედ, არამედ ამ კონფერენციის უშუალო მონაწილედ, ეს წარმოადგენს მნიშვნელოვან ნაბიჯს ამერიკის შეერთებული შტატების მხრიდან. საქართველოს ექნება შესაძლებლობა, გააჟღეროს ქართველი ერის ხმა სუვერენული ერების სამიტზე, დაიცვას ეროვნული ინტერესები და დამსწრე საზოგადოებას გაუზიაროს გამოცდილება, როგორი გეოპოლიტიკური წნეხის პირობებში მოუწია ქვეყანას როგორც სუვერენიტეტის, ისე მშვიდობის დაცვა. პანელები მოიცავს სიტყვის თავისუფლებისა და ენერგეტიკის მიმართულებებს. მნიშვნელობა ექნება საქართველოს შუა დერეფნის როლის ხაზგასმას. საქართველო კიდევ ერთხელ დააფიქსირებს საკუთარ ინტერესს, რომელიც ეფუძნება როგორც სოციო-ეკონომიკურ კეთილდღეობას, ასევე, რაც ყველაზე მნიშვნელოვანია ჩვენი ქვეყნის სუვერენიტეტს“, – განაცხადა მარიამ ლაშხმა.ცნობისთვის, საპარლამენტო დელეგაციას საგარეო ურთიერთობათა კომიტეტის თავმჯდომარე ნიკოლოზ სამხარაძე ხელმძღვანელობს.დელეგაციის შემადგენლობაში არიან: განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი, ევროპასთან ინტეგრაციის კომიტეტის წევრი ლიკა შარტავა და „ხალხის ძალიდან“ საპარლამენტო ოპოზიციის წარმომადგენელი ეკა სეფაშვილი.

თეთრი სახლის პრესმდივანმა, კეროლაინ ლევიტმა ჯო ბაიდენის ადმინისტრაციის საგარეო პოლიტიკა და სამხედრო გადაწყვეტილებები მკაცრად გააკრიტიკა.ლევიტის თქმით, ოთხი წლის განმავლობაში აშშ-ს სათავეში „სულელი და არაკომპეტენტური“ ლიდერი ედგა.„სამწუხაროდ, ოთხი წლის განმავლობაში თეთრ სახლში გვყავდა ძალიან სულელი და არაკომპეტენტური ლიდერი, რომელმაც ჩვენი საუკეთესო იარაღის დიდი ნაწილი უფასოდ გადასცა შორს მდებარე სხვა ქვეყანას, სახელად უკრაინა. ტრამპი მიუთითებდა, რომ ეს იყო არაგონივრული გადაწყვეტილება“, - აღნიშნა ლევიტმა.

საქართველოს პარლამენტის თავმჯდომარე, შალვა პაპუაშვილი გადაცემა "ღამის კურიერის" ეთერში ვაშინგტონში საქართველოს საპარლამენტო დელეგაციის ვიზიტზე საუბრობს. შალვა პაპუაშვილის თქმით, რასაც საქართველო ამერიკის შეერთებული შტატების ახალ ადმინისტრაციას სთავაზობს, ეს არის რეალური სტრატეგიული პარტნიორობა.პარლამენტის თავმჯდომარის განცხადებით, ქართული მხარე ამერიკულ მხარეს პარტნიორობას სთავაზობს იმ მხრივ, რომ პარტნიორობა ცხადად ორიენტირებული უნდა იყოს ორივე ერის ინტერესებზე."ჩვენ ვსაუბრობთ ახალ სტრატეგიულ პარტნიორობაზე, რომელიც განსხვავებით წინა შემთხვევისგან, რომელიც ერთის მხრივ, ყველამ უნდა ვაღიაროთ, რომ ის სტრატეგიული პარტნიორობა, თუ გავიხსენებთ კონტექსტს როგორც ეს ჩამოყალიბდა, იყო 2008 წლის ომის შემდეგ, 2009 წელს, გარკვეული კომპენსაცია ომით დაზარალებული ქვეყნისთვის, რომ სტრატეგიული პარტნიორობის შეთანხმებას მოეწერა ხელი, რომელიც სინამდვილეში პრაქტიკაში არ რეალიზდა არანაირად და ეს იყო ფურცელზე ჩაწერილი სტრატეგიული პარტნიორობის დეკლარაცია, რომელიც ვნახეთ, რომ ბაიდენის ადმინისტრაციამ შეეცადა კიდეც, რომ ქართველი ხალხის წინააღმდეგაც გამოეყენებინა იმ მხრივ, რომ ამის გაუქმება გარკვეულწილად, საქართველოში დესტაბილიზაციის წამქეზებელი ყოფილიყო.რასაც ჩვენ ვთავაზობთ ამერიკის შეერთებული შტატების ახალ ადმინისტრაციას, ეს არის რეალური სტრატეგიული პარტნიორობა, ისეთი, როგორიც ქართველებმა ვიცით და ეს არაერთხელ ვაჩვენებთ ამერიკელებს, რომ ჩვენთვის მნიშვნელოვანი ის კი არ არის, ფურცელზე რა იყო, ჩვენ საქმით ვაჩვენეთ ეს. ეს შეგვიძლია ჩვენ, როგორც მცირე ქვეყანას ზომით თუ ეკონომიკით, ჩვენი საქმით ვაჩვენოთ. ეს ვაჩვენეთ ყველგან, სადაც კი შეგვეძლო. ჩვენ ამერიკელების გვერდში ვიდექით იქ, სადაც მათი ერთგული პარტნიორები- მაგალითად ნატოდან, გაეცალნენ. ვგულისხმობ როგორც სამშვიდობო მისიებს, ისე ვგულისხმობ მაგალითად, ავღანეთიდან როდესაც ჯარების გამოყვანა იყო, საქართველომ შესთავაზა ყველაზე მოკლე და უსაფრთხო მარშრუტი იმისთვის, რომ ჯარები გამოეყვანათ საქართველოს ტერიტორიის გავლით.ჩვენ ყველანაირად გვერდში ვუდგავართ, ვაჩვენებდით ყოველთვის, თუ რას ნიშნავს სტრატეგიული პარტნიორობა ქართულად. ასე, რომ ჩვენ ამ ქართულ პარტნიორობას კიდევ ერთხელ ვთავაზობთ იმ მხრივ, რომ იყოს პარტნიორობა, რომელიც არის ცხადად ორიენტირებული ორივე ერის ინტერესებზე, და ეს არის რაც ჩვენ გვაძლევს იმედს იმ პოლიტიკაში, რაც აქვს ტრამპის ადმინისტრაციას, მათ შორის, მარკო რუბიოს განცხადება, რომ ისინი აღიარებენ სხვა ერების ინტერესებს და ისინი სხვა ერების ინტერესების აღიარებით ამყარებენ მათთან კავშირს, იმისთვის, რომ ნახონ იქ სადაც არის საერთო წერტილები, იქ ჰქონდეთ პარტნიორობა, იქ სადაც არის შეუთანხმებლობა, დიპლომატიური გზით მოხდეს გადაწყვეტა ამ საკითხების", - აცხადებს შალვა პაპუაშვილი.