ამირან გამყრელიძე: დღეს ქვეყანაში 10 კლასტერია ჩამოყალიბებული და ყველა მათგანი ქორწილებიდან და ქელეხებიდან იღებს სათავეს

მე არავის ვებრძვი, ზურგში დანა თქვენ ჩამარტყით, ახლა კი მე იძულებული ვარ, დავიცვა ჩემი თავი და ჩემი ოჯახი ამ უსამართლობისა და სისასტიკისგან, – ამის შესახებ საქართველოს ყოფილი პრემიერ-მინისტრი ირაკლი ღარიბაშვილი სოციალურ ქსელში წერს.მისი თქმით, ხელისუფლების პანიკურმა რეაქციამ და აბსოლუტურად არაადეკვატურმა ქცევამ სისტემის სრული ლუსტრაცია მოახდინა.„საზოგადოებამ იხილა ხელისუფლების მორიგი სასაცილო და, ამავდროულად, სრულიად ამაზრზენი და ტრაგიკული მასკარადი. ნაცვლად იმისა, რომ ხელისუფლებას დროული და გამჭვირვალე განმარტებები გაეკეთებინა კონკრეტულ ფაქტებსა და დასმულ კითხვებთან დაკავშირებით, ვიხილეთ არასერიოზული გამოკითხვების სერია, რომლის ერთ-ერთი მთავარი მიზანი იყო ჩემი დაკავშირება „ნაციონალურ მოძრაობასთან“ და პროცესის იმგვარად წარმოჩენა, თითქოს ეს ყველაფერი წინასწარ დაგეგმილი და რადიკალურ ოპოზიციასთან კოორდინირებული მუშაობის შედეგი იყო. ასევე, ამ დღეებში გავარკვიე, რომ თურმე „დიფ-სტეიტის“ აგენტი ვყოფილვარ და, ამავდროულად, საფრანგეთის აგენტი. „გამიმართლა“, რომ სხვა უცხო ენები არ ვიცი, თორემ, ალბათ, სხვა ქვეყნების „აგენტადაც“ გამომაცხადებდნენ. ამ სასაცილო და უსუსურ პროპაგანდისტულ მეთოდზე ხელისუფლებას მინდა შემდეგი პასუხი გავცე: ტყუილად ნუ წვალობთ. როგორც წყალი და ზეთი არ შეერევა ერთმანეთს, ისევე შეუძლებელია ჩემი და „ნაციონალური მოძრაობის“ ერთმანეთთან დაკავშირება. საზოგადოებას შევახსენებ, რომ, როგორც გავიგე, თითქმის ხუთი თვეა მიმდინარეობს გამოძიება ლაზარე ჯორბენაძის თვითმკვლელობამდე მიყვანის საქმეზე, თუმცა ის ადამიანები და ჟურნალისტები, რომლებიც მთელი ამ დროის განმავლობაში საჯაროდ სვამდნენ კითხვებს, დღემდე არ დაუკითხავთ. სამაგიეროდ, ჩემი წერილის გამოქვეყნებისთანავე დაუყოვნებლივ დაიწყეს ყველა იმ ადამიანის დაკითხვა, ვინც საჯაროდ გამოეხმაურა ჩემს წერილს. თავი დაანებეთ ჩემ წინააღმდეგ ამ ბინძურ პოლიტიკურ თამაშებს. ხალხმა იცის, ვინ არის ირაკლი ღარიბაშვილი, და ჩვენი საზოგადოება ჩემს სიტყვასა და თქვენს სიტყვას ძალიან კარგად განასხვავებს. ხალხმა ისიც კარგად იცის, რომ მე არც დასავლეთს, არც აღმოსავლეთს, არც ჩრდილოეთს და არც სამხრეთს არ ვემსახურები. მე საქართველოს ვემსახურები! ბოლო დღეებში ბევრი სახედაკარგული ადამიანის უღირსი, ყალბი და ფარისევლური განცხადება და კომენტარი მოვისმინე. შესაძლოა, მათ აქვთ მოლოდინი, რომ პასუხს გავცემ, მაგრამ მინდა ვუთხრა მათ, რომ ისინი ჩემგან პასუხის ღირსნიც კი არ არიან. მხოლოდ შალვა პაპუაშვილს მინდა ვუპასუხო: შალვა, ეს არ არის სამართლებრივი პროცესი – ეს არის დაუნდობელი პოლიტიკური დევნა! აქვე, კიდევ ერთხელ შეგახსენებთ ყველას: მე არავის ვებრძვი – ზურგში დანა თქვენ ჩამარტყით, ახლა კი მე იძულებული ვარ დავიცვა ჩემი თავი და ჩემი ოჯახი ამ უსამართლობისა და სისასტიკისგან“, – წერს ღარიბაშვილი. 

სიმართლე, რაც ოპოზიციის თაობაზე ვიცოდით, ვის ჰქონდა გავლენები და ვინ იყო არაფორმალური მმართველი, ეს ყველაფერი ახლა სააშკარაოზე გამოაქვთ. გვასაღებდნენ, რომ პროევროპულ, დემოკრატიულ საწყისებზე აგებული ძალა იყო, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.სამხარაძის თქმით, კარგი პროცესი მიმდინარეობს, რადგან საზოგადოებაში თუ ვინმე იყო დარჩენილი, ვინც არ იცოდა, ოპოზიციაში რა ხდებოდა, ყველას ეცოდინება, რა საფუძვლებსა და ღირებულებებზე დგას „ნაციონალური მოძრაობა“.„მათ პროდასავლურ ძალებად მოხსენიებას მოვერიდებოდი, რადგან პარტიები, რომლებიც პარლამენტში შესვლაზე უარს ამბობენ, არჩევნებს არ აღიარებენ და ადამიანის უფლებების დარღვევის თვალსაზრისით პრობლემები აქვთ, არ მგონია, ვინმემ პროდასავლურად შერაცხოს“, – აღნიშნა ნიკოლოზ სამხარაძემ.

,,სამწუხაროდ, ნელ-ნელა „ფორმულას“, „ტვ პირველს“ და მსგავს ტელევიზიებს ემსგავსებით… შეიძლება, ადამიანი აღარ მოგწონდეთ და აღარ „ადიდებდეთ“, მაგრამ იქამდე არ უნდა დაეშვათ, რომ მსგავსი სიბინძურე გაავრცელოთ. ასე თუ გააგრძელებთ, სააკაშვილის პერიოდის “იმედს” აუცილებლად აჯობებთ სიცრიუს გავრცელებაში…P.S. აბა, გაიხსენეთ : სულ რამდენიმე წლის წინ, თქვენივე ეთერებიდან, ვის დამსახურებად მიიჩნევდით, თქვენი საყვარელი “ბუა” სააკაშვილის დაპატიმრებას და საქართველოში სამოქალაქო ომის აცილებას?!- წერს  ალექსანდრე თამაზაშვილი

მსოფლიომ კიდევ ერთი ლეგენდარული მსახიობი დაკარგა - ტიმ კარი 2026 წლის 25 აგვისტოს, ლოს-ანჯელესში, საკუთარ სახლში გარდაიცვალა.მისი გარდაცვალების შესახებ ინფორმაცია თავდაპირველად წარმომადგენელმა დაადასტურა, მოგვიანებით კი ადგილობრივმა სამართალდამცავებმა განაცხადეს, რომ სახლში 80 წლის მამაკაცის გარდაცვალების ფაქტზე გამოძახება მიიღეს.რა გახდა მისი გარდაცვალების მიზეზი?გარდაცვალებიდან დაახლოებით ერთი კვირის შემდეგ ტიმ კარის გარდაცვალების ოფიციალური მიზეზი გახდა ცნობილი. მსახიობის გარდაცვალების ძირითადი მიზეზი კორონარული არტერიის დაავადება იყო.დოკუმენტში ასევე მითითებულია ჯანმრთელობის სხვა პრობლემები, მათ შორის წარსულში გადატანილი ინსულტი და თირკმლის კიბო. არსებული ინფორმაციით, ამ მდგომარეობებისთვის მას ბოლო პერიოდში ქირურგიული ჩარევა არ ჩატარებია.2012 წელს მსახიობმა მძიმე ინსულტი გადაიტანა, რის შემდეგაც სიარულის უნარი დაკარგა და ხანგრძლივი რეაბილიტაცია დასჭირდა. ამის შემდეგ ის საზოგადოებაში ბევრად უფრო იშვიათად ჩნდებოდა.2025 წელს, „The Rocky Horror Picture Show“-ის 50 წლის იუბილესთან დაკავშირებულ ღონისძიებებზე საუბრისას, კარი თავადაც ამბობდა, რომ ინსულტის შემდეგ კვლავ ვერ დადიოდა. მიუხედავად ჯანმრთელობის მძიმე მდგომარეობისა, ის მუშაობას და საყვარელ პროექტებთან კავშირს მაინც აგრძელებდა.ტიმ კარის ბოლო პერიოდის შესახებ კიდევ ერთი საინტერესო დეტალი გახდა ცნობილი - მას გარდაცვალებამდე ცოტა ხნით ადრე სოციალურ ქსელში პოსტიც ჰქონდა გამოქვეყნებული.მისი ბოლო Instagram პოსტი გარდაცვალებამდე დაახლოებით 12 დღით ადრე გამოჩნდა, რაც კიდევ უფრო მოულოდნელს ხდის მისი გარდაცვალების ამბავს თაყვანისმცემლებისთვის.მისი ცხოვრების ბოლო წლები ჯანმრთელობის მძიმე პრობლემებთან ბრძოლას უკავშირდებოდა, თუმცა კარიერის დასასრულამდე მსახიობი ცდილობდა მუშაობას და თაყვანისმცემლებთან კავშირის შენარჩუნებას.

გერმანიის კანცლერის, ფრიდრიხ მერცის განცხადებით, საქსონია-ანჰალტში ჩატარებულ საპარლამენტო არჩევნებში პარტიის - „ალტერნატივა გერმანიისთვის“ (AfD) გამარჯვებამ მისი პარტია, „ქრისტიან-დემოკრატიული კავშირი“ საფუძვლიანად შეარყია და აჩვენა, რომ პარტიაში სერიოზული გადაფასების საჭიროება დადგა, - ინფორმაციას The Guardian-ი გერმანულ მედიაზე დაყრდნობით ავრცელებს.„ეს ჩვენს პარტიას საფუძვლებამდე არყევს. ჩვენ უბრალოდ ძველებურად ვეღარ გავაგრძელებთ - ვერც მე და ვერც ფედერალური მთავრობა“, - განაცხადა მერცმა.მედიის ინფორმაციით, მერცმა დღეს პარტიაში კრიზისული შეხვედრა მოიწვია, რათა განეხილათ, როგორ უპასუხონ საქსონია-ანჰალტში გამართული საპარლამენტო არჩევნების შედეგებს.შეგახსენებთ, წინასწარი შედეგების თანახმად, საქსონია-ანჰალტში გუშინ ჩატარებულ რეგიონულ საპარლამენტო არჩევნებში ულტრამემარჯვენე პარტიამ -„ალტერნატივა გერმანიისთვის“ (AfD) - ხმების 43.8%-ით გაიმარჯვა. ქრისტიან-დემოკრატიულმა კავშირმა (CDU), რომლის წევრიც საქსონია-ანჰალტის მხარის ამჟამინდელი პრემიერ-მინისტრი სვენ შულცეა, ხმების 17.2% მიიღო, მემარცხენე პარტიამ - 8.6%, ალიანსი 90/მწვანეებმა - 8.9% და გერმანიის სოციალ-დემოკრატიულმა პარტიამ (SPD) - 9.3%. პარლამენტში ასევე მოხვდა სარა ვაგენკნეხტის კავშირი, ხმების 5.3%-ით. თავისუფალმა დემოკრატიულმა პარტიამ (FDP) და სხვა პარტიებმა კი 5%-იანი ბარიერი ვერ გადალახეს. არჩევნებში აქტივობამ 77.8% შეადგინა.Deutsche Welle წერს, რომ ამ შედეგების მიხედვით, საქსონია-ანჰალტის პარლამენტში 83 ადგილი შემდეგნაირად გადანაწილდება: „ალტერნატივა გერმანიისთვის“ 39 მანდატს მიიღებს, „ქრისტიან-დემოკრატიული კავშირი“ - 15-ს, „მემარცხენე პარტია“, „ალიანსი 90/მწვანეები“ და „გერმანიის სოციალ-დემოკრატიული პარტია“ (SDG) - რვა-რვა ადგილს, „სარა ვაგენკნეხტის კავშირი“ კი - 5-ს.საქსონია-ანჰალტის მხარის პრემიერ-მინისტრის თანამდებობაზე პარტიის მიერ წარდგენილი კანდიდატი 35 წლის ულრიხ ზიგმუნდია.