დღეს დიდი ქართველი მსახიობი- გიორგი (გოგი) გეგეჭკორი 98 წლის გახდებოდა

საქართველოს პროკურატურა იუსტიციის სამინისტროს სპეციალური პენიტენციური სამსახურის გენერალური დირექტორის, გიორგი პატარიძისთვის უფლებამოსილების შეჩერების რეკომენდაციით მიმართავს.ამის შესახებ “ინტერპრესნიუსს” პროკურატურაში, სააგენტოს მიერ დასმულ კითხვაზე საპასუხოდ განუცხადეს. კერძოდ, სააგენტო დაინტერესდა, “რა ეტაპზეა დავით ფეიქრიშვილთან დაკავშირებულ ინფორმაციაზე დაწყებული გამოძიება და რა გამოიკვეთა ამ დროისთვის?”“აღნიშნული სისხლის სამართლის საქმე საქართველოს იუსტიციის სამინისტროს გენერალური ინსპექციიდან გამოსაძიებლად გადაეცა საქართველოს გენერალური პროკურატურის საგამოძიებო ნაწილს. სისხლის სამართლის საქმეზე ინტენსიურ რეჟიმში მიმდინარეობს ყველა აუცილებელი საგამოძიებო და საპროცესო ღონისძიებები.ამავდროულად საქართველოს პროკურატურამ რეკომენდაციით მიმართა საქართველოს იუსტიციის სამინისტროს, შეუჩერდეს უფლებამოსილება საქართველოს იუსტიციის სამინისტროს სპეციალური პენიტენციური სამსახურის გენერალურ დირექტორს, გიორგი პატარიძეს”, - განაცხადეს უწყებაში.

ოპოზიციის მხარდამჭერები ელოდებიან, რომ პარტიებიდან ვინმე გამოვა და იტყვის, არავითარი კავშირი არ აქვს არც რევოლუციურ პროცესებთან, არც იმ მოქმედებებთან, რომელიც შეიძლება, საბოტაჟის ნიშნით იყოს შეფასებული და დაამტკიცებს, რომ ბრძოლა და ხელისუფლებაში მოსვლა სახელმწიფო განვითარებისთვის უნდა, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, ოპოზიციაში არცერთს არ გადაუდგამს ნაბიჯი, რომ საქართველოში ევროპული სტანდარტის პოლიტიკური პროცესი განვითარებულიყო.„მუდმივად ჯახია, რომელიც ფინანსურად და პოლიტიკურად წახალისებულია ომის პარტიისგან, „დიფ სთეითისგან“. ეს რეალობა შექმნეს და ამ რეალობის საწინააღმდეგოდ, რომ ისინი ამაში არ მონაწილეობენ, არავის განცხადება არ გაუკეთებია. ყველა აპელირებს, თითქოსდა „ქართული ოცნებაა“ დამნაშავე, რომ რუსეთი საქართველოს 20 პროცენტის ოკუპაციას ახდენს და აგრესიის განვითარება მოსალოდნელია. თითქოსდა ჩვენი ბრალია, რომ რუსეთს გარკვეული უპირატესობები აქვს სამხრეთ კავკასიაში და შეუძლია, ოკუპაცია აგრესიული გახადოს, რომელიც ჩვენ დავამტკიცეთ, რომ არსებობს და არა „ნაცმოძრაობამ“. არცერთს არ გაუკეთებია განცხადება, რომ რევოლუცია არის რეალურად მცდელობა და საბოტაჟია ის ბრალდება, რომელიც არ ეკუთვნით. უნდათ, ცალ-ცალკე პარტიები იყოს განხილული. გამოვიდნენ და თქვან, რატომ წარმოუდგენიათ, თავისი პარტია კოლექტიური „ნაცმოძრაობისგან“ გარეთ მყოფ სტრუქტურად, რომელსაც თურმე ცალკე უნდა წაუყენო ბრალდება. „ლელო“ არ უარყოფს, რომ „ნაცმოძრაობასთან“ კავშირი ჰქონდა, გინდა ფინანსური და გინდა პოლიტიკური. არგუმენტი თუ აქვთ, თქვან. „ლელო“ არ ამბობს რატომ მონაწილეობს „ნაცმოძრაობასთან“ ერთად ქვეყნის დასანგრევად საბოტაჟში. ეს არის ერთი ძალა, რომელიც ამ ყველაფერში ერთად მონაწილეობდა“, – განაცხადა გია ვოლსკიმ.

აშშ-ის პირველმა ლედიმ, მელანია ტრამპმა რუსეთსა და უკრაინას შორის ქალაქ ოლეშკიში ცეცხლის შეწყვეტას მიაღწია, - ამის შესახებ განცხადებას თეთრი სახლი ავრცელებს.განცხადების თანახმად, რუსეთი და უკრაინა შეთანხმდნენ დროებით შეაჩერონ საომარი მოქმედებები ქალაქ ოლეშკიში, რათა უზრუნველყოფილ იქნას ჰუმანიტარული დახმარების მიწოდება და მომზადებულ იქნას მშვიდობიანი მოსახლეობის ევაკუაცია უსაფრთხო დერეფნის გავლით.ლოკალური ცეცხლის შეწყვეტა ძალაში 29 ოქტომბერს უნდა შევიდეს.„დღეს ოლეშკიში ვითარება საშინელია. ოლეშკი ფრონტის ხაზზე ქალაქია, რომელიც კატასტროფის ზღვარზე იმყოფება. ოლეშკიში დარჩენილი მოსახლეობა ძირითადად შედგება მოხუცებისგან, რომლებიც სასწრაფოდ საჭიროებენ სამედიცინო დახმარებას, მედიკამენტებს, საკვებსა და სუფთა წყალს. სრულიად ნათელი იყო, რომ ჩემი ჩარევის გარეშე ქალაქში ჰუმანიტარული დახმარების შეტანა და მოხუცი ხალხის ევაკუაცია შეუძლებელი იქნებოდა“, - განაცხადა აშშ-ის პირველმა ლედიმ, მელანია ტრამპმა.აღინიშნება, რომ პირველი ლედი და მისი წარმომადგენელი პირდაპირ მუშაობდნენ რუსეთისა და უკრაინის ხელმძღვანელობასთან, რათა გაერკვიათ ლოკალური ცეცხლის შეწყვეტის პირობები.„ორივე ქვეყნის არასამხედრო, სამოქალაქო პირები ერთად იმუშავებენ, რათა ეწვიონ ოლეშკის მაცხოვრებლებს მათ სახლებში და დაადგენენ დახმარების მოცულობას, რომელსაც ისინი საჭიროებენ. მცხოვრებლები, რომელთაც ევაკუაცია სურთ, კოორდინირებულ დახმარებასა და ტრანსპორტს მიიღებენ მათ მიერ არჩეულ დანიშნულების ადგილამდე. მოველი, რომ ზოგიერთს რუსეთში წასვლა ენდომება, და ზოგიერთს უკრაინაში“, - განაცხადა მელანია ტრამპმა.პირველმა ლედიმ ასევე აღნიშნა, რომ მიუკერძოებელი ამერიკული მედია ორგანიზაცია მთელი პროცესის განმავლობაში ადგილზე იქნება რუსულ და უკრაინულ გუნდებთან და მოვლენებს გააშუქებს.

საქართველოს ტექნიკური უნივერსიტეტი „სტუდია მონიტორის“ მიერ გამოქვეყნებულ მასალას ეხმაურება, რომელიც უნივერსიტეტის საქმიანობის აუდიტორულ შემოწმებას ეხება.როგორც საქართველოს ტექნიკური უნივერსიტეტი გავრცელებული განცხადებით განმარტავს, დაუსრულებელი აუდიტის მასალების საბოლოო, დადასტურებულ ფაქტებად წარმოჩენა დაუშვებელია და ქმნის მისი საქმიანი რეპუტაციის შელახვის რეალურ საფრთხეს. ამასთან, უნივერსიტეტი დოკუმენტაციის მოპოვებისა და გასაჯაროების კანონიერების შესწავლას, პასუხისმგებელი პირების იდენტიფიცირებასა და შესაბამის სამართლებრივ რეაგირებას მოითხოვს. „2026 წლის 22 ოქტომბერს „სტუდია მონიტორმა“ გამოქვეყნა მასალა, რომელიც საქართველოს ტექნიკური უნივერსიტეტის 2020-2022 წლების საქმიანობის აუდიტორულ შემოწმებას უკავშირდება. ხაზგასმით განვმარტავთ, რომ აღნიშნული შემოწმება დასრულებული არ არის, სახელმწიფო აუდიტის სამსახურთან შესაბამის საკითხებზე კომუნიკაცია კვლავ მიმდინარეობს და საბოლოო აუდიტორული ანგარიში არ არსებობს. მიუხედავად ამისა ჩვენი მხრიდან პასუხი გაეცა ჟურნალისტის მიერ სტატიის მომზადების პროცესში გამოგზავნილ კითხვებს. პასუხის მოკლე და ზოგადი ხასიათი განპირობებული იყო აუდიტორული შემოწმების დაუსრულებლობითა და იმ ფაქტით, რომ საბოლოო დასკვნის არარსებობის პირობებში უნივერსიტეტს არ გააჩნდა დასრულებული აუდიტის შედეგებზე დაფუძნებული დეტალური განმარტებების გაკეთების ობიექტური შესაძლებლობა. ამ გარემოების საწინააღმდეგოდ ინტერპრეტირება ან მისი უნივერსიტეტის პოზიციის სისუსტედ წარმოჩენა საფუძველს მოკლებულია. კატეგორიულად ვაცხადებთ, რომ აუდიტორული შემოწმების დაუსრულებელ ეტაპზე არსებული დოკუმენტაციის გავრცელებისა და აუდიტის შედეგების ანგარიშის შედგენამდე გასაჯაროების კანონიერების საკითხი მოითხოვს დაუყოვნებლივ სამართლებრივ რეაგირებას. „სახელმწიფო აუდიტის სამსახურის შესახებ“ საქართველოს ორგანული კანონის მე-20 მუხლის მე-6 პუნქტის „დ“ ქვეპუნქტი აუდიტის განმახორციელებელ მოსამსახურეებს პირდაპირ ავალდებულებს, აუდიტის შედეგები არ გაასაჯაროონ აუდიტის ანგარიშის შედგენამდე, გარდა კანონით გათვალისწინებული გამონაკლისისა. შესაბამისად, არსებობს კანონით დადგენილი ვალდებულების შესაძლო დარღვევის კონკრეტული სამართლებრივი საფუძველი, რომლის უგულებელყოფაც დაუშვებელია. მივმართავთ სამართალდამცავ და სხვა უფლებამოსილ უწყებებს, რათა დადგინდეს დოკუმენტაციის წარმომავლობა, მისი მოპოვებისა და გასაჯაროების კანონიერება, პასუხისმგებელი პირები და შესაძლო სამართალდარღვევის ყველა გარემოება. ამასთანავე, მოვითხოვთ არა ფორმალურ განმარტებას, არამედ საკითხის სრულყოფილ სამართლებრივ შესწავლასა და სათანადო რეაგირებას. ასევე ვიტოვებთ უფლებას, საქართველოს ტექნიკური უნივერსიტეტის უფლებებისა და საქმიანი რეპუტაციის დასაცავად მივმართოთ სასამართლოს, ვინაიდან დაუსრულებელი და საბოლოოდ შეუფასებელი მასალის დადასტურებულ ფაქტებად წარმოჩენა უნივერსიტეტს რეპუტაციული ზიანის რეალური საფრთხის წინაშე აყენებს.ხაზგასმით აღვნიშნავთ, რომ სიტყვისა და ინფორმაციის თავისუფლება არ წარმოადგენს კანონით დადგენილი შეზღუდვების უგულებელყოფას. უნივერსიტეტი მოითხოვს, „სტუდია მონიტორმა” განმარტოს გამოქვეყნებული დოკუმენტაციის სამართლებრივი სტატუსი და დააზუსტოს, რა საფუძვლით იქნა გამოყენებული სამსახურებრივი მიმოწერა. უნივერსიტეტი, აღნიშნული გარემოებებისა და შესაძლო სამართალდარღვევის ნიშნების გათვალისწინებით, მიმართავს სასამართლოს საკუთარი უფლებებისა და საქმიანი რეპუტაციის დასაცავად, ხოლო შესაბამისი ფაქტობრივი და სამართლებრივი საფუძვლის არსებობის შემთხვევაში - საქართველოს პროკურატურასაც, რათა დადგინდეს დოკუმენტაციის გავრცელების კანონიერება და პასუხისმგებელი პირების მოქმედებებს მიეცეს სათანადო სამართლებრივი შეფასება. საქართველოს ტექნიკურ უნივერსიტეტს საფუძვლიანი ეჭვი აქვს, რომ „სტუდია მონიტორმა” სტატია მიზანმიმართულად, საზოგადოებრივი ყურადღების მიპყრობისა და დაუდასტურებელი ინფორმაციის გავრცელების მიზნით მოამზადა და გაავრცელა, რაც სიმართლის დადგენას კი არა, უნივერსიტეტის სახელისა და საქმიანი რეპუტაციის შელახვას ემსახურებოდა. ამდენად, საქართველოს ტექნიკური უნივერსიტეტი არ შეეგუება დაუსრულებელი აუდიტის მასალების საკუთარი ინტერესების საზიანოდ გამოყენებას და მოითხოვს ყველა იმ პირის პასუხისმგებლობის საკითხის დაყენებას, ვისი მოქმედებებიც კანონის დარღვევას და უნივერსიტეტის რეპუტაციის შელახვას უკავშირდება”, - აღნიშნულია საქართველოს ტექნიკური უნივერსიტეტის განცხადებაში.

დღე­ვან­დე­ლი დღე მაქვს ყვე­ლა­ზე მძი­მე. 23 ოქ­ტომ­ბე­რი იყო, როცა გი­გას ნა­კე­რებს შო­რის ტვი­ნი გა­მო­უ­ვი­და, ეს პირ­ვე­ლად მე შე­ვამ­ჩნიე ბინტზე. დღეს, მთე­ლი სა­სა­მარ­თლო პრო­ცე­სის გან­მავ­ლო­ბა­ში, ეს გა­მო­ჟო­ნი­ლი ტვი­ნი მედ­გა თვალ­წინ, მაგ­რამ მო­ბი­ლი­ზე­ბა მა­ინც შევ­ძე­ლი, – ამის შე­სა­ხებ გარ­დაც­ვლი­ლი მას­წავ­ლებ­ლის, გიგა ავა­ლი­ა­ნის დე­დამ, ეკა კუ­პა­ტა­ძემ გა­ნა­ცხა­და.ის ში­ნა­გან საქ­მე­თა მი­ნის­ტრის ყო­ფი­ლი მო­ად­გი­ლის, მე­რაბ მა­ლა­ნი­ას შვი­ლის, გი­ორ­გი მა­ლა­ნი­ას სა­სა­მარ­თლო პრო­ცესს და­ეს­წრო.რო­გორც სხდო­მის დას­რუ­ლე­ბის შემ­დეგ კუ­პა­ტა­ძემ გა­ნა­ცხა­და, მა­ლა­ნი­ას ოჯა­ხი მისი შვი­ლის, ნიკა ავა­ლი­ა­ნის მი­სა­მარ­თით სხვა­დას­ხვა რეპ­ლი­კებს აჟ­ღე­რებ­და, რის გა­მოც, ის სა­სა­მარ­თლო­ში აღარ და­დის.“ნიკა, ჩემი შვი­ლი და ასე­ვე ჩემი ძმა, რო­მე­ლიც თით­ქმის ყვე­ლა სა­სა­მარ­თლო პრო­ცეს­ზე და­დი­ო­და, ჩემს გვერ­დით აღარ არი­ან, რად­გან მე­რაბ მა­ლა­ნი­ას ოჯა­ხის ახ­ლობ­ლე­ბი, გან­სა­კუთ­რე­ბით ნი­კას სი­სას­ტი­კით ექ­ცე­ოდ­ნენ – ეს­როდ­ნენ რეპ­ლი­კებს, რომ მდგო­მა­რე­ო­ბი­დან გა­მო­ეყ­ვა­ნათ. მე­რაბ მა­ლა­ნი­ას ახ­ლობ­ლე­ბის დიდი არ­მი­ი­დან ყვე­ლა­ზე სა­ში­ში, ამაზ­რზე­ნი მე­რაბ მა­ლა­ნი­ას დედა გახ­ლავთ, რო­მელ­საც სწო­რე­ბა ჰქონ­და ნი­კა­ზე, სწო­რედ, ამის გამო აღარ დამ­ყავს ის სა­სა­მარ­თლო­ში გი­ორ­გი მა­ლა­ნი­ას სა­უ­კე­თე­სო ინ­ტე­რე­სე­ბი­დან გა­მომ­დი­ნა­რე. მაქ­სი­მა­ლუ­რი წლე­ბი, რა­საც ბრა­ლი ით­ვა­ლის­წი­ნებს, არის მნიშ­ვნე­ლო­ვა­ნი. მაქ­სი­მა­ლუ­რად დიდი ხნის ვა­დით უნდა გა­ა­რი­დონ ეს არას­რულ­წლო­ვა­ნი ამ ოჯახს.დღეს, პრო­ცეს­ზე ნივ­თი­ე­რი მტკი­ცე­ბუ­ლე­ბე­ბის გა­მოკ­ვლე­ვა მოხ­და. მა­ლა­ნი­ას ად­ვო­კა­ტის აქ­ცენ­ტი სა­ტე­ლე­ფო­ნო ან­ძებ­ზე იყო. ფეხ­და­ფეხ მაქვს დავ­ლი­ლი, ყვე­ლა ანძა ვიცი, რო­მე­ლი ქსე­ლი­საა, აბ­სო­ლუ­ტუ­რად ყვე­ლა­ფერს დავ­დებ სო­ცი­ა­ლურ ქსელ­ში, პრო­ცეს­ზე კი პრო­კუ­რო­რი ქეთი სო­ნი­ძე იტყვის.დღე­ვან­დე­ლი დღე მაქვს ყვე­ლა­ზე მძი­მე, 23 ოქ­ტომ­ბე­რი იყო, როცა გი­გას ნა­კე­რებს შო­რის ტვი­ნი გა­მო­უ­ვი­და, ეს პირ­ვე­ლად მე შე­ვამ­ჩნიე ბინტზე და დღეს, მთე­ლი სა­სა­მარ­თლო პრო­ცე­სის გან­მავ­ლო­ბა­ში, ეს გა­მო­ჟო­ნი­ლი ტვი­ნი მედ­გა თვალ­წინ, მაგ­რამ მო­ბი­ლი­ზე­ბა მა­ინც შევ­ძე­ლი. ხვალ გი­გას ბი­ო­ლო­გი­უ­რი გარ­დაც­ვა­ლე­ბი­დან ერთი წლის თავი სრულ­დე­ბა, ამ ცხელ დღე­ებს როცა ჩა­ვივ­ლით, ყვე­ლა­ფერს დავ­დებ”, – გა­ნა­ცხა­და კუ­პა­ტა­ძემ.ცნო­ბის­თვის, გი­ორ­გი მა­ლა­ნი­ას გიგა ავა­ლი­ა­ნის ჯან­მრთე­ლო­ბის ჯგუ­ფუ­რად, გან­ზრახ მძი­მე და­ზი­ა­ნე­ბა­ში დახ­მა­რე­ბას ედა­ვე­ბი­ან. მას ბრა­ლი სა­ქარ­თვე­ლოს სის­ხლის სა­მარ­თლის კო­დექ­სის 25, 117-ე მუხ­ლის მე-3 ნა­წი­ლის „ლ“ ქვე­პუნ­ქტით აქვს წარ­დგე­ნი­ლი.