გოგა ხაინდრავა: რაც დღეს რასმუსენმა განაცხადა ზუსტად იმას ადასტურებს, რასაც საქართველოს ხელისუფლება და პირველ რიგში ირაკლი ღარიბაშვილი მთელი ამ თვეების განმავლობაში ლაპარაკობს

საქართველოს ეკონომიკისა და მდგრადი განვითარების მინისტრის, მარიამ ქვრივიშვილის შეფასებით, იმ ძირითად ეკონომიკურ  მიმართულებებს შორის, რომლებიც პირდაპირპროპორციულად ისახება საქართველოში უცხო ქვეყნის მოქალაქეების შემოდინებაზე, უპირველესად, ხაზგასასმელია ტურიზმის ინდუსტრია.როგორც მინისტრმა აღნიშნა, საქართველოს ხელისუფლებამ ძალიან ბევრი რამ გააკეთა, რათა წლიდან წლამდე საქართველოს ტურიზმის სექტორი აქტიურად იზრდებოდეს. ამ საკითხებზე ეკონომიკის მინისტრმა ტელეკომპანია „იმედის“ გადაცემაში „ღია ეთერი – დებატები“ ისაუბრა.„ვფიქრობ, ყველა ვხედავთ იმ რეკორდულ მონაცემებს, რომლებიც ყოველწლიურად ტურიზმის სექტორში ფიქსირდება. მაგალითისთვის შეგვიძლია, ავიღოთ გასული წელი და ვთქვათ, რომ სწორედ სახელმწიფოს ძალისხმევით რეკორდული, ისტორიული იყო ის მონაცემები, რომელიც 2025 წელს ქვეყანაში მივიღეთ ტურიზმიდან – 4,7 მლრდ აშშ დოლარზე მეტი შემოვიდა უშუალოდ ტურიზმიდან, ქვეყანამ შეძლო და უმასპინძლა 7,8 მილიონზე მეტ საერთაშორისო ვიზიტორს“, – განაცხადა მინისტრმა.მარიამ ქვრივიშვილის შეფასებით, ზოგადად, ტურიზმს უდიდესი პოზიტიური გადაცემის ეფექტი აქვს. მინისტრის ინფორმაციით, 130 000-ზე მეტი ადამიანია დასაქმებული ამ სექტორში და ფაქტობრივად, ყველა ოჯახი ქვეყანაში პირდაპირ ან არაპირდაპირ არის დამოკიდებული ან ჩართული ტურიზმის სექტორში.„შესაბამისად, როცა ყოველწლიურად ვხედავთ მზარდ ნაკადებს, მათ შორის, დედაქალაქში, რეგიონებში, სოფლებში – ყველგან შეინიშნება უცხო ეროვნების ადამიანები, თუმცა, ყოველთვის ყველგან აღინიშნება, რომ საქართველო არის გამორჩეულად კარგი, წარმატებული მაგალითი, თუ როგორ შეძლო ჩვენმა ხელისუფლებამ დაბალანსებული საემიგრაციო პოლიტიკით, ისევე როგორც ლიბერალური სავიზო პოლიტიკით სექტორის ასეთი სწრაფი ზრდის უზრუნველყოფა“, – აღნიშნა ეკონომიკის მინისტრმა.მარიამ ქვრივიშვილის განცხადებით, საქართველოში 96 ქვეყნის მოქალაქე შემოდის უვიზოდ, თუმცა, დაახლოებით იმავე რაოდენობის – 97 ქვეყნის მოქალაქეს ვიზა ესაჭიროება.„შსს-სთან ერთად მჭიდრო თანამშრომლობით, ფაქტობრივად, ყოველდღიურ რეჟიმში ვაკვირდებოდით და ვაკვირდებით იმ დინამიკას, რომელიც ტურიზმის ზრდასთან ერთად შესაძლებელია ქვეყანაში ზრდიდეს მიგრაციის დონეს. აქედან გამომდინარე, გასული წლის ბოლოს მთავრობამ მიიღო გადაწყვეტილება, რომლის ფარგლებშიც, მათ შორის, გამკაცრდა არსებული სავიზო რეგულაცია და 17 ქვეყნის მოქალაქეებისთვის დამატებითი შეზღუდვა დაწესდა – მათ დამატებით სჭირდებათ ერთწლიანი ვალიდური ბინადრობის მოწმობა, განსაკუთრებით ყურის ქვეყნებიდან, რომ ქვეყანა უვიზოდ გადმოკვეთონ, სხვა შემთხვევაში, თუ ეს ვადა ერთ წელზე ნაკლებია, მათ დასჭირდებათ ვიზა“, – განაცხადა ეკონომიკისა და მდგრადი განვითარების მინისტრმა.

უცხოელები და უმეტესად, ეს იყვნენ უცხოელები, მუშაობდნენ ე.წ. დამდებებად, ნარკოტიკების რეალიზატორებად და ესეც იყო ერთ-ერთი მიზეზი, რატომაც მათ მოახერხეს მომსახურებაზე ხელოვნურად ფასის დაგდება, – ამის შესახებ საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემა „ღია ეთერში“ განაცხადა.კობახიძის თქმით, კომპლექსური პრობლემა იყო და შესაბამისად, ჩაითვალა მიზანშეწონილად, უცხოელებისთვის  მუშაობის შეზღუდვა.„რაც შეეხება „გლოვოს“, „ვოლტს“, გიდებს და ა.შ. – საქართველოში არსებობდა სათანადო მუშახელი, სამუშაო ძალა, იყო მოთხოვნა და იყო მაღალანაზღაურებადი ეს სამუშაო ადგილები და მოხდა რა – ქართველებს შეეცილნენ უცხოელები, მიგრანტები ამ საქმეში, რომლებიც ბევრად უფრო იაფად იყვნენ მზად ამ მომსახურების გაწევისთვის და ხელოვნურად დაუგდეს ჩვენს მოქალაქეებს ხელფასები. შესაბამისად, აქ ჩაითვალა, რომ არ არის მიზანშეწონილი ამ სფეროებში უცხოელების შემოყვანა, სადაც ხელოვნურად ვუმცირებთ ჩვენ ხელფასებს საქართველოს მოქალაქეებს. სწორედ ამის გამო განისაზღვრა შესაბამისი ჩამონათვალი მთავრობის სამართლებრივ აქტში. გარდა ამისა, აქ სხვა პრობლემებიც იყო. უცხოელები და უმეტესად, ეს იყვნენ უცხოელები, მუშაობდნენ ე.წ. დამდებებად, ნარკოტიკების რეალიზატორებად და ესეც იყო ერთ-ერთი მიზეზი, რატომაც მათ მოახერხეს ხელოვნურად ფასის დაგდება. კომპლექსური პრობლემა იყო და შესაბამისად, ჩაითვალა მიზანშეწონილად, უცხოელებისთვის აქ მუშაობის შეზღუდვა. არის სფეროები, სადაც ეს შეიძლება, აუცილებელი იყოს“, – განაცხადა პრემიერმა.

აშშ-ის პრეზიდენტი დონალდ ტრამპი აშშ-ის ჯარების ირანში განლაგებას განიხილავს, – ამის შესახებ „ენბისი ნიუსი“ წერს.როგორც „ენბისი ნიუსი“ წყაროებზე დაყრდნობით წერს, დონალდ ტრამპი კერძო საუბრებში სერიოზულ დაინტერესებას გამოხატავს ირანის ტერიტორიაზე შეზღუდული ამერიკული კონტინგენტის განლაგებასთან დაკავშირებით. კერძოდ, აშშ-ის პრეზიდენტი ამ იდეას განიხილავს თავის თანაშემწეებსა და რესპუბლიკური პარტიის წარმომადგენლებთან.ტელეკომპანიის წყაროები განმარტავენ, რომ პრეზიდენტის კომენტარები არ გულისხმობს ირანში მასშტაბურ სახმელეთო შეჭრას, არამედ ეხება ამერიკული ჯარების მცირე კონტინგენტის განლაგებას კონკრეტული სტრატეგიული მიზნებისთვის. ამასთან, ტრამპს ჯერჯერობით არც შესაბამისი გადაწყვეტილება მიუღია და არც ბრძანება გაუცია.წყაროების თქმით, საუბრებში პრეზიდენტი თანაშემწეებს ომის შემდგომი ირანის თავისეულ ხედვას უზიარებს, კერძოდ, მისი თქმით, ეს იქნება ქვეყანა, სადაც ირანული ურანი უსაფრთხო იქნება, ხოლო აშშ და ახალი ირანი ნავთობის წარმოების კუთხით ითანამშრომლებენ, აშშ-ვენესუელას ამჟამინდელი ურთიერთობის მსგავსად.თეთრი სახლის პრესსპიკერმა, ქეროლაინ ლევიტმა უარყო აღნიშნული ინფორმაცია და აღნიშნა, რომ „ეს სტატია ეფუძნება ანონიმური წყაროების ვარაუდებს, რომლებიც არ შედიან პრეზიდენტის ეროვნული უსაფრთხოების გუნდში და აშკარად არ არიან გათვითცნობიერებული ამ განხილვებში“.

რუსეთი ნეიტრალური არ არის, ჩვენ აშშ-სა და ისრაელთან ომში ირანს ვუჭერთ მხარს, – ამის შესახებ დიდ ბრიტანეთში რუსეთის ელჩმა, ანდრეი კელინმა „სქაი ნიუსთან” განაცხადა.„ჩვენ ძალიან ნეგატიურად ვაფასებთ მიმდინარე მოვლენებს. ამჟამად, დასავლური ქვეყნების ლოგიკაა, რომ ყველაფერში ირანია დამნაშავე, მაგრამ არავინ ამბობს, რომ აშშ-მა და ისრაელმა დაიწყეს ირანზე თავდასხმა. ირანი კი მხოლოდ ამ თავდასხმას პასუხობს. ეს უბრალოდ უსამართლობაა”, – განაცხადა კელინმა.კელინმა ხაზგასმით აღნიშნა, რომ საუკეთესო სცენარი ომის „დაუყოვნებლივ“ შეჩერებაა.ცნობისთვის, „ვაშინგტონ პოსტის” მიერ გავრცელებული ინფორმაციით, რუსეთი ირანს ახლო აღმოსავლეთში ამერიკულ სამხედრო ობიექტებზე დარტყმებისთვის მონაცემებს აწვდის. სტატიაში აღნიშნულია, რომ რუსეთის მიერ ირანისთვის გადაცემული მონაცემები მოიცავს ინფორმაციას ამერიკული გემებისა და თვითმფრინავების ადგილმდებარეობის შესახებ. აღნიშნულ ინფორმაციას გამოეხმაურა აშშ-ის თავდაცვის მდივანი პიტ ჰეგსეტი და აღნიშნა, რომ აშშ-ის მთავარსარდალმა კარგად იცის, ვინ ვისთან საუბრობს და ამას მკაცრად უპასუხებს.

107 000 მოქალაქეს აქვს მინიჭებული საქართველოში ბინადრობის უფლება, 30% არიან რუსეთის მოქალაქეები, ინდოელები არიან 22% – ძირითადად ესენი არიან სტუდენტები, მერე მოდის აზერბაიჯანი, უკრაინა და ა.შ., – ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „იმედის“ გადაცემა „ღია ეთერში“ განაცხადა.პრემიერის თქმით, 70% საქართველოში მცხოვრები მიგრანტების არიან პოსტსაბჭოთა ქვეყნებიდან, ევროკავშირის ქვეყნებიდან, ამერიკის შეერთებული შტატებიდან და ისრაელიდან.„რაც შეეხება უცხოელ მიგრანტებს, პირველ რიგში, გავიხსენებ სტატისტიკას. 107 000 მოქალაქეს აქვს მინიჭებული საქართველოში ბინადრობის უფლება, 30% არიან რუსეთის მოქალაქეები, ინდოელები არიან 22% – ძირითადად ესენი არიან სტუდენტები, მერე მოდის აზერბაიჯანი, უკრაინა და ა.შ. საზღვრის კვეთის მონაცემებით რომ განვსაზღვროთ პროცენტული მაჩვენებლები, 70% საქართველოში მცხოვრები მიგრანტების არიან პოსტსაბჭოთა ქვეყნებიდან, ევროკავშირის ქვეყნებიდან, ამერიკის შეერთებული შტატებიდან და ისრაელიდან. რაც შეეხება ჩვენი რეგიონის კონკრეტულ ქვეყნებს, თურქეთს და ირანს, მათი წილი ჩვენს მთლიან მოსახლეობაში არის 0.7%.რაც შეეხება მიგრანტების ჯგუფებს, ანუ როგორ ნაწილდება ეს 257 000 ადამიანი, როგორ ვიღებთ საბოლოო მაჩვენებელს. 37 000 არის სტუდენტი და მათი წვლილი ეკონომიკაში ძალიან დიდია. რაც შეეხება შრომით მიგრანტებს, შრომითი მიგრანტი, რომელიც სარგებლობს შესაბამისი ბინადრობის ნებართვით, არის 51 500 ადამიანი. ჩვენ საკმაოდ გახსნილი გვაქვს სივრცე უცხოელების საქართველოში დასაქმებისთვის. აქედან დაახლოებით 25% რუსეთის მოქალაქეა, ინდოეთის არის – 6 856, თურქეთი – 5 600, ბელარუსი – 5 000 და ა.შ. რაც შეეხება სექტორებს, მესამედი არის საინფორმაციო ტექნოლოგიები და ყველაზე მზარდი სექტორია ჩვენს ეკონომიკაში. აქ, საინტერესო ის არის, რომ ამ შემთხვევაში, უცხოელები კონკურენციაში არ შემოდიან ჩვენს მოქალაქეებთან. ისინი საქართველოდან საზღვარგარეთ უწევენ მომსახურებას კლიენტებს და მხოლოდ შემოაქვთ, ანუ არაფერი არ გააქვთ, არავის არ ეწილებიან და მხოლოდ შემოაქვთ საქართველოში და ჩვენს ეკონომიკაში რესურსები, რაც ძალიან მნიშვნელოვანია. ამიტომ, IT სექტორის განვითარებას განსაკუთრებულ ყურადღებას ვუთმობთ. აქაც, იცით, რომ გავამარტივეთ შესაბამისი ბინადრობის ნებართვების გაცემა. მშენებლობა არის დაახლოებით 14%. არის სექტორები, სადაც დღესაც, ეკონომიკის განვითარების დონიდან გამომდინარე, უკვე ქართველ მუშახელს ვეღარ პოულობ. ჯერ კიდევ 2012 წელს ელიავაზე უამრავი ქართველი იდგა, რომელიც ელოდებოდა სამუშაოს და ხშირად, უჭირდათ ყოველდღიურად სამუშაოს პოვნა. დღეს წამლად აღარ არის მშენებლობის სექტორში ადამიანი.ჩვენ პრიორიტეტები განვსაზღვრეთ და მივიჩნიეთ, რომ მშენებლობის სექტორში უფრო არის მიზანშეწონილი უცხოელების დასაქმება, ვიდრე „გლოვოში“, „ვოლტში“ და ა.შ. მათ შორის, მშენებლების ინტერესებიც გავითვალისწინეთ და კომპლექსურად მივიღეთ ეს გადაწყვეტილება. ყველაფერი გავითვალისწინეთ, მშენებლის ინტერესი რა არის, ჩვენი მოქალაქის ინტერესი რა არის, სახელმწიფოსი და აქედან გამომდინარე მშენებლობა დარჩა, „ვოლტი“, „გლოვო“, გიდები და ა.შ. არ დარჩა. არის სხვა სექტორები, მათ შორის, სტუმარმასპინძლობის სფეროშიც გვაქვს სამუშაო ძალის დეფიციტი. 5% არიან უცხოელები, ვინც მრეწველობის სფეროშია დასაქმებული, რადგან ხშირად ქართველებს არ უნდათ მსხვილ საწარმოში მუშაობა.37 000 სტუდენტი, 51 500 შრომითი მიგრანტი, 30 000 ამ 257 000-დან მაქსიმუმ არის უკრაინელი ლტოლვილი. პრაქტიკულად, უცხოელებად ვერც ჩაითვლებიან ფართო გაგებით, 47 500 ამ მაჩვენებლიდან მარტო არის საქართველოს მოქალაქის ოჯახის წევრი, საქართველოს ყოფილი მოქალაქე ან ისეთი უცხოელი, ასეთი ცოტაა, ვისაც 10 წელიწადზე მეტი აქვს ნაცხოვრები საქართველოში. თითქმის 50 000 არის ასეთი. 6 000 არის მოკლევადიანი და საინვესტიციო ბინადრობის ნებართვით ვინც სარგებლობს. ძალიან ბევრი სპეკულაცია მოვისმინე, რომ ბინების შეძენის საფუძველზე თითქოს ადვილია საქართველოში ბინადრობის ნებართვის მიღება. ჯერ ერთი, უსაფრთხოების კონტროლს გადის ყოველთვის ეს პროცედურა და 60 000 ბინა გაიყიდა მარტო ამ რამდენიმე წელიწადში უცხოელებზე და ამ საფუძვლით მხოლოდ 5 000-მა უცხოელმა მიიღო საქართველოში ბინადრობის ნებართვა. ეს მიგრაციაში მაინცდამაინც დიდ წილს არ ქმნის. 2 000 არის ტრეფიკინგის მსხვერპლი, რომელიც ამის საფუძველზე სარგებლობს ბინადრობის ნებართვით. უხეში გადაანგარიშებით, დაახლოებით, 20 000 არის არალეგალი და ამ მიმართულებით, იცით, რომ სერიოზული ზომების მიღება გვაქვს დაგეგმილი და დაახლოებით 50 000-მდე არის ისეთი უცხოელი მოქალაქე, ძირითადად ესენი არიან რუსეთიდან და ბელარუსიდან, სხვა მეზობელი ქვეყნებიდან, რომლებიც სარგებლობენ ერთწლიანი საქართველოში დაყოვნების უფლებით. ეს არის საერთო სტრუქტურა“, – განაცხადა კობახიძემ.მისივე თქმით, იზიარებს იმ მოსაზრებას, რომ მიგრაციული პროცესების მართვა არის აუცილებელი.„საბოლოო ჯამში, ვიტყოდი, რომ ვითარება არც ისე მძიმეა, როგორც ხანდახან ჩანს ხოლმე. ხშირად არის ხოლმე სპეკულაციური განცხადებები, თუმცა ვიზიარებ იმ მოსაზრებას, რომ მიგრაციული პროცესების მართვა არის აუცილებელი. წინააღმდეგ შემთხვევაში შეიძლება, გაგექცეს ეს პროცესები და ამ შემთხვევაში მივიღებთ დემოგრაფიულ პრობლემებს“, –  განაცხადა ირაკლი კობახიძემ.