მარინა ენდელაძე – კორონავირუსით ინფიცირებული 70-ზე მეტი პაციენტის მდგომარეობა კრიტიკულია

მიხეილ მესხის სახელობის სტადიონის საპრესკონფერენციო დარბაზში საქართველოს ნაკრების მთავარმა მწვრთნელმა, ვილი სანიოლმა პრესკონფერენცია გამართა, სადაც გურამ კაშიას ეროვნული გუნდიდან წასვლასა და მარტის ამხანაგური მატჩების შესახებ ისაუბრა. ფრანგმა სპეციალისტმა პრესკონფერენციის დასაწყისში საქართველოს კათოლიკოს-პატრიარქის, ილია მეორის გარდაცვალება მიუსამძიმრა.საქართველოს ეროვნული ნაკრები წლის პირველ საწვრთნელ შეკრებას დღეს თბილისში დაიწყებს. „ჯვაროსნები“ 26 მარტს, თბილისში, ისრაელს დაუპირისპირდებიან, ხოლო 29 მარტს ლიეტუვას კაუნასში ესტუმრებიან.„გურამ კაშია ქართული ფეხბურთის ლეგენდად შეიძლება მოვიხსენიოთ. ეს მნიშვნელოვანი და საპასუხისმგებლო გადაწყვეტილებაა. გურამთან ყველაფერზე შემეძლო საუბარი, ფეხბურთზე თუ სხვა თემებზე. ჩემი და კოლეგების სახელით ვიტყვი, რომ მასთან მუშაობა უდიდესი პატივი იყო.ამჟამად ჩვენთვის მთავარია, ბალანსი ვიპოვოთ შეტევასა და დაცვას შორის, რის გამოც ბოლო ციკლში კარგი შედეგები არ გვქონდა. სწორედ ამ მიზანს ემსახურება მარტში დაგეგმილი ორი ამხანაგური შეხვედრა. ბიჭებს დაველაპარაკები და ვეტყვი, როგორ უნდა მოვემზადოთ შემდეგი ციკლისთვის.ბოლო სანაკრებო ციკლი რთული გამოდგა. ბურთის კონტროლი უკეთ უნდა შეგვეძლოს. გამოსავალს ვეძებთ. როგორც მწვრთნელი, მუდმივად ვფიქრობ, როგორ გამოვასწოროთ თამაში. ყველა აღიარებს, რომ ბოლო შეხვედრები ისეთი არ გამოვიდა, როგორიც გვსურდა.ქოჩორაშვილს რაც შეეხება, ვაკვირდებით მის მდგომარეობას, რადგან ჩვენთვის ძალიან მნიშვნელოვანი მოთამაშეა. მას მუხლის ტრავმა აწუხებდა, თუმცა მოედანს უბრუნდება და იმედია, ივნისში ნაკრებს შემოუერთდება.ამ ეტაპზე ნაკრების კაპიტანი გურამ კაშიაა. ამ თემის შესახებ შემდეგ  ფეხბურთელებს დაველაპარაკებით და გადაწყვეტილებას ერთად მივიღებთ“, – ამბობს ვილი სანიოლი.

საქართველოს საფეხბურთო ნაკრების კაპიტანი გურამ კაშია ივნისში ეროვნულ გუნდში კარიერას დაასრულებს, – ამის შესახებ მან მიხეილ მესხის სახელობის საპრესკონფერენციო დარბაზში ჟურნალისტებთან შეხვედრის დროს განაცხადა.„ნამდვილად მძიმე დღეებია მთელი ქვეყნისთვის. მინდა, გამოვხატო უდიდესი მწუხარება კათოლიკოს-პატრიარქის გარდაცვალების გამო და გულწრფელი სამძიმარი გამოვუცხადო სრულიად საქართველოს.ახლა უკვე შემიძლია ვთქვა, რომ განსაკუთრებულად ვემზადები ჩემი ბოლო სანაკრებო მატჩისთვის, რომელიც ივნისში მელოდება. მსურდა, ეს გადაწყვეტილება პირადად მეთქვა თქვენთვის – საქართველოს ნაკრების გულშემატკივრებისთვის, ჩემი ქომაგებისთვის და მთელი ქვეყნისთვის.38 წლის ასაკში დადგა დრო, დიდი მადლობა გადაგიხადოთ და გაცნობოთ ჩემი 17-წლიანი სანაკრებო კარიერის დასრულების შესახებ. წესით, ეს ფრაზა პასუხობს ყველა კითხვას ჩემს გადაწყვეტილებასთან დაკავშირებით. ნამდვილად ხანგრძლივი, საინტერესო და მოგონებებით სავსე იყო ეს საფეხბურთო თავგადასავალი.ბედნიერი ვარ, რომ წლების განმავლობაში ვემსახურები ჩემს ქვეყანას და წარმოვადგენ სპორტის იმ სახეობას, რომელიც მთელ მსოფლიოში უყვართ. მიხარია, რომ მქონდა შესაძლებლობა მეთამაშა სხვადასხვა თაობის გამორჩეულ ქართველ ფეხბურთელებთან ერთად.უდიდესი პატივია ვიყო ასეთი ნიჭიერი მოთამაშეებით დაკომპლექტებული და საამაყო გუნდის კაპიტანი. ჩვენ ერთად მივაღწიეთ არა მხოლოდ ჩვენს მიზნებს, არამედ თითოეული ქართველის დიდ ოცნებას – ვითამაშეთ ევროპის ჩემპიონატზე. ამ გზასთან დაკავშირებული თითოეული მომენტი ჩემთვის ისტორიაზე მეტია. თითოეულ მწვრთნელთან და გუნდის წევრთან გატარებული ყოველი წუთი დაუვიწყარია — ამაზე უფრო ვრცლად აუცილებლად ვისაუბრებთ.გამორჩეულია ყველა ემოცია, რომელსაც გულშემატკივრებისგან, როგორც სტადიონზე, ისე მის გარეთ ვგრძნობ. სწორედ ისინი ამრავალფეროვნებენ ჩემს კარიერას. თითოეული სიტყვა და ფრაზა, რომელიც თქვენგან მომისმენია, ჩემთვის ძვირფასია.უახლოეს ორ შეხვედრას ახლა მეც უკვე, როგორც გულშემატკივარი, დაველოდები, ხოლო ივნისში, ამხანაგურ მატჩში რუმინეთთან, ჩემი საამაყო მაისურით საქართველოს ნაკრებში ბოლოჯერ ვითამაშებ.შევხვდებით ჩემს 129-ე, ბოლო და ყველაზე დაუვიწყარ სანაკრებო მატჩზე“, – განაცხადა გურამ კაშიამ.

საქართველოს კათოლიკოს-პატრიარქის დაკრძალვის ცერემონიაზე კარდინალმა კურტ კოხმა რომის პაპის მიმართვა წაიკითხა, რომელშიც ლეო XIV ილია მეორეს „შერიგების ხმას“ და „ერთობის დაუღალავ მშენებელს“ უწოდებს. ამის თაობაზე გამოცემა Vatican News-ი წერს.„მიმართვაში პაპი ლეო XIV ხაზს უსვამს საქართველოს პატრიარქის როლს ეპოქალური ცვლილებების რთულ პერიოდში, მათ შორის, 1991-1993 წლების სამოქალაქო ომის დროს და აღნიშნავს, რომ პატრიარქად მსახურების პერიოდში ის ბევრი ადამიანისთვის გახდა სულიერი ლიდერი, შერიგების ხმა და ერთობისთვის დაუღალავი მებრძოლი.პაპი ასევე ძმურ თანადგომას უცხადებს საპატრიარქო ტახტის მოსაყდრეს, სენაკისა და ჩხოროწყუს მიტროპოლიტ შიოს“, - ნათქვამია სტატიაში.

,ჩვენი ოჯახის ტკივილი რომ თქვენს ტკივილად გაიხადეთ, ამაზე დიდი ნუგეში არ არსებობს თურმე ამქვეყნად, თუმცა ამის საშუალებას თავად ჩვენი ტკბილი პატრიარქი გვაძლევს... მიუხედავად დიდი მწუხარებისა, უსაზღვროდ ბედნიერი ვარ, დაუღალავი მადლობა თითოეულ თქვენთაგანს...” - წერს მიტროპოლიტი დიმიტრი (შიოლაშვილი), პატრიარქის ძმისშვილი

ევროკავშირის საგარეო უწყების ხელმძღვანელმა, კაია კალასმა და ირანის საგარეო საქმეთა მინისტრმა, აბას არაღჩიმ სატელეფონო საუბარი გამართეს. ამის შესახებ „როიტერი“ წერს.ევროკავშირის წარმომადგენელმა „როიტერს“ განუცხადა, რომ კალასის სატელეფონო საუბარი „ევროკავშირის მიმდინარე ძალისხმევის ნაწილი იყო დიპლომატიური გზების შესასწავლად“.„სატელეფონო საუბრის დროს კალასმა კიდევ ერთხელ გაუსვა ხაზი დიპლომატიური გადაწყვეტის პოვნის აუცილებლობას, გამოაცხადა მზადყოფნა, მონაწილეობა მიიღოს დიპლომატიისა და დიალოგის ხელშეწყობაში“, – განაცხადა ევროკავშირის წარმომადგენელმა.